
رواية بين النفوذ والقلب الفصل التاسع عشر 19 بقلم نسرين نادر
أضواء القصر ومفاجآت القدر
صلي علي النبي 💕
كان قصر عائلة الحديدي يضج بصخب أنيق، فاليوم هو عيد ميلاد "جيجي" الحديدي، أخت "آسر" الصغرى المدللة. كان "شريف" و"سناء" الحديدي، والدا آسر، يشرفان على استقبال الضيوف ومتابعة تنظيم الحفل الفخم بابتسامة وترحاب، والجميع يرتدون أبهى حلتهم.
في ركن هادئ بعيداً عن صخب الضيوف، كان "عمر" يقف بجوار جيجي التي كانت تبدو كأميرة في فستانها الأنيق. نظر إليها عمر بإعجاب دافئ وقال بابتسامة:
"كل سنة وأنتِ طيبة يا جيجي.. بجد طالعة زي القمر النهارده."
نظرت إليه جيجي بخجل وقالت: "وأنت طيب يا عمر، ميرسي جداً.. إيه رأيك في الحفلة؟"
اقترب منها خطوة وقال بنبرة دافئة فيها تلميح واضح: "الحفلة تجنن، بس أتمنى إن عيد ميلادك الجاي نكون أنا وأنتِ اللي بنعمله سوا في بيتنا."
اتسعت عيناها بخجل وفرحة، وتبادلت معه نظرات مليئة بالحب، ثم قالت وهي تمازحه برقة: "وده بصفتك إيه بقى إن شاء الله؟"
ابتسم عمر بثقة ومرح: "بصفتي.. زوجك المستقبلي إن شاء الله، فيها شك دي؟"
توقفت أنفاسها من الفرحة، وقالت بصوت خافت: "زوجي المستقبلي.. كده مرة واحدة؟ ما لاقش بيا ولا إيه؟"
نظرت إليه نظرة حب صادقة وقالت: "لا طبعاً.. تليق، وتليق قوي كمان."✏️📖بقلمي نسرين نادر
وفي تلك اللحظة، هدأ الصخب قليلاً عند المدخل الرئيسي مع دلوف "هنا" وبجوارها "نسمة". كانت هنا تبدو كأميرة محجبة خطفت الأنفاس؛ فستانها الروز بودر الراقص والمنسدل بنعومة مع حجابها المتناسق كشف عن بياض بشرتها الناصع كالحليب، وأبرز جمال تقسيمة وجهها الرقيقة الشبيهة بملامح الأميرات، وشفتيها الصغيرة المكتنزة الملونة بروج وردي هادئ، مما جعلها تلفت الأنظار وتخطف القلوب برقتها وعفتها فور دخولها.
أما نسمة، فكانت تمشي بجوارها وتلتفت يميناً ويساراً بمنتهى الذهول والانبهار، وقالت بعفوية وخفة دم وهي تهمس لهنا: "يخرب بيت الفخامة يا هنوش! ده مش قصر ده جنة عدن! شوفي السجاد والنجف، ده أنا خايفة أمشي على الأرض أحسن أوسخها، والناس هنا لابسة ألماظات بتنور في الضلمة!"
لمحتها جيجي من بعيد، فتركت عمر وذهبت نحوها بابتسامة عريضة، واستقبلتها بحفاوة بالغة وعناق حار قائلة بسعادة:
"أهلاً أهلاً يا هنا! يا حبيبتي نورتي الحفلة والقصر كله.. إيه الشياكة والجمال ده؟ بجد خطفتي قلبي!"
ابتسمت هنا برقة وخجل: "كل سنة وأنتِ طيبة وبخير يا جيجي، ده ذوقك.. وميرسي جداً على الدعوة الجميلة دي."
في هذه اللحظة، كانت "آيتن" واقفة من بعيد، وما إن وقعت عيناها على هنا ورأت جمالها الساحر ورقتها بالحجاب والفستان الذي لفت أنظار الحاضرين، حتى اشتعلت الغيرة والحقد في قلبها. تحركت بخطوات متعالية نحوهم، ونظرت لهنا من أعلى لأسفل بقرف، ثم التفتت لجيجي وقالت بنبرة متهكمة ممتعضة:
"إيه ده يا جيجي؟ هو أنتِ عزمتي هنا برضه؟! أنا كنت فاكرة إن عيد ميلادك ده هيكون للناس الكبار.. رجال الأعمال وسيدات المجتمع والناس الهاي كلاس، مش الموظفين اللي شغالين في الشركة!"
تصلبت ملامح هنا وشعرت بوخزة حزن وإحراج، لكن جيجي نظرت لآيتن بحدة وقالت بقصف جبهة عنيف صدمها:
"وهنا مالها يا آيتن؟ هنا مهندسة كبيرة جداً في شركتنا، ولولا ذكائها وشغلها في الصفقة الألمانية الكبيرة اللي دخلناها، ما كانتش الصفقة دي هتنجح! وبعدين على الأقل هنا جت وهي معزومة رسمي وأنا اللي مُصرة على وجودها.. مش جت ومحدش قال لها وبترمي نفسها علينا وخلاص!"
شحب وجه آيتن من الإهانة القاسية أمام الحاضرين، ولم تجد ما تقوله وسحبت نفسها بغيظ وهي تكاد تنفجر من الغل. بعد دقائق، انشغلت جيجي مع بعض صديقاتها، ووقفت هنا ونسمة تتأملان المكان.
في هذه اللحظة، تقدم نحو هنا برقة شاب وسيم يرتدي حُلة أنيقة يُدعى "عصام"، وهو ابن أحد كبار رجال الأعمال المتواجدين في الحفل. وقع نظره على هنا، وانبهر بشدة برقتها وحجابها الروز الفاتن، واقترب منها وعن ثغره ابتسامة هادئة، وقال بنبرة تودد وإعجاب واضح:
"مساء الخير يا آنسة.. الحقيقة أنا أول مرة أشوف الجمال والرقة دي في حفلات ومناسبات عائلة الحديدي، حضرتك تقربي لجيجي؟ أو أول مرة تنورينا هنا؟"
توترت هنا قليلاً من مفاجأة السؤال، وقبل أن تفتح فمها لترد أو تنطق بحرف واحد، شعرت بظل ضخم يلوح خلفها، ولفحت ظهرها أنفاس دافئة وغاضبة تعرفها جيداً. لم يكن سوى آسر، الذي ترك عادل الراوي ورجال الأعمال كالإعصار ووقف فجأة خلف هنا تماماً كأنه درع يحميها، ونظر إلى عصام بعينين مشتعلتين وعروق بارزة في رقبته، وقال بنبرة صوت حادة كالشفرة هزت أرجاء المكان:
"إزيك يا عصام.. في حاجة هنا ولا إيه؟!"
تراجع عصام خطوة للخلف من مفاجأة ظهور آسر ونبرته العدائية، وبلع ريقه قائلاً باعتذار: "لا أبدًا يا آسر.. أنا بس كنت بتكلم مع الآنسة، أول مرة أشوفها هنا في مناسبة تخصكم، وما شاء الله باين عليها محترمة جداً وغير كده إنها بتلفت الأنظار بجمالها ورقتها."✏️📖بقلمي نسرين نادر
التفتت هنا ونظرت إلى آسر، وكانت دقات قلبها تقرع كالطبول من شدة التوتر والخوف من رد فعله العصبي وجنونه. نظر آسر إلى عصام وعيناه لم تنزل من على وجهه، ثم رمق هنا بنظرة تملك جارفة وقال لعصام بنبرة متهكمة قاطعة:
"البشمهندسة هنا تبقى مهندسة في شركتي.. ومديرة مكتبي كمان."
نظرت إليه هنا بوجع خفيف وتوقعت أنه سيقدمها فقط كموظفة لديه لتصغير حجمها أمام الضيوف، لكنها تفاجأت بآسر يتقدم خطوة ويضع يده بثقة وتملك خلف ظهرها دون أن يلمسها، وتابع بصوت منخفض قائلًا:
"واعمل حسابك.. أنت وكل اللي في القاعة هتشوفوها من هنا ورايح كتير جداً.. لأن البشمهندسة هنا هتبقى (حرم آسر الحديدي)!"
نزلت الكلمات كالصاعقة على رأس هنا! اتسعت عيناها بذهول تام وشعرت أن الأرض تدور بها، ونظرت إليه وهي لا تصدق ما تسمعه أذناها! هل قال للتو "حرم آسر الحديدي"؟! وأين خطوبته من آيتن بعد يومين؟!
أما عصام، فقد تملكه الذهول التام ونظر لآسر بصدمة وقال بتلعثم: "حـ.. حرم آسر الحديدي؟! بس اللي أعرفه إن آيتن وباباها.."
قاطعه آسر بنبرة حاسمة ونظرة مرعبة: "أيوا.. حرم آسر الحديدي، هي فيها مشكلة ولا إيه يا عصام؟!"
هز عصام رأسه بسرعة وقال بتوتر: "لا أبدًا.. مفيش مشكلة خالص، ألف مبروك.. بعد إذنكم." وانسحب عصام بسرعة وأخذ وجهه في يده ومشى وعلامات الصدمة والتعجب واضحة عليه تماماً.
وعلى الجانب الآخر من القاعة، كانت آيتن واقفة مع والدها عادل الراوي يراقبان الموقف من بعيد بغيظ شديد، دون أن يتمكنا من سماع الكلمات التي دارت بين الثلاثة بسبب مسافة البُعد وصوت الموسيقى. لوت آيتن فمها بمرارة وضيق، وقالت لوالدها بنبرة مشتعلة بالغل: "شوف يا بابا! شوف آسر سابنا وإحنا بنتكلم في نص الكلام ورايح يقف معاها إزاي؟! وبعدين هو قال إيه لعصام علشان عصام ياخد بعضه ويمشي كده ووشه متجمد من الصدمة؟ أنا هطق يا بابا من البنت دي ومن تصرفات آسر!"
نظر إليها عادل الراوي ببرود وهدوء رجل الأعمال الخبيث، وقال لها بنبرة واثقة: "مش عارف هو قال له إيه عموماً.. لكن أنتِ مضايقة ليه وشاغلة بالك؟ هي خلاص.. بعد بكرة خطوبتك عليه، أنسيها خالص وركزي في خطوبتك وبس."
أما عند آسر وهنا، فالتفتت هنا نحو آسر وعيناها متسعتان بصدمة عارمة، ونبضات قلبها تكاد تتوقف من هول ما سمعت. نظرت إليه بتوتر وقالت بنبرة مرتجفة هامسة:
"إيه.. إيه اللي أنت قلته ده يا فندم؟! إزاي تقول له كده.. إزاي تقول له إن أنا هكون مراتك، وأنت خطوبتك على آيتن بعد بكرة؟! أنت واعي للي بتقوله؟!"
نظر آسر في عمق عينيها العسلية، وتحولت ملامحه الغاضبة إلى هدوء دافئ وصادق، وقال بنبرة رخيمة تذيب الصخر:
"وأنتِ مستغربة ليه يا هنا؟ أنتِ فعلاً اللي هتكوني حرم آسر الحديدي في كل الحالات.. أنا مش قولت لكِ جوه في المكتب إن الحفلة دي هي بداية النهاية بتاعتهم؟ خلاص، النهاية قربت واللعبة بتنتهي، فما تشغليش بالك بأي حاجة واهدئي."
حاولت هنا التقاط أنفاسها وهي تلتفت حولها بتوتر، وقالت: "أهدى إزاي بس؟! طنط سناء وعمو شريف هناك، وآيتن وباباها عادل الراوي واقفين يبصوا لنا وعيونهم بتطلع نار، والحفلة كلها حرفياً عيونها علينا وبتراقبنا! أنا متوترة جداً وخايفة.. خايفة من كل اللي بيحصل ده، وفي حاجات كتير قوي جاية ورا بعضها ومش قادرة أستوعبها يا فندم!"
عقد آسر حاجبيه بضيق مصطنع من كلمتها الأخيرة، واقترب منها خطوة إضافية ليرغمها على النظر إليه وحده، وقال بنبرة آمرة لكنها تقطر حناناً وتملكاً:
"وبعدين.. إيه (يا فندم) دي اللي كل شوية تقوليها؟! أنا لسه قايل للراجل إنك هتبقي حرم آسر الحديدي، وأنتِ لسه بتقولي لي يا فندم؟! من هنا ورايح.. اسمي آسر، آسر وبس.. سامعة؟"
احمرت وجنتا هنا خجلاً وتلعثمت الكلمات في فمها، ونظرت إلى الأرض هرباً من نظراته المشتعلة. في هذه الأثناء، كانت نسمة تبحث بعينيها في أرجاء القاعة بقلق؛ فقد تركت خطيبها واقفاً بمفرده لتبحث عن هنا. وفجأة، لمحت آسر وهو يقف مع هنا ويتحدثان بتلك الطريقة الدافئة وعيون الحفلة كلها مسلطة عليهما.
تنحنحت نسمة واقتربت منهما بخطوات سريعة، وقالت بخفة دمها المعتادة وغمزة من عينها لتهدئة الأجواء:
"أحم.. مساء الخير يا جماعة! جرى إيه يا مستر آسر، هو أنا كل ما أسيب البت دي ثانية أرجع ألاقي الوحش الكاسر مقتحم المكان؟ ده أنا قولت هتروح مني في وسط رجال الأعمال والهاي كلاس!"
ابتسم آسر خفية من طريقة نسمة العفوية، بينما تنفست هنا الصعداء وعدلت حجابها بتوتر قائلة بسرعة: "نسمة! كويس إنك جيتي.. يلا بينا نستأذن ونمشي عشان الوقت تأخر والكل بدأ يتفرج علينا."✏️📖بقلمي نسرين نادر
التفتت هنا لآسر وقالت برسمية حاولت جاهدة الحفاظ عليها: "عن إذنك يا فندم.. إحنا هنمشي دلوقتي."
لكن آسر نظر إليها بنظرة حاسمة قاطعة وقال بصوت منخفض: "مفيش مشي لوحدكم في وقت زي ده.. أنا اللي هأوصلكم بنفسي."
اعتصمت هنا بعنادها وقالت برفض سريع: "لا طبعاً يا فندم! شكراً جداً لحضرتك، إحنا هناخد تاكسي أو خطيب نسمة يوصلنا، ماينفعش تسيب حفلة عيد ميلاد أختك والضيوف!"
عقد آسر حاجبيه بصرامة وتملك جارف وقال بنبرة لا تقبل النقاش: "أنا قولت أنا اللي هأوصلكم.. خطيب نسمة يتفضل يروح، وأنتِ ونسمة معايا في عربيتي.. يلا قدامي."
كل هذا الحوار كان يدور تحت عيون "آيتن" التي كانت تقف من بعيد وتكاد تنفجر من الغيظ والغل، وهي ترى آسر يصر على مغادرة حفلته الخاصة من أجل هذه الموظفة، بينما على الجانب الآخر، كان "عمر" و"جيجي" يقفان معاً والابتسامة تملأ وجهيهما بفرحة عارمة.
التفت عمر لجيجي ونظر لآسر وهو يخرج خلف هنا ونسمة بحماية وتملك، وقال بنبرة دافئة ممتنة:
"أنا مش مصدق إن ده آسر يا جيجي.. بجد فرحان له من كل قلبي! أخيرًا آسر بيحب، وأخيراً شايفه ماشي ورا قلبه ومش ضاغط على نفسه ولا مستسلم لحسابات البيزنس والظروف اللي حواليه."
أومأت جيجي برأسها بسعادة غامرة وقالت وهي تنظر لأخيها بفخر: "وأنا كمان مبسوطة له جداً يا عمر.. هنا بجد تستاهل وهو يستاهل يفرح.. مش ناقص بس غير إنه يتخلص من آيتن وعيلتها دي عشان يرتاح، واللعبة بتاعتهم دي تنتهي على خير!"
خرج الثلاثة من القصر، وتوجه آسر نحو سيارته الفارهة وفتح الباب الأمامي لهنا بابتسامة هادئة وراحة بدت واضحة على ملامحه، فركبت وهي تشعر بدقات قلبها المتسارعة، بينما صعدت نسمة في المقعد الخلفي. تحركت السيارة بسلاسة وخرجت من بوابات القصر متجهة نحو الطريق المؤدي لمنزل هنا.
كان آسر يقود وهو يشعر براحة وسعادة داخلية؛ فأخيراً هو معها بمفردهما بعيداً عن صخب الضيوف وعيون عائلة الراوي. كان الصمت هادئاً ولطيفاً في البداية، وعيناه تلمحان طيفها الرقيق بجواره من وقت لآخر.
نسمة كانت قاعدة ورا وعينيها رايحة جاية بينهم، ولم تستطع منع نفسها من مشاكسة الأجواء وتجربة نكش غيرة آسر لترى رد فعله، فمالت بظهرها للأمام وقالت بعفوية مصطنعة:
"إلا قولي لي يا هنوش.. هو مين الشاب اللي كان حلو وتحسيه لطيف وظريف قوي ده يا هنا، اللي كان واقف معاكي وبيتكلم بعد ما أنا سيبتك ورحت لأحمد؟"
تصلب جسد هنا تماماً، والتفتت لنسمة وعيناها متسعتان بتوتر شديد، ولمحت من طرف عينها ملامح آسر المسترخية وقد تغيرت تماماً وعروق يده برزت فجأة وهو يضغط على الدريكسيون بقوة، فقالت متلعثمة: "أبـ.. أبدًا يا نسمة، ده كان واحد عادي يعني.. كان جاي يتعرف عادي."
وفي تلك اللحظة، ضغط آسر على المكابح (الفرامل) فجأة وبقوة جعلت السيارة تهتز، مما أربك هنا التي وضعت عينيها في الأرض بسرعة وهي تفرك يديها بخجل وتوتر.
نسمة لاحظت الحركة، وابتسمت بخبث شديد بعدما تأكدت أن نار الغيرة اشتعلت في ثانية في قلب آسر، فتابعت كلامها بمنتهى البرود وخفة الدم وهي تنظر من النافذة:
"بس تصدقي يا بنتي يا هنا؟ الواد كان شكله جنتل مان كده وحلو أوي.. يلا بقى، هعمل إيه؟ أنا مخطوبة ومقيداني الدبلة، وإلا كان زماني فكرت!"
كتمت هنا أنفاسها وهي تتمنى أن تنشق الأرض وتبلع نسمة في هذه اللحظة، بينما آسر أخذ نفساً عميقاً حاداً وضغط على الدريكسيون ليتماسك من شدة الغيظ، ونظر لهنا بنظرة تملك مرعبة من المراية كأنه يعلن لها أن أحداً لن يجرؤ على الاقتراب منها.
أدار آسر السيارة وتحرك مجدداً، وطوال الطريق ظل الصمت مشحوناً بغيرة آسر المكتومة. وعندما وصلت السيارة أخيراً تحت منزل هنا، نزلت نسمة بسرعة من السيارة وقالت وهي تفر بجلدها: "أنا هطلع بسرعة أفتح الباب وأسبقكم يا هنا.. نورتنا يا مستر آسر!" وصعدت الدرج مسرعة لتترك لهما مساحة.
همت هنا بفتح الباب لتنزلق خارج السيارة، لكن قبضة يد آسر الدافئة والقوية امتدت لتمسك يدها وتمنعها. التفتت إليه بتوتر، فوجدته ينظر إليها بنظرة حنينة هادئة ومارقة، وقال بصوت دافئ اخترق قلبها:
"تصبحي على خير.. يا حرم آسر الحديدي."
اتسعت عيناها بخجل جارف وتلعثمت الكلمات في فمها، ونظرت إليه وابتسامة رقيقة ترتسم على شفتيها هرباً من عينيه، وقالت بصوت خافت جداً: "أحمد من أهله.. يا آسر."
ونزلت بسرعة وصعدت درجات السلم المؤدي لمنزلها وهي تشعر أن الأرض لم تعد تسعها من السعادة، وقلبها يدق بعنف إثر كلمته الأخيرة، بينما وقف آسر يراقب طيفها حتى اختفت وابتسامة رضا واثقة تزين وجهه، ثم انطلق بسيارته وهو يشعر أنه ملك العالم.✏️📖بقلمي نسرين نادر
وما إن وصلت هنا إلى باب الشقة، حتى وجدت نسمة تقف في مواجهتها مباشرة وعيناها تلمعان بفضول وقلق غريب. نظرت إليها هنا باستغراب وقالت: "في إيه يا بنتي واقفه كده ليه؟"
سألتها نسمة بهمس سريع: "هو مستر آسر مشي خلاص؟"
هزت هنا رأسها: "آه مشي.. ليه في إيه؟ نشفتي دمي!"
أمسكت نسمة بذكاء يد هنا وسحبتها للداخل قائلة بنبرة غامضة: "مفيش.. بس في مفاجأة مستنياكي جوه، تعالي بسرعة وشوفي بنفسك!"
دلفت هنا خلفها بخطوات بطيئة وهي مستغربة ومتوجسة، وما إن خطت داخل غرفة المعيشة حتى تسمّرت مكانها وشلت الصدمة أطرافها!
كان "سامي" يجلس بأريحية تامة يتحدث ويضحك مع والدها ووالدتها "أمينة" وأخيها "زياد"!
اتسعت عينا هنا بذهول تام وقالت بنبرة حائرة ومصدومة: "سامي؟!"
التفت إليها سامي ونهض من مقعده وعلى وجهه ابتسامة واسعة قائلًا: "أهلاً يا هنا.. حمد الله على السلامة، أنا قاعد هنا من بدري قوي ومستنيكي لما توصلي."
تدخل والدها برضا وبشاشة قائلًا: "تعالي يا بنتي.. شوفتي المفاجأة؟ لقيناه دخل مع زياد النهارده، قابله بالصدفة في النادي وعزم عليه وجابه وجا هنا علطول."
وتابعت والدتها أمينة الفرحة وهي تشبك يديها: "شوفتي يا هنا؟ والله وشك كله خير وبركة يا حبيبتي، نورتنا يا سامي يا ابني."
حاولت هنا استيعاب الموقف والسيطرة على ملامح وجهها المخطوفة، ونظرت لسامي قائلة بتلعثم حاولت إخفاءه: "أهلاً.. أهلاً بيك طبعاً يا سامي، منورنا.. أنا بس سامحني لو كنت استغربت واتصدمت كده، عشان.. عشان كنا لسه بنتكلم الصبح إنك عايز تيجي تزورنا، ومكنتش متوقعة إنها هتبقى النهاردة بالسرعة دي!"
تبادلت نسمة مع هنا نظرة ذات مغزى خلف ظهر الجميع، بينما كان سامي ينظر لهنا بنظرات غامضة تحمل وراءها الكثير!💣
✏️📖بقلمي نسرين نادر
**توقعاتكم النارية اي رأيكم ف الفصل و كلام اسر الحلو داا عايزه احلا كومنتات منكم بقي ي سكاكر💕و اي رأيكم ف الشخصيات 💕🔥
1. سامي جاي وناوي على إيه بالظبط؟ وهل زيارته دي فيها حاجة هتقلب الأحداث وتخرب على هنا؟
2. هنا هتتصرف إزاي وهي لسه سامعة كلمة "حرم آسر الحديدي" وفجأة تلاقي سامي في وشها جوه بيتها؟
3. رد فعل آسر إيه لو عرف إن سامي كان في بيت هنا بعد ما وصلها مباشرة؟
مستنية كل تعليقاتكم وتوقعاتكم المشتعلة يا فنانين!💕..