
توقعت أحسان ان يقتلها بعد كلمته المقتضبه
لكن الرصاصه لم تخرج من فوهة المسدس وهى لم تصرخ
كان نوح فى يد احد رجاله الاثنين الآخرين يكافح وعيون أحسان ترمقه بصمت
كانت تعلم أن أحلامها ستتطحم رغم اختلاف الطرق
اوامرك يا معلم
صرخ واحد من الرجال من الصاله
استدار الشخص الملثم ،سلموه للهانم
وانت يا معلم هتعمل ايه؟
أظهر الرجل المسلح عيونه ورمق رجله بنظره صارمه دفعته للتحرك نحو الباب.
كانت احسان نايمه فى مكانها متحركتش، مجموعه من الأفكار الخبيثه تدور فى عقلها اولها الاغتصاب
ربما يكون لمظهرها الدميم فائده قبل موتها ،ان ينفر منها
لكنه جلس وازاح الوشاح عن وجهه
انتى ليه مصرختيش؟، همس بنبره مهتمه، انتى على وشك الموت؟
همست أحسان لم تمكنت من النطق، الصراخ مفيش منه فايده
جربته كتير لحد ما وصلت للنتيجه
همس الرجل بتعجبنى الناس إلى بتتقبل مصيرها فى صمت
اذا كنت كده كده ميت ليه تهين نفسك ؟
لكن للاسف الأوامر إلى عندى أكبر من القتل ثم اتكاء على المقعد، وأن كانت الهانم منحتنى حرية الاختيار اصفيكى بمزاجى.
قبضت كام ؟
انا مستعده ادفع اكتر الضعف، بل أضعاف، هديك كل الفلوس إلى معايا.
تنهد الرجل بضيق، إلى بتقوليه غلط يا مزامزين، مش معنى انى مجرم يبقى معنديش شرف
انا اديت كلمه وفلوسك مش هتزغلل عنيه
غريبه همست أحسان برعب، رغم ان الى بتعمله اصلا عشان الفلوس ؟
بكسب عيشى رد الرجل بلا اهتمام، الواحد مننا لازم يكفى نفسه
هتقتلنى سألته احسان فى يأس ؟
طالما الفلوس مش مهمه عندك يبقى شهوة القتل بتجرى فى دمك!!؟
شهوة القتل ؟ابتسم الرجل، والله كلامك معقول، من زمان مدبحتش شخص مثقف
كلهم بيصرخو ويندبو قبل ما اقضى عليهم
اعتقد مش من حقى اقلك الحقيقه لأنها من أسرار المهنه
كمان انا حابب تقابلى مصيرك من غير ازعاج
قومى من فضلك ،نهضت احسان فى طاعه
معلهش مضطر اكتفك ،الواحد مش لازم ينسى أصول الشغلانه لان القلب دا خطير جدا
قالت احسان بنبره مستجديه طيب اسمع حكايتى وبعد كده اعمل إلى انت عايزه انا مظلومه
رد الراجل وانا مش قاضى ومش شغلانتى أحقق معاكى
القاضى بيحكم بالاوراق وانا بحكم بالعموله
دفعها أمامه برفق وفى فمه سيجاره ،وبص لساعته
ثم اخرج تليفونه
اتصل برقم، انت جاهز ؟
ولما الرد وصله من الناحيه التانيه
قال وانا جاهز مسافة السكه
دفعها داخل سياره وشغل اغنيه حزينه راح يدندن معها
وكمان بتسمع موسيقى وانت مجرم قاتل؟
ازعجه تعليق احسان ،نفخ دخان سيجارته، هو حرام عليه وحلال للاخرين! ؟
عايزه تقنعينى ان كل إلى بيسلبو حق العباد مش بيصلو ؟
المنافقين والكاذبين واللصوص والقتله معندهمش عائلات ؟
مش بيقولو كلام حلو للناس إلى حواليهم ،مش بيرحو سينما ؟
كل دى شكليات يا هانم ،النفس البشريه معقده وبنت كلب
طيب قولى واخدنى على فين على الاقل؟
من مصلحتك متعرفيش يا مزامزين خديها وانتى مغمضه أحسن
قاد السياره من غير استعجال لحد ما وصل عماره قديمه
ولما دخلو نزلو قبو تحت العماره
قبو نظيف مجهز ببلاط لامع، كان هناك أدوات طبيه
وطبيب يرتدى بالطو أبيض وممرضه
البضاعه وصلت فين الفلوس يا دك؟
قال الطبيب فى الشنطه اتفضل عدها ،لكن انا اول مره اشوفك انت مين؟
ابتسم الرجل من مصلحتك انك توشفنى مره واحده فى العمر
لان المره التانيه هيكون ملك الموت رفيقى يا دك
طيب ساعدني قبل ما تمشى ترجاه الطبيب بأمتنان
رفعو أحسان على الطاوله، الممرضه قيدتها من ايديها ورجليها
وأعدت الحقنه المخدره
هتعملو ايه ؟ صرخت احسان
رأت الرجل يحمل الحقيبه ويهم بمغادرة القبو
ارجوك متسبنيش هنا ترجته أحسان بنبره متوسله
ولما لاحظت عدم اهتمامه همست بيأس طيب من فضلك
عندى وصيه
هتفيدك بأيه الوصيه وانتى على وشك الموت رد الرجل على باب القبو،ثم انا مجرم، هتوصى مجرم على ايه ؟
كاد ان يضحك لكنه لم يضحك
مجرم لكن عندك شرف همست أحسان اخيرا، انت رفضت الفلوس، غيرك كان هيقبلها حتى لو من باب المكر وبعد ما ياخد كل حاجه يسبنى اموت.
انا مش كده رد بنبره عاصبه
قالت احسان عارفه ،وكانت حقنت بالمخدر ورأسها بداء يتقل
قولى عايزه ايه ؟
قالت احسان وهى بتفقد الوعى ،إبنى نوح امانه فى رقبتك
مفيش امانه، انا مش مضطر اتحمل وصيتك ولا امانتك
لكن احسان لم تسمع كلامه كانت فقدت الوعى
حمل الحقيبه وخرج إلى السياره، أدار المحرك وانطلق
انت مش مجبر، انت مش مجبر، كل البشر ذى بعض
يا على بطاطا.
______________
انا فين؟
انا فين
كانت داخل غرفه حقيرة الاثاث ،ترقد فوق سرير قديم يئن مع كل حركه
جانبها الأيمن ملفوف بالشاش وكلونه محقونه فى ذراعها
تأملت الغرفه
طاوله، ومقعد ،ومكتب رصت عليه كتب ومقلمه، رغم حقارة الغرفه كانت منظمه، وفى أقصى الجانب لمحت ورد فى إصيص
وصوره كبيره معلقه فى وسط الجدار، صوره باهتة الملامح
لم تكن مقيده، لكن غير قادره على الحركه.
سمعت انفتاح الباب وسعال جاف ثم انغلاقه، لم تنبث بكلمه
ثم لمحت طيف يتحرك فى الصاله ويغنى
كان باب غرفتها مفتوح لذا عندما دلف من الباب رأت هيئته كامله
كان يحمل طعام وزجاجة ماء، وضع الطعام على الطاوله ونظر إليها
كانت مغمضة العينين شعر انها نائمه
ثم همست انا فين؟
لم يتفاجيء بسماع صوتها ،ولم يرد على سؤالها
نهض واقترب منها ،خليكى ثابته خلينى اعاين الجرح
عدل جسدها على جانب وفك الشاش تحسس الجرح
وهمس مش بطال، هتعيشى، ثم احضر حقنه وزرعها فى الكالونة ولم تعرف احسان لما شعرت بالأمان
جعانه ؟
انا جبت أكل معايا، صحيح يكفى شخص واحد لانى اعتقدت انك مش هتفوقى لكن هيكفى اتنين
ايه إلى حصل ؟ همست أحسان وهى بتاكل لقمه بصعوبه
ابتسم على بطاطا انا لحقت منك إلى قدرت الحقه إلى راح مليش فيه
يعنى لو كان كبد ولا قلب اختفى مش شغلى
كنت متأكده انك مش هتسيبنى فيك حاجه مختلفه رغم انك مجرم، همست أحسان بحذر
همس على بطاطا متسرفيش فى الامل يا هانم ،مش بحبه
لكن احيان الإنسان بيختار أقصى الطرق واصعبها عشان يفضل حى، عشان ضميره يفضل معاه
ليه أنقذتنى حضرتك ؟
انقذتك ؟
كلى يا هانم مش بحب اتكلم وانا باكل وبكره الشعارات الفارغه هو انتى شايفانى محمد رمضان ولا العوضى ؟
الجرح فى جسمك كان كبير جدا ،انا استخدمت كل خبرتى الطبيه فى انعاشك وقضبت الجرح واتمنى يكون جسمك لسه كامل على ما آمل
فلاش باك قبل أيام
كان النغم ينبثق من مذياع السياره، حقيبة النقود إلى جواره
مبلغ محترم لكنه ملوث بالدم
محدش يعرف سره إلى بيخبيه عن كل الناس ،رغم جبروته وقلبه الميت لم يقتل إنسان طول حياته
لم يلوث يده بدم حرام، كل جرائمه نظيفه ،والان تلك اللعينه تثقل كاهلة بوصيه
كيف بالله يربى طفل؟ وهو لا يتذرك والديه ؟
طفل يحتاج رعايه وتربيه وميت سؤال يحتاج اجابه
بلا تفكير طويل تأكد انه غير مستعد ان يكون جليسة أطفال
لذا عاد إلى القبو، المهمه اتلغت يا دك، خد فلوسك وادينى البت
الاتفاق اتفاق همس الطبيب بتحدى والمشرط الطبى يكمل طريقه فى جسم احسان
شعر بالاستفزاز، اشتعل غضبه ،انت حتى مش معبرنى وانا بكلمك صرخ على بطاطا فى وش الطبيب
شيل ايدك لاقطعهالك متنساش نفسك ؟ انت كمان مجرم
لكنك مجرم رخيص متزوق عندك عياده بتقوم فيها بدور المصلح الراهب
الممرضه صرخت من الرعب، متخفيش صرخ على بطاطا
بس غورى من هنا
وانت ومسك الدكتور من ياقة عنقه ،اختار حياتك بدل ما احطك مطرحها واقسملك انا معلم فى التشريح وهعرف اطلع قلبك سليم
حملها فوق كتفه وهو يشعر بالهم، كان عليها ان تكون مهمه سهله لكنها تعقدت بصوره بشعه
فى شقته الصغيره خيط جرحها وابتاع الادويه ،مضادت حيويه ومسبطات الالتهابات ومسكنات ومطهر
ثم راقبها يوم ورا يوم بقائس الحراره ومعاينة الجرح.
_____
الوقت الحاضر
الهانم إلى بتحاربك مش هتسكت،انا استعوضت ربنا فى العموله، لانك شبهى
انا معرفش حكايتك ومش عايز اعرف، بعد أيام صحتك هتسمحلك تسيبى الشقه وبعدها مش عايز اشوف وشك تانى
وابنك تربيه بنفسك او تموتى مش شغلى
انت قاسى جدا يا؟
اسمك ايه؟
مش لازم تعرفى اسمى احنا مش فى راندفو، وانا معرفش اقول كلام عاطفى
قالت احسان ،من باب المعرفه مش اكتر على الاقل لو عشت اقدر أفتكر اسمك وادعيلك
اسمى على بطاطا
وشعرت احسان ان الاسم يتغلغل داخلها ويسكن كل عضو فيها، وقلبها يدق بلا هواده حتى يكاد يقفز من جوفها
ورغم انها فقدت ابنها، ونصفها مشروخ تشعر بالامان معه وان لا شيء يستطيع اذيتها
كان داخلها الكثير من كلمات الامتنان لكنها شعرت انه لا يرغب فى سماعه او انه ببساطه كائن معقد مزاجى لا يمكنك أن تعرف ما يعجبه
التهمت أحسان اخر لقمه لو كان فيه نصيب يا مستر بطاطا اوعدك اعزمك على العشا يوم ما
يوم ما؟ ابتسم على بطاطا من قلبه ،واليوم إلى ما دا __ هيكون فيه مطره كتير؟
وهدومى كلها مبلوله ميه ؟ وجسمى بيرتعش من البرد
وريح بتعصف وتزمجر كأنها حيوان جائع
ومش بعيد اكون لابس قميص وبنطلون ومعلق فى جيب قميصى ورده ؟
شعرت احسان انه يهزى وراحت كلماته تعصف بخيالها
كان عقلها يحاول ان يجارى تصوراته المجنونه
وهى تتخيل شعرها مبلول وجسدها كله يرتعش من البرد تجلس على مقعد فى مواجهة مجرم متزين
تعرف ؟ همست،احسان بعد تفكير
عندى فضول اعرف لون القميص؟
رفع على بطاطا حاجبه وقطب جبينه ،هل تراها تسرح به لتطلب منه معروف اخر ؟
ولماذا يشعر ان حضورها له سطوة على حواسه ؟
وتمعن فى وجهها ليرى ملامح التلاعب إلتى يعرفها
لكنه وجد وجه بريء نقى مما اشعره بالامتعاض
نهض كأنه يهرب ، ابنك الهانم اخدته مكان معزول عليه حراسه ومتنتظريش منى معلومات او مساعده تانيه....