رواية فراشة المقبرة الفصل الرابع والعشرون 24 بقلم إسماعيل موسى

رواية فراشة المقبرة الفصل الرابع والعشرون 24 بقلم إسماعيل موسى


انت طلعت دماغك سم يا عمر مين كان يتوقع ان إحسان ممكن يطلع منها كل ده؟


ازاى قدرت تعرف انها ممكن تعمل كل ده؟


شرد عمر، بص لبعيد، همس فى سره مكنتش اعرف لكن كنت متأكد ان احسان  ممكن تعمل اى حاجه تتسند مسؤليتها ليها


لكن كارمن كانت منتظره الرد،عشان كده قال، لأن المنطقه الى كنت عايز اوصل ليها كلهم شبه احسان نفس الطبقه والعقليه والظروف


احنا ملكنا السوق كله يا عمر، العملاء الكبار وكمان العملاء الصغيرين جدا المنتشرين فى كل مكان


عارف همس عمر بشك لكن دا عايز شغل جبار عشان نقدر نستمر عليه


مركز البيانات إلى انشأته احسان محتاج موظفين على مدار الساعه


مش عارف أزاى احسان كانت قادره تقوم بكل دا وحدها ؟


وفى داخله، عمر كان يعرف السبب


لأنه اوكل المهمه للشخص المناسب، ولأنه عامل احسان لأول مره كأنسان بطريقه طبيعيه ،مع كل لحظه منذ طردها وهو يشعر بالألم والغيظ


ما يزعجه أكثر ان مشاعره تجاه احسان اكتشف انها لم تكن مزيفه


لم تكن من أجل المصلحه بل كانت مشاعر صادقه يشعر بوجعها الان


أنا محتاج اخد اجازه طويله يا كارمن، اريح دماغى من كل حاجه، كل حاجه مشيت مظبوطه ومعاكى هبه ووسام


انا هقعد فى الفيلا مع نوح ابننا لانه وحشنى جدا


كانت الساعات تمر على احسان ثقيله جدا ،المملكه إلتى بنتها سرقت منها، لكن رسائل الدعم تصلها باستمرار وعلاء الدرملى طلب مقابلتها فى اسرع وقت


لكن مزاجيتها لا تسمح الان بأى نقاشات، وعلاء الدرملى يواصل ضغطه لرؤيتها


يريد إبرام صفقه أخرى، لا يعرف انى طردت من الشركه


اخييرا استجابت أحسان لنداء الواجب


انا اترفدت من الشركه يا علاء بيه، الصفقات كلها دلوقتى مع عمر مهران


عارف. صدمها علاء الدرملى برده


حتى ان احسان فكرت لا وجود لاى سر فى هذا البلد


انا بكلمك عشان الموضوع دا بالذات لازم اقابلك فى أقرب فرصه


فى مقهى قريب قابلت احسان علاء الدرملى ،كان وجهه محتقن ومنفعل بزياده


إلى حصل دا تهريج وقلة ادب ،اسمحيلى اقول ان عمر مهران دا مش انسان سوى انا كنت بتابع أخبار الشركه لحظه بلحظه


وكنت عارف أزاى انتى قدرتى تنفذى شركته من الإفلاس




همست أحسان كانت لعبه يا علاء بيه، لعبه كبيره مدبره عن طريق كارمن وجوزها عمر مهران


عمر كان عايز يوصل لفكرة معينه وانا  بكل غباء ساعدته




ضرب علاء الدرملى الطاوله وبعدها طردك ؟


إنسان حقير بيقابل الأحسان بالنكران انا وقفت التعامل معاه وطلبت من كل معارفى يوقفو التعامل معاه


لكن المشكله مفيش بديل، عمر ومراته ماسكين السوق كله مفيش بديل.




اعمل شركه قالت احسان من غير تردد، اخلق بديل وعملاء كتير هيجرو ناحيتك


انا مليش فى أمور الاداره يا احسان هانم انا مجرد تاجر شاطر مش اكتر


لكن انتى عقليه تستحق الاحترام والتقدير والثقه


انا النهرده عشان أعرض عليكى انشاء شركه تتولى انتى إدارتها ،شركه هتتنطلق من الصفر


ومعايا شركاء مستعدين للمساهمة ،وانتى عندك الحل إلى ينجح اى شركه


قاعدة بيانات العملاء الصغار فى كل بلد ونجع ومركز وزقاق


الناس دى بتثق فيكى انتى ولو عرفو  انك عملتى شركه


كلهم هيكونو معاكى




صمتت احسان كانت منهاره وغير مستعده لمغامره جديده


لكن وجع الهزيمه كان أكبر


موافقه منحته احسان الاجابه بلا تردد، أمشى فى اجرأت انشاء الشركه واستخراج التصاريح


وانا فى الفتره دى هتواصل مع العملاء بصفه شخصيه لأنهم يعرفونى بالاسم ،هحتاج شهور لكن بأذن الله هنجح




كانت الشركه يتم انشائها بسرعه وكانت احسان تواصل عملها ليل نهار بعدما منحها علاء الدرملى سياره تكون فى خدمتها


راحت تطوف على تجار التجزئه وصغار العملاء والموردين


لم تترك خرم ابره لم تضع فيه قدمها




كانت تخرج منذ شروق الشمس وتلتهم وجباتها داخل السياره وعندما تعود إلى شقتها بالكاد تغسل نفسها ثم تنام


مضت ايام وشهور على هذا المنوال، أعداد ثم أعداد تجهيز ارضيه ولان أحسان لم تكن مستعده للخساره هذه المره


قررت انها ستحارب بعدوانيه


ستضرب قبل أن تضرب وستكون ضربتها موجعه للحد الذي لا يسمح للوقوف بعدها.


كان ولاء صغار العملاء لها واختارت احسان ان تستخدمهم وسيلة ضغط هائله


قررت أن تفجر السد الذى بنته فى شركة عمر مهران


فكل عميل كبير ضامن توزيع بضاعته


بقاعده عملاقه من الموزعين وصغار التجار حتى ان بضاعته كانت تنفذ فى يوم واحد أو يومين دون أن تذهب إلى المخازن


ثبتت أحسان هذه القاعده طلبت من داعميها الاستمرار فى تنفيذ واجبهم والتوزيع والشراء


ارادت ان تعتمد شركة عمر مهران تماما على قاعدة البيانات إلتى صنعتها حينها فقط بضغطة ذر ستهدم كل شيء فوق رأس عمر وكارمن.


كان عمر وكارمن يعيشان اسعد ايام حياتهم، لا مشاكل فى الإنتاج او التصدير ولم يكن احد يتخيل حجم الكارثة إلتى تنتظرهم.


بين عشيه وضحاها دخلت شركة علاء الدرملى الإنتاج


وكل البضاعه إلتى تم إنتاجها توزعت تحمل علامة شركته


تسلل اسم شركته ليزاحم عمر مهران وكارمن


ثم بداء صغار العملاء وتجار التجزئه يتهربون من شراء البضاعه وتوزيعها فى وقت واحد مما جعل سنترال الشركه يقع من ضغط المشاكل.


كانت احسان تعرف ان عليها امداد داعميها بالمنتج والحرص على عدم وجود اى تقصير


المرحله الثانيه من خطتها تفريغ شركة عمر مهران وكارمن من موظفيها ، صناع المنتج نفسه الذين راحت استقالتهم تنهال على شؤون العاملين بالمئات فى يوم واحد


كارثه مصيبه صرخت هبه وهى تدخل مكتب عمر


مش لاقين عمال يشغلو ماكينات الإنتاج


كل الخطوط توقفت فى وقت واحد...


          الفصل الخامس والعشرون من هنا 

         لقراءة جميع فصول الرواية من هنا

تعليقات
×

للمزيد من الروايات زوروا قناتنا على تليجرام من هنا

زيارة القناة