
رواية فراشة المقبرة الفصل العاشر 10 بقلم إسماعيل موسى
اتفضلى اركبو البوكس او ممكن تاخدو سيارة أجرة؟ سمح لهم ضابط المباحث بالأختيار
تاكسى همس والد احسان القلق
جلست احسان فى المقعد الخلفى، بينما تبع سائق سيارة الأجرة المبتئس بوكس الشرطه
رغم انه هياخد اجرته لكنها كانت اصطباحه لم يتوقعها
ولم يرغب بها
تعمل عيادة دكتور مختار للولاده والعقم والحقن المجهرى فترتين صباحيه ومسائيه والحجز مسبقآ منعأ للفوضى
الدكتور لسة موصلش يا بيه ،همست الممرضه المرتبكه
انا اتصلت بالدكتور وهو فى طريقه
بص ضابط المباحث على التعليمات المعلقه على الجدار
الكشف بحجز مسبق ،يرجى الحضور قبل موعد الكشف بربع ساعه من لا يلتزم بالتعليمات ويتعداة الدور من الممكن أن ينتظر ساعه او ساعتين
وكان موعد الطبيب العاشره صباحا لكنه لم يحضر الا العاشره وخمس واربعين دقيقه
لا أحد يحاسب الطبيب عن تأخره بالطبع
خير يا باشا اقدر اخدمك ازاى؟
سأل دكتور مختار ضابط المباحث
وكانت عين ضابط المباحث تتحرك بين أحسان ودكتور مختار
لو كانت مريضته مؤكد سيتعرف عليها لكن هواجسة لم تتحقق
انا احسان يا دكتور مختار، كنت بتابع معاك الحمل
رفع دكتور مختار عيونه كان له وجه رفيع ويرتدى نظاره طبيه
احسان مين ؟
كنت عندك من اقل من عشر ايام، حتى كنت بتنادينى بأسمى!!
ضغط دكتور مختار على القلم، انا معرفكيش يا مدام ولا عمرى شفتك
حرام عليك همست احسان بحزن وانكسار ،انت عارفنى
رفع ضابط المباحث ايده طيب ممكن نشوف كشوف المرضى عن الفتره الماضيه
انت بتحتفط بملف لكل مريضه صح ؟
مضبوط يا فندم، يا إسراء؟ هاتى ملفات المرضى
تفحص الضابط ملفات المرضى، مكنش فيه ملف باسم احسان
لم يكن هناك وجود لاسم احسان على الإطلاق بين كل المرضى
لو المحكمه استعدتك هتكون حاضر يا دكتور؟
انا تحت امر العداله يا سيادة الضابط
يا إسراء ؟ دخلى اول كشف.
ركبت احسان ووالدها البوكس تجاه المستشفى، طلب ضابط المباحث مدير المستشفى
والذى طلب الاستعلامات وطاقم التمريض والأطباء
مفيش عملية والده أجريت لاحسان داخل المستشفى
حتى كل الممرضات إلى احسان كانت تعرف شكلهم مكنش ليهم وجود.
انا ممكن اطلب التحفظ عليكى يا احسان لحين انتهاء التحقيقات، لكن انا هراعى مرضك
اتفضلى روحى، هيوصلك استدعاء فى وقت قريب للعرض على النيابه
لم تتكلم احسان، بكت طول الطريق نحو منزل والدها
كانت تهمس إبنى ،إبنى
دخلت غرفتها القديمه وقعدت على السرير، انا عايزه إبنى يكون فى حضنى
وكان والدها بيتكلم فى التليفون مع محامى، فى لحظة صفاء عرفة احسان ان مفيش فايده من المحامى ولا بكائها
او تحقيقات الشرطه، طلعت من الغرفه
امها سألتها رايحه فين ؟
احسان قالت راجعه الفيلا
والدها صرخ بعد كل إلى حصل؟ لسه فيه تحليل dna وفحوصات دم وطب شرعى يقدر يثبت انك كنتى حامل ولسه واضعه طفلك!!
وبعد كده هيحصل ايه؟ فين ابنى إلى هيثبتو انه إبنى!؟
محدش ليه دعوه بيا، انتو مش حاسين بالنار الى جوايا
دفعت احسان الباب وخرجت إلى الشارع.
&&&&&
يا عمر بيه فيه بنت واقفه بره باب الفيلا بتقول عايزه تقابلك انت والهانم
بص عمر ناحيت كارمن، هى مره تانيه؟ البنت دى متعلمتش من اول مره؟
رفعت كارمن حاجبها، او ملقيتش حل مع الشرطه وكل الطرق انسدت فى وشها
اندفع عمر تجاه باب الفيلا بكل غضب، صرخ قولتلك مش عايز اشوف وشك هنا مره تانيه؟
القت احسان جسدها على قدمى عمر، ارحمنى ارجوك عايزه إبنى
تركها عمر تلعق قدمك كجرو صغير اغرقه المطر يرتعش من البرد ورغم غضبه انتابه احساس غريب، شعور منعش لم يشعر به من قبل ولم يعتقد انه له وجود
شعور بالتحكم والسيطره والنرجسيه ولم يلحظ وصول كارمن إلى وقفت ورا ضهره
تابعت كارمن الموقف بلا مبلاه ولما عمر حس بوجودها
ركل احسان فى معدتها أمشى غورى من هنا.
لحظه يا عمر ؟ طالبته كارمن بنبره متزنه
صرخ عمر لحظة ايه ؟ مش كفايه الشوشره إلى عملتها ؟
دى تستحق الموت ورغم عصبيته المستعره ،شيء داخله كان يطمح بالعكس، شيء تلذك ويطلب المزيد ،يتوق لوجود احسان داخل الفيلا، من أجل ذلك هدأت ثورته، اعملى إلى انتى عايزه تعمليه يا كارمن
تعالى يا احسان، ادخلى
امرتها كارمن تحت عيون عمر المتربصه
قالت كارمن انا ام وحاسه بيكى، لكن الى عملتيه لا يمكن يمر دون عقاب
رغم كده انا هسألك عايزه ايه ؟
ردت احسان عايزه ابنى يا هانم
ولعت كارمن سيجاره واتكأت على المقعد، طريقتك غلط يا احسان ،انتى عارفه ان ابنك مش هنا
الموجود هنا إبنى
رفعت احسان عيونها، عايزه اكون قريبه منه بأى صوره مش فارقه معايا
ابتسمت كارمن اعتقد انك عقلتى شويه وممكن امنحك فرصه
صرخ عمر مفيش فرص البنت دى لازم تمشى من هنا فورا
اصبر يا عمر امرته كارمن
سيبنى مع احسان من فضلك شويه؟
مسكت كارمن دقن احسان رفعت وشها
انا هسمحلك تكونى قريبه من إبنى وبشروطى
موافقه ردت احسان من غير تردد
تنسى خالص موضوع ابنك إلى ضيعتيه دا لو كان عندك ابن اصلا، لانى هوجه ليكى تهمة الجنون واختلاف اكاذيب فارغه
لكن ذى ما قلت انا ام وحاسه بيكى
هتوقعى على كل الأوراق الى هنا وتبصمى عليها
ملكيش ابن هنا
ابنك ملوش وجود واى محاوله فى المستقبل لاثارة الموضوع مره تانيه تستحقى عليها السجن
هتعيشى هنا خدامه ومرضعه بأجر لوقت معين لحد ما إبنى يخلص رضاعه بعدها هترحلى من الفيلا مفهوم ؟
حاضر ردت احسان بانكسار، اعملو إلى انتو عايزينة بس خلونى اشوف إبنى واحضنه
ابنك تانى ؟ عنفتها كارمن، إبنى انا انتى مش بتفهمى؟ عايزانى اطردك بره ؟
رفعت احسان وشها، خلينى قرب ابنك يا هانم
اسمه نوح يا احسان نوح بيه عمر فاهمه
سمعت احسان صراخ ابنها، ركضت على السلم
عمر منعها وقعى الأوراق الأول.
وقعت احسان الأوراق كلها، سيونى بقا اروح عنده عايزه اشوفه توسلتهم احسان
منحتها كارمن اشاره من يدها
ركضت احسان على السلم ،فتحت باب الاوضه، بدر إبنى حبيبى انا جيت خلاص، ضمته لصدرها ،اعذرنى يا إبنى كنت بعيده عنك غصب عنى، مقدرتش اوفى بوعدى اكون اول شخص يحضنك ويبوسك ،لكن خلاص انا اخترتك انت وسبت كل حاجه ورايا
استكان الطفل فى حضن احسان بجرعه مفرطه من الحنان
جعان ؟سألت احسان الطفل كأنه يفه
همس عمر انا مش موافق على قرارك يا كارمن، احنا كنا خلصنا من البنت دى وخلاص
قالت كارمن عمر، انا مش عايزه إبنى ينمو ضعيف، أفضل حاجه ليه لبن امه
ثم احنا عملنا كل إلى عايزينه واحسان هتقوم بدورها
ولما يخلص هنطردها من الفيلا
مش خايفه تهرب بالولد ؟سألها عمر
متخفش، انا عينت حراسه جديده ،وركبت كاميرات وكل تحركات احسان هتكون مرصوده
مش ممكن تقرب من باب الفيلا ولو فكرت هطردها بلا رجعه
رضع الطفل من صدر احسان حتى نام، احسان خدته ونزلت بيه السلم
كارمن سألتها رايحه فين ؟
قالت رايحه غرفتى
صرخت كارمن انتى عايزه نوح بيه يتربى فى غرفتك الحقيره ؟
من النهرده غرفتك هتكون جنبى وابنى مش هيكون معاكى غير لما يحس بالجوع انتى مجرد مرضعه متنسيش نفسك..