رواية فراشة المقبرة الفصل الثلاثون 30 بقلم إسماعيل موسى

رواية فراشة المقبرة الفصل الثلاثون 30 بقلم إسماعيل موسى


قالت سارة بنبره محايده ، فى اعتقادى هو المشتبه الأول


ضحكت احسان، كنت عارفه انك هتقولى كده


سارة شيلى احمد عصام من دماغك، الراجل سلمنا خليه كامله


نهضت سارة مشت فى المكتب، احسان وظيفتى حماية الشركه وحمايتك ارجوكى متتدخليش فى شغلى


ادينى الحريه احافظ عليكى وعلى الشركه


تنهدت احسان عندما يتفق حدسها مع حدس سارة لا يمكن أن يخطيء أبدآ


استمرى فى المراقبه والبحث لكن بلاش تاخدى اى قرار قبل ما ترجعى ليا


لأنه لو كان عميل انا محتاجاها جدا، الراجل بذل مجهود جبار عشان يقنعنى بحبه.


كنت عارفه تنهدت ساره بارتياح اصل مش معقول احسان ينضحك عليها بكلمتين


الواد ملسوع بطريقه مريبه ،لكن على مين


بصت احسان فى تليفونها، انا هجبلك قرارة النهرده الصبح


خرجت من الشركه وتواصلت مع عمر مهران


كتبت كلمه واحده، احمد عصام.


بعد ساعه وصلها الرد من عمر مهران 


خاين


وافتكرى ان جمايلى كترت اوى عندك


تعالى يا احمد ادخل، اسفه مقدرتش ارد على رسايلك امبارح كنت تعبانه


يعنى مش زعلانه منى؟


هزعل منك ليه يا احمد انت قدمتلى خدمه كبيره لكن انا محتاجه مساعدتك


خير ؟


برقبتى افديكى يا احسان


انت كنت شغال فى شركة كارمن وما شاء الله عندك حس امنى، انا حاسه ان لسه فيه عناصر مدسوسه عليه فى الشركه


كانو شغالين فى شركة كارمن وانت اكتر واحد يقدر يعرفهم


ادينى يوم بس وكل وحاجه تكون عندك.


احسان محتاجه تضحيه تانيه ايه رأيك ؟


قرأت كارمن الرساله بغيظ، ثم ابتسمت، اديها إلى هى عايزاه لكن بتمن


قدملها الاسماء وضيف عليها بعض الأسماء من شركتها


اختارهم بعنايه بحيث يكونو مؤثرين فى عمل الشركه


احسان لازم تخسر قصاد كل مكسب.


دى لسته بأسماء كل الأشخاص إلى بيتواصلو مع احسان


هتلاحظى فيهم ناس مكنتش شغاله فى شركة كارمن


لكن انا ليا عيونى فى مكتب كارمن يا احسان


شكرته احسان ،عاينت الأسماء وشعرت بالخيبه للحظه


كان هناك اسماء تحترمها وتعرف شرفها


اصدرت امر فورى بطردهم من الشركه ،وقبل نهاية اليوم كانت كل الاسماء خارج الشركه.


وشددت على ساره ان تتواصل مع رجالها وان تخبرهم ان وظيفتهم محفوظه تنتطرهم وان يعتبرو نفسهم فى اجازه مدفوعة الأجر


كانت تأكدت أن احمد عصام خائن وقررت ان تلعب اللعبه على طريقته


وسمحت له ان يتقرب منها، ولم تمانع فى الكلام المعسول


وان تبادله ابتسامه كل حين


وفى يوم دخل وجدها مهمومه وعندما سأل أخبرته أنها تحتاج شيء من شركة كارمن


عميل معين ذكرته بالاسم يرفض التعامل معها وانها تحتاجه بشده داخل شركتها إلتى تعانى من التكدس




وكان هذا العميل مهم جدا لانه يملك ربع قوة السوق الشرائيه


وكانت تعرف ان كارمن ان تفرط به


لكنها أرادت معرفة مدى رغبة كارمن فى تحطيمها، ان تحكم عليها بحب فاشل يدمر قلبها.




وبعد اسبوع دخل العميل مكتبها كما وعدها احمد عصام


وكانت احسان تعرف انه ا جتماع مدبر وقررت ان تستغله لابعد حد


كان العميل مستعد لابرام صفقه تجريبيه ،لكن احسان توسعت داخل عقله منحته مميزات لا يمكن رفضها


حتى لو كان ولائه لكارمن، عقد طويل الامد دون تغيير فى سعر المنتج مهما حدث فى السوق او ارتفعت اسعار الموردين


صفقه مضمونه وقع العقد وفى نهايته شرط جزائى ضخم.




دخل احمد عصام مكتب احسان بوجه مبتسم ايه رأيك يامديره ؟


أمشى يا احمد




اه انتى مشغوله ؟ انا قلت ابارك على العقد الجديد




لا انا قصدى خد كل متعلقاتك وامشى من الشركه قبل نهاية اليوم عايزاك تقطع علاقتك بشركتى


وقبل ما انسى ابقى سلملى على كارمن




وقف احمد عصام مصدوم


صرخ احسان انا بحبك مليش علاقه بكارمن او غيرها




نادت احسان على حارس مكتبها، خليك مع الاستاذ احمد لحد ما توصله الشارع


جذب الحارس احمد عصام من يده، خلصنا يا استاذ متعطلش المديره




كان فشله الأول ولم يعرف كيف لفتاه بهيئة منفره ان ترفضه


كان فى اعتقادة حتى لو انكشف أمره فأن قلبها سيجبرها على الاحتفاظ به، انه شخص مميز يفوقها وسامه ولديه من الامكانيات أكثر مما تأمل، كان معتقد انها على قدر من السذاجه ان تقابل عطفه بأمتنان وان تعتبره أقصى امانيها


وكان يعانى آثار الصدمه حتى بعد وصوله الشارع


وجعل ينظر تجاه شرفة مكتب احسان اكتر من مره


طامحآ فى نظره او ابتسامه او شخص يخبره ان كل ما حدث مجرد خطاء لانه شخص لا يمكن تعويضه او استبداله


ومضى فى الشارع وحيد غير قادر على استقلال سيارة أجره او الرد على رسائل كارمن


ورغم انه كان يعرف انه لا ينتمى إلى الشركه وانه سيغادرها فى اى  لحظه وانه عميل، لكن طرده بتلك الطريقه اشعره بالوجع والنقص والتدنى وبعث لديه رغبه مسعوره فى الانتقام من فتاه لا تستحق ابتسامته لكنها قامت برفضه


ايه إلى سمعته دا يا احسان ؟ انتى طردتى احمد عصام فعلا ؟؟


دوره انتهى ردت__ احسان بصرامه


عايزه كل الموظفين تبعنا  إلى انطردو من الشركه بسببه يرجعو يستلمو شغلهم


ساره من فضلك ،من اللحظه دى اى موظف يوصل من شركة كارمن لا يتم تعينه، كفايه لحد كده، دى كانت مصيده كبيره اوى وهنقع فيها


رفعت احسان ايدها وعملتى اية فى الموضوع التانى يا ساره


ردت ساره الصبر يا احسان ،خلينا ماشين بشويش ،القفزات الكبيره ملحوظه والمووضع كبير


وانتى رافضه استخدم طرقى الخارجه عن القانون رغم انه حقك


دمعت عيون احسان ،لانى مش عايزه نوح يتألم ولا يحس بأى حاجه


كمان انا اتعلمت الدرس، وذى ما اخدو إبنى بالقانون هاخده بالقانون وعشان اعمل كده


لازم لما الوقت يحين اكون قويه زيهم ومحدش يقدر يجى عليا، انا بكبر علاقاتى فى كل مكان...



             الفصل الواحد والثلاثون من هنا 

           لقراءة جميع فصول الرواية من هنا

تعليقات
×

للمزيد من الروايات زوروا قناتنا على تليجرام من هنا

زيارة القناة