رواية فراشة المقبرة الفصل الواحد والعشرون 21 بقلم إسماعيل موسى

رواية فراشة المقبرة الفصل الواحد والعشرون 21 بقلم إسماعيل موسى


فى شقة الشغل تابع عمر هبه وهى بتنتقل بين التلاجه والمطبخ لاحظ انها متوترة على غير عادتها


وقفت بشرود فى المبطخ وصبت كأس ورا كاس فى محاوله للانتقام من ذاتها كأنها بتحاول تنسى الحياة


ايه مفيش كأس ليا؟


دا حتى الكيف يحب المناولة يا هبه !!


استدارت هبه، فى تلك الأمسيه ارتدت هبه بنطال استرتش اسود وقميص أحمر نص كم وحذاء بياقة عنق طويله


بدت لامعه وانيقه


تناول عمر كاسه ،تعرفى يا هبه ان المرأه غريبه جدا ؟


ثم نفخ دخان سيجارته وترك وجه هبه يستدير نحوه


بتصدعونا بالمساواة وتبجيل العقل وبتتهمو الرجاله بالذكوريه المتعفنه رغم ان اكتر مكان بتهتهم بيه اى ست او جسمها


طيب يا حمامة السلام النسويه متفكك من جسمك ورغبتك فى ابهار حتى الكلاب فى الشارع واهتمى بعقلك شويه ؟


تثقفى او اقرى كتب ؟


عمر لو سمحت انا مش حمل مجاراة مزاجيتك النهرده ومش شغلنى أرضى سيادتك،شكلى وانا حره فيه ملكش فيه


ثم هو انت بتحترم عقلى يا عمر ؟




انا جايباك عشان نناقش مشاكل الشركه فيه أوراق كتير لازم تتوقع وحضرتك مكبر دماغك ومش مدينى حرية تيسير الأعمال




رفع عمر حاجبه وسأل نفسه من امتا وهبه مهتمه بمشاكل الشركه ؟


كان فيه شيء غريب فى نبرة هبه ،شيء مريب


هبه أكبر همها مرتبها الكبير إلى بتتلقاه نهاية كل شهر اضق اليه كره احسان


مشاكل ايه يا هبه؟


طلعت هبه ورقه وقرأت اكتر من مشكله تافهه




طيب وانتى ليه بتراجعينى فى توقيع أوراق مشاكل تافهه يا هبه ؟




رفعت هبه حاجبها بغيظ يعنى مش عارف ليه؟


كتر خيرك ما انت على طول سكران




كل التوقيعات لازم تمر على مكتب احسان


احسان قررت وانت وافقت ان احسان تراجع كل التوقيعات الخاصه بالشركة


يعنى انا مديرة عامه وعشان أوقع ورقه ملهاش اى لازمه لازم تمر تحت عين احسان




نفخ عمر دخان سيجارته ومشى فى الصاله ناحيت الشرفه


بص ناحيه الشارع من خلال الزجاج الامع


احسان تعمل إلى هى عايزاه مش هتدخل فى قرارات احسان


تعرفى لو احسان طلبت منى اسيب الشركه ؟


هسيبها من غير اعتراض لان احسان هتكسب




شعرت هبه بالغيظ كادت ان تقذف الكأس فى الجدار


لكنها تمالكت اعصابها


مشت تجاه عمر احتضنته من الخلف، عمر مينفعش كده


انت مش بتراعى شعورى ومظهرى قدام موظفى الشركه


ازاى اكون مديره عامه ومقدرش اخد قرار ؟


تركها عمر تحتضنه كان لملمس جسدها طابع خاص


انا عايزه شوية حريه يا اخى حس بيا مش هتبقى انت ووسام عليه ؟


وجهت هبه الكلام نحو المنطقه إلتى يحبها عمر وينسى خلالها عقله.




ابتسم عمر وهظهره تجاهها لم يتحرك، لم يكن سكران او شارد، عمر يحتاج مائة كأس ليفقد عقله


منذ عرف خيانة كارمن بدس عملاء لتدمير الشركه وعينه وسط رأسه يتابع كل شيء بأهتام من بعيد، يراقب أدنى حركه داخل الشركه، لا أحدا يراهن على ذكائك يا عمر


الكل يراك شخص سكير عديم الفائده


ينسون ان خبرته فى فهم عقول النساء تستحق جائزة نوبل




من عيونى يا هبه وقعى كل الأوراق إلى انتى عايزاها وانا هبلغ احسان تبعد عن طريقك




بجد يا عمورى؟ ربنا يخليك ليا يا قلبى هو دا الكلام


انت تستحق قبله


اخذ عمر قبلتلة فى سكون، وسأل فيه حاجه تانيه ؟


لا يا قلب




طيب يلا بينا نمشى عشان وسام ميقلقش عليكى، ثم همس فى طريق خروجه خسارة يا هبه.




____________________




ايوة يا كارمن هانم عمر وافق خلاص، عرفينى الصيغه ونوعية الأوراق المطلوب منى اوقعها وانا هشتغل عليها هنا فى الشقه لان عمر روح عندى كمبيوتر وطابعه وهروح بيها الشركه جاهزة


تمام حاضر انتظار اتصال شاكر مش هتحرك غير لما أخد منه كل التعليمات.


تنهدت هبه بارتياح ،اخيرا هتاخد الصفقه التانيه إلى كانت بتخطط ليها بعد ما خلصت من عمر


عندها شقه وعربيه جديده وكل ما ينقصها المال


سيوله تأمن حياتها ولا تضطرها لسماع الأوامر من أشخاص مرضى نفسيين




وصلتها رساله على الواتس اب قرأتها هبه بعيون مفتوحه دون أن يرمش لها جفن،دققت فى كل كلمه فيها


وكادت ان تحفظها


فى الامتار  الاخيره يكسب صاحب النفس الطويل


وليس الأكثر قوة وذكاء


كرهت عمر وتلمحياته الموجعه وأكثر ما كان يؤلمها انها تلميحات حقيقيه وليست مجرد شكوك كان عمر يقرائها


وكانت كتاب مفتوح امامه


ورغم انها حذرت منه قبل مقابلته وكانت تعرف نقاط قوته


لكنها لم تقوى على مجابهتها ،كان لعمر هاله وسحر طاغيين


وكل ما استطاعت فعله التحايل عليه


تعرف هبه ان لو عمر ارادها بصدق لتمكن منها


عبرت بينهم أكثر من لحظة ضعف لكن عمر كان يقود


السفينه بحكمه ،لديها  قناعه ان عمر كان من داخله يرفض ان يلمسها ورغم كل شيء كان ذلك يشعرها بالغضب والحقد


ان جمالها هو سلاحها وعمر لم يسقط أمامه


كانت تعرف أسراره القذره وكانت محبطه لانه لم يفكر بها مثل كل أنثى كان يعرفها فى الماضى


لكن إذا انسد طريق افتح طريق اخر وكارمن فتحت لها الطريق.


هاتولى كل الأوراق إلى هبه وقعتها من اسبوع كامل 


كان عمر مرر عدت رسائل واتس اب لبعض الموظفين فى الشركه


كل ورقه توقع عليها هبه لا تذهب لمكتب احسان


بل تذهب لمكتب المسؤل عن تنفيذها


والمسؤول عن تنفيذها يتركها كما هى واذا سألت هبه يكون الرد تم التنفيذ


وكل الأوراق تعرض عليه لاحقا، واقسم عمر ان لو حرف واحد فقد من الأوراق سيكون عقابه الطرد من الشركه ودخول السجن.


رصت آمام عمر الأوراق إلتى وقعتها هبه ،أشعل سيجاره


ونظر تجاه احسان إلتى تجلس امامة،ثم فتح الأوراق ببطيء ..


             الفصل الثاني والعشرون من هنا 

          لقراءة جميع فصول الرواية من هنا

تعليقات
×

للمزيد من الروايات زوروا قناتنا على تليجرام من هنا

زيارة القناة