رواية كيان محطم الفصل الثاني 2 بقلم رحاب محمد رحمه
مرت ايامي عاادي بين المدرسة و البيت وياهو بمشي و بجي مع دعا و صاحبت تاني مودة و اشواق برضو ساكنين قريب مننا
لمن دخلنا نص السنه
مودة : بنات شفتو محل الايسكريم الفتح جديد
انا : ياتو دا
مودة : ياخ لمن جينا الصباح كان جنب الصيدلية
اشواق : اااا انتي قاصدة دريم للايسكريم
مودة : ايوا ارح نمشي ليهو
دعا : لالالا انتو ما جادات اكيد
مودة : كلو محل ايسكريم ي دعا مالك كمان خمسة دقايق ندخل نتفرج ناكل و نطلع
دعا : لو اتاخرنا امي
مودة : ما تخافي ما ح نتاخر
اشواق : طيب ممكن ندخل ونتفرج و نطلب الايسكريم سفري
انا : فكرة برضو وفرو قروشكم حقت التحلية عشان ح نتحلي بي ايسكريييييم
نحن : ييييييي
بعد خلصنا دوامنا ركبنا الموصلات ونزلنا قبل البيت وكان هدفنا محل الايسكريم الفتح جديد
دعا : انا متحمسة وخايفة في نفس الوقت عليك الله ندخل نطلب و نطلع طوالي
انا : اي ح نعمل كدا ارح ادخلو بي رجلكم اليمين
اشواق : بسم الله المكان انضف من وشي
مودة : شوفو وشوشنا شينة كيف ولا المرايات انضف مننا
انا : خلو عندكم برستيج ما تتلفتو كدا
بعد دخلنا مشينا الكاشير شلنا بطاقات لي طلبنا و اتحركنا مكان الايسكريم اي وحدة اتجهت مكان نكهتها المفضلة انا وقفت في النص كنت عايزة مشكل
بعد البنات خلصو
انا: اي خت دي و دي وكمان دي عليك الله و زيدا لي أن شاء الله حتة من الفانيليا دي المهم ظبط لي الكوب بتاعي تمام لمن عيوني لمعو معاهو و انا حاسة بي برودة الكأسة في يدي
اتجهت عشان امشي
دعا : يلا أسرعي عشان نمشي
انا : جاية.. رجعت تاني لو سمحت ممكن تخت لي مكسرات بي فوقق. شكرا ليك
اتجهت وانا مستعجلة
و طاخ صدمت لي زول و الايسكريم اتكبت فيني و في الأرض وفيهو
طعبا الصدمة و الحسرة الحسيت بيها وانا بعاين للايسكريم بتعاي قربت ابكي
... انا اسف والله اسف ما انتبهت ليك.. مرتضى أعمل واحد غيرو ليها
انا : ما مشكلة خليهو
... : لالا انا الغلطان ما شفتك قدامي اها جيبو ي مرتضى مش نفس الطلب
مرتضى : اي
... انا جد اسف و ما انتبهت ليك و اتفضلي دا بديل للخسرتيهو
انا : لالا و لايهمك عادي
وجيت امشي من جنبو مسك يدي لمن انخلعت ونفضت يدو
... ما تخليني احس بالذنب و اتفضلي دا من يدي
مسك يدي و ختا الايسكريم
وقال إن شاء الله نشوفكم مرة تانية
انا: أن شاء الله و مشيت
البنات قالو لي
دعا : وجيه وجاهه تقتل عديل
مودة : ماشاءالله ما نطقو عين لكن البجي مخليهو كسار سمح سماحة
اشواق : يريتو صدمني انا عنود وريني احساسك شنو لمن صدمك
انا : منديل
كلهم منديل؟
- عايزة انضف الطرحة من الايسكريم ولا اقول ليكم خليني اغسلا من الزير دا
- شكلو ما سمعتنا
- انا زاتي قلت كدا
- الليلة امي ح تقتلني ما كلمتها لو شافت البقع دي ما عارفة ردة فعلا شنو
= ما تخافي ما ح يحصل شي
وصلت البيت امي كانت في المطبخ طلعت الطرحة و مشيت سلمت عليها و مشيت غرفتي لانو حتى قميص المدرسة فيهو بقعات حمدت الله انو ما انتبهت
و يريت انتبهت كان وجهتني و ما خلتني امشي بالشارع دا
اليوم داا غسلت ملابسي برأي من جيت وياهو بجي اول وحدة و ما انتظرت حقات على و علياء
و رجعت نمت
صحيت المساء واتونسنا كلنا و اي زول مشي شاف ليهو موضوع
يتبع....
الفصل الثالث من هنا