فيروز: يعني انا ليا أهل وناس له وكمان ايه غناي وكمان انا نفسي غنيه مش حرام عليكي معيشاني العيشه ديه محرومه من كل حاجه حتي اللجمه والهدمه
عقيله: هو ده كل اللي هامك طاب وخوفي عليكي معملتيش ليه حساب ما انا كمان عيشت زيك يابتي من خوفي عليكي الشفايجه واعرين وعايزين يجتلوكي عشان اللي عنديكي
فيروز: طاب وايه اللي عرفهم مكانا هنا
عقيله: اكيد كان بيراجبو خالتك رابحه
فيروز: بس انا لازم اروح اخد حجي منيهم
لتضرب عقيله بيدها علي صدرها
عقيله: تبجي مش هترجعي يا بت بطني غير وانتي ميته
فيروز: ليه يعني الدنيا سايبه
عقيله: احب علي رجلك يا بتي خليكي جاري انا مليش غيرك
فيروز: يعني عاجبك حتي حلمي اني اخش كليه الطب مش هيتحجج بسبب الفجر
عقيله: إن كان علي الكليه هخليكي تخشيها انا معايا جرشين كت شايلاهم لشوارك وعندي دهب كمان بس لسه بدري علي دخول المدارس خلينا نتدارو احسن عند سرايا أبو الليل انتي تبجي الممرضة بتاعت الست كامله وانا كاءني جريبه خالتك نجمه وهنجولو كماني انك خرسه وطرشه وخليكي لابسه نجابك زي ما انتي اعملي معروف
فيروز: أنا هسمع كلامك يا اما وهشتغل خدامه وانا عندي ورثي من جدتي لكن عايزاكي تعرفي حاجه اني عمري مهسامحك حتي لو ايه علي كل اللي شوفته ف حياتي حتي وانا ف المدرسه كانو صحباتي ياجو من الاجازه وكل واحده فيهم اللي راحت عند جرايبها واتفسحت واللي عمها جابلها لكن انا عيشت يتيمه من كله
عقيله: انتي ليه مفهماش أنهم عايزين يجتلوكي
فيروز: كان هيبجا ارحم من اللي انا فيه
عقيله: المحامي جال تتمي سن الرشد وبعد اعملي اللي عايزاه
فيروز: خلاص يا اما يحلها الحلال
اما ف القصر فكان مهران ينزل علي سلالم القصر ليذهب الي الأرض وبعد أن خرج من القصر ذهب الى أرضه الشرقيه ليجد احد الفلاحين مستلقي علي ظهره ليذهب إليه مهران مسرعا ثم يؤمر عنتر الذي كان يجري خلف الحصان الذي يمطتيه مهران أن يربط الرجل من يديه في قدم الحصان
عنتر: بس يا بيه
مهران: خلاص تتربط انته مكانه
عنتر: وانا مالي يابيه
مهران: مش عامل فيها شهم
عنتر: انا مالي حرج ابو اللي جابه حد جاله يجيل ف الشغل
ليربطه عنتر بالفعل ليعترض أحد الفلاحين علي ما حدث
مهران: انته راجل شهم وشجاع من زي أهل العزبه الجبنا عشان كده تعالي ثم يمسكه مهران من ياقته ثم يوقفه أمام النخله الكبيره لينظر حوله ليجد حبلا طويلا مصنوع من جريد النخل ليربطه مهران ف النخله ثم يبدء في ضربه ليتعرض فلاحا اخر
مهران: تعالي انته كمان يا حبيبي يد علجه علي الفلجه وانا هنوله شرف اني اعبطه بيدي هاه يا اهل العزبه حد عايز حاجه تاني اصل النهارده كازيون واحد يتضرب واتنين يساعدوه فانا بجول لو حد منيكم يعني نفسه يجرب الكرباج بتاعي تصدجو ناجعه ف الزيت والشطه الحاميه ليه كد ايه يا مهران بيه اه ليه يومين عشان كده معلش سامحوني اللي هيتضرب بيه هيتلسوع
مهران: حجكم عليا اصلي بحب اشوفكم وانتو متعذبين متخلص يا عنتر
وهنا تمر فيروز من أمامه لكنها تمثل انها لا تراه
مهران: اوجفي عندك يابت انتي بت مين انتي
لتشاور له فيروز باءنها لا تتحدث وها هيا عقيله تظهر خلفها وهيا واضعه نقابا علي وجهها كما تفعل معظم سيدات الصعيد
عقيله: السلام عليكم لوسمحت حضرتك متعرفش فين جصر مهران بيه ابوالليل
مهران: وانتي عايزه الجصر ليه
عقيله: اصلك يا باشا يعني ديه الممرضه اللي هتمرض ست الناس ام البيه
ليتحدث مهران الي فيروز
عقيله: أصلها خرسا وطرشه
وهنا يقترب منهم ساجد
ساجد: خالتي حمدالله على السلامه
عقيله: تسلم يا واد خيتي
مهران: هما جرايبك
ساجد: ديه خالتي لكن ديه عيله يتيمه بس ممرضه شاطره جولت تمرض الست كامله
مهران: طاب خدهم علي الجصر ياله
ليهم ساجد أن ينصرف
مهران: استني يا واد انته
ساجد: في نفسه شكلنا اتكشفنا
مهران: كيف يعني تمشي علي رجلك اصبر اجيبلكم عربيه
ساجد: انته معارفش انته مين ولا واد مين
مهران: حاضر يا كبير
مهران: وصل الجماعه وتعالي عشان عايزك
ساجد: امرك بس علي فكره في واحده جات الجصر الست فايزه بتجول أنها تبجي بت اخوها بس الصراحه يعني شكلها والعياذ بالله
مهران: عفشه جوي كده
ساجد: انا مليش صالح عفشه وله زينه جصدي لابسه لبس رجاصين شكلها مش صعيديه خالص
مهران: كده يبجي اجي معاك عشان اتفرج اهو بردك الواحد يمتع نظره
ساجد: معجوله ايه التغيير المفاجئ ده
مهران: ياله يا واد هم نركبو العربيه اللي معديه جدامنا ديه ثم يوقف مهران السياره
الساءق: خير في حاجه
مهران: انزل
الشخص: انته مجنون مش عارف انا مين
مهران: ولما تكون مين بجولك انزل
الشخص: انا منذر العطيفي ظابط النقطه الجديد
مهران: وانا بجولك انزل احسنلك بدل ما اعبطك علي رجلك والكل يتفرجو عليك
ساجد: محاولا تلطيف الأجواء اهلا بيك يا باشا حضرتك ده مهران ابوالليل كبير العزبه واخويا ووالدته تعبانه عشان كده هو مش ف حالته الطبيعية
مهران: جري ايه يا حيوان انته هتبررله
منذر: لاء الف سلامه علي الست الوالده
مهران: حاجه متخصكش وايه العربيه المعفنه ديه ديه ناجصها حمار وتبجي كارو اركبي يا ست انتي والبت الخرسا ديه وجولتو ايه طرشه كمان
ليترك لهم منذر السياره ويذهب بعيدا ليتصل علي رئيسه ليقص عليه ما حدث
منصور: رئيسه اه ده مهم
مهران ابوالليل يبقي صاحب العزبه ديه كلها
منذر: ده حيوان ولازم يتحاسب عشان اتعدي علي ظابط شرطه
منصور: اثبت
منذر: أهل البلد كلهم شافو اللي حصل
منصور: ولو محدش يجرؤ يشهد ضده
منذر: ده معلق ناس وبيعذبهم ليه سايبينه
منصور: اعمل معروف انا عايز امشي من البلد ديه علي خير ده مفتري انته متعرفهوش