كاملة: روح طيب اعمل اللي جولتلك عليه
مهران: يا سلام عيوني
ليخرج مهران ويتركهم
فيروز تتحدث الي عزب
فيروز: بجولك ايه عندي خبر حلو ليك
عزب: ليا انا
فيروز: ايوه انت الحبايب جايين من مصر
كاملة: حبايب مين
فيروز: نجوي مثلا
عزب: بفرحه بجد
كاملة: مالك يا واد انته الفرحه اترسمت علي وشك كده ليه
عزب: اصلي حبيت وطبيت يا اما
كاملة: حد يفهمني
فيروز: ديه نجوي بت خالتي رابحه ما هو ساجد كمان بيحب اختها اماني لكن ايه اخر ادب واخلاج يا ست الحجه
كاملة: أخص عليكي جوليلي يا اما انا مخلفتش بنات
فيروز: من عيوني يا ام الكل
عزب: هيا مش كانت ست الكل
فيروز: ست الكل وام الكل
عزب: جايين ميته وهتشوفني وانا مكسر كده
فيروز: اسكت ديه اول ما سمعت الخبر جالت لازما اجي اراعيه وأشوف طلباته حنينه جوي نجوي ديه وكمان عم الحج عيد جاي معاهم وده راجل تجي ومحترم جوي وكمان ايه كلمته مسموعه عند الكل
اما مهران فها هو يجلس مع خاله وزوجته وولدهم سعيد وقمر
مهران: انا عايز اتجوز جمر
فايزه: بفرحه خدامتك
مهران: خدهم ياسعيد البيت التاني وانا هكلم الماءذون ونكتبو الكتاب وتخش الجصر عروسه وهعملك فرح سبع ليالي بحالهم عشان افرحك يا عروستي وترجصيلي بس رجص حلال
قمر: من عيوني ياله يا سعيد انا مستعجل جوي جوي
قمر: بس انا عندي شرط
مهران: ايه هو
قمر: مليون جنيه مهر
ليضحك مهران
مهران: بردك انتي جيمتك كده عشره مليون مهر وعشره شبكه وزيهم مؤخر بس اول منتجوزو تحبلي علي طول وتجيبلي نصار الصغير
قمر: ده انا اجيب نصار وعزب الصغيرين
فايزه: بطمع طاب ومرت خالك
مهران: عشر فدادين لسعيد ومليون جنيه دهب ليكي يا غاليه
كامل: طاب وانا
مهران: انته بجا هخليك عمده البلد ياله بجي عشان ورايا حاجات كتيره اعملها
ليخرجو جميعهم الي المنزل القديم
مهران: عنتر انته يا عنتر
عنتر: نعم يا بيه
مهران: عايزك تاخد معاك رجاله كتير وتروحو توجفو عند البيت الجديم ومتخلوش حد يطلع غير لما انا اجي مفهوم
عنتر: أوامر يا بيه
مهران: بس بعد ما خالي والجماعه اللي معاه يدخلو البيت تسك عليهم الباب من برا
عنتر: حاضر جنابك
وبعد أن ذهب عنتر هاهو مهران يدخل لوالدته
مهران: انا مشيتهم اهو جوللي بجا فيه ايه
كاملة: هحكيلك
كاملة: من فتره كبيره كده كنت واجفه عند الجناح بتاعك ولسه كت هخبط سمعت الهام بتتكلم مع حد
فلاش باك
الهام: ايوه يا ام سعيد انا زهجت وجرفت من معامله كامله ديه ليا لكن مهران خاتم ف صباعي وكل يوم والتاني اخليه يجيبلي دهب عشان اءمن نفسي ايه بتجوللي ايه اجوله اني حامل وهيصدج اه جصدك اعمل الشويه بتوعي دول واخليه يكتبلي الجصر باءسمي
باك
كاملة: ولما سمعت كلامها الصراحه خوفت عليك جومت شيعت للواد بتاع التلافونات وجولتله علي نمرتها وجولتله عايزه كل مكالمه تتكلمها تكون عندي جام جاللي لازم التلافون جومت سهيتها وخدت تلافونها والواد عمل فيه حاجه وبجيت اسمع كل مكالماتها مع الدكتوره ومع فايزه ومع كمان سعيد اصلهم ياولدي كانو متفجين يخلصو منيك بعد الشر عليك ويتجوزو هيا وسعيد
مهران: له ديه بجا وسعت منيكي علي الاخر يا اما
كاملة: طاب خد اسمع
ليستمع مهران مكالمه منهم
الهام: خلاص يا حبيبي هنخلص منيه ونتجوزو وتبجي انته كبير العزبه انا مهران ديتي عمري ما حبيته فاكر نفسه حاجه وهو عبيط ده انا بضحك عليه بكلمتين
سعيد: ميته بس انا بغير عليكي جوي منيه ولما بشوفكم مع بعض بتجنن
الهام: اسمع احنا خارجين عايزاك تبوظ العربيه من ناحيته اوحتي تجطع الفرامل بس خلي بالك انا هكون معاه اوعا يجرالي حاجه
سعيد: هو العبيط صدج انك حبله
الهام: اه البركه ف الدهب أديت الدكتوره غوشتين جالتله المدام حامل
سعيد: ده انتي جرده
الهام: امال ايه ونفسي كماني أذل كامله واكسر مناخيرها
سعيد: لما نتجوزو هخليكي تشغليها خدامه عندك
الهام: يا ابوي ده امنيه حياتي
كاملة: سمعت بودانك ولسه فيه مكالمات كتير تاني
مهران: بحسره كفايه يا اما كفايه كده ثم يتغير صوته ببحه حزن اه يا كلب والله لاخليك عبره
كاملة: ولما روحتو المشتشفي عملت نفسي غميت واتفجت مع الدكتور علي كده عشان انته كت دائما تلومني علي معاملتي ليها وخوفت اجولك علي المكالمات ف وجتها بس خوفت متصدجنيش أصلها كانت عاميه عيونك عن كل حاجه
مهران: اه لو مكانش الموت خدها كت جطعت من جتتها ورميت لكلاب العزبه بس صبرا انا مش هرحمهم
فيروز: ممكن تجوللي جافل الجوامع ليه انته تعرف عجوبه اللي عملته ده ايه وليه طايح ف الناس كده عشان غلابه يا بيه العزه والجبروت لله وحده عشان مرتك ماتت حتي لو كانت مين ارجع لربك ده احنا لما نموتو مش هناخدو غير عملنا وكل ديتي رايح ربنا يهديك
وهنا يسمع مهران صوت طرق علي الباب
مهران: ايوه
شديد: انا يا بيه
ليخرج له مهران
مهران: خير
شديد: جبضنا علي الراجل ديتي بيطجس علي حضرتك وعلي أهل البلد وشكله مش من عندينا شكله غريب
مهران: انته منين بجا يا حلو وجاي العزبه ليه وتتكلم بسرعه عشان معنديش وجت اضيعه معاك
بدير: انا بدير ابجي اخو شوج مرت عم فيروز بت الشفايجه وبدور عليها عشان عايزين ياخدو حجهم منيها عشان جدتها كتبتلها الورث كله
مهران: بصوت عالي فيروز يا فيروز تعالي
لتخرج له فيروز
فيروز: نعم
مهران: تعرفي الراجل ديتي
فيروز: له
بدير: انا ابجي جريبك
فيروز: بس انا معرفكش
بدير: طاب فين الست عجليه
مهران: روحي اندهي امك
وبعد أن أتت عقيله
عقيله: بدير بتعمل ايه هنا
ليقص عليها بدير كل ما حدث
عقيله: يا مري عايزين يخلصو من بتي يجطع الورث والفلوس
مهران: اسمع متحدثا لبدير اسمع يا راجل انته هتتصل عليهم وتجولهم انك لجيت فيروز وامها شغالين ف السرايا وانك اتفجت مع غفير من عندي أنه يسلمهم ليك مجابل ٢٠٠ الف جنيه وتخليهم ياجو الجصر هنا وانا هعمل الباجي
عقيله: بجي احنا جينا نتحامو ف حضرتك وانته هتسلمنا ليهم يبجي اخد بتي واروح للحكومه هيا تحمينا
فيروز: له يا اما هو بيعمل كده عشان يجيب رجلهم بس
مهران: اهي بتك فهمت
فيروز: بس ممكن اطلب من حضرتك طلب
مهران: جوللي
فيروز: بلاش تاءذيهم وانا كان علي الورث انا معيزاش حاجه منيهم انا عايزه أهل وناس وعزوه
لينظر لها مهران نظره فخر
مهران: حاضر ياستي
فيروز: طاب والجوامع
مهران: هنفتحوها وهروح اصلي مع الناس كمان
فيروز: ايوه كده خدي صوت الاءذان يطمن جلوبنا الله اكبر الله اكبر
مهران: هنفتحو الجوامع وهندبحو عجول عشان نفرحو أهل العزبه
وهنا تنزل عليهم هيفاء
هيفاء: السلام عليكم
الجميع: عليكم السلام
مهران: ايه الشنطه ديه
هيفاء: شنطه هدومنا عشان هنرجعو مطرح ما رجعنا احنا منجبلوش ان حد يشكك ف نسبنا
مهران: طاب اجعدي بس خلاص ما فيش مشي من هنا يا بت ابوي
هيفاء: انته بتقول بنت ابوك
مهران: ايه مش انتو خواتي وله ايه
هيفاء: ايوه اخواتك وكمان مش عايزين حاجه احنا عايزين الأهل والسند بس
مهران: خلاص بجي هتعملي موال ليه متخلص انته كمان واتصل خلونا نفضو الليله ديه
بدير: حاضر يا بيه
وبالفعل يتصل بدير علي شوق ويبلغها ما املاه عليه مهران
شوق: طاب حلو جوي كده
بدير: طاب والفلوس
شوق: هديهالك تديهت للغفير
بدير: طاب وأنا
شوق: وانته كمان هبسطك
بدير: طاب ياله تعالو الغفير متحفظ عليهم والبيه الكبير ف مصر يعني هناخدوهم ونرجعو من غير ما حد يحس بحاجه
شوق: مسافه السكه وهناجو
ليغلق بدير الهاتف مع شوق
مهران: جدع شديد خده علي البيت الجديم وسلمه لعنتر علي أنه واحد من الشهود
بدير: هتعملو فيا ايه
مهران: ولا حاجه ديه خدمه هتعملهالي وتاخد مجابل جصادها
بدير: انا اخدم جنابك من غير اي حاجه والله بس اروح سليم لعيالي
مهران: وعد مني محدش هيمس شعرايه منيك بس اهم حاجه تديهم العنوان اللي هتكون فيه وتخليهم ياجوك علي هناك وانا هظبط كل حاجه واجيلك
بدير: حاضر
مهران: جبل متدخلو يا شديد خلي عنتر يفهمو كل حاجه
شديد: حاضر جنابك
وهنا تصل رابحه وزوجها وبناتها
رابحه: بخضه خير يا عقيله مالكو يا اختي
الشيخ عيد: السلام عليكم
الجميع: عليكم السلام
عقيله: اصل يا اختي أهل شفيق عرفو مكانا وانا كنت خايفه علي فيروز اوي بس مهران بيه كتر خيره قال هيحل كل حاجه
الشيخ عيد: العصر وجب عايز اتوضي عشان اصلي وبعدين نبقي نتعرف
مهران: تعالي حضرتك هنروحو الجامع نصلو الفرض مع بعضينا
مهران: يا ساجد
لينزل ساجد مهرولا
ساجد: نعم اهلا حمدالله على السلامه
مهران: ياله عشان نروحو نصلو ف الجامع العصر وجب
ساجد: بجد يا اخوي
مهران: ههزر معاك انا ياك اخلص يا واد
ساجد: طاب ممكن عمي الشيخ عيد يصلي بينا امام اصل صوته حلو اوي في قراءه القران
مهران: وماله يا مرحب ياشيخ اتشرفنا
ساجد: وفي حاجه تاني
مهران: بعد الصلاه
ساجد: اصل الظابط منذر طلب مني اكلمك عشان عايز يتجوز هيفاء
مهران: هو ده وجته ده انته عيل بارد
وبعد أن حضر اهل فيروز وتمركزو ف المنزل القديم
قمر: مين دول
فايزه: اكيد المعازيم هو مهران جليل
وها هو مهران يحضر إليهم ومعه فيروز وإخوته ووالدته
فايزه: بذهول كامله انتي خفيتي
كاملة: اه حاجه تزعلك ديه
فايزه: له طبعا ده انا حتي فرحانه جوي
مهران: وهتفرحي جوي لما تعرفي هعمل فيكم ايه
ساجد: سلمهم للحكومه يا اخوي احسن بلاش تعمل فيهم حاجه
مهران: علي جولك مينفعش ازفر يدي بيهم
فايزه: بخوف حكومه ليه
مهران: هما هيبجو يجولولك
كامل: جلبت علينا ليه يا واد خيتي
كاملة: انا لا خيتك ولا اعرفك
ليقترب مهران من سعيد
مهران: بجي انته بجي يا فاشل كت عايز تتجوز مرتي
سعيد: بخوف انا له مين جالك كده
مهران: اتصل علي الظابط يا ساجد خليه ياجي
ساجد: هو كده كده واجف برا ومعاه جوه من الجسم اصل الصراحه خوفت تجل عجلك وتموتهم
مهران: طاب روح اندهله
وبعد أن تم القبض علي كامل وزوجته وولده وقمر أيضا
قمر: بس انا حامل منك وابنك ف بطني
ليضحك عليها مهران
مهران: وانا كنت جربت منك يا ساجطه الا جوليلي اخبار الكباريه ايه مش رجاصه انتي بردك وعليكي كام جضيه وجايه هربانه هنا خدهم يا حضرة الظابط
اما محسب عم فيروز
محسب: ممكن اعرف احنا هنا ليه
مهران: انا مرضيتش اسلمك انته واللي معاك بجي يا راجل عايز تموت بت اخوك عشان الورث أخص علي الرجاله
فيروز: بعد اذنك يا مهران بيه اسمع يا عمي انا مش عايزه الورث ولا عايزه حاجه خدوه كله انا عايزه أهل وناس
لتدمع عينا محسب
محسب: حجك عليا يا بت اخوي سامحينا هو الشيطان اللي دخل ما بينا
فيروز: ربنا يسامحنا كلنا يا عمي
ليحتضنها عمها
شوق: خلاص بجي احنا نجوزوكي ولدي وتعيشي وسط اهلك وناسك
مهران: ولدك مين ديه عروستي انا ايه رءيك يا فيروز
فيروز: بفرحه موافقه
وبعد مرور شهرين اليوم هو فرح جميع الشباب وكان مهران يجلس مع الشيخ عيد
مهران: بما ان بناتك هيتجوزو ويعيشو هنا خليكم جاعدين معانا الجصر كبير وحضرتك تبجي شيخ الجامع
عيد: ايوه يا ابني بس
مهران: بس ايه انته كده كده طلعت معاش
عيد: اللي تشوفه
وها هو الزفاف قد بدء وكانت فيروز ملكه جمال وجميع البنات كانو في منتهي الجمال
منذر: الله عروستي اجمل عروسه ف الدنيا
هيفاء: بس بقي بتكسف
مهران: جمر يا رزه
فيروز: بس انا هكمل تعليمي
مهران: إنشاءالله
عزب: نجوي عروستي حجك عليا انا لسه بعرج علي رجلي شويه لكن اول ما ابجي كويس هنجضو شهر العسل ف بلاد برا
اما اماني فكانت تجلس ف الكوشه بجانب ساجد
اماني: اخيرا اتجوزنا
ساجد: ربنا يجعلها جوازه الهنا والسعد
اما كامله ورابحه وعقيله كانو يجلسون بفرحه شديده
كاملة: الحمدلله اني عيشت وشوفت فرحه ولادي
تمت بحمد الله وتوفيقه