ثم تاءخذها فايزه وتدخل غرفه كامله
فايزه: بت يا خرسه انتي اطلعي برا
لتتركهم فيروز وتخرج
فايزه: روحي اجفلي الباب كويس بس اتاءكدي الاول أن مافيش حد واجف كده ولا كده
قمر: طيب
فايزه: اه صح أنتي طلعتي البت فرح ليه ديه حتي خرسا وطرشه
فايزه: وانا اعرف منين محدش مضمون
قمر: المهم عايزه ايه
فايزه: بجي انتي يا بت الكلاب نازله تصرخي من عند مهران وتجوللي مجنون
قمر: ما هو مجنون صح بعد ما كنا زي الفل اول ما جيت نواحي السرير جعد يزعج ويشتم وطردني
فايزه: جرب منك يابت
قمر: لاء بس كان سكران
فايزه: زي الفل عايزاكي بجا متجربيش منيه خالص وبعد سبوعين هنجولو انك حبلي منه وهو ايه كان هيموت علي الواد
قمر: ياسلام وهو كان جربلي يا اختي
فايزه: مش كان سكران خلاص بجي نلبسوهاله
قمر: وفكرك هيصدج
فايزه: هيصدج
قمر: يا سلام وجيبتي منين الثجه ديه كلها
فايزه: ملكيش صالح انتي تعملي اللي بجولك عليه وبس فاهمه
قمر: طيب
اما فيروز فكانت تستمع لكل ما يحدث من خلف الباب دون أن يراها احد لتقول
فيروز: يا ولاد الحرام اعمل ايه انا دلوك بس يا ربي انا هعمل نفسي مسمعتش حاجه وابجي اشوف هيعملو ايه
وبعد عده ساعات يتصل عنتر علي مهران الذي كان يغط في نوما عميق ليجيب عليه مهران
مهران: عايز ايه يازفت انته
عنتر: اصل يا بيه ساجد افندي اخو حضرتك يعني
مهران: عمل ايه ساجد
عنتر: فتح الجامع ويدن العصر بس أهل البلد خافو ومحدش راح يصلي معاه غير عم رمضان
مهران: بشر ساجد عمل كده طاب روح هاتو مكتف
مهران: علي المندره
عنتر: طاب والعم رمضان
مهران: همله ده راجل كبير
اما ف المسجد فكان ساجد يجلس مع منذر بعد أن فرغ من صلاه العصر ليتحدث مع منذر
ساجد: انا اتشرفت بحضرتك يا باشا
منذر: اسمي منذر بس قوللي يا ساجد ازاي انته غير اخوك خالص
ساجد: ربنا يهديه
منذر: طاب انا عايز اقعد معاه
ساجد: اتفضل تعالي معايا
منذر: اصل الصراحه جاتلنا اشاره من الوحده التابع ليها عزب نصار ابو الليل أنه اتصاب أصابه خطيره وحالته خطر وانا قولت اسلمه الاشاره بنفسي
ساجد: لا حول ولا قوه الا بالله العلي العظيم يا حبيبي يا اخوي طاب وهو فين دلوك
منذر: ف المستشفى متصاب ف رجله وف دراعه
اما ف القصر فكان مهران يجلس ف مندره القصر وهو يقسم باءن يقطع رءس ساجد ليجعله عبره لمن يعتبر وبعد ساعه يصل ساجد الي القصر ومعه الظابط منذر وقبل أن يدخل رءي ان هيفاء تجري عليه مسرعه
هيفاء: أنت ايه اللى عملته ده مهران حالف ليقطع خبرك
ساجد: مش مهران المهم عزب
هيفاء: ماله عزب
ساجد: عزب مصاب وحالته خطيره
هيفاء: بخضه بتقول ايه ازاي حصل كده
ساجد: حضره الظابط منذر هو اللي بلغني بكده
منذر: حضرتك المدام بتاعت عزب
هيفاء: لاء انا أخته يا حبيبي يا اخويا
ساجد: اتفضل خش يابيه اتفضل ف المندره
ليدخلو المندره ليجدو مهران جالسا
مهران: اهلا بساجد باشا اللي بيكسر أوامر الكبير ومين ديتي كمان
ليدخل عليهم عنتر
عنتر: ملجيتهوش جنابك
مهران: ما هو جدامك ياك اتعميت ف نواضرك
عنتر: اعمل ايه يا بيه
مهران: كتفه وارميه ف المخزن
منذر: لو سمحت عايز اتكلم معاك ف موضوع
مهران: مفاضيش برا
ساجد: عزب متصاب ف الجيش وحالته حرجه الاشاره ديه جات لحضره الظابط
مهران: ببهتان بتجول ايه
منذر: للاءسف هيا ديه الحقيقه
مهران: وهو فينه دلوك
منذر: ف مستشفى تابعه للجيش وبيعملو معاه اللازم
مهران: انا هنجله هنا واجهزله الجصر كله لو حكمت واخليه مشتشفي مش بلغت الرساله اتفضل من غير مطرود
منذر: باستغراب انا لولا بس مقدر اللي انته فيه عن اذنك
مهران: عنتر خد الواد ديتي والبت اللي جات معاه واحبسهم فوج ف الجناح اللي هو جاعد فيه لغيت ما اجي
عنتر: حضرتك خارج
مهران: هروح اشوف اخويا الصح اخويا الحجيجي مش اي حد معدي يجوللي أنه اخوي اصدجه لما اخلص من اللي انا فيه هعملهم تحاليل واشوفهم خواتي صح ولا فيلم عاملينه عشان الورث عشان ساعتها ورحمه الغاليه اجطع من جسمهم وارمي للكلاب
ساجد: بس انا جاي معاك اطمن علي عزب
ليضحك مهران
مهران: انته هتتحبس يا حبيبي
ساجد: هروح ولو قتلتني
اما فيروز فها هيا تجلس بجانب كامله ترعاها وتداويها وفجاه تصرخ كاملة
كاملة: ولدي عزب ولدي ف خطر
فيروز: الف حمدالله على سلامتك
كاملة: انتي مين
فيروز: انا فيروز جيت اجعد معاكي بس المفروض اني طرشه وخرسه وادي النجاب كمان هجلعه عشان تطمني وكمان عايزه اجولك علي حاجه مهمه جوي
كاملة: جوللي
فيروز: بس انتي طيبتي كيف بسرعه كده
كاملة: انا من أصله مكنتش عيانه بس عملت كده عشان مهران ولدي كان هيلومني علي موت مرته وولده جومت عملت نفسي غميت وبعدين اتفجت مع الدكتور يجول اني عندي جلطه
فيروز: مش فاهمه يلومك ليه
كاملة: هجولك اصل انا ارتاحت ليكي جوي يوم ما كانو رايحين المشتشفي اتعركت انا والهام ودعيت عليها أصلها كانت مستغله ولدي وكمان كانت بتجول أنها حبله وهيا مش حبله
فيروز: ليه ده كله
كاملة: أصلها اتربت وسطينا بعد موت ناسها بس طول عمرها عيونا فارغين
فيروز: وكان كل همها الفلوس انا مش عارفه بجولك كده ليه بس صدجيني جلبي ارتاحلك جوي
كاملة: يبجي انتي لازم تعرفي انا ابجي مين وايه حكايتي
فيروز: عارفه وانا اللي اتفجت مع نجمه تجيبك هنا شوفتي بجا اول مره الضراير يتفجو
كاملة: يعني ايه أنا مخي اتلخبط
فيروز: بصي كده ف الجرد اللي جاري فيه منوم ابجي حطي منيه لفايزه وجريبتها وانا هرسيكي علي كل حاجه عشان الحكايه ملخبطه بس جوليلي هو عزب ولدي ماله
فيروز: الصراحه هو اتصاب بس متخافيش الظابط جال أنه بخير