رواية ناعس الأجفان الفصل الثالث عشر 13 بقلم فاطمة عمر


رواية ناعس الأجفان الفصل الثالث عشر 13 بقلم فاطمة عمر


فجأة الكهرباء قطعت و جاتني فداء داخلة شايلة شمعتين ختتهم و جات رقدت في رجولي بدون م تقول شي 😞 قلت ليها فدويتي م متذكرة في شنو الليلة قالت لي في قلب بتكسر كل يوم 🥺 و بكت سكتها و بدينا نتناقش عن الحب قلت ليها فدويتي بتعرف كيف انك بتحب زول أو هو الحب شنو😅؟ قالت لي ح اقول ليك كم حاجة لو حصل ليك اتنين منهم يبقى إنتي بتحبي الزول ده و هو ببادلك الشعور😂 و ارح كل ما أقول نقطة لو حصلت معانا نقول حصل  و بعدين كل وحدة تخمن للتانية لو في زول   ها بدينا 


_ دقات القلب المتسارعة و م منتظمة لما تشوفيه أو تجيك ريحة عطرو أو نبرة صوته 🖤 أو لما تفكري فيه  


الاتنين : حصل 😂


_ ارتباكك لما يتكلم معاك أو عيونكم تتلاقى أو لما يناديك بإسمك🖤


الاتنين : حصل😂


_ اللبشة البتجيك لما ايديكم تتلامس من دون قصد أو لما تخبطو ف بعض أو لما تلقو نفسكم مندمجين مع بعض و ناسيين الناس ال معاكم 🖤


هنا انا تذكرت كم موقف و سرحت فيهم كان مرة همام و محمد و معمر و عمر بلعبو كورة في الحوش جيت لعبت معاهم 😂 محمد ولد عارفة المهم و انا عايزة اسحب الكورة من محمد همام برضو كان عايز يسحبها ف يدينا اتلامست و تكهربنا🖤 و قلبي كان شغال دلوكة بس و م قدرنا نكمل الاتنين انسحبنا😂) لما فداء طقطقت لي حتى ركزت معاها و قلنا : حصل


 _ الشوق البحصل ليه حتى لما يكون موجود ، تفضيلك ليه عن الكل في الونسة في الصحبة في كل شي، و أنه يكون أول زول بتلجأ ليه في كل شي و يقدر يفهمك و يحل ليك🖤


انا : حصل، فداء : م حصل 


_يصل مرحلة من التحمل يستمع فيها لأقل تراهاتك، يقدر يحميك ، يشاكلك لما يلقاك على غلط، يعاتبك بطريقة لطيفة ،🖤انا : حصل ، فداء : م حصل 


_ يبدأ يلمح ليك بحبه  و يتحفظ بيه جواه من دون اعتراف بس أفعاله تدل على حبه ،🖤الاتنين : م حصل😂


قالت لي هم كتيير بس ديل الأهم ، قالت لي يريت لو م ضاع بس إرادةربنا الحمد لله على كل حال و بكت🥺🥺 و تاني رجعت و قالت لي بتحكي عن همام صح 🌚 قلت ليه عرفتي كيف قالت واضح غيرة و نظراتك و إهتمامه بأقل تفاصيلك ، دلعه ليك ، ونسته معاك، و كل شي متعلق بيك هو لازم يعرفه، ياخ انتي لما تمرضي بظهر المرض في وشه قبل يظهر فيك ، كان باين شدييد على فكرة بس انتي هبلة و عمياء 🤦🏻‍♀️ قلت ليها بجد ؟ قالت لي يب ، بعدين قلت ليه كنتي بتحكي عن منو قالت لي مفف زول و أصرت تتهرب 😞حضنتها و سكتت فجأة سمعنا صوت.


*صلِّو على النبي ﷺ*


*🦋═℘═🦋═℘══🦋═℘═🦋══℘══🦋═℘═🦋══℘═🦋*


*★★يتبــــــــــــــــــــــــــــــــــــــــــــع★★*..


              الفصل الرابع عشر من هنا 

        لقراءة جميع فصول الرواية من هنا

تعليقات
×

للمزيد من الروايات زوروا قناتنا على تليجرام من هنا

زيارة القناة