رواية صرخة روح الفصل الثامن 8 بقلم جمال المصرى
بسم الله مالك الملك والملكوت
الف شكر لكل اصدقائي ومتابعيني علي دعمكم وكلامكم الجميل
احمد ........... بيشيل روح ويدخل بيها الشقه الف مبرك يا حبيبتي
روح ......... الله يبارك فيك ويحفظك ليه يا نور عينى
احمد ........ ربنا يقدرني واقد اعوضك عن كل الوجع الي عشتيه
روح .......... خلاص مفيش وجع تاني ان شاء الله كفايه بس وجودك في حياتي يا احمد
احمد ......... ربنا ما يحرمني منك
روح. .......... ولا منك يا عمري ايه هتفضل شيلني كده
احمد .......... بصراحه لو عليا عايز افضل شايلك العمر كله
روح ............. انا الي هحطك في قلبي وقفل عليك انا اسعد انسانه في الدنيا كلها
احمد ......... ينزلها بالراحه علي السرير بحبك يا اجمل ورده في حياتي من اول ما شوفتك وانا حبيتك وكنت كل يوم بشوفك وانتي رايحه الجامعه
روح .......... بس انا عمري ما كنت بشوفك خالص هو انت كنت بتستخبى
احمد ........ ايوه عشان كنتي علي ذمة راجل و مكنش ينفع
روح ........وانا كنت بشوفك كل يوم وانت رايح القسم
احمد ....... بجد
روح ........ ايوه ولنفس السبب مكنتش بظهر نفسي
احمد ...........حضنها يااااا كل الحب ده و مكنتش عارف
روح .......... حبك اتحفر في قلبي من اول مره قابلتك فيها
احمد ......... يلا نتوضي ونصلي ركعتين شكر لله وبعد كده افرجك علي الشقه
روح ........يلا
...... وكده بدأوا حياتهم بشكر الله وعاشوا اجمل حياه كلها حب وربنا كرمهم بثلاث اولاد وطبعا القمر الدكتوره حياه الي كبرت ودخلت كلية طب وفي فتره صغيره بقت من اكبر دكاترة القلب في مصر رغم صغر سنها بنسبه لدكاتره تانيه ......
حياه .......... ماما
روح ........صباح الخير يا قلب ماما
حياه ......... صباح الورد يا جميل انا نازله عايزه مني حاجه
روح ...........استني اجهز الفطار و نفطر سوا
حياه .......... لا يا جميل ابقي افطري انتي واخواتي انا هفطر مع زميلي في المستشفي يلا سلام يا قمر
روح .......... سلام يا حبيبتي
حياه .......... نزلت وراحت افريده وفتحت بالمفتاح ودخلت يا تيتا
فريده .......... انا في المطبخ يا عمري
حياه ......... مش قولتلك انا هاجي اجهز لك كل حاجه يا تيتا
فريده ........... مش عايزه اتعبك يا حبيبتي كفايه كل يوم تيجى تدينى العلاج
حياه ........ ما تقوليش كده يا تيته ده انا مهما عملت مش هرد لك جميلك معايا
فريده ........ جميل ايه يا حبيبتي ده انتي جيتي نورتي عليا البيت انا مش بعتبرك حفيدي لا انتي بنتي واختي رغم صغر سنك لكن من اول ما عرفتك وانتي غيرتي كل حاجه في حياتي ربنا يسعدك و يكرمك ما يحرمك
حياه. ....... وانا كفايه عليا الدعوة دى بالدنيا عندي
فريده ........ تسلميلي يا حبيبتي
حياه .......... يلا يا حبيبتي خدى العلاج ويلا عشان اديكي الحقنه
فريده ......... حاضر يا روحي
حياه .......... يلا اسيبك انا عشان الحق المستشفي
فريده ......... سوقي براحه و انتي ماشيه
حياه .......... حاضر يا تيتا وتنزل وبتطلع علي جدها محمود و تيتا فاطمه وزي كل يوم بتفتح و بتدخل بالراحه و بتدخل المطبخ وبتجهز الفطار
محمود ........... مسكتك قبل ما تهربي
حياه ......... ما انت عارف يا جده لازم الحق معاد المستشفي ولا انت عايزهم يرفدوني
محمود ........ مين يقدر يستغني عن اكبر دكتورة قلب في مصر ده انتي رفعتي راسي في الدنيا كلها
حياه ......... انا طلعت كده عشان عندي احسن جد في الدنيا
محمود ........ حضنها ربنا يسعدك يا حبيبتي بس انتي من سنين وانتي بتيجي كل يوم و تنظفي الشقه وتعملي الاكل و حتي روح متعرفش حاجه عن الي بتعمليه
حياه ........ الي بيني وبينكم هيفضل بينا سوا انا حابه ده يا جده
محمود ........ ماشي يا قلب جده وبجد مش عارف اشكرك ازاي علي العمليه الي عملتيها لخالد صاحبي ده كان خلاص استسلم للموت وربنا جعلك سبب في شفائه
حياه ......... انت قولت بلسانك ربنا جعلني سبب يبقا الاول نشكر مين السبب ولا مسبب الاسباب رب الارض و السموات
محمود ........... ما انا مش بقدر عليكي
حياه ......... ادخل اصبح علي تيتا
محمود ......... ماشي يا حبيبتي
حياه ......... دخلت لقيت فاطمه نايمه قربت منها بالراحه و بستها و بتمشي
فاطمه ....... مسكت ايديها رايحه فين ده انا عامله نايمه و مستنياكي
حياه ......... يعني عملالي كأمين يا تيته
فاطمه ........ ايوه ما انتي كده لما تلاقيني نايمه بتسبينى وتمشي مليون مره اقولك تصحينى
حياه ........ ما انا مش بحب ازعجك
فاطمه ....... تزعجيني ازاي ده انا ببقا محظوظه لما بشوف وشك الجميل ده كل يوم الصبح
حياه .........ربنا ما يحرمني منك يا تيته وتفضلي منوره حياتي
فاطمه ........ ولا منك يا حبيبتي بس بردو هتفطرى معايا
حياه ......... معلش عشان زميلي عاملين حسابي في الفطار و نفطر كل يوم سوا امشي انا عشان ما تاخرش
فاطمه ......... ربنا يحميكي يا بنتي ويحفظك من كل سوا
حياه ............ يلا السلام عليكم
الكل ........... وعليكم السلام ورحمة الله وبركاته
حياه ............ راحت عند بيت ليلي وبتفتح بالمفتاح لقيت ليلي في وشها خضتيني يا تيته
ليلي .......... عندك تاخير دقيقه ونص كنتي فين الدقيقه ونص دول
حياه ........ الطريق زحمه يا اجمل تيته في الدنيا
ليلي ........ براءه المره دي
حياه ......... الحمد لله وطبعا زي كل يوم لسا ما فطرتيش
ليلي ........ يا حبيبتي انا متعوده افطر الظهر
حياه ......... وانا قولتلك انك لازم تفطري الصبح عشان تاخدي علاجك
ليلي .......... شوف البت هتعمل دكتوره عليا
حياه ......... وانا اقدر يا جميل بس ايه الحكايه النهارده
ليلي ......... ايه
حياه .......... احلويتى اووي يا لولو
ليلي ......... شوف البت ده جمال رباني يا حياه
حياه .......... ماشي يا ملكة جمال العالم انتي يلا عشان تفطري
ليلي ........... انتي مفيش فيكي فايده
حياه ........ بصراحه اه و هتفطري ولا عايزاني ازعل
ليلي ......... لا انا مش قد زعلك هفطر
حياه ........ احبك كده يا لولو وانتي تسمعي الكلام
احمد ....... رجع من نبطشية الليل ودخل علي روح حبيبتي اصحي بقا
روح ........ حياه انتي رجعتي تاني
احمد ........ يا بختك يا حياه امك مش بتفكر غير فيكي
روح ........ احمد انت جيت
احمد ......... ايوه يا اميره حياتي انتي لو تفكري فيا نص حياه كنت بقيت حاجه تانيه
روح ........ بطل بقا
احمد ......... وحشتيني
روح ........... وانت اكتر يا حبيبي
احمد ......... هي حياه راحت المستشفي
روح .......... ايوه
احمد ........ وبعدين في البت دي انا بقيت مش بشوفها خالص
روح ......... كتر خيرها ضغط الشغل عليها
احمد ......... ربنا يسعدها ويحفظها
روح .......... امين يارب العالمين هروح اصحي العيال
احمد ......... تصحي مين كلهم نزلوا و مفيش غيري انا وانت يا جميل
روح ....... عملتها حياه صحتهم و فطرتهم زي كل يوم البنت دي مش تخليني اعمل حاجه انا قربت انسى اني ام
احمد ......... بصراحه البيت من غيرها ما لوش طعم انا مش عارف لما تتجوز هنعمل ايه من غيرها
روح ......... بس هي تتجوز دي دماغها حجر ورفضه فكرت الجواز خالص
احمد ....... ان شاء الله هتقابل الشخص الي يغير الفكره دي عندها ويكون محترم وابن حلال
روح ......... ان شاء الله يا حبيبي هقوم اعملك الفطار
احمد .......... بقولك وحشاني تقوليلي فطار
روح ........ احمد اعقل يا احمد
احمد ........ انتي خليتي فيا عقل ياروح انتي كل ما بتكبري بتحلوى هتجننيني
روح ....... عشان انت جوزي وحبيبي بعشقك
حياه ......... يلا يا تيته انا همشي
ليلي .......... كنت عايزاكي في موضوع
حياه ........ خير يا لولو محتاج حاجه
ليلي ........ لا يا قلبي بس ابوكي
حياه ........ ما تقوليش ابوكي ده انا مش عايزه اعرف اي حاجه عنه انا لحد دلوقت مش قادره انسي الي عملوا معايا
ليلي ........ هو جاني
حياه ......... خير افتكر ان عنده بنت
ليلي ........... الحكايه مش كده
حياه .......... امال ايه
ليلي ......... ابوكي عنده القلب وكل الدكاتره قالوا انه هيموت
حياه .......... هو بنسبالي مات من زمان
ليلي ......... كل الي هو عايزه انك تشوفي الاشعه وتابعي حالته
حياه .......... اتابع حالة مين ده شخص ميت بالنسبالي وبعد اذنك يا تيته عشان اتاخرت
ليلي .......... بس الطب ده رساله يا حياه مينفعش تشوفي مريض و ترفضي تساعديه انتي ساعدي ناس كتير وربنا كتب علي ايدك الشفاء ليهم بلاش تاخدي قرار في الوقت ده و تندمي عليه يا حبيبتي فكري الاول
حياه ........ بعد اذنك وبتطلع والدموع في عينيها تحاول تحوشها واول ما تركب عربيتها تسمع صريخ بتنزل بسرعه
ليلي ........ لا حول ولا قوه إلا بالله فيه ايه
وحده من الجيران ...... عادل وقع في الشارع وبيموت و كلمنا الاسعاف بس شكلها مش هتلحق
ليلي ........ بتبص علي حياه الي واقفه مكانها ومش بتقول اي حاجه
عباد_الله_وحدو_الله.