
رواية فراشة المقبرة الفصل السابع عشر 17 بقلم إسماعيل موسى
بالنسبه لى كان اعتراض عمر على طرد احسان مقبول فى البداية، نوح كان يحتاج رعاية وانا لا أفهم فى تربية الأطفال، كانت احسان الاختيار الامثل حينها
لكن عندما نطق نوح وقال ماما لأول مره لاحسان شعرت ان نار تحرقنى، انتظرت طوال عمرى سماع هذة الكلمه ثم تقال لغيرى ،وما زاد حنقى تلك المصادفه اللعينه ،نوح وامه وانا
حتى انت يا نوح تتعمد ازعاجى ؟
الا يكفيك ما فعلته من أجلك؟
منذ تلك اللحظه حرصت على التقرب من نوح، لم اترك رعايته كليآ لاحسان ،ثم تمكن من الحبو والسير وأصبح يأكل بعض الطعام، كان على ان اطرد احسان لكن عمر رفض.
فى كل مره كان بيطلع بحجه جديده ،حجج عمر مش بتخلص، عمر الى كان بيكره احسان اكتر من نفسه كان بيحارب من أجل بقائها
دفاعه المستميت اثار فضولى ،عمر لا يفعل اى شيئ دون مقابل
لكن ما يريد من تلك الفتاه النحيف الدميمه ؟
اعرف استحالة ان يخوننى معها، كنت اجبره عندما كانت زوجته ان يواقعها من أجل الحمل
لكن من تلقاء نفسه ادرك تماما ان ذلك مستحيل.
ولأننى لا احب ان اعيش فى مكان مغفله تحدث الأمور من وراء ظهرى بحثت وتقصيت وراقبت عمر
ولم يحدث بينه وبين احسان اى شيئ مقلق
لكن لازال ذلك الهاجس يوؤرفنى ما السبب اللعين الذى يدفع عمر التمسك باحسان ؟
هناك شيء لا أفهمه، شيء غريب ومريب، ثم الهمسات إلتى يتيادلونها سرا أشعر بها لكنى لا افهمها
وكدت ان اصاب بالجنون مع بلوغ عمر سن الثالثه كان على ان اتخلص من احسان
لكن مشاكل الشركه ظهرت وعمر طلب منى اكتر من مره عمل توكيل عام ،رفضت، من أجل ذلك كان على التواجد فى الشركه من أجل التوقيعات وإدارة الأمور
احضرت مريبه لنوح واثبتت الايام ان نوح لا يستكين الا فى حضن احسان
انا ايضا اضطررت لمهادنت احسان حتى أفهم
افهم ذلك الانسجام العدائى السلس بين عمر واحسان
السيمفونيه الهادئه التى يعزفونها فى صمت فى كل دقيقه لا أكون حاضره بينهم.
الكثير من الهمسات المريبه إلتى تتوقف عندمىا أظهر
ثم سمعت كلام عمر المازح عن تولى احسان مسؤلية مديرة الصفقات فى الشركه
تلك القذره الحقيره الحشره اللعينه تتولى منصب فى شركتى؟
مجرد إثارة تلك المزحة اشعرنى بسد النفس، جعلنى اركض نحو الشركه واضع تحت يدى كل شيء مره اخرى
فليغضب عمر، اعرف ان غضبه مؤقت وان وجودى يزعجه بعدما تعود ادارة الشركه بنفسه
لكن تلك المره مختلفه، عمر غير منزعج، عمر انسحب من مكتبه وترك لى رعاية كل شيء، نفض يده كأنه كان ينتظرنى
راح يتجول فى الشركه ويوزع الابتسامات على الموظفين
كل ذلك اشعرنى بالغضب ،اذا كان عمر يعتقد اننى انتهيت فأنه حالم واهى ،انا إلتى صنعت الشركه منذ البدايه ولن اتوسل مساعدته
ثم صعقنى عمر بطلب الاستقاله وانشاء شركه مناصفه مع سيدة أعمال
كان يعتقد اننى سوف أشعر بالغيرة وربما اتوسله من أجل البقاء
تلك المره كانت مختلفه وانا قبلت التحدى، منعنى كبريائى من الرفض ، سوف يرحل عمر ثم يفشل ويأتينى خائب مثل كل مره ينتظر عطفى وغفرانى.
عملت على إعادة التحكم فى أمور الشركة وقمت بتعيين أفضل الاشخاص لابرام الصفقات
الصفقات إلتى سرقها عمر من شركتى وسرعان ما راح التحول يحدث
معظم العملاء إلى تركو شركتى عادو من جديد
وكنت انظر إلى وجه عمر الممتعض وانا أشعر بالسعاده
ليعرف اننى يمكننى تحطيمه فى وقت اشاء
..............
............
ضربت الطاوله بايدى، الشركه خسايرها بتزيد لدرجة انى هفقد كل الى عملته فى وقت سابق
كانت هبه بتلف وتدور فى المكتب، اتصرف يا عمر بيه احنا كده بنضيع
صرخت فى وشها عايزانى اعمل ايه ؟كارمن جمعت أفضل مبرمى الصفقات فى السوق وعينتهم فى شركتها
والى عندنا مش قادرين على المنافسه، كارمن هتكسب مره تانيه، عملت حساب القضايا، قضايا الاختلاس والسرقه
لكن كارمن حطمتنى من جهه مكنتش عامل حسابها
لعقت هبه لسانها طيب والحل؟
لو فضلت الخساير بالشكل ده خلال شهور هنلاقى الشركه قفلت ابوابها
مفيش حل قلت وانا بولع سيجاره صبيلى كأس
تجرعت كأس ورا كاس ويد هبه فوق كتفى تحاول جاهدة ان تخفف عنى وتصفى عقلى
أخبار جوزك ايه يا هبه؟
قالت ذى ما هو مفيش جديد، وسام مجتهد فى شغله حتى كارمن نفسها مفكرتش تطرده ،وسام بيقول انها كمان مدحت فى شغله
أطلقت ابتسامه رعناء وتاملت جسد هبه الرائع الطيع
وقلت انا مقصدش كده
همست هبه امال تقصد ايه ؟
لو كنت تمتعت بقدرتى على التلاعب بالنساء فى التجاره لكانت شركتى أصبحت الأولى على العالم
ملامح وشك مش بتقول كده يا هبه، انا بعرف اقراء وش الست التعيسه من اول نظره
قالت هبه لكن انا مش تعيسه، انا مبسوطه وامورنا ماشيه تمام !!
قلت فيكى حجات مش بتقول كده خالص يا هبه حتى جسمك وحركاتك الا اراديه رافضه تطاوعك وانتى بتجملى كلامك المرتبك
حدقت فى وش هبه وكالعاده توردت من الخجل، ظللت احملق بتلك الغمازات الهائلة الجاذبيه،ثم همست خساره
عمر بيه انت بتلمح لحاجه صح لكن انا مش فاهمه
قلت مش ضرورى تفهمى المهم انى انا فاهم ومتأكد من حقيقه مشاعرى وحقيقة مشاعرك بالحرمان
انا هتخذ قرار جديد وكانت هبه لازالت تستوعب تلميحاتى التحرشية
انا هوظف احسان مديرة الصفقات فى الشركه
نفسى اشوف وشها المعكر وجسدها النحيل على مقعد الاداره واشوف هتعمل ايه
عندى احساس رهيب بالندم لو ما اتخذتش تلك الخطوة الرعناء
انت تجننت صح ؟ صرخت هبه احسان مين؟
دا مش سوق احسان
قلت ببرود احسان خريجة إدارة أعمال ليه ما امنحهاش فرصه؟
صرخت هبه لان كل خبرتها فى مسح البلاط وتربية العيال
دى وشها فقر، انا متأكده انك بتهزر
قلت مش بهزر، قلتلك حابب اشوف الزفت دى فى مقعد الاداره قبل ما الشركه ما تقفل.
احسان؟ غمغمغت هبه ،دى وشها يقطع اللبن من الخميرة
دى طول عمرها ميجيش من وراها غير النحس والفقر
وفكرت للحظه ،منذ اول لحظه دخلت فيها احسان الفيلا لم يكن وشها نحس على الإطلاق بل منحتنى أجمل هديه فى حياتى طفل يحمل اسمى
معرفش ليه شعرت بالضيق وهبه بتشتم فى احسان
شيئ،داخلى كان مربوط بها لأنها كانت زوجتى حتى لو كانت لعبه
وشردت اكتر وانا أشعر باليأس لما يكره كل هولاء الناس احسان ؟
ما فعلته لهم يستحق كل ذلك العداء ؟
احسان حتى الآن لم تفعل اى شيء ضار ولا ذنب لها فى شكلها
حتى انا نفسى اتخذتها لعبه وفعلت بها ما اشاء
وما فعلته كان رد فعل لحماية نوح الذى اقتلع من بين احضانها وهى فاقدة الوعى.
انا همنحها فرصه، المركب كده كده غرقانه وانا كنت وعدتها بفرصه وهى وافقت.
بصقت هبه على الأرض ذوؤقك بقا زفت اوى يا عمر بيه
انت كده بتكبت شهادة وفاة الشركه
ولم تكن لدى رغبه فى سامع مزيد من الهراء
فتحت التليفون وكلمت احسان
لسه مستعده تتولى المنصب إلى عرضته عليكى ؟
ضحكت احسان، بقا عمر بيه هيعمل حاجه لله؟
انا اعتقدت انك بتهزر
قلت احسان انا مش فى مود يسمح لى بالمهاترات هتقبلى المنصب ؟
صمتت احسان
انت بتتكلم بجد؟
قلت ايوه بجد وهبه اخدتك جنبى شاهده على كلامى
قالت طيب وكارمن ونوح هعمل معاهم ايه ؟
قلت ملكيش دعوة بكارمن انا خلاص مش هسمح ليها تتحكم فيا مره تانيه مهما حصل حتى لو بقيت على الحديده
يعنى قررت تكون راجل يا عمر اخيرا ؟
كعادتها احسان صفعتنى بالحقيقه وهذا ما يعجبنى فيها
قلت اخلصى موافقه ولا لا
موافقه يا عمر هخسر ايه يعنى على الاقل اشوف نفسى فى المرايه وانا لابسه قميص وبنطلون
اتصلت بكارمن وطلبت منها تجيب مربيه لعمر لان احسان مش هتكون متاحه كل اليوم
ولما سألت ليه؟
قلت هتتولى مديرة الصفقات فى شركتى
ضحكت كارمن، قهقهة بصوت صاخب اكتر من دقيقه
احسان يا عمر ؟ انت بتراهن على الحقيره دى تنقذك من ورطتك ؟
انا كنت هطرد احسان لكن انت منحتنى وسيلة تسليه جديده
انت واحسان فى مركب واحد مش قادره اتصور كمية الضحك إلى هتصحل.
أنهيت المكالمه وانا حاسس بالغضب والهزيمه ،مش متوقع من احسان تعمل المستحيل ولا متوقع نجاحها
لكن قبل سقوطى المحتم رغبت فى رؤية احسان فى منصب يلائم شخصيتها إلتى رسمتها فى خيالى.
جعلت اضغط على إنذار السياره منتظر الست احسان تظهر
اكتر من عشر دقايق لحد ما خرجت من باب الفيلا
كانت مختلفه هكذا لاحت من بعيد، ببدلة بسيطه منسجمه مع شكلها وحذاء لامع ومكياج طفيف ،ورغم كل شيء كانت احسان لأول مره انيقه
اتفضلى يا هانم ،ركبت احسان فى المقعد الخلفى ورفضت ان تركب جوارى وطوال الطريق لم تتحدث
كانت تحدق بالماره والشارع الذى لم تراه منذ شهور
وصلنا الشركه، شركه كبيره تقف على حافة الإفلاس
وصلنا مكتب احسان كان فيه اكتر من موظف عرفتهم على مديرتهم الجديده
احسان وقفت فى المكتب شويه وهمست انا ليا الصلاحيات اعمل اى حاجه شايفاها صح ؟
قلت وانا أدير لها ظهرى انتى مديرة المكان
بعد رحيلى طلبت احسان تغير ديكور المكان ومواقع المكاتب
طلبت ملفات الصفقات الخاسره
ثم امرت بإعداد رسم بيانى للانهيار أسهم الشركه
وشء اخر غريب، الوقت المتوقع للأفلاس فى ظل الأوضاع الحاليه للشركه..