
رواية ناعس الأجفان الفصل الخامس 5 بقلم فاطمة عمر
مرت الأيام بشكل روتيني ، بابا طلع و تفرقنا،رجعت الناس لمشغولياتها منها ست البيت لخمة مطبخ قهوة وشاي خضار والزيت ، صاحب الشركة ضايع في ملفاته و المشاريع ،صاحب الدكان وين السكر ووين البن ، الدكتور بين مرضاه و العمليات ، أطفالهم الحلوين وين اللعب وين الشارع وفلم كرتون♡
عند فاطمة : كانت أيام روتينية شدييد بس حصل بينا موقف أنا و عمر كنت واقفة في شباك غرفتي و سارحة في فراغ بفكر في مصير كل واحد جاني عمر قال لي : احم احم الشاغل أفكارك يتهنى بيها معاها غمزة 😉قلت ليه : يا ريت لو في 😂😂😂ابتسم ابتسامة خفيفة و حك شعره و قال لي : هسي كده عايزة تقنعيني انه ماف نهائي ،قلت ليه: و لا بحاول اصلا ،وكدي خلينا من الموضوع ده وين فدويتي م جات معاك قال لي : فداء قاعدة بهناك بتفتش ليك قلت ليه : قول أقسم و عايزة أجري مد يده نظام حاجز كده رفعت ليه حاجبي بمعنى خير ابتسم لي و قال : ي بت الناس أنا و الله بحبك
طبعاا اتجمدت في مكاني و المشكلة لو عايزة أجري ماف طريقة بس منزلة رأسي و الخجل شوية و يبلعني قال لي : فديته الخجول ، ي خوافة م عايز ردك فكري براحتك و جاوبي و مشى خلاني حتشل بس في وقفتي دي جات ناطة فيني فداء سلام لما وقعنا في الأرض 😂😂😂 بعدها طلعنا ف الشباك و طلعت جايبة لي معاها اندومي (و هي ترقي ولما انتبهت لي ساكتة ساي و اتبسم)قالت لي : خير يا اللخت بتتكشمي زي العنده ضرس مالك م تكوني جنيتي 😂😂😂 حضنتها و قالت لي : بري يختي الليلة م نصيحة تب حقوم الفى روحي قبل تخنقيني انا لسه في وريدات شبابي عاد انا دي وقعت من الشباك و الله فداء دي م نصيحة المهم حكيت ليها و بقت مقلعة عيونها زي مريض الملاريا 😂😂 و علقت لي في : عمر أخوي انا الواحد ده قلت : اي،فداء :يعني الولد الطويل معانا في البيت ده قال كده،انا كاتمة الضحكة : أي أي الطويل المعاكم 😂😂و قامت جارية جريت وراها قلت تفضحنامشت المطبخ و لقيتها جنب التلاجة و شغالة اكيد انا جنيت و شوية كده حتى استوعبت و قالت لي يمة عقبال انا م يحن علي زول ويعبر الجواي ده و يبلو لي بموية حبو و نفتو شوربة مشاعر طقطقت ليهاقلت ليها :حبك ده كان صحن بووش وم عارفين 😂قالت لي : الجنى المزة داك وين قلت ليها منو : قالت لي همام وانتهى الكلام ضحكت فيها و قلت ليه مشى بيته ، قالت لي :هسي كان عرسوه لي مالو عامل زي صباح العيد قلت ليها :هيي مس انبراش تذكرت حاجة ح تموتك ضحك،قالت لي فتي سريع قبل م اجن،ايام بابا كان في المستشفى كنا قاعدين انا و همام في السلم و نتونس جات ماشة ممرضة اللهم واي نار الضلع ي بت تعاين ف همام عينها م نزلتها يلا هومشى يشتر لي حاجات جاتني تتظارف و طلبت مني رقمه قلت ليها بعد اوريه اول انفصم تاني لقيت في المكتب يتونسو لما جيت داخلة عاينت فيه و قالت ليه : الصلاة على النبي لكن طلعني وحمر ليها لو تشوفيهم واي بس 😂فدوية اتدردقت من الضحك قالت لي بري متعقد ساي لكن أمانة م همام قالت النبي بسماحته دي بتعيشي معاه كيف قلت ليها...
*صلِّو على النبي ﷺ*
*🦋═℘═🦋═℘══🦋═℘═🦋══℘══🦋═℘═🦋══℘═🦋*
*★★يتبــــــــــــــــــــــــــــــــــــــــــــع★★*.