
رواية صاعقة الحب الفصل الثامن 8 بقلم جمال المصرى
بسم الله ولا حول ولا قوه إلا بالله
معاذ هنعمل ايه دلوقت كل حاجه هتنتهى لو اميره حصل لها حاجه .يحيي انا اللي هنتهي لو اميره حصل لها حاجه لازم يكون في حل . رنا انت حبيتها يا يحيي . يحيي انا معرفتش الحب غير معاها هي اول انسانه تدخل قلبي انا مش عارف ده حصل امتي ولا ازاي بس بجد انا بعشقها ولو حصل لها حاجه مش هسامح نفسي . رنا ان شاء الله هنلاقي حل . سامي بيرن علي تليفون واحد من الرجاله الي مع يحيى و بيدي التليفون ليحيي . سامي انا برن علي تليفونك مش بترد . يحيي اميره اخدت التليفون وراحت تسلم نفسها . سامي ازاي تعمل كده . يحيي خلاص يا سامي الي حصل حصل انت كنت بتتصل ليه . سامي رجالة منتصر مستعدين يعملو اي حاجه احنا نطلبها . بحيي ده مش وقتهم خليهم لحد ما نشوف ايه اللي هيحصل و هيقفل ومره واحده سامي انت سامعني سامي ايوه سامعك هتخلي الزعيم تباعهم يكلم منتصر ويقوله انهم قدروا يخطفوا اختي وكمان انهم عرفوا اني اميره مسجله فيديو و متكلمه فيه عن كل حاجه وبمجرد ما الشمس تطلع الفيديو ده هيروح للداخليه والجيش والمخابرات والدنيا هتتقلب فاهم يا سامي . سامي تمام يا يحيي هنفذ اللي انت قولته بالظبط مش عايزك تقلق . معاذ تفتكر الخطه دي هتجيب نتيجه . يحيي حتي لو ما جبتش نتيجه علي الاقل هتدينا شوية وقت بس انا عايز عربيه . معاذ انا كلمت الجماعه والعربيه زمانها داخله علينا . يحيي كده تمام . معاذ بس هتوصل لها ازاي . يحيي في جهاز تتبع في العربيه وان شاء الله هجيبها وارجع والعربيه بتوصل وبيركب ومعاذ بيركب معاه . يحيي لا يا معاذ انت خليك هنا مع رنا . معاذ بس مش هينفع اسيبك لوحدك . يحيي علي الاقل لو حصلنا حاجه انت تكمل المهمه وبينزل معاذ ويطلع يحيي جهاز التتبع وبيطلع باقصي سرعه . سامي بيخلي زعيم العصابه يرن علي منتصر ويبلغه كل حاجه . منتصر قفل السكه و زي المجنون نزل تكسير في العربيه . تامر في ايه يا منتصر . منتصر الكلبه دي مسجله فيديو وسيباه مع حد احنا ما نعرفهوش وبمجرد ما الشمس تطلع لو ما رجعتش هيتسلم لاكتر من جهه وكده يبقا احنا ضعنا . تامر دي طلعت مش سهله والعمل ايه هنقتلها ولا لا . منتصر مش عارف انا دماغي هتنفجر .تامر لا لازم تهداء وتفكر اي خطوه غلط هنضيع كلنا . منتصر اكيد الفيديو مع الي هربوا معاها . تامر تمام والعمل ايه . منتصر احنا مش هنروح نقابلها هنكون بعيد ونراقبها واول ما تزهق اكيد هترجع. لهم واحنا نمشي وراها ونهجم عليهم ونخلص عليهم مره وحده وكده يبقا ضربنا كل العصافير بحجر واحد . تامر كلامك صح مليون في الميه يلا بينا نبعد عشان زمان اميره علي وصول . منتصر يلا يا رجاله الكل يختفي مش عايز حد يظهر . اميره بتقرب بالعربيه من المكان اللي متفقين عليه و تبطل العربيه وتطلع المسدس اللي اخدته من علي الترابيزه و بتكلم نفسها بصوت مسموع انت فاكر اني هسلم نفسي لا كلنا هنموت هنا عشان الباقي يعيش و بتخبي المسدس في لبسها وتنزل و بتتفاجئ ان مفيش حد وبطلع التليفون وبترن لكن ما حدش بيرد بتقول لنفسها هما فين و بتفضل تحاول ترن لكن ما حدش بيرد و بتزهق وبتقول لنفسها انا هعمل ايه دلوقت وفجأة بتيجي عربيه سريعه ضاربه النور العالي و تقرب من اميره . اميره اخيرا جيت يا منتصر و بتجهز المسدس عشان مجرد ما ينزل تضربوا بالنار وبتوقف العربيه وبيطفي نور الكاشفات لكن نور الكبينه بيكون شغال وبتعرف ان يحيي هو الي في العربيه و بينزل يحيي ايه اللي انتي عملتيه ده . اميره انت وصلت هنا ازاي . يحيي هو ده بس اللي فارق معاكي مش فارق معاكي ان لو حصلك حاجه انا هموت من غيرك انا بحبك يا اميره ازاي تفكري تنهي حياتك بالسهوله دي . اميره انا بحبك لدرجة اني مش هتحمل يحصلك حاجه بسببي انا هموت عشان الكل يعيش . يحيي ده تفكير عقيم كده كده هما لازم يقتلونا كلنا عشان الموضوع يتقفل وايه الي انتي مخبيه وراء ظهرك وبيمسك ايدها ايه ده مسدس . اميره ايوه انا مش غبيه انا كنت هقتلهم وبعد كده اموت مش مهم المهم اصلح الغلط اللي انا غلطة . يحيي انتي غبيه وكلنا زعلنا من تصرفك الغبي ده دول مجرمين يعني قبل ما تفكري ترفعي المسدس هتكوني موتي بلاش التفكير ده يا اميره ويلا بينا نرجع معاذ ورنا قلقانين عليكي. اميره ارجوك سيبني اخلص الي انا جايه عشانه . يحيي ابتسم ومين قالك انهم هيجو . اميره انا مكلماهم و زمانهم جاين . يحيي لا هما فعلا هنا بس مش هيظهرو نفسهم و زمانهم شايفينا دلوقت. اميره ازاي مش فاهمه . يحيي يلا بينا وانا افهمك في الطريق . تامر بيتكلمو في ايه ده كله . منتصر مش مهم المهم انهم يرجعو علي المكان الي مستخبين فيه . تامر معاك حق ادينا مستنين •
اميره بترجع عشان تركب العربيه اللي جايه بيها . يحيي لا انتي هتركبي معايا وبتركب جنب يحيي وبيتحركه واول ما طلعوا علي الطريق يحيي بيرمي مسامير علي الارض ويكمل في طريقه . منتصر يلا نتحرك بسرعه ويطلعوا واول عربيه بتعدي الكوشتات بتريح وبينزل يلاقي الكوتش نايم وهنا بينزل منتصر و تامر ياخدوا عربيه من الرجاله و الرجاله بيركبو العربيه اللي اميره سبتها . ويحيي بيبص في المريات . اميره مالك قلقان ليه . يحيي اكيد هيجو ورانا .اميره لو كانوا عايزينا كانو قتلونا واحنا هناك ليه هيسبونا و يرقبونا . يحيي عشان عرفوا انك مسجله فيديو و معترفه عليهم فيه . اميره فيديو ايه انا مش فاهمه . يحيي دي حكايه انا خليت رجاله منتصر الي مسكناهم يقولوها عشان الحق حضرتك . اميره كده فهمت عشان كده ما حدش منهم ظهر ولا حتي حاولوا يقتلونا . يحيي بالظبط كده و بيبص علي جهاز التتبع لقي العربيه اتحركت و جايه في نفس الطريق الي ماشين عليه وهنا بيطلب من اميره تفضي جركن الزيت علي الاسفلت والعربيه ماشيه وفعلا اميره بتعمل كده . اموت واعرف انت دماغك دي ايه بالظبط انت بتفكر في كل حاجه وبتعمل حساب كل حاجه كده ازاي . يحيي انا عادي خالص بس بحاول افكر بعقلهم هما لو انا مكانهم هعمل ايه بس مش اكتر فهمتي يا ست البنات . اميره فهمت يا قلبي انا وانا اسفه واقسم بالله مش هعمل اي حاجه تاني بدون اذنك . يحيي وانا هسامحك المره دي بس لو عملتي اي حاجه من ورايا صدقيني هزعل منك . اميره انا مش قد زعلك يا حبيبي و بتقرب منه وبتحط راسها علي كتفه ياريتني قبلتك من زمان . يحيي كل حاجه وليها وقتها يا روحي . منتصر جاي بسرعه ومره وحده لقي العربيه بتلف بيه و العربيات كلهم دخلوا في بعض ووقف العربيه ونزل ايه اللى حصل ده وايه الحظ النحس ده . تامر بص علي الاسفلت لقيه بيلمع ولمس الاسفلت وقال ده مش حظ ده هما الي عملوا كده عشان منعرفش نراقبهم . منتصر احنا فعلآ استخفينا بيهم والحكاية زادت عن حدها ولازم تخلص باي تمن تامر الموضوع كل يوم بيعدي بيبقا اصعب من الي قبله انا مش بنام خايف اننا ممكن نتكشف في اي لحظه يا منتصر . منتصر ومين بينام الناس الي فوق لو سمعو هيخلصو مني ومنك عشان كده الموضوع ده لازم يخلص وباي تمن . يحيي بص لاميره وهي نايمه علي كتفه رني علي منتصر . اميره بتتعدل ما انا رنيت عليه كتير وما ردش . يحيي رني دلوقت هيرد . اميره بترن علي منتصر . منتصر دي بترن و بيرد عليها الو . اميره بتدي التليفون ليحيي ايوه يا دكتور اتمنا تكون ما عملتش حادثه . منتصر لا انا تمام وعايز ننهي اللعبه دي عشان طولت اووي يا يحيي . يحيي معاك حق وانا كمان زهقت وعايز انهيها . منتصر كلام جميل وايه بقا النهايه . يحيي اول حاجه تسيب اختي وتاني حاجه كل واحد مننا عايز مليون ومليون للرجاله الي هربتنا . منتصر ليه انا فاتح مصنع فلوس . يحيي تجارة الاعضاء بتكسب ملايين يا دكتور ولا تحب احسبهالك . منتصر وعلي ايه تحسبها وتحسدنا يعني عايز كام
٨ مليون جنيه وانا هاخد اميره وهنطلع بره مصر . منتصر انت مجنون هجيبلك من فين ٨ مليون انا مش لوحدي والعمليات دي الكل بياخد منها وفي ناس لو عرفت ان في حد عرف سرها ممكن يقتلوني انا وانت واي حد عنده علم بالموضوع اعقل كده وطلب المعقول انا هديلك ٢ مليون وكده فل . يحيي الي عندي قولته وهستنا ردك وقفل السكه . اميره انت بتتكلم جد يا يحيي فلوس ايه الي انت بتطلبها دي ومين قالك اني هوافق . يحيي انتي واثقه فيا ولا لا . اميره واثقه طبعا بس اتفاجئت من كلامك . يحيي كلامي ده عشان نخلص من الحكايه دي ومسك التليفون ورن علي المقدم رامي وفتح الميكرفون السلام عليكم . يحيي وعليكم السلام ورحمة الله وبركاته قدرت تسجل المكالمه .رامي ايوه بس المكالمه مش كفايه وكمان تامر مش متكلم فيها وكده يبقا لازم تكمل للاخر . يحيي انا جاهز يا فندم وان شاء الله هكمل وانا متاكد انهم هيوافقو . رامي المهم لازم لما تقابلهم عشان تاخد الفلوس تقابلهم في المكان الي انا قولتلك عليه عشان نعرف نسجلهم فاهم . يحيي ما تقلقش يا باشا كل حاجه هتمشي زي ما احنا عايزين ان شاء الله . رامي ربنا معاك وخالي بالك من نفسك ومن اللي معاك . يحيي تمام يا فندم مع السلامه . رامي سلام . اميره ايوه كده انا كنت متاكده انك مستحيل تبيع القضيه باي تمن . يحيي احنا لما كنا محبوسين اتفقت مع المقدم رامي حتي الهروب كان من تخطيطه . اميره انا بجد سعيده جدآ وبحبك اووي وبصراحه بحلم باليوم اللي هنتجوز فيه . بس انا انسان بسيط وانتي دكتوره وانا بيتي في الصعيد وانتي مش بتحبي الصعيد . اميره الدكتوره هتعيش خدامه تحت رجلين جوزها الي قدر يدخل قلبها و يتغلغل في دمها والصعيد دى بلد اهلي انا مش بكرها انا بكره الافكار السلبيه الي في تفكيرهم لكن معاك انت انا هعيش معاك في اي مكان انا مهما اوصف لك حبي ليك مش هقدر اوصفه في احاسيس ما بتتوصفش بتتحس بس . يحيي وانا مش محتاج انك توصفي عشان قلبي حاسس بقلبك وكل الي بتمناه ان ربنا يجمعنا سوا يا حبيبتي و بيوصلو البيت رنا بتطلع جري لما تسمع صوت العربيه اخيرا وبتحضن اميره الحمد لله انك بخير احنا كنا هنتجنن عليكي ينفع اللي انتي عملتيه ده . يحيي الموضوع ده خلاص لازم نحط له نهايه وكلها ساعات وان شاء الله هنفوق من الكابوس ده . معاذ شكلك اخدة خطوه . يحيي ايوه طلبت منهم ٨ مليون ومستني الرد . رنا كده واضح ان النهايه قربت ربنا يسترها وبيدخلو جوه و بيعدي الوقت . سامي استقبل اهالي الرجاله واستضافهم عنده احسن ضيافه وجمع الرجاله انا كده خده عليكم عهد بالتوبه والي يخون العهد يستحمل الي هعملو فيه .عتريس احنا عاهدناك قدام ربنا اننا توبنا ورجعنا عن طريق الحرام ومن دلوقت من ايدك دي لايدك دي . سامي الاول نقوم نصلي المغرب سوا وبعد كده نتكلم وفعلا بيقوموا يصلو لاول مره من سنين وبعد كده بياكلوا لقمه سوا وسامي بيقولهم اني شغلهم معاه هيكون في الارض بعد ما موضوع منتصر يخلص اما حاليا هتفضلو مع منتصر لحد ما يتقبض عليه . تليفون يحيي بيرن الو . منتصر انا فكرت في كلامك بس انا مش هقدر اجمع غير ٥ مليون . يحيي ال ٨ مليون مش هينقصه جنيه ولما تجمعهم كلمني . منتصر انت عصبي ليه خلاص موافق هبعتلك العنوان الي هتستلم فيه الفلوس . يحيي ضحك لا انا الي هبعتلك العنوان ولا انت فاكر اني مش عارف انك ممكن تخلص مننا . منتصر لا ناصح خلاص اتفقنا معادنا بكره الساعه ١٠ بالليل يناسبك . يحيي تمام المهم دلوقت اهلي يكلموني ويقول لي ان نجلاء رجعت البيت وكويسه عشان احجز التذاكر عشان اطلع بره مصر . منتصر خلاص مستنيك وقفل وشويه ويحيي بعت العنوان منتصر ده فندق مطرف في اخر البلد كويس اووي يا تامر عايزك تفضيلي الفندق كله وتوقف الكاميرات عشان الليله هنخلص عليهم كلهم وسرنا يموت معاهم . تامر خلاص انا هتحرك واخلص كل حاجه . منتصر بيرن علي عتريس وبيطلب منه يسيب نجلاء ويجمع الرجاله ويجي علي الفندق وعتريس بيقوله تمام يا دكتور وبيتحرك هو ورجالته عشان يسافروا وبيوصلو هناك وبيأمنو المكان عشان يكون قبر لاميره ويحيي والي معاهم وبيعدي الوقت وبيجي الميعاد وبيوصل يحيي واميره ومعاذ ورنا علي الفندق وبيدخلو وبتتقفل الابواب
عباد_الله_وحدو_الواحد.