رواية عودة عاشق ج4 الفصل الواحد والعشرون 21 والأخير بقلم منة الله الجزار
﷽
ـــــــــ
عند مراد
كان لسه في الطيارة ومايا بدأت تفوق وتحس باللي حواليها..
مايا بتعب.. آه أنا فين؟
مراد.. مايا أنتي معايا.
مايا بصت له بصدمة.. مراد أنا جيت هنا إزاي وأنت معايا إزاي هنا وفين جاك وإزاي وصلت لهنا.
رجعت لورا بخوف منه.
مراد بغضب.. بتفكري فيه حتى وأنتي معايا زمانهم دلوقتي خلصوا عليه.
مايا بصدمة.. إيه جاااك ابعد عني أنا هخرج من هنا.
مراد بسخرية.. أنتي في طيارة يا ماما هتخرجي من هنا فين؟ وبعدين جاك مش هيلحقك مني خلاص رجالتي خلصوا عليه.
مايا فضلت تصوت برعب.. جاااك لاااا جاك استحالة مش هيسيبني أبدا هو قالي عمري ما هسيبك لوحدك.. أنت بتكدب.
كانت بتعيط وفكرة إنها خسرت جاك كانت قتلها.
مراد بجنون.. أنتي بتعيطي عليه أوي كده ليه أنتي أنتي لازم تفرحي إن العقبة اللي في حياتنا خلاص خلصنا منها للأبد وهنكون سوا، أنا خلصت من إنجي عشان زعلتك وخلصت من جاك خلاص هنكون سوا ومش هاخدك على مصر تاني عشان ما تشوفيش أمي ولا تعترض على جوازنا تاني هنكون سوا يا مايا.
مايا بصدمة.. خلصت من إنجي إزاي؟ تقصد إنك وفتحت عيونها من الصدمة.
مراد بهستيرية.. أيوه قتلتها أنا القاتل الحقيقي لأختك بس قتلتها عشانك أنتي عشان نكون سوا تاني أنا عرفت قيمتك يا مايا بجد وأنا بحبك حتى شوفي جبت ليكي إيه.. وطلع العلبة اللي فيها السلسلة وفتحها ووراها لمايا.. شفتي جبت السلسلة دي ليكي يوم عيد الحب جبتها عشانك.
مايا بغضب.. أنت واحد مريض نفسي استحالة تكون إنسان طبيعي أنت إزاي تعمل كده في أختي أو جوزي.
مراد اتعصب عليها لما قالت جوزي.. هو مش جوزك أنتي بتاعتي أنا وبس يا مايا أنا اللي هبقى جوزك بس.
مايا بغضب.. أنا متجوزة وجوزي اسمه جاك مش هكون معاك في حاجة يا مراد أنا بكرهك.
وفضلت تضرب فيه بغل وهو كتفها بغضب..
مراد بغضب.. التزمي نفسك يا مايا عشان ما زعلكيش أنا لحد دلوقتي بحاول أحافظ عليكي وبعمل كل حاجة أنتي بتحبيها بس إنك تمدي إيديك عليا هقطعها ليكي.
مايا قعدت تصوت.. جاااااااااااك الحقننني جاااااااااااك الحقوووني.. أنا بحب جاك مش بحبك أنت أنا بكرهككك أنت إيدك مليانة دم أختيييييييي جاااااااااااك.
محدش كان بيرد عليها لأن الطيارة كانت تبع مراد ورجالته.
مراد.. صوتي من هنا لبكرة محدش هيلحقك أنتي بقيتي بره كندا خلاص خرجنا بره الحدود بتاعتها ومتوجهين للمكسيك وبعدين لأستراليا.
مايا.. أستراليا.
مايا افتكرت جاك لما قالها إنه عنده صديق في أستراليا وإنه كان هيسافر ليه بس هي ما تعرفش هتوصل ليه إزاي وهتهرب من مراد إزاي؟
قعدت تفكر.
ومراد مكنش مطمن لسكوتها ده بس قال إنها تسكت أحسن من اللي هي عملته ده.
ـــــــ
عند مازن.
مازن بصعبنيات.. حسناء إحنا ملناش غير بعض ترضي ابننا يعيش من غير أبوه وأبوه لسه عايش.
رد حسناء كان صادم للكل.. آه ابني أرضاها ليه أصلا أبوه مات بالنسبة لينا من زمان ومالوش حق فيه هو ابني وبس.
مازن بصدمة.. ليه بتقولي كده أنا لسه بحبك يا حسناء.
حسناء بكره.. وأنا بكرهك يا مازن بكرهككككك أنت غلطت عمري.. واللي مش هسامح نفسي عليها أبدا.
مازن بصدمة وحزن.. غلطت عمرك.
كيليان بشر.. سوف أنهي أمره الآن.
وحط سلاحه في دماغ مازن ومازن كان بيبص لحسناء عشان يبتزها عاطفيا وتوقف ده كله بس اتصدم منها ومن الشخصية الجديدة بتاعتها..
حسناء بقوة.. اعمل اللي أنت شايفه صح يا كيليان.
كيليان بص له بابتسامة شر وسخرية في نفس الوقت..
ومازن غمض عيونه باستسلام..
داليا بغضب.. كيلي بلاش تلوث إيدك بدمه سيبه للشرطة هي تحاسبه أنتم قدموا الأدلة اللي ضده للشرطة وهما يتصرفوا معاه بلاش تلوث إيدك يا بني.
ديف بغضب.. ماذا تقولين هو من مس ابنتي؟
داليا.. عارفة بس مش عايزة ولادي إيديهم تتوسخ بيه وبها هما يتصرفوا معاهم أحسن وابعتوا لأهله كل الأدلة حواليه.
أراسو.. مدام داليا تقول الصواب أنا من رأيي كذلك.
حسناء طلعت على فوق وهي طالعة.. ما يهمنيش إيه هيحصل معاه اعملوا اللي أنتم شايفينه صح.
كيليان بشر وخبطه بالسلاح في دماغه.
وجاسيكا مكنتش قادرة تفتح بقها..
ديف.. بالمناسبة جاسيكا عائلتك خسرت كل شيء لم تعد تملك أي شيء مبارك لكم.
أراسو كلم الشرطة وبعت كل الأدلة اللي تدين مازن وجاسيكا سوا ليهم واتقبض عليهم الاتنين.
ــــــ
عند جليلة
رهف راحت عشان تديها العلاج بس لقتها نايمة قربت تصحيها.. ماما اصحي يلا عشان العلاج.
فضلت تهز فيها بس مفيش فايدة رفعت إيديها وإيد جليلة وقعت على السرير تاني.
رهف بصراخ... مااااااامااااا.
وخرجت بره تنادي.. بااابااا عمرررر كاياااا الحقووو ماما ما بتردش عليا.
شوق وورد كانوا قاعدين بيجهزوا نفسهم لما سمعوا صوت رهف خرجوا جري.
شوق بخضة.. في إيه؟
رهف برعب.. ماما ماما ما بتردش عليا.
شوق سابتها وراحت تجري على الأوضة وبدأت تكشف عليها وهما راحوا وراها ورهف كانت بتعيط.
شوق بصدمة وحزن.. السر الإلهي طلع البقاء لله.
رهف بصدمة.. أنتي بتقولي إييييي لااااااااااااا.
وقعدت تصرخ.
البيت كله اتلم عليهم وكان جاسر بره ولسه داخل البيت قابل عمر وكايا وبلال ومريم وسلم عليهم.
ولما سمعوا صوت رهف كله دخل جري.
كايا طلع في السلم هو وعمر ورا بعض.
كايا دخل جري بخضة لقاه رهف قاعدة في الأرض وبتصوت وورد جانبها بتعيط وشوق لسه إيد جليلة في إيديها وأثر الصدمة باين عليها.
كايا دخل وهو رجليه بترتعش.. في إيه؟
جاسر باستغراب.. قاعدين كده ليه أكن ميت ليكم ميت في إيه؟
عمر دخل ومسك شوق من كتفها.. في إيه مالكم.
شوق كانت بتبص ليه والدموع متجمعة في عيونها وبصت على جليلة.
عمر بص على جليلة ورفع إيده بخوف وحطها على نفسها لقاه مفيش وحط إيده على رقبتها عشان يشوف في نبض ولا لا بس برضو مفيش بص لشوق بصدمة.
بلال بقلق.. عمر في إيه مالها طنط؟
عمر لسانه اتشل من الصدمة مكنش قادر ينطق.
جاسر بغضب.. في إيييي مالكم كلكم مبلمين كده ليييي مالها جليلة؟
ورد أخيراً خرجت عن الصمت.. مرات عمي البقاء لله.
كايا بغضب.. أنتي بتقولي إييييي؟ أمي عايشة ما تقوليش كده تاني وإلا قسم بالله هقطع لسانك ده أمي عايشة.. وانهارت قوته وكان هيقع بس بلال مسكه وأخده في حضنه.
جاسر بصدمة.. أنا هطلب الإسعاف يمكن غلطانين.
وطلب الإسعاف وبعد فترة جات الإسعاف وكشفوا عليها قالوا نفس الكلام إنها خلاص ماتت.
الفرحة اللي في البيت كلها انطفت حتى الأنوار والفرح اللي انتصب اتحول لعزا.
"معكننة عليهم حتى وأنتي ميتة 😒"
تاني يوم
الكل كان لابس أسود وشربات كانت من ضمنهم وعمالة تصوت عليها وقطعت هدومها البت من كتر الزعل عليها
تقتل القتيل وتمشي في جنازته 😏
شربات بتمثيل.. ما كانش يومك آه ده أنا كنت عايشة عشانك يلا كنتي بتقفي ليا في البيت ده عشاني آاااه يا أما آااه من الفرحة ما استحملتيش يا أختيييي كان كايا هيتجوز ما استحملتش من الفرحة فين مراد ومازن اتصلوا عليهم يجوا.
وقعدت تولول... ورد وشوق مكنوش مهتمين لكلامها أصلا ورهف كانت قاعدة في جنب وبتعيط قاموا وراحوا قعدوا جانبها وشوق أخدتها في حضنها وقعدت تعيط.
رهف بدموع.. سامحوها سامحي أمي يا شوق عارفة إنها غلطت في حقك كتير أنتي وورد سامحوها هي بين إيدين ربنا.
شوق بدموع.. ربنا يسامحها ويسامحنا كلنا.
رهف.. وأنتي يا ورد سامحيها.
ورد بدموع.. مسامحاها.
جاسر كان واقف بره وبيعيط عليها على العشرة اللي بينهم وكايا كان ندمان على السنتين اللي قضاهم بعيد عن البيت وندمان إنها ماتت زعلانة منه.. حتى عمر كان زعلان إنها زعلت منه قبل ما تموت.
بلال كان واقف في كتف كايا وما سابوش لوحده كايا اتفاجأ بعربية بتدخل البيت وبتنزل منها واحدة أول ما شافته راحت ليه وأخدته في حضنها.
.. البقاء لله يا روحي.
كايا اترمى في حضنها وقعد يعيط.. وهي فضلت تطبطب عليه.
بلال.. أنتي إيه عرفك يا طنط سكر.
سكر.. كنت بحاول أرن على كايا كتير امبارح بس ما ردش قلقت عليه وكلمت ورد وهي اللي قالتلي.
جاسر بحزن.. كتر خيرك يا ست.. بلال دخلها جوه مع الحريم.
بلال.. حاضر يا عمو.
وأخدها ودخلها جوه وراحت سلمت على رهف وعزتها هي والبنات وفضلت قاعدة معاهم.
بلال خرج تاني بس خد باله إن مريم وأمها موجودين في العزا خرج تاني.
بره
كان صلاح جاي وسلم على الكل وعزاهم وكايا كان هيمسك فيه بس عمر مسك إيده وهمس ليه.. بعدين يا كايا أنت مش شايف حالة الكل عاملة إزاي.
كايا سكت وصلاح سلم عليهم ووقف معاهم.
كان معاه العيال.
عمر.. دخل العيال دي جوه عشان هما أطفال وما ينفعش يفضلوا هنا.
صلاح.. ماشي.. وأخدهم ودخل العيال أول ما شافوا أمهم جريوا عليها وهي أخدتهم في حضنها وفضلت تبوس فيهم وأخدتهم في حضنها أوي.
شربات بصت عليه بغضب وإنه ما عملش اللي هما اتفقوا عليه ورجعهم ليها.
صلاح بحزن.. البقاء لله.
رهف من غير ما تبص عليه.. الدوام لله.
صلاح حس بالذنب وقد إيه غلط معاها وهي ما تستاهلش ده كله منه.. خرج تاني.
جه وقت الدفنة.
كانوا الكل شايلين الكفن بتاعها ورايحين يدفنوها كان بلال وعمر وكايا وصلاح الكل كان مستغرب فين مراد ومازن ليه مش موجودين في الدفنة.
وجاسر كانوا الرجالة مسندينه.
دفنوها ورجعوا تاني عشان ياخدوا العزا.
فضل العزا شغال والناس تيجي وتمشي لحد نص الليل.
وبعدين لما خلص الكل روحوا.. كان الحزن مالي البيت.
ـــــــــ
عند مراد وصل المكسيك.
هو ومايا ونقل على طيارة تانية وهو شايلها غصب عنها وهي عمالة تضرب فيه وكتفها تاني في الكرسي في الطيارة اللي رايحة أستراليا.
والطيارة طلعت متجهة لأستراليا.
ـــــــــ
عند جاك.
كان قدر يعرف إن مراد أخد مايا وراح بيها على أستراليا عشان كده أخد طيارة خاصة وراح هناك.. على طول.
وصل هناك وكان صاحبه مستنيه..
الطيارة هبطت وكان في شاب واقف تحت مستنيه.
نزل جاك من الطيارة.
الشاب سلم عليه.. مرحبا جاك.
جاك.. مرحبا جنكيز.
جنكيز.. هيا لنذهب يا صديقي.
جاك راح معاه وفي العربية.
جنكيز.. بحثت لك عن ما طلبت هو استأجر بيت هنا للعيش به وهذا هو العنوان.
جاك بشر.. لازم نستقبله استقبال مناسب له.
جنكيز.. أنا معك في أي شيء تريد.
جنكيز أخد جاك ورجالتهم معاهم وراحوا على البيت اللي مراد أجره عشان يقعد فيه هو ومايا.
دخلوا البيت وقعدوا في البيت يستقبلوا مراد.
بعد وقت طووويل.. وصل مراد ومايا وأخدها وراحوا على البيت.
كان مراد بيفتح باب البيت وبيفتح النور وبيشد في مايا عشان تدخل وهي مكنتش عايزة تدخل بس دخلت لما شافته قاعد مستنيهم وهو بخير ما حصلش ليه حاجة ومعاه رجالته وشخص غريب هي أول مرة تشوفه.
مراد.. أيوه كده ادخلي خليكي مطيعة.. ولسه بيلف لقاه قاعد وحاطط رجل على رجل وماسك سلاح في إيده وعلامات الشر كلها باينة على وشه.
مراد اتصدم.. أنت لسه عايش؟
جاك بسخرية.. surprise 'مفاجأة'.
مراد شد مايا قدامه وطلع سلاحه بسرعة وحطه في دماغها.. لم كلابك دول واطلع من هنا بدل ما أفجر دماغها.
مايا بغضب.. طول عمرك وسخ يا مراد.
جنكيز بسخرية.. تختبئ خلف فتاة يا لك من وغد.
جاك قام ليه ببرود واتقدم ووقف قدامه.. اتركها.
مراد بسخرية.. لو مفكرني هخاف منك تبقى بتحلم أنا رجالتي كلهم بره.
جاك بسخرية.. متأكد من ذلك.
وشاور للرجالة خرجوا فرأوا دماغهم كلهم.
مراد كان مفكر إن رجالته هما اللي قضوا على بتوع جاك.
بس اتصدم لما لقى رجالة جاك كلهم دخلوا تاني.
جاك طلع سلاحه وصوب على مراد جاك في إيده وسحب مايا من تحت إيده وأخدها وراه.
رجالة جاك كلهم وجنكيز رفعوا أسلحتهم.. على مراد.
مراد بصلهم برعب وإيده كانت بتنزف.
جاك بشر.. تجرأت واختطفت زوجتي.. وضرب مراد في وشه مراد رجع لورا وفضل يضرب فيه واداه خبطة تحت الحزام وقعه على الأرض وقام دايس على إيده اللي بتنزف بشر.. تجرؤتم واقتربتم من عائلتي جاي وقت العقاب للجميع.
مراد بتعب ووجع.. أنت اللي بدأت بده كله.. لما أخدت الصفقة مني.
جاك بشر.. أنا أخذت ما هو حقي وليس لك أنا من كنت أمول الصفقات لك من أجل مايا وحسناء لكن أنتم جرحتموهم ولذلك كنتم لم تعلموا من أنا.. لذلك أردت أن أريكم من أنا.. وإن الاستهانة بي كانت كبيرة وأنا لا أسمح بذلك..
ولف الخاتم اللي كان على إيده وضرب مراد بالقلم على وشه عوره.
مايا بدموع.. جاك هو اللي كان السبب في موت إنجي.
جاك ببرود.. أعلم بذلك.
مايا بصدمة.. أنت كنت عارف.
جاك.. أعلم منذ البداية بذلك أعلم كل شيء.
جاك بأمر.. جنكيز تصرف معاه.
جنكيز.. حسنا.
جاك أخد مايا وخرجوا بس مراد اتسحب بإيده ومسك سلاحه تاني وكان هيضربها في ظهر جاك بس جاك لف ليه وأطلق عليه جات في دماغه.
ومايا صرخت بصدمة...
جاك ببرود.. جنكيز احرق المكان به مثلما ما فعل مع إنجي.
جنكيز.. حسنا.
خرجوا كلهم بره وجنكيز حرق البيت بمراد.
جنكيز.. ماذا تريد أن نفعل أيضا.
جاك.. لا شيء شكراً لك يا صديقي.
جنكيز.. لا تقول ذلك يا راجل نحن أصدقاء وأنا أحد رجالك المخلصين لك سعدت بالعمل معك أيها الذئب الأسود نحن تحت أمرك في أي زمان ومكان أنا ورجالي.
جاك.. سلم عليه.. وأنا أيضا سعدت بالعمل معك.
جنكيز مشي ومعاه رجالته ومايا كانت أثر الصدمة لسه قدامها.
جاك بحنية أخد مايا في حضنه.. وأخدها ومشي.
بعت رسالة لكيليان إن مايا بقت معاه وطمنهم عليهم.
جاك رجع بمايا على كندا تاني.
ـــــــ
تاني يوم.
شربات أخدت صلاح بعيد عن العيون.
شربات بغضب.. أنت اتجننت إزاي ترجع بالعيال أنت ناسي اتفقنا على إيه؟
صلاح بهدوء.. مراد كلمني وحكى ليها على مراد.. عشان كده خوفت منه ورجعت العيال لأمهم تاني كفاية بقى لحد كده كفاية إني اتسرعت وخربت بيتي أنا العزا هيخلص وأرجع أسافر تاني وأنتي ابعدي عنهم بقى بشرك ده.
شربات بغضب.. أنت اتجننت أنت ناسي إن العز اللي هما فيه ده بتاعنا إحنا.
صلاح.. لا مش بتاعنا أبوكي اللي ضيع فلوسه هو وجدك ده بتاع حامد العزايزي..
شربات بغضب.. أنت اتهبلت أنت بتقول إيه.
جاسر بقوة.. بيقول الحقيقة.
شربات ارتعبت لما لقت جاسر واقف قدامها وسمعهم هو والكل.
جاسر اتقدم خطوة.. أيوه دي الحقيقة أبوي الله يرحمه هو اللي اشترى من جدك نصيبه بعده ما كان عاوز يبيعه أبوكي مالوش حاجة في البيت ده ولا في فلوسنا.
كايا اتقدم منها وهب ضربها بالقلم وقعها في الأرض.
شربات بجنون.. بتمد إيدك عليا.
كايا بغضب.. وهكسر رقبتك كمان أنتي واحدة قاتلة قتلتي أمي يا بنت 🐕.
عمر وبلال كانوا بيحوشوا كايا عنها.
شربات بصدمة.. أنت بتقول إيه.
ورد.. بيقول الحقيقة أنا لقيت الكيس ده في أوضتك وعمر أخده وحلله وطلع نفس الجرعة اللي اتلقت في دم مرات عمي.
عمر بجمود.. الشرطة هي اللي هتتعامل معاكي أنتي وأخوكي.
كايا.. سيبوني عليها أطلع روحها.
عمر.. اهدي يا كايا هي هتاخد حسابها كله.
الشرطة دخلت وأخدتها هي وصلاح وهي قعدت تصوت.
رهف.. ما كنتش مصدقة إن حصل ده كله منهم بجد إيه كمية القرف دي.
بلال.. خلاص الحقيقة اتكشفت وكل واحد خد جزاته.
جاسر.. فعلاً.
ـــــــــــــــ
بعد أسبوع.
كانت محكمة شربات وكان واقف جانبها صلاح ومازن لأنه اتحول لمصر تاني.
القاضي.. نظرا إلى الأدلة الموجودة حكمت المحكمة حضوريا على صلاح الدين منصور العزايزي بالحبس سنة مع الأشغال الشاقة وعلى شربات منصور العزايزي بالإعدام شنقا وعلى مازن محرم حامد العزايزي بالحبس مدى الحياة رفعت الجلسة.
جاسر لمازن.. أنا ما عملتش ليك حاجة ليه عملت كده؟
مازن بندم.. كنت مفكرك إنك واخد ورث أبويا أنا وعمر عشان أبوي وأبوه ماتوا قبل جدي وأنت أخدته كله كنت مفكر إني باخد من حقي حقك عليا يا عمي سامحني.
جاسر.. ربنا يسامحك يا ولدي.
مازن.. وخلي حسناء تسامحني هي كمان سامحوني كلكم.
عدت سنة كاملة...
كانت حسناء ولدت بنت وسمتها ماريا.
كانوا قاعدين في المسجد.
كان كيليان بيعلن إسلامه بعد ما اقتنع اقتناع كامل بالإسلام وكمان أهله محدش اعترض عندهم لأن عندهم كل إنسان حر في اللي بيعمله.
و مايا قعدت فترة كبيرة لحد ما حملت وبقت في الشهر 5 وكان جاك جانبها.
عدى كام شهر وكيليان اعترف بحبه لحسناء وطلبها من أهلها واتجوزوا.
عند كايا وورد أخيراً اتجمعوا واتجوزوا وكمان بلال خطب مريم.
وجاسر.. اتجوز سكر..
تمت بحمد الله