رواية أمانة الغائب الفصل السابع 7 بقلم جمانه السعيدي
@الجميع
امل....طول هذا الأسبوع طلع روحي بلااوامر ولتحكمات
مااعرف منيين يطلع هاي السوالف
مااعرف خبيث لو اناني لو نرجسي لو متكبر
لو ذني كلهن بي
حرت بهاي الشخصيه العجيبه وين ضامها اليه الوكت
قبل لا ينتهي الاسبوع بيوم كاعده اخبز ورجع فيصل
بس دخل سئل عني لان ماشافني بلمطبخ
فيصل....وين امل
خالتي...جاي تخبز ورا البيت
امل...اجا فيصل يدور عليه هلو اموله
امل...هله فيصل اليوم راجع من وكت
فيصل....طلعونا الحصه الاخيره
امل...جوعان خل خالتي تصب الاكل
فيصل...لا انتظرج تخلصين
امل..اخذ خبزه ياكل وفتحلي قبل التنور
بقا فيصل واكف بصفي ويفتح التنور
شويه واجا يحيى على صوت السوالف
يحيى....شكووو
فيصل...ماكو شي نسولف
يحيى...وانت جاي تسولف وحتى ملابس المدرسه مانزعتهن
فيصل....اي اني متعود بس اوصل اسولف الامل
شصار وياي
يحيى...روح بدل ملابسك
فيصل....خل تخلص امل اساعدها افتح التنور
امل...صاح يحيى بعصبيه روح غير ملابسك شنو انت مره كاعد تسولف عليها وهيه تخبز
فيصل.....على كيفك ليش عصبي
امل....راح فيصل ويحيى بقى واكف
يحيى...اني مو كلت ممنوع سوالف وضحك ويا فيصل
امل...جاي اخبز وهو اجا
يحيى...لو ماانتي منطيته عين مايسولف عليج
امل...انت تشك باخوك لو تشك بيه وضحلي حتى افتهم
يحيى...لا شنو اشك باخوي
امل...يعني تشك بيه
يحيى....انتي ليش ما تسمعين الكلام
ليش ترجعين الكلمه بعشره
امل....لا ولله انت الي أفكارك ماعرف شنو
ترا فيصل مثل اخوي ولد محترم وما طلع منه شي
واحنا مادام عايشين بيت واحد
لازم نحجي سوه مثل مااحجي ويا خالتي ويا عمي
جمانه السعيدي
يحيى....اني كلت ممنوع
امل...اني استحي اكول الفيصل لا تحجي وياي
روح انت واحجي ويااا كوله لا تحجي ويا امل
يحيى...انتي لو منطيته عين مايقرب ويسولف عليج
امل....اشفتني كدامك موعب تكول هيج
روح عالج عقلك المريض
عفت الخبز على النص وصعدت الغرفتي
دخلت الحمام الفوك سبحت وبدلت وطلعت
احس نفسي شعلة نار حتى الماي مابردني
هذا شبي من كل عقله شنو يشك بيه
اسمعه صاح على خالتي تكمل الخبز
خالتي كامت تحجي علي
خالتي...لازم حجيت شي وضوجتها
كملت خالتي ااخر كرصتين خبز وصعدت وراي
خالتي...شبيج
امل... بزعت روحي تحقيق وكلام ماله معنى ليش تحجين ويا فيصل
شبي فيصل ولله محترم وما طلعت منه العيبه
واذا نسولف شكو بيها
اذا يشك بيه خل يطلكني وكلمن يروح بحاله
خالتي...انزلي اني اليوم اسود يومه
امل...ماانزل واليوم احجي ويا عمي هو الي ورطني بهاي الزواجه وهو يخلصني منها
خالتي.....اني راح احجي وياا
نزلت خالتي
امل..... تمددت شكد مقهوره من كلامه
سمعت واحد صعد توقعت عمي جاي يصالحني
عدلت كعدتي جان اشوف يحيى هاي اول مره يصعد فوك
من يوم انكسرت رجله لليوم
يحيى...شبيج
امل...درت وجهي ومارديت علي
يحيى....ليش زعلتي اني شكلت
امل...بقيت ساكته
يحيى...ردي عليه مو احجي وياج
امل.....اني اليوم احجي ويا عمي هو الي ورطني بهاي الزواجه وهو الي يخلصني
مادام وصلت للشك بعد مانكمل سوه
اني تشك بيه ويا فيصل
جمانه السعيدي
فيصل اشرف واحد التقيت بي
مادام وصلت للشك بعد لهنا وبس
يحيى...اسف
امل...باوعت بوجها اول مره يعتذر مني
يحيى...اني اسف واعتذر بس اني مجاي اتحمل اشوفج
واكفه تسولفين ويااا
اني لا اشك بيج ولا اشك بي بس ماريدج تحجين وياااا
امل...هذا اخوي افهم اخوي
لان عمره قريب من عمري يسولف عليه
لا تخلي هاي الأفكار تعيش بدماغك
يحيى....حاولي لا تختلطين بي وخاصه اذا اني موجود
امل...تغار انت تغار مو تكول ما تحبني وماتريدني واني مو مستواك
يحيى...هذا حجي لان ابوي فرضج عليه
امل....وشلون هسه شلون راح نكمل
يحيى...مثل أي ثنيين مزوجين
امل....انت مو نكول اني ماابقى عليج ازوج غيرج
يحيى...اي من اتخرج ههههه
امل...انت تضحك عليه
يحيى....اني جديات مااريدج بس مااعرف ليش اضوج من اشوفج تحجين ويا فيصل
امل....خررررررب عمي هبج الحياة مستحيل تستمر
يحيى...يعني شنو ترديني اطلكج
امل...تسوي فضل
يحيى...وين ترحين اذا طلكتج
امل...اروح بيت خالي اعيش ويا امي
يحيى...وتاخذين حميد ( يلفظ كلمة حميد بستزغار )
امل...وشبي حميد شنو ناقصه
يحيى...بشرفج بعد الهلال خلال
بعد الضابط يحيى حميد ابو الصخول
امل....المنصب مو كلشي يمكن صح حميد يركض ورا الصخول
بس عنده احساس
مايغثني بكلامه يعاملني معامله حلوه
يحيى.... انجبي مااسمع اسمه على السانج
امل...رجعنا للغلط
يحيى....يعني اسمعج تحجين عن هذا ابو الصخول واسكت
امل....ولله حرت وياك كلشي مايرضيك
يحيى...يرضيني تسمعين كلامي
امل....واني جاي اسمع كلامك واسكت بس انت عندك شغلات ما تنحمل
يحيى....يله ننزل نتغدا امي خطيه كملت الخبز بمكانج
امل....هلكد ماا احترك كلبي كلشي مااريد
يحيى...الخاطري
امل...مااكدر يرادلي نهار كامل حتى تطلع هاي الحركه من كلبي
يحيى....هيج ذني الكلمتين أثرن عليج
امل...كلمتين بس عبالك رصاصتين اجن بكلبي
(ااشرت على كلبي)
يحيى...سلامة كلبج
امل...اول مره اسمع يحيى يحجي هيج يالله بلكت تغير
بقا النهار كله لازكلي وين مااروح يجي وراي ويحجي وياي حجي حلو
جمانه السعيدي
يحيى....شنو رائيج انروح للحديقه
امل...تحجي صدك
يحيى...اي اني هم ماشايف الحديقه واريد اروح اشوفها
امل....اي اروح
بدلت لبست نفنوف أخضر فاتح وخليت شوية مكياج
لبست عباتي
وطلعنا اني ويااا
بقينا اكثر من ساعه شربنا عصير
ورجعنا للبيت
شكد دعيت ربي بهاي اليله يحيى يبقى هبج
وما يتغير ويرجع يحرك كلبي مثل قبل
هاي اليله كانت ليلة زواجنا الحقيقيه
من بعدها اتعافى يحيى ورجع للدوام
مرت الايام بسرعه وطلعت حامل وصار عندي علي
من بعدها رجعت حملت
وصارت عندي بنيه زهراء
يحيى ما تغير ابد بقى نفسه
يوم عصبي ويوم حباب يوم يضربني ويوم حنيين عليه
يوم يحجي ويعيرني بلماضي
يوم يحبني ويخاف عليه ويوم يكول يوم الاسود الي شفتج بي ويوم يفرح بعلاقتنا
اتعودت علي وعلى اسلوبه
همزين يروح للدوام مايبقى بلبيت
جان انجلطت بسببه
حرت شلون احلل شخصيته
شخصية متقلبه مستحيل احد يعرف هو شيريد
حتى هو نفسه مايعرف شيريد
تعودت علي وعلى اسلوبه
اهم شي عندي يحب جهاله ومتعلق بيهم وما مقصر وياهم بشي
وما يتحمل اي واحد بيهم يصير علي شي
حتى عمي وخالتي حيل متعلقين بلجهال
انقبل فيصل معهد تحليلات حكومي
علاقتي بفيصل محد كدر يغيرها ابد صديقي المقرب
الي يفهمني قبل لا احجي
فيصل فهم غيرة يحيى بسببه من ينزل يحيى ما يحجي وياي واذا عنده سالفه يضمها لمن يحيى يروح للدوام
بس صداقتنا مستمره اني ويااا
بعد ماداوم بلمعهد ٣ أشهر اجاني بيوم طاير من الفرح
هو يرجع الساعه ثنتين الضهر
اني انتظره حتى احضرله الغده
دخل يكمز وفرحان
امل....خير شكووو يالله
فيصل....تعالي عندي موضوع مهم
امل...بس اكمل غسل المواعين
فيصل...عوفي كلشي اني اغسل المواعين وتعالي
كعدنا اني ويا بلمطبخ
خالتي وعمي نايمين
امل...شكووو
فتح تليفونه وطلع صورة بنيه كلش حلوه
فيصل...شنو رائيج
امل...منو هاي
فيصل.....هاي الحب
امل...حبيبتك
فيصل.... اي حلوه
امل...تخبل عاش الذوق
فيصل.... صار فتره واني احاول اتعرف عليها
اليوم صار بينا موقف وبدينا نحجي اني وياها
جان تكول اني معجبه بيك
امل...يااا ولله عيب
فيصل....ولج ما صدكت طرت من الفرح
امل....هاي ما تستحي
فيصل.... ماصدكت نفسي اني صار شكد اراقبها وميت عليها
امل....بس حلوه تستاهل
فيصل....اني مامصدك معقوله الحظ ضحكلي
امل...بلعافيه تستاهل كل الخير
فيصل...لازم اعرفج عليها
امل...وين اشوفها حتى اتعرف عليها
فيصل...حتلو تحجين وياها بلتليفون
امل...اي ولله اكيف احجي وياها
امل...تريد غدا لو اليوم شبعان من الحب
فيصل....اليوم مااحس باي شي غير الحب
امل...الله يديم هاي السعاده عليك
خل احضرلك الغده
بعد ما خلصت هاي السنه الدراسيه
نجح فيصل وفعلا عرفني على حبيبته وحجيت وياها بتليفون
ااكثر من مره حتى اشتريتلها هديه جنطه وشال ودزيتهن بيد فيصل الها
كل الي بلبيت عرفو فيصل يحب وتعرفون على حبيبته
من خلال كلامه عنها
امل....يحيى فيصل يحب اني شفت حبيبته تخبل
يحيى...وين شفتيها
امل.... شفت صورتها بتليفونه
يحيى...هنياله
امل.... هيه هنيالها تاخذ واحد مثل فيصل طيب وحنيين ومثقف
يحيى....اي قابل مثل حظي
امل...شبي حظك استغفر الله
يحيى...على الاقل عاش الحب وازوج وحده هو اختارها
امل...شلون بهاي السالفه الي ما تخلص
يااخي حب منو ما نعك من الحب
يحيى...يعني اذا احب تخطبيلي
امل....اي اخطبلك بس اخلص من هاي السالفه
يحيى...يعني موافقه
امل....اي موافقه بس كون راسي يبرد
يحيى...وانتي
امل...شبيه اني اعيش اني وجهالي بهذا البيت
وانت اخذ حبيبتك واطلع
يحيى....اي هذا الحجي الحلو
جمانه السعيدي
مايصير يمر يوم اذا ما ينكد عليه
شكد جنت فرحانه الفيصل
مايرتاح اله يغثني هيج يستمتع اذا غثني
السنه الي بعدها اتخرج فيصل ويحيى بنفس السنه
عمي ذبح طليان ثنيين وعزم شكد ناس
الفرحه ما تنوصف ابد
ثنيينهم اتخرجو سوه
بدينا نجهز نفسنا حتى نخطب هبه الفيصل
رحنا عليهم اني وخالتي بلبدايه
حتى نعرف طلباتهم
الصراحه طلباتهم هواي وامها كلمه والثانيه وكالت
بتي خريجه بتي مستقبلها كدامها
حيل ضاجت خالتي من كلام امها وانزعجت
هسه بتها تركض ورا فيصل تعال اخطبني تعال اخطبني
وليل كله يحجون بلتليفون
عليمن هلشروط
خليها تزوج وتشوف مستقبلها
امل....خالتي ماعجبها الوضع ماارتاحت الاهل هبه
بس اني سكتت ما حجيت لان اعرف هو يحبها ويريدها
خطيه ليش اكسر فرحته
خالتي.....وين لكيتها هاي
فيصل....شبيها
خالتي...امها كاعده ويتشرط علينا
فيصل....حقها غير بتها
خالتي.... بس مو هيج هاي المره مبينه حاطه روحها بكلشي باجر تخرب حياتك
فيصل...اني شعليه بامها اهم شي هيه
خالتي...امها ماتعوفها بحالها
فيصل.....لا اني اشرط عليها ممنوع امها تدخل بحياتنا
خالتي....بكيفك اني اشوفها ما مناسبه الك
امل....خاله خطيه يحبها
خالتي....غير افهمه باجر يكعد ينصب حظه
هلي البنيه ما مناسبه اله
فيصل....يمه هو بكيفي كلبي يحبها
شرطو علينا بيت وحدها
بس عمي ماقبل لان فيصل مايشتغل منيين يدفع ايجار
ومسواك وامبيرات
اخير شي اتفقنا ياخذون الطابق الثاني كله الهم
واني ويحيى ننزل بغرفة فيصل
بعد يردون ذهب بعشره وحفله بلقاعه
وهبه مالها شغل بينا تعزل وحدها
وافقنا على كل شروطهم لجل عين فيصل
حتى لا ينكسر كدام حبيبته
انتظرونا.......