رواية فراشة المقبرة الفصل السابع والعشرون 27 بقلم إسماعيل موسى

رواية فراشة المقبرة الفصل السابع والعشرون 27 بقلم إسماعيل موسى


من اللحظه دى هتراقبلى تحركات احسان لحظه بلحظه ،دى وظيفتك إلى هديك عليها مرتبك


حتى النفس إلى بتاخدة يوصلنى ،عايزه اعرف برنامجها اليومى بتقابل مين وفين، بتعمل ايه لما تخلص شغل وان كان فيه حد فى حياتها.


مفهوم يا كارمن هانم، كل حركه هتوصلك فى وقتها.

بعد لحظات دخل موظف اخر مكتب كارمن، مهندم، أنيق تكاد تشعر انه ولد فى شركه


مش هكرر عليك هتعمل ايه يا استاذ احمد


عارف يا فندم كل حاجه هبه هانم قامت بالواجب، هنزل اقدم استقالتى وهروح شركة احسان ،انزل شئؤون العاملين عند موظف اسمه يحي هيخلص كل اوراقى ولما اشتغل واستلم الوظيفه هتواصل مع بقية زملائى إلى سبقونى هناك ونرتب دور كل واحد فينا.


احمد، خليك فاكر شغلك الأساسى انت رايح هناك عشان احسان مش عشان اى حاجه تانيه فاهم؟


فاهم يا كارمن هانم.


صمتت كارمن لحظه تقدر تتفضل ونتقابل بعد شهور ان شاء الله او على حسب شطارتك.


اشعلت كارمن سيجاره ونظرت إلى هاتفها، من اسابيع بتنفذ خطتها الانتقاميه ،عشرات الموظفين من اكفاء موظفيها يشتغلو فى شركة احسان، كلهم خبره واناقه ولا غلطه فيهم


ارضيه تنتشر ببطيء فى عروق شركة احسان وكل واحد فيهم عارف دوره كويس.


لكن كارمن لم تكتفى بكل ده، بعدت احمد عصام أكثر شاب مشهور بصياعته ونزواته فى الشركه


كانت عايزه شخص يدخل حياة احسان، لأن حياة احسان كلها للشغل، وكارمن مش هتقدر تهزمها فى السوق لكن تقدر تدمر حياتها بالحب.


احسان إنسانه عانت حياه قاسيه ومن غير حتى ما تشعر محتاجه الحب، شخص يحسهها باهميتها وانها انسانه جميله وناجحة.




من عادت احسان ان تقابل الموظفين الجدد قبل استلام العمل


لم تطرد منهم ولا شخص حتى لو لم يعجبها لكن كانت تكتب فى دفتر اسماء المشتبه بهم المحتملين


وعندما دخل احمد عصام مكتبها فتحت من ملابسه رائحة العطور، رفعت احسان وشها، عرف احمد عصام نفسه


موظف جديد، عاينت احسان سيرته الذاتيه ،كانت رائعه ولا غلطه فيها.


لكن احسان لم تشعر انها قابلت احمد عصام من قبل


فكل شخص يحمل وفاء ترك شركة كارمن للالتحاق بشركتها


كانت احسان تعرفه لو حتى شكليا


لكن هذا الشاب الانيق لم تقابله من قبل، لم يظهر دعمه تجاهها او حتى عدائه


وضعت خطت تحت اسمه خطر محتمل لكن لا يستحق الإهتمام


احمد عصام مدح عمل احسان وذكائها، قال ان السبب فى وجوده فى شركتها ان يتعلم منها


وكل امنيته ان تسمح له ان يكون قريب منها فى العمل




احسان لم تكن تكسر خاطر موظف طالما يمتلك الكفاءه


سمحت له بالوجود على مسافه قريبه، ان يتابعها لكن دون أن يستطيع ازعاجها.




كان موظفى كارمن فى شركة احسان يتفادون التواجد معآ


بل يلتقون خارج الشركه بعيد عن العيون المتلصصه يحددون الخطوات القادمه ،يتبادلون المعلومات ويجهزون الخطط ويرسلون نتيجة الاجتماعات إلى كارمن لتحدد المسار.


كان كل هم جواسيس كارمن ان يكسبو ثقة موظفى الشركه قبل أى تحرك مستقبلى يحتاج دعم.




احسان هانم ان جبتلك القهوه بتاعتك


شكرا يا استاذ احمد مكنش ليه لزوم، عم فخرى بيقوم بالواجب


كلما فى خدمتك فى مديره ثم انا بعمل كده من نفسى مش باجبار من حد


كانت هناك موظفه شابه تجلس جوار أحسان يتبادلون حديث


خافت


متنسيش فيه اجتماع الموردين كمان عشر دقايق يا احسان هانم




رفعت احسان وشها، كويس انك فكرتنى، كنت ناسيه اتفضل وانا هلحقك.




وضعت ساره الملف قدام احسان


همست أحسان ايه اخر الاخبار سيادة النقيب ؟


همست ساره تم رصد بعض التحركات لكن لا تشكل خطوره


النتيجه الاوليه الشركه مخترقه وصعب جدا نعرف الأشخاص المعنيين


كل دا بسببك يا احسان ،انتى الى وافقتى على توظيف عدد هائل من الناس من غير ما ادرس ملفاتهم


بس انا شغاله وكل يوم بكتشف حجات جديده


وبالنسبه للامور إلى دخل من شويه انا درست ملفه لكن مفيهوش حاجه تشكك


لكن انا مش مستريحاله يا احسان ،تحسى كده انه مش مظبوط


النظره إلى بيبص بيها ليكى مش نظره عاديه


انتى بتراقبى حتى النظرات يا ساره ؟


ثم هيبص عليه فى ايه ؟، فكك من الشك الفاضى




رفعت احسان وشها، اتعودت فى حياتى مغفلش اى تفصيله حتى لو كانت صغيره


لكن براحتك هسمحله بالنظرات الاعجابيه إلى بتطلع من وشه كل ما يشوفك، جايز معجب عشان اقطع خبره




كانت وظيفة ساره السير فى ممرات الشركه ومتابعة الموظفين ورصد ان تحرك فيه شبهة ضرر بالشركه


وكان تواجدها فى اى قسم شيء عادى حتى فى الكانتين او الحديقه.




نظرات احمد عصام فى الاجتماع لن تتزحزح عن احسان


فكل حركه تقوم بها او تعليق تنطقه او نظره او ابتسامه كانت تنال إعجابة


عندما طلبت منه كارمن بشكل سرى التقرب من احسان شعر بالقرف والاحباط ،لكن كل ما يهمه مرتبه


الان احمد عصام يتلقى مرتبين واحد من شركة كارمن والأخر من شركة احسان، جيب مليان ذلك كل ما يعنيه وسط كل تلك المشكلات النسائيه العنصريه


لم يعتد احمد عصام ان بتبع ضميره فكل ما يهمه نجاحه العملى وكل ما يمليه عليه ضميره او قلبه يلقى به فى بلاعة مجارى




انتى تعبتى جامد النهرده يا احسان هانم، لازم تاخدى بريك


مش هينفع ية استاذ احمد ورايا شغل كتير




ابتسم احمد عصام لكن انا مصر يا هانم، اى شغل مطلوب انا هعمله، حضرتك تتفضلى تشربى فنجان قهوه على رواقه وسيبى كل حاجه للعبد لله




أبتسمت احسان وانت بقا عينت نفسك وصى عليه ؟


لا يا هانم وايوه


لما اشوفك بتقتلى نفسك فى الشغل لازم اتدخل




انا فعلا محتاجه فنجان قهوه واصلى الضهر واقراء ورد القرأن


لو فيه حاجه تستدعى وجودى يا ريت تجينى المكتب.




من آخر الصاله كانت ساره تراقب الاجتماع، لم يلحظ احد وجودها ولا متى حضرت


لكن هذة هى ساره وتلك وظيفتها ولا احد يستطيع فهم دماغها


لمحت نظرات احمد عصام ولاحظت الراحه إلتى حلت بوجه احسان ،لم تكن الكلمات تصلها لكن تقريبأ كانت تفهمها


الرقه لا تحتاج لعنوان




خرجت احسان اولا وقام احمد عصام يجمع الأوراق ومشى فى الرواق وظهرت ساره جواره


متعرفناش اسمى ساره موظفه فى الشركه وحضرتك ؟


رمقها احمد عصام بلا اهتمام، فعشرات الفتيات يحاولن التقرب منه ،لقد اعتاد تلك الأمور


اسمى احمد عصام ومشغول  فيه شغل لو مخلصش احسان هانم هطين عيشتى


ابتسمت ساره، انا قلت بس نتعرف مش اكتر مكنش ليها لازمه الاسطوانه العريضه دى




رفع احمد عصام حاجبه بعصبيه ،استفزه كلام ساره


وانتى ايه دخلك اصلا ؟


لو كان فى ايام حريته لكان لقنها درس لا ينسى، لكنه ملتزم بخطه الان




تركته ساره يمضى ووضعت يدها فى جيب جيبتها ثم مضت نحو الكانتين طلبت قهوه ساده ونزلت الحديقه


كل شخص يقترب من احسان هو عدوها، لكنها منطقيه وتحتاج لأسباب ،شعرت انها متشككه أكثر من الازم


وان دفاع احمد عصام عن موقفه طبيعى


لقد قدت اليومين الماضيين تراقب احمد عصام فقط تاركه كل عملها الاخر


الان تشعر انه اخذ أكثر من وقته، حتى لو كان معجب بإحسان او متسلق وظيفى منافق


لابد أن تثق ان احسان قادره على وضعه عند حده.




جلست احسان فى المكتب تراجع رسائل عمر مهران المتتاليه


توقفت عن الرد على رسائله


لكنها توليها عنايه فائقه ،فكل كلمه يرسلها عمر مهران مهمه وتستحق الانتباه


كانت تعرف انها بنت سد بينها وبينه لكن مثابرته تعجبها


لم ييأس عمر مهران من نفورها واستمر فى المراسلات


قال ذات مره انه ممتن  انها لم تحظر رقمه وسمحت له بالكتابه إليها


كانت تقراء الرسائل باهتمام، ارسل اليها عمر مهران صور نوح وهو يلعب، حفظت الصور فى هاتفها ونزلت دموعها


حرمانها من نوح امر قاسى جدا، لكنها تعمل من أجل ذلك من أجل الوصول اليه


كان عمر يرسل الصور باستمرار واحيانا مقطع فيديو


كانت احسان ممتنه جدا لكنها لم تبدى الرقه ابدا ولم تتخلى عن موقفها الصارم تجاه عمر مهران.

كان عمر مهران قبل أيام نصحها بعدم الوقوع فى الحب لانه سيدمرها وكانت فشلت  حتى تلك اللحظه فى فك طلاسم رسالته مما جعل عقلها يتشوش


قالت انها لن تحب ابدا سوى نوح انه عشقها الابدى


معقول احسان هانم بتبكى ؟


قلوليلى على الشخص إلى مزعلك واقسم بالله هقتلة


دخل احمد عصام المكتب يحمل القهوه بين يديه.


             الفصل الثامن والعشرون من هنا 

          لقراءة جميع فصول الرواية من هنا

تعليقات
×

للمزيد من الروايات زوروا قناتنا على تليجرام من هنا

زيارة القناة