رواية عودة عاشق ج4 الفصل التاسع عشر 19 بقلم منة الله الجزار
﷽
ـــــــــ
عند كيليان
فونه رن وكان رقم غريب رد.. مرحبا
سمع صوت صريخ.. الحقني يا كيليان.
كيليان جسمه اتخشب من الصدمة.. حسناء أين أنتِ ماذا يحدث معكِ؟
فجأة الخط اتقفل ورجع رن برعب بس الفون لقاه مغلق، اترعب أكتر وطلع يجري على عربيته وهو بيحاول يحدد مكان المكالمة، وصلته رسالة "لو عاوز تشوفها تاني رقبة الذئب الأسود تكون معاك وما تحاولش تعرف حد ولا هيكون مصيرها الموت"
كيليان وقف بصدمة.. جاك.
كيليان بشر.. أنتم من بدأتم وأنا من سيقطف رؤوسكم جميعًا.
شغل العربية واتصل على واحد من رجالته..
كيليان بشر.. أريدك أن تتحدث مع جميع رجال المافيا في كل البلدان أريدهم جميعًا.
.. لماذا؟
كيليان بغضب ناري.. الحرب بدأت، لقد استهانوا بي كثيراً وهما لا يعلمون من هو كيليان ريفو.
.. حسنًا.
كيليان فصل الخط ولف العربية وراح مكان مكان مجهول بين الشوارع الضيقة، دخل كيليان لحد ما وقف عند محل باين عليه مهجور وكان في اتنين موجودين بره أول ما شافوا كيليان وسعوا ليه ودخل وكان الشر باين على وشه، دخل جوه كان في ترابيزة وحواليها رجالة كتير شكلهم مرعب.
كيليان شد كرسي وقعد..
كيليان بشر.. وطلع فونه وطلع الرسالة ورمى الفون على الترابيزة.. من له يد في ذلك؟
واحد منهم أخد الفون وشاف الرسالة.. سيد ريفو أنت تعلم أن لا أحد يجرؤ على الاقتراب من الذئب الأسود، لا أحد من رجالي فعل ذلك.
كيليان بشر وغضب.. ماذا لا يعقل كيف ذلك أريد معرفة صاحب هذه الرسالة اليوم.
كان بيكلم وهو بيضرب إيده في الترابيزة بغضب.
واحد تاني.. سيد ريفو سوف أجعل رجالي يبحثون عنه مهما كلف الأمر، لا تقلق.
كيليان بشر.. اليوم أريد معرفته وإلا سوف أفعل ما لا أحد يريد أن أفعله..
وسابهم وقام وكان ماشي بس في حد وقفه.. سيد ريفو.
كيليان لف ليه.. ماذا؟
الراجل قام وقف وقرب من كيليان.. أحدهم تحدث معي في مهمة قبل ذلك.
كيليان باستغراب.. وما فائدة هذا الحديث في هذا الوقت؟
الراجل.. كان يريد مني قتل الزعيم.
كيليان بصدمة.. من؟
الراجل ده القناص اللي كان مراد بيتفق معاه يقتل جاك.
الراجل.. لا أعلم هويته لكني أعرف نبرة صوته جيدًا.
كيليان بغضب.. تعال معي هيا.
كيليان أخد الراجل معاه وخرجوا سوا وكيليان مش ناوي على خير أبدًا.
ـــــــــــ
عند عمر
عمر بصدمة.. إزاي؟
أم مريم بدموع.. زي ما بقولك كده بنتي ما رجعتش.
عمر.. طيب اهدي انتي وأنا هشوفها.
أم مريم.. ابقي طمني يا بني ربنا يطمنك.
عمر.. عينيا حاضر.
وقفل معاها..
عمر بزعيق... كاااايااااا.
ودخل جوه ينادي عليه.
شوق بخضة.. في إيه يا عمر مالك بتزعق كده ليه؟
عمر بجنون.. فين كايا؟
شوق بخوف.. فوق باين.
عمر سابها وطلع فوق وهي طلعت وراه وهي مش فاهمة حاجة.
عمر.. كااايااا.
كايا كان قاعد مع رهف بعد ما خلصوا مكالمتهم مع مراد.
كايا سمع عمر بيزعق قام ليه يشوف في إيه.
عمر.. فين بلال؟
كايا باستغراب.. معرفش ما شوفتوش من امبارح وقت ما كان بيوصل زميلتك.. في إيه؟
عمر بغضب.. مريم ما وصلتش البيت من امبارح.
الصدمة وقعت على الكل.
كايا بعدم فهم.. ما وصلتش إزاي؟
عمر حكى ليهم أمها قالت إيه وكايا طلع فونه ورن على بلال بسرعة بس كان بيطلع مغلق.
كايا بخوف.. بلال مغلق.
عمر بخوف.. طيب والعمل دلوقتي إيه؟
شوق افتكرت الصندوق.. استنوا في حاجة.
بصوا ليها بخوف..
شوق بتذكر.. مريم ادتني صندوق امبارح وقالت لي خليه معاكي ولما ورد سألتها فيه إيه كانت هتكلم بس فجأة سكتت مرة واحدة وجه وائل ودخلنا.
عمر بسرعة.. فين الصندوق ده؟
شوق.. في أوضتنا.
عمر جري على الأوضة وشوق وكايا ورهف وراه.
كايا بخوف.. هو فين الصندوق؟
شوق راحت تجيبه وطلعته من الدولاب.. أهو.
عمر خده وفتحه وكان جوه رسالة
"يمكن لما تفتحي الصندوق يكون حصلي حاجة بس الصندوق ده فيه أدلة ضد أعداء عمر الحقيقيين، أنا سمعت وائل امبارح كان بيكلم مع واحد اسمه نادر وبيتفق معاه على إنهم يورطوا عمر في جرايم أكتر، عمر دور على وائل هتلاقي نادر لأن وائل هو شريك نادر في كل اللي بيحصلك ده.. مريم"
عمر كان بيقرا الرسالة وغضب الدنيا كلها على وشه، كور إيده بالرسالة بغضب.
كايا بغضب.. وكان قاعد في وسطنا وقلبه عليك وهو غريمك.
رهف.. كده مريم في خطر هي وبلال.
شوق.. عاوز تعرف مكانهم بجد دور على جوز أمي أكيد عارف مكان الزفت ده.
عمر.. أنا هروح المستشفى أكيد وائل هناك.. كايا عاوز منك محدش يعرف إننا عرفنا الحقيقة لحد ما نلاقيهم تمام.
كايا بشر.. ده لو قرب عليهم هخلص عليه بإيدي.
عمر بشر.. هما لسه ما يعرفوش ولاد العزايزي ممكن يطلع منهم إيه؟
ــــــــــ
عند مراد نزل تحت
وكان خارج.
مازن.. رايح فين؟
مراد ببرود.. رايح أتمشى شوية مخنوق وأنا هنا.
جاسيكا.. مراد الوضع في الخارج لا يرام.
مراد ببرود.. ما يهمنيش وبعدين مش أنا اللي أتخبى ورا واحدة ست.
وسابهم ومشي.
مازن في سره.. ربنا يستر.
مراد خرج وفضل يتمشى وكانت الدنيا بتمطر تلج.. وقف في مكان وفضل يبص للفراغ وخرج فونه ورن على جوز أخته.
صلاح كان في الشغل ولما فونه رن برقم مراد اترعب..
ورد
صلاح بتصنع الشجاعة.. كيفك يا ولد العم؟
مراد ببرود.. مش كويس يا ولد العم.
صلاح بلع ريقه.. ليه يا ولد عمي؟
مراد ببرود... زعلان منك أوي وأنا زعلي أنت خابره زين صح ولو مش فاكره أفكرك بيه.
صلاح بخوف.. عملت إيه يا ولد عمي؟
مراد بفحيح الأفعى.. صلاح أنت اللي حصل في أختي ده أنا مش هعديه ليك وفاكر قولتلك إيه لما جيت اتجوزتها لو زعلتها أو دمعة منها نزلت همحيك من على وش الأرض صح وأنت اتمدت إيديك عليها وكمان طلقتها في نص الليل وخدت منها عيالها أنت متعرفش أنت عملت إيه يا صلاح.
صلاح بخوف.. بس أنت متعرفش أخوك قال عننا إيه؟
مراد ببرود.. قال إيه يعني؟
صلاح بغضب.. قال عنا كلام ما يصحش وإننا عار على عيلة العزايزي.
مراد ببرود.. هو ما كدبش، صلاح نسيت إنك كنت ممسوك في قضية قبل كده وأنا اللي طلعتك منها عشان خاطر أختي لو فكرت إن مفيش وراها رجالة وتعمل فيها اللي أنت عايزه تبقى عبيط، ترجع ولادها لحضنها بالتراضي ولا أنا اللي هرجعهم ووقتها هيبقى فيها رقبتك، أنا لا هيهمني إنك كنت جوزها ولا ابن عم أبوي وأنت خابر أكيد كويس أوي، رهف خط أسود مش أحمر يا صلاح وأنت لعبت في المحظورات عندي، هما كلمتين أختي ولادها يكونوا في حضنها الصبح وإلا ما تلوموش غير نفسك.
وقفل في وشه.
صلاح كان خايف ومش عارف يعمل إيه، اللي أخته قالت له عليه لو عمله مراد مش هيرحمه بجد وهي مش هتتأذي هو اللي هيبقى في وش المدفع ومراد مش هيسمي عليه أبداً مهما كان جاسر العزايزي قوي بس مش هيبقى أخطر من المجنون اللي اسمه مراد ده.
صلاح فضل يفكر هيعمل إيه لحد ما أخد قراره بس مش عارف إذا ده صح ولا لأ، هو في كل الحالات خلاص خسر.
ـــــــــــــــ
عند حسناء.
كانت بتعيط وخايفة على ابنها وافتكرت
ــــــــــفلاش
كانت نايمة في أوضتها عادي..
قبلها بكام ساعة كانوا بيجهزوا الأكل وإنجاب أكل للحرس بتوع البيت وكلوا وبعد دقايق بقوا كلهم نايمين لأن الأكل كان فيه مخدر وأخدوه الحرس ونايموهم في مكان..
بس كان في اتنين واقفين بره وكان معاهم واحد تالت واقف بعيد وقطع الكهربا عن البيت كله وعشان كانوا نايمين ما كانوش حاسين بحاجة، الكاميرات ما سجلتش وشهم وكان في عربية واقفة بعيد مستنياهم وفيها رجالة كتير.
دخلوا بعد ما النور قطع وطلعوا على المواسير بتاعة الأوض وكانوا عارفين أوضة حسناء فين بالظبط، دخلوا الأوضة ورشوا منوم في الأوضة كلها وكانوا بيتلفوا حوالين بعض لحد يشوفهم ولما حسوا إن حسناء اتخدرت أخدوها ومشيوا.. نزلوا بيها من البيت وأخدوها وخرجوا من البيت
في العربية كان قاعد حد وبيبص عليها بشرود.. ما كنتش عاوز أدخلك في اللعب مع أخوكي بس قدرك إنك انتي أخته.
والعربية مشيت.
ـــــــــــباك
.. ليه بتعيطي؟
حسناء بدموع.. ابعد عني عاوز مني إيه مش كفاية اللي حصل.
.. حسناء أنا مش هأذيكي ما تخافيش مني.
حسناء بغضب.. أنا ما كنتش أعرف إنك وسخ كده إيه رماكم علينا تاني.
كان قاعد قصادها..
.. ببرود.. القدر يا حسناء دلوقتي جاك ومازن بيحاربوا عشاني.
حسناء بغضب.. أنت ومازن زي بعض الوساخة وراثة في عيلتكم.. إذا كنت مخدوعة فيك وكنت بقف معاك قدام الكل وفكرتك راجل بجد.
ابتسم بسخرية.. عاوز أقولك حاجة يا حسناء أنا بعترف إن معاكي حق إنك اتخدعتي فيا بجد بس اللي ما تعرفهوش بقى إنك هتتخدعي كتير فيا وفي مازن حبيب القلب بتاعك.
حسناء باستغراب.. تقصد إيه؟
ابتسم بجانب.. الكل مفكر إن جاك هو اللي خطفني بس الحقيقة جاك ما خطفنيش، أنا اللي اشتريت رجالة هنا ولبستهم لبس رجالة الذئب الأسود وخليتهم خطفوني عشان يظهر في الكاميرات إن جاك هو السبب، إيه رأيك في خطتي بقى.
حسناء تفت في وشه.. طول عمرك واطي يا مراد.
مراد بصلها بشر ومسك شعرها جامد وهي صرخت.. لسه ما شوفتيش واطينه يا حسناء وعاوزة أقولك سر خطير محدش يعرفه غيرك.
حسناء بوجع.. فضلت تعيط.
مراد بهمس.. أنا اللي قتلت إنجي.. ههههههه هههه.
وفضل يضحك بهستيرية وحسناء كانت بتبص له بصدمة..
مراد بهستيرية.. عاوزة تعرفي قتلتها إزاي قتلتها لما لقيتها بتخوني مع واحد تاني في أوضة نومي، طلعت سلاحي وخلصت عليهم الاتنين، قعدت تترجاني إني أسيبها تعيش بس أنا خلصت عليها بدم بارد وكمان خليت رجالتي يدفنوها وخليهم كمان ولعوا في البيت عشان ما يكونش عليا أي دليل.
حسناء كانت مصدومة ومرة واحدة ضحكت بسخرية.. كما تدين تدان أنت خونت مايا معاها وهي خانتك بنفس الطريقة، أنت وإنجي تستاهلوا بجد برأيك لما مايا تعرف بالسر ده هتفضل عايش يا مراد دي هتخلص عليك بإيديها.
مراد بسخرية.. اللي ما تعرفهوش مايا بقت مايا وهاخدها وأسافر من هنا وهتجوزها وهتبقى بتاعتي أنا وبس.
حسناء بسخرية.. مايا بقت بتاعة جاك خلاص بقت ملكه للأبد، اتجوزته جيم أوفر يا مراد.
مراد ببرود.. لا لسه اللعبة ما خلصتش يا حسناء جاك النهاردة هيكون آخر يوم في حياته، مازن هيخلص عليه.
حسناء برعب.. جاك لا أوعك يا مراد ابعد عنه.
مراد بهستيرية.. خلاص اللعبة آخرها أنا اللي هكسبها مش حد تاني وجيم أوفر لجاك يا حسناء مايا لمراد وبس.
سابها ومشي وهي فضلت تنادي وتصرّخ.. مرااااد مراااد ابعد عن أخوووويا لااااااا جااااااك.. هخلص عليك يا مراد.
ــــــــــــ
جاك كان بيدور على حسناء في الطرق وكان معاه واحد من رجالته وكان قالب الدنيا عليها.
وكان في حد واقف بعيد عنه متخبي ورا شجرة ومعاه مسدس وموجه على جاك من ظهره وهوووب خرجت طلقة وجات في......
ـــــــــــ
عند مايا.
كان مراد أخدها وسافر على المكسيك عشان يبعد عن كندا وجاك وعن الكل، كانت نايمة جنبه على الكرسي ومربوطة من إيديها..
مراد بمكر.. خلاص يا مايا كلها ساعات وتبقى بتاعتي للأبد ونتجمع من جديد.
وحط إيده على وشها وهي نايمة.
ــــــــــــ
عند مريم وبلال.
نادر كان مصوب عليهم الاتنين.
وائل دخل.. نادر إحنا ما اتفقناش على كده إحنا اتفقنا إن عمر يدمر ومريم تكون ليا.
بلال بغضب.. سبحان الله ما كنتش مرتاح ليك وتطلع أنت يا بن 🐕 السبب في ده كله.
وائل بغضب.. أيوه أنا السبب في ده كله وعملت كده عشان بحبها وهي بتحبه هو، كانت بتفضله عليا في كل حاجة، عمر كان بياخد كل حاجة حلوة ليه هو وأنا لا.
مريم بدموع.. أنت إنسان مريض بجد إيه كمية الشر دي كلها، عمر طول عمره إنسان محترم مش زيك بجد أنا عمري ما حبيتك ولا هحبك أنت فاهم.
وائل بشر.. مش هتكوني لحد تاني غيري انتي فاهمة وكمان هتجوزك يا مريم غصب عنك وعن الكل وبلال هيكون الشاهد على الجوازة دي.
بلال كان بيفك في نفسه من ورا ومستغل إن محدش فيهم مركز معاه.
بلال .. بلال مش هيكون شاهد غير على موتك وعلى إيده.
نادر هرش بالسلاح في دماغه.. وهتعملها إزاي دي.
وائل.. المأذون بره جبته معايا وهنتجوز النهاردة يا مريم.
مريم بخوف.. استحالة أكون ليك أنا بكرهك يا وائل.
جابوا المأذون وكان خايف من المنظر وقعدوه غصب عنه وبدأ يكتب في الكتاب بتاع مريم ووائل.
مرة واحدة حد نطق.. الجوازة دي مش هتكم....
ـــــــــــــــــــ
عند شربات كانت حطت لجليلة جرعة أكبر في العصير المرة دي وابتسامة الشر كانت على وشها..
شربات.. اتفضلي يا مرات عمي.
جليلة أخدت منها العصير وبدأت تشرب فيه وشربات اتأكدت إنها خلاص شربته كله وأخدت منها الكوباية ومشيت وهي بتبتسم بشر..
جليلة فجأة بدأت تتعب أوي وحست إن جسمها كله بيتشنج واترمت على السرير وإيديها اترمت جنبها من غير أي حركة نهائي وغمضت عيونها وويتبع..
الفصل العشرون من هنا