رواية أمانة الغائب الفصل السابع عشر 17 والأخير بقلم جمانه السعيدي
@الجميع
امل......اني فعلا احب فيصل وكنت حابه اكسبه اليه
وماريده يبتعد عني وعن جهالي
كلما تصده هبه اني أقرب علي
كلما تتعارك ويا اني اراضي
كلما تنشغل عنه اني أفرغ نفسي اله
كلما تكبر المسافه بينهم اني أقرب علي ااكثر
منا لمن خلصنا ٣ أشهر على زواجنا وطلعت حامل
اني ردت احبل متقصده لان هو دائما يشكي من تأخر هبه بلحمل وكان يلح عليها بهذا الموضوع وهيه ترفض
من عرف اني حامل ما تتخيلون شلون جانت ردة فعله طار من السعاده ما مصدك نفسه
امل...حبيبي هذا الطفل اذا اجا يحتاج اسجله على اسمك
فيصل...اكيد
امل..لازم نعقد بلمحكمه بعد مانكدر اناجل اكثر
فيصل...انشاء الله خلةادبر محامي شاطر يمشي بهاي الاجرات حتى احنا مانروح بس بيوم العقد
امل..وهبه
فيصل...شبيها هبه
امل....ماناوي تخليها تعرف
فيصل.. اكيد راح احجيلها لازم تعرف
امل...بيومها صعد ويريد يفاتحها بموضوع زواجنا
هبه.....اكول إلى متى عايفني وكاعد بيت اهلك
فيصل..اي همزبن فتحت هذا الموضوع اني ابد ما مرتاح
الشغلة دوامج
هبه..شلون يعني ودوامي شنو علاقته بيت اهلك
فيصل....الدوام جاي ياخذ كل وقتج الصبح بلدوام وباقي النهار نايمه مقصره بمسؤليتج بلبيت
الاكل كله من برا لو شلون مجان ملابسي بلغساله واني اكويهن البيت على طول مخربط
اني شمستفاد من هاي الوضيفه فهميني
هبه....وانت ليش تستفاد انت من اخذتني واني خريجه
المن درست وتعبت غير حتى اتعين
فيصل....بس الوضيفه خربت حياتنا
وانتي على طول عصبيه ومالج خلك حتى موضوع الاطفال
جاي اتأجل علمود الوضيفه اني اكول تكعدين بلبيت
وجيبيلنا طفل زغير نلعب علي ارتاحي اتي اريدج ترتاحين
واني اصرف عليج
هبه....مااكعد من الوضيفه لو كلشي يصير
فيصل...مانكعدين من الوضيفه ماابطل اروح بيت اهلي
هناك على الاقل اكل امل طيب اذا اعوف ملابسي لكاهن نظيفات
اي شي احتاجه موجود
هبه....ولله من زمان حاسه من اول ماازوجت واني حاسه هاي الحيه امل تركض وراك
من جان رجلها موجود وانت وياها كل شويه خاتلين بمكان
اله هسه زوجها مات اعرف جاي أدكلك ناعم
تريدك تزوجها
فيصل....لا اني ازوجتها وأمل حامل بلشهر الثاني
هبه...لا تشقى هيج شقى ثكيل انت مو كده
فيصل...شنو الشي الي اني مو كده اكلج ازوجت
وأمل حامل
طفرت من مكانها تحجي صدك
فيصل...اي احجي صدك شمتوقعه مثلا ابقى اتوسل بيج
وانتي كلمه والثانيه امي اهلي عايشه حياتج وهاملتني
على الاخر اي ازوجت امل
شكد صبرت عليج ردت تتغيرين بس انتي لا شلون
اطخين راسج
كلمه والثانيه وكالت خريجه موظفه على اساس ماخذه شهاده الدكتورا طب وجراحة عامه
كلج خريجه معهد
امج كبرت راسج وضيعت حياتج
هبه...غير اكلب الدنيا اني هبه تزوج عليه ووحده مثل هاي
فيصل...شبيها هاي شنو ناقصها فاهمتني وتحبني وتحاول ترضيني مو مثلج مثلتي عليه الحب منا لمن ازوجنا وطلعتي على حقيقتج
هبه..اذا ما افضحك انت وياها اتي تزوج عليه
لزمت تليفونها واتصلت على اهلها وهيه تعيط الحكو عليه
تعالو بسرعه رجلي ازوج عليه
امل...احنا جوه وسمعنا صوت عياطها
عمي طلع وراح عليهم لان صوتهم عالي
بس شافت عمي كامت تغلط علي
ماكو غيرك انت الكواد الي دبرت هاي السالفه
انت الي تعرف عدهم علاقه من زمان من جان زوجها عايش
وتسترت عليهم
من سمعها فيصل تغلط على عمي وتحجي على شرفه
ضربها موتها كتل
كوه عمي خلصها من ايده
اجو اخونها وصار غلط بينهم وبين فيصل
الجوارين اجمعو وفضو العركه اخذت اهلها وراحت تثبت حالة التعدي عليها وتشتكي بلمركز
هذا الشي كنا متوقعين منها
اجت الشرطه ولزمت فيصل وعمي راح ويااا
راحت هبه للمستشفى وهناك كلهن صديقاتها وكدرت تثبت
التعنيف وزادت الموضوع اكثر
بحيث حصلت تقرير دخول للمستشفى حتى اضيع مستقبل فيصل
الشرطه لزمت فيصل ودخلت السجن على ذمة القضيه
مااكتفت بهذا الشي
جابت امها واختها ووكفن بابنا وكامن يغلطن عليه وعلى شرفي بلشارع
كسرت بابنا لان يعرفن بس اني وخالتي بلبيت
وخالتي ماتكدر يردن يضربني حتى يصير عندي اسقاط
شلون اني حامل من فيصل
الحجي الي حجته علبه ما ينحجي بس من بت شوارع
تكول عليه جانت عدها علاقه بفيصل من جان زوجها موجود
وكل شويه الكاهم خاتلين بصفحه
ماصدكت زوجها مات حبلت من رجلي بلحرام واليوم جايني يكول ازوجها حتى لا ننفضح
امل...كلبت الكلام كله يمه شنو من بشر ذني بقن اكثر من ساعه يكسرن بلباب
بس ماطلعت اني وخالتي هنا اتلاثه اذا دخلن غير يموتني تموت
عمي خلا محامي بس هم ماقبلو يطلعون فيصل
اربع ايام وفيصل بلسجن وعمي خطيه رايح جاي علي
رجعت اتهمته ماخذ ذهبها ذهب عرسها بعشره
وعدها ذهب من اهلها
وبعد تهمه تهمه ثالثه كالت اني سحبت سلفه على راتبي وهو اخذها مني
وهيه ساحبه سلفه ومطيتها الابوها خاف فيصل ياخذ من راتبها
ورفعت علي قضية خيانه كالت يخوني ويا زوجت اخو
وطلعت حامل منه
امل...مابقى قضيه مارفعتها علي
مرينا بايام سوده
جابت حكم من المحكمه وأخذت غراض البيت كلهن
كلشي مابقت بلبيت
وكفت بلشارع تصيح ياناس ياعالم امل هجمت بيتي
وأخذت رجلي مني
عمي طلع عليها وكاللها اخذي غراضج وانتي ساكته
انتي مبينه من اول مو أبت اصول واحنا تورطنا وياج
جان ترد علي بذاك السان
اسكت انت اكبر كواد تكود عليهم بيتك جان استحيت على شيباتك رجال جبير وبيتك خايس
ذرة شرف ماعندك
عمي.... عفتلج الشرف يابت الحموله
خوش مربايه تربيه عفيه عليج
دخل عمي وهيه بقت تغلط وتعد وتصف بلشارع علينا مابقى كلام ماحجته على شرفنا
الي يسمع كلامها ابد مايكول وحده مثلها تحجي هيج حجي
مصممه اني حبلت من فيصل بلحرام
طلعو فيصل من السجن
وولد صديقه ويا بلدوام كفله وطلعه
من بعدها دخلنا بقضايا الها اول مالها تالي
الحاضر أخذته غراضها من البيت
والذهب خسرنا وهو عدها حلفت على القرآن فيصل اخذ ذهبها تقيم ١٥ مليون وأخذت الغايب
١٠ مليون
اما شغلت الكفالة المحامي كدر يثبت السلفه سحبتها
الابوها مو الفيصل
وشغلة الخيانه فيصل قدملهم عقد الشيخ وعلى تاريخ زواجنا
بقينا ست اشهر واحنا بلمحكمه
ندخل بقضيه ونطلع من قضيه منا لمن اطلكت هبه وخلصنا منها
بلدوام اطلع اشاعات على فيصل وتحجي علي
بعد ماترهم يبقون سوه بنفس المكان بعد.كل هاي المشاكل
انقل فيصل المستوصف قريب علينا
انتهت الحرب ويا هبه بعد معركه داميه خسرنا بيها
فلوس هواي اني انطيتهم السلفه الي استلمتها وذهبي
كله يله كدرنا نخلص من هبه ومشاكلها
بعد الطلاك كعد فيصل ندمان على سوء اختياره
فيصل....همزين صار عدها اسقاط جان هسه ماخذه
الطفل وياها وطالب بنفقه
امل...بس هي ماجانت حامل جذب عليك
فيصل....مو حامل شمدريج
امل...اني سمعتها تحجي ويا امها ويتفقن على هاي الخطه
لمن رجعت بعد زعلها
ماكدرت تحبل منك دبرت خطة الاسقاط هيه وامها
فيصل.....بعصبيه وليش ساكته ماحجيتي كل هذا الوقت
امل...بوقتها جانت توها راجعه للبيت
وماردت اخرب بينكم
فيصل...لا هاي ما مقبوله منج ابد شلون سكتي وخليتها اجذب عليه
لو ادري اله اطيح حظها واطلكها من ذاك الوكت
الله ينتقم منها ويحرك كلبها مثل ماحركت كلبي
امل...فتحنا باب الدرج وصعدنا فوك اني وجهالي غرفه اليه
وغرفه الجهالي
وجبت ولد يخبل سما فيصل حسين
من بعدها جبت ولد ثاني سمينا مؤمل
سنة ٢٠٢٠ مات عمي الله يرحمه شكد جان حنيين
عليه وعلى جهالي
علاقتي ويا فيصل ما تغيرت ابد
اصدقاء قبل لا نكون مزوجين يحجيلي كلشي
واني مااضم على اي شي
السنه علاوي خلص متوسطه صاير نسخه من يحيى
اما زهراء سادس ابتدائي
وحسين بلرابع ومومل بلثاني
اما اخر الاخبار الي سمعناها عن هبه ولو هيه انتهت من حياتنا للابد
الفلوس الي اخذتهن والذهب من عدنا
اخوها فتح بيهن مشروع وخسرهن كلهن
وازوجت واحد مزوج وعنده جهال يعني قبلت تكون زوجه ثانيه يكولون زوجها كلش عصبي
ومسود عيشتها مواريها نجوم الضهر
حتى ياخذ حصه من راتبها
ولحد الان ماصار عدها اطفال تسولف الصديقتها
ووحده تنقل الكلام الوحده منا لمن وصل الكلام الفيصل
تكول شكد متندمه لان ما حافظت على فيصل
وضيعت هذا الحب من ايدي
وهنا انتهت قصتنا على خير وسلامه
اتمنالكم الفرح والسعاده
دمتم سالمين.
تمت بحمد الله
لقراءة جميع فصول الرواية من هنا
وأيضا زرونا على صفحة الفيس بوك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك
وايضا زورو صفحتنا سما للروايات
من هنا علي التلجرام لتشارك معنا لك