رواية ضماده قلبي الفصل الرابع 4 بقلم ندي المغربي


رواية ضماده قلبي الفصل الرابع 4 بقلم ندي المغربي




صحيت الصباح على صوت المنبه  جسمي كلو مكسر من الوقفة بتاعة امبارح 
صليت ونضفتا وشربتا الشاي ودعتهم وطلعتا 
وصلت المستشفى لقيت ريان واقفة في الباب بتشرب شاي لبن من ست الشاي

وعد : ريري خبرك 
سلمت علي وعزمتني بس رفضتا دخلنا انا وهي على الاستراحه لبسنا الاسكراب 

جريت على العنبر، سلمت على سستر عائشه 
وعد قيسي الضغط لي عمو الطيب في السرير 8 
مسكت الجهاز ومشيت قستا ليهو لقيتو عالي شويه مريت على كل المرضى لمن جاء مواعيد البريك مشينا انا والبنات فطرنا وشربنا القهوه مشينا قعدنا شويه في الاستراحه واي واحده رجعت شغلا اليوم خلص رجعنا البيت وكنتا تعبانه اتغديت ونمتا

مرّت الأيام، وتكرر الموال ذاته، من البيت إلى المستشفى، ومن المستشفى إلى البيت. لكنني لم أعد أنا ذات الفتاة التي دخلت في أول يوم ويداها ترتجفان.

شيئاً فشيئاً، صرتُ جزءاً من جدران هذا المكان.

نسيتُه، أو كدتُ أن أنساه. لم يعد طيفه يزورني كل مساء كما كان، صار ذكرى بعيدة، كجرحٍ قديم التأم

 لقد شغلني الوجع الحقيقي، وجع الناس الذين أراهم كل يوم، عن وجعي الصغير 

بتُ مألوفةً للجميع هنا، كأنني وُلدتُ بين هذه الأسرة 

صرتُ إذا مررتُ في الممر، نادتني تعالي يا وعد يا بتي

 وإذا تأخرتُ سأل عني المرضى!

 وعد تعالي ركبي لي بتي الكانيولا لانو فجرت قبل شويه وقالت عايزاك انتي، يدك باردة، بتركبي الكانيولا وما بنحس بيها😅

كنت بضحك 😂

مر شهر من شغلي في المستشفي في هذا الشهر تغيرتُ كثيراً، دون أن أنتبه.

لم أعد تلك الفتاة التي كانت تبكي لانو اتخزلت صرتُ أبكي لأن طفلاً صغيراً يتألم ولا أستطيع أن أنزع عنه الألم كله.

تغيرت لغتي، صارت يدي تسبق كلامي. كنت أظن أن التمريض هو أن نعطي دواءً، فاكتشفت أنه أن نعطي طمأنينة

كنت أدخل العنبر في الصباح، فأجد عيوناً تنتظرني، ليست عيون مرضى فقط، بل عيون تثق بي. هذه الثقة هي التي صنعتني!

أمي قالت لي ذات مساء: وشك بقى فيهو نور ❤️

لم يكن نوراً، كان أثر دعوات الناس. كل حاجة تقول لي "الله يرضى عليك يا بتي"
الله يديك العافيه ويجبر بخاطرك "❤️

 كانت تترك شيئاً في قلبي❤️

في هذا الشهر تعلمت أن القلب الذي انكسر مرة، يمكنه أن يصبح مصدراً لشفاء قلوب كثيرة 🖤

لأول مرة منذ زمن طويل، نمت وأنا راضية عن نفسي، ليس لأن أحدهم أحبني، بل لأنني أنا أحببت نفسي أخيراً

اتعلمت كيف أطمن زول خايف، وكيف أمسك يد زول موجوع وأقول ليهو ح تبقى كويس حتى لو أنا جواي خايفة عليهو، اتعلمت الصبر، واتعلمت إنو الكلمة الطيبة مرات بتشفي أكتر من الدواء.

علاقتي بالمرضى بقت حلوة شديد، بالذات عنبر الأطفال امكن لانو كنتا محرومه منهم !💔

بقيت أول ما أدخل العنبر، الأطفال ينادوني: خالتو وعد جات خالتو وعد جات 

كنت بشيلهم، بلعب معاهم، بركب ليهم الكانيولا وأنا بحكي ليهم قصة عشان ما يحسوا بالوجع، وبقيت لمن أطلع من العنبر بلقى يدي مليانة رسمات صغيرة رسموها لي🥰

لقد وجدتُ نفسي أخيراً. لم أعد تلك الفتاة التي تبحث عن من يُحبها، صرتُ أنا من يمنح الحب، ويمنح الضماد. وكل ضمادة أضعها على جرح أحدهم، كانت تضمد جرحاً في قلبي أنا دون أن أشعر❤️.




                   الفصل الخامس من هنا 
تعليقات
×

للمزيد من الروايات زوروا قناتنا على تليجرام من هنا

زيارة القناة