رواية ضره من عالم اخر الفصل الخامس والعشرون 25 بقلم نوسه حمد
قبل اكتب عاوزه اوضح ليكم اني لسه ما اتعافيت كل ما اتجاوز تجيني لحظات اتعب فيهم والكتابه عاوزه مزاج ربنا يقدرني😭 نرجع لي حلقتنا
جاني اتصال من علا وكانت بتتكلم معاي في موضوع وبتتحسر وانا مافاهمه شي بس الفهمتو بتقول لي ابوك ما بعمل كده ودي مصيبه يا نوسه ربنا يصبركم ويظهر الحق قلت ليها علا ابوي مالو ومصيبه شنو علا عرفتني ماعرفت حاجه قالت لي نوسه انتي وين الحله والقري المجاورة ماعندهم سيره في الفيس غير الحاصل قلت ليها انتي عارفاني ما بدخل الفيس والحله ماعندي فيها زول غيرك الحاصل شنو قالت لي في راجل لقوهو مقتول في بيتكم وزوجه ابوك قالت دا ابوك واخوانك جو من السعودية انا بقيت اقول ليها لا حول ولا قوه الا بالله آلعلي آلعظيم وبقيت اتزكر في بيتنا في وجود امي والاستقرار الكنا فيهو بس من اتزوجتا انا حالنا انقلب وامي ماتت وابوي مشا عرس ليهو واحده فاجره غلبني ارد علي علا وبقيت ابكي وهي تسكت فيني قالت لي نوسه استهدي بالله دي كلها اقدار ادعي ربنا يكشف الحقيقه قلت ليها امين قفلت منها ومشيت حكيت لي سعد حسيتو مضايق قلت ليهو سعد دا ابوي مهما كان لازم امشي قال لي انا بعرف الاصول بس الوضع والبتحكي فيهو دا م مطمن ماعاوزك تدخلي في تساؤلات وما بعيد مرت ابوك دي تتهمك انتي ودي جريمه قتل خلي اخوانك يتحملو نتيجه غلطهم لانك كل مره بتتصلي وتوريهم وهم ما فارق معاهم اها جاهم الجابهم غصبا عنهم انتي لا ح تحلي لا ح تربطي وابوك في السجن ماشه تحرسي قلت ليهو بس اشوفو واسلم عليهو واعرف وضعو منال قالت ليهو سعد مهما كان دا ابوها خليها تمشي تشوفو ولو خايف من غدر مرت ابوها امش معاها انت زاتك قال لي خلاص تمام انا بمشي معاك بس بكره عندي شغل مهم تاني بوديك قلت ليهو تمام انتظرت سعد كمل شغلو ووداني بيتنا وشكلو بيتنا الشرطه قفلتو وفاتحين الديوان لقيت اخواني قاعدين فيهو وكل واحد اخلاقو في السماء دخلت سلمت عليهم ولقيت الدنيا حتي معالم وشهم غيرتها قلت ليهم ماكنت دايراكم لليوم دا ولا اتمنيت السجن لي ابوي اخوي الكبيره اخلاقو سيئة داير يقوم يكفتني سعد مسكو قال ليهو حدك كلام بي خشمك لو اتلفظت اي لفظ او مديت يدك عليها بدفنك تحت التراب اخوي مسك يدو وقال ليهو انت زاتك منك شكلها لقطتك من الشارع سعد قال ليهو لو عارف اخبار اختك وشايف حالا ما بتقول كلامك دا انا في نظرك لقطتني من الشارع بس بقيت ليها احسن منك خوفتا فيها الله ما عاملتها سيئ زي معاملتك دي مفترض انت تكون ليها سند وماتقبل فيها بس للاسف انت لسه الدنيا دي غاراك وصدقني ح تندم وانا نوسه زوجتي علي سنه الله ورسوله ما بقبل فيها حتي لو منّ آخوها سعد كان متوتر شديد واخوي لمن عروقو طايره انا كنت منهاره رده فعل اخوي جننتني اخوي التاني بقا يتناقش مع اخوي الكبير وقال ليهو كفايه ياخ راجل غريب يحترم اختك وانت تهينا وتزلها انت قصدك تفككنا ياخ ارحمنا عاين للوضع الانحنا فيهو دا ماقادرين نرفع راسنا في الحله قلت ليهو انا وريتكم وفهمتكم وكنت متوقعه تحصل حاجه زي دي مافي راجل بقبل يشوف مرتو في وضع كعب مع راجل ويسكت وبعدين انا الراجل دا شفتو بتغزل في مرت ابوي وانا ماعايزه اتهمها ساي بس جيت عشان اقول للضابط نقطه مهمه قبل اتم دفنو يعملو ليهو فحص Dna قالو لي تقصدي شنو قلت ليهم الولد دا ما اخونا دا ولد الراجل دا وانا متاكده سعد قال لي نهاي ما ح اخليك تقولي كلامك دا دا قذف والمره دي ما ح ترحمك انتي حامل واولادك محتاجين ليك سعد كان خايف علي شديد وقال لي لو قلتي الكلام دا انتي طلقانه كلامو نزل علي زي الصاقعه بس اخوي قال ليهو بنتحترم رغبتك بس نحنا لازم نصل لي حقيقه ولازم ابوي يطلع ابوي عيان مرض السكري اكل لحمو وقال لي ح اطلب منهم انا وانا الح اقيف في القضيه دي وابوي مسؤوليتي من الان حتي لو خسرت مرتي واولادي بس كفايه حسيت من خلال كلامو مرتو رافضه ابوي اتحسبنتا عليها لا عاش معاها لا شافتو كيف ترفضو
سعد ساقني لي ابوي لمن شافني لمن فرح قال لي نوسه انا ما قتلت زول انا مظلوم القتلو دا راجل بتعرفو مرتي انا كنت نايم سمعت صوت نقاش قومتا عشان اشوف الحاصل لقيتو قتلو وانا تعبت وكان ببكي قال لي انا ماداير العرس بس دا اخوك عشان ما ابقا عليهم عاله انا وامك قالو يسكتوني وانا طول السنين دي ساكت وسكتا علي طفل ما طفلي قلت لي سعد مش وريتك قال ليهو يا حاج قول الكلام دا للضابط عشان يخفف عليك الحكم قال ليهو قلتو بس هي نفت اي شيء وانا متاكد منها لو سكتو ليها ح تلبسني التهمه وانا بري ما عملت شي قلت ليهو اطمن يا ابوي ان شاء الله ح نقدر نطلعك منها قال لي انا خايف اخوانك يخلوني ويسافرو لي اولادهم كلامو قطع قلبي وحسيت بالشعور الهو حاسي بيهو اصعب احساس انك تكبر والربيتو يختار حياه تانيه ويديك احساس انك خلاص كبير ما من مسؤلياتو قلت ليهو ابوي حتي لو اخواني خلوك في الظروف دي انا مستحيل اتخلي عنك او ابعد منك قال لي اعفي لي قلت ليهو ما بينا عفو انت ابوي وقال لي سعد ابقا عليها عشره من يوم عرست ما شافت يوم سمح سعد قال ليهو دي ام اولادي وابشر هي في عيوني ودعنا ابوي والخوف في عيونو ما بقدر علي السجن والجرجره اتحسبنتا علي مرتو وقلبي اكلني قلت لي سعد خايفاها تهرب قال لي ما تستبعدي بتعملها لانها بتكون خايفه وتسعه وتسعين في الميه اهربها الزول القتل زاتو قلت لي سعد الا نرجع لي اخواني قال لي تمام بس م ح نتاخر لانو الزمن رجعنا ليهم وقلت ليهم بكلام ابوي واكدت علي اخوي يبدا اجراءات الفحص ويرفع فيها قضية عشان ما تهرب هي والراجل المعاها اديتهم اسمو اخوي قال لي بتحرك طوالي وان شالله خير وانتي امشي علي بيتك واولادك وان شاءالله وعد اطلع ابوي واجيكم زياره اشوف اولادك قلت ليهو دا يوم المنا قال لي م تخافي انا تاني مابسمع كلام اي زول والبرفض ابوي معناتا رفضني انا سالتو من اخوي الكبير قال لي سافر قلت ليهو ربنا يهديهو ان شاءالله وطلعنا من بيتنا عشان نسافر واخوي طلع يودعني من بعيد لمحتا سند وكانو اولاد الحله ساكنو وهو مضايق منهم من غير م اشعر جريت عليهو وما ختيت في قلبي اي شي بس حسيت اني عاوزه ادافع عنو بقيت اكورك في الشفع واشاكل فيهم وقدرت اطردهم وسند لمن لونو بقا اسود دموعي جرت عاين لي وقال لي نوسه انا قلبي قال شح بقيت ساكته افتكرتو عرفني بس هو ما مركز وكان بردد في اسمي واسم اولادو وحسيتو بتكلم معاهم انا اتزكرت الجنيه وخوفتا بعدت عنو اخوي جا قال لي نوسه انتي جنيتي دايره منو شنو قلت ليهو دا ابوي اولادي ماهاين علي اكون بالطريقه دي اخوي شكلو حسا سعد مضايق وركب العربيه قال لي نوسه امشي علي ابو اولادك وخليهو معاي سند قلت ليهو اعمل خدمه لله وشوف اي طريقه طلعو من الهو فيهو دا اكسب فيهو اجر قال لي بعمل البقدر عليهو وماعليك ربنا يخفف عليهو مشيت ركبت العربيه وما ركزت مع سعد وطوالي دور العربيه بسرعه قويه كان ح يقلبنا بس ربك ستر وانا تركيزي مع اخوي وسند عاينت ليهم لغايه ما شفت اخوي بزل مجهود كبير شكلو حتي قدر اقنع سند ودخل معاهو البيت بعد مسافه ركزت مع سعد حسيت انو منفعل قلت ليهو سعد مالك ولاول مره كورك فيني ونهرني وماقدرت اسيطر علي غضبو حسيت نفسي غلطت غلط كبير بقيت اقول ليهو سعد اقسم بالله المنظر دا لو شفتو في اي انسان تاني ح اتصرف نفس تصرفي دا خوفا علي مشاعرو ما اكتر بقا يضرب في العربيه ويقول لي اي زول بس سند لا حسيت انو الغيره وصلتو لغضب ماقادره اسيطر عليهو ودموعي غلبني وسعد الميزه الفيهو ما بتحمل دموعي قال لي طيب اسكتي وقشي دموعك ديك وقف العربيه وبقا يعاين لي بحنيه قلت ليهو انا اسفه والله وماقصدي قال لي تمام يا نوسه بس راعي لي انا زول بحترمك جدا بس مابقبل حركه زي دي قلت ليهو وعد والله تاني مابكررها
مرت الايام واتصل علي اخوي اخوي قال لي نوسه كلامك القلتي صاح انا وقفت قدام مرت ابوي وعملت التحليل وفعلا الولد طلع ما ولد ابوي وهي اعترفت انو دا طليقها القبل ابوي وماقطعت علاقتها بيهو وكان متفق معاها انها تتزوج ابوي وتاكلو وفعلا يا نوسه ابوي كل يومين اتصل اقول احولو لي ونحنا عشان نسكتو بنرسل بس غلطنا انو ماعرفنا حقيقتها وانتي قلتي بس نحنا ماصدقنا والقضيه هسي بقت اكبر من جريمه قتل وابوي طلع منها واتصلت عشان اقول ليك نحنا بكره ح نجي عليكم انا فرحتا شديد وجريت كلمت سعد ومنال قالو لي ينورو طوالي وسعد بليل مشا جاب ليهو خروف واتصل كلم اهلو انو اجي اسلمو علي ابوي انا كنت مبسوطه شديد اخوي قال لي ح نقعد معاك ايام عاوز اطلع لي ابوي جواز سايقو معاي قلت ليهو طيب تاني يوم صحيت كلي نشاط واستقبلت اهل سعد وبعديهم جا ابوي ومعاهو اخوي وسند احترتا شديد سند جا معاهم اخوي قال لي عاوز اطلع ليهو جواز عندي صاحبي كلمتو بيهو ووصف لي شيخ بطرد الجن في السعودية بوديهو ليهو قلت ليهو لكن اهلو قال لي اهلو اهلو كانو وين لمن كان مرمي في الشارع وعلي فكره انا مشيت ليهم وابوهو عيان وامو اتوفت واخوانو كل زول في حالو ولمن اتكلمت معاهم قالو لي انت مالك ومالو خليهو كده اعيش زيو وزي اي مجنون لافي في الشارع وانا ما رضاني كلامهم وان شاءالله اقدر اعالجو وارجع لي اولادو قلت ليهو ان شاءالله تكون كسبت فيهو اجر
قعدو معانا لغايه ما طلع الجوازات ورسلهم وجاتهم التاشيره سافرو من عندنا واخيرا اطمئنيت علي ابوي وادعيت من قلبي ربنا يشفي سند لي اولادو واديت اخوي رقم محمد قلت ليهو احتمال لو شاف اولادو حالتو تتحسن اكتر بس بقيت شايله هم مرت اخوي وخايفه منها واخوي يخسر حياتو واولادو .. يتبع..