رواية خلف حدود الوطن الفصل السادس 6 والأخير بقلم حميده عبد الحميد


رواية خلف حدود الوطن الفصل السادس 6 والأخير بقلم حميده عبد الحميد


كلام الشاب دا  طمني شديد.  ومن  هنا قررت أبدا صفحة جديده واطوي كل صفحه من صفحات الماضي قررت اكون انسان جديد خالي من  المعاصي والذنوب.    بس كانت  امنيتي الوحيده انو ارجع اشوف امي وابوي واختي واطلب منهم يسامحوني واعوضهم عن كل شي بس  اعمل  كيف ي الله   وانا اتسجنته مؤوبد.     صراحه السجن دا فيو ناس لاحولة ولاقوة الا بالله. تُهم عجيبه شديد وحدين قاتلين ووحدين ضبحو ناس ووحدين حرقو ناس واشكالهم ظاهر عليهاا اشكال  مجارمه. ولا دين لهم.  كنت دايماا بقعد بعيد منهم.  وبعااين ليهم ساي ونهائي م حاولت إحتك بيهم 
بس حقيقه الكفار ديل اسجانهم سمحه خلاص  😂  شي محل رياضه وشي كافي. وماعارف.   ياخ م عرفتو دا سجن ولا محل نزهه بس الحاجه المحزنه تكون قاعد بين 4حيطان والناس براا شغاله تحقق أهدافها وطموحاتها وتعرس  كونو انت قاعد وسط اهلك واحبابك دي براهاا نعمة كبيره.   بقيت اصلي كل صلواتي. وباريت الاندونيسي بجد كان نعم الصديق الصالح.    صدق من قال (صحبت الصالحين تصلح💚) كان حافظ القران دا كلوو. ماشاءالله حتي بقيت احفظ معاهو وكل يوم يجي يصحيني لقيام الليل .  كان حافظ مواعيد الصلاة.   عندو ساعه خاتيهاا معاو لانو هناك مافي اذان بإذن.  والله عن كمية الراحه ولاطمئنان الحسيت بيهاا. معاهو م بقدر اوصفها  ليكم.  يعني اتخيل معاي ي انسان انت تكون ف سجن وحاكمين ليك مؤبد وانت تكون هادئ ورايق وم شايل اي هم او خايف  دا كلو لمن تكون متوكل علي الله.   جرت الايام والسنين وتميت 7سنه ف السجن بتذكر لمن طلعت من اهلي وكان عمري 18 وبعد م قعدت في ليبيا سنتين وف ايطاليا 5سنه يعني عمري بقي 30سنه. كنت صابر شديد بقيم الليل وببكي وبتذلل وبسأل الله يغفر لي ويتوب علي وتجيني معجزة تتطلعني من السجن دا.
وارجع لي اهلي..كنت ماسك ف لاحوله ولا قوة الا بالله 💚 تميت سنه تاني وبقي عندي 8سنه ف السجن شكلي اتغير وقامت لي دجينا  وبقيت انسان مختلف تماما.   بس لسه عشمي م اتقطع من ربناا كنت وااثق انو ح يجي يوم واطلع من السجن و ماعارف الثقه دي كلهاا جاتني من وين .   كنت بقعد مع الاندونيسي بيحكي لي عن الاخره وعن حاجات عمري. م سمعت بيهاا.  بجد قعاد السجن داا. كان ل خير كبير  لي واثناء م نحن قاعدين وبنتونس جاا العسكري وندح علي اسمي قلت ياربي اجعله خير مشيت ليهو  وقال لي تعال وراي مشيت معاو لقيت المحقق الكان استجوبني داك قال لي ح تطلع من السجن  واثبتت برائتك 
بريئ كيف يعني. قال لي جاا واحد اسمو فلان الفلاني واعترف. انو دبرو ليك الحاجه دي.   قلت ليو ممكن اشوفو وفعلا ودوني ليوو. وكان دا مصعب  زاتو الكان شردت معاهو من المخيم  لقيتو خاايف وبيرجف.   وحالتوو بالبلاء جيت عليو.
قلت ليو معقوله انت جيت اعترفت بكل اردتك؟ قال لي ناسي ديلك كلهم اتزعزعو واتشتتو. وحدين ماتو موته شنيعه  وماشفنا خير من بعد م اتقبضت انت.   حاياتنا اتعكست.   وكل حاجه راحت منناا
كان في شي قابض لي قلبي كنت م مرتاح كنت انت دايما ف بالي كنت بشوفك ف منامي. كان ف حاجه بتشدني. عشان اجي اعترف وطلب مني اسامحو وفعلا سامحتو. وهنا عرفت دا كلوو بحكمة الله. سبحانه وتعالي💙انا زمني دا كلو وين.  بجد الواحد يحمد الله انو اتخلق مسلم.   ياخ اليوم داك الفرحه كانت شايلاني رجعت لي صحبي الاندونيسي وودعتو وداع حار لمن بكيت بجد كان ليو الفضل من بعد الله سبحانه وتعالي كان نعم الصديق كان ليو اثر كبير ف تغيري دا. وبعد. طلعت وشفت الضوء والشمس.  من 8سنه. دخلتي السجن كنت انسان. عاصي وطلعت منو انسان تائب همو الوحيد يموت وربنا راضي عنوو
قررت اشتغل ف اسبانيا الم لي قروش ومن بعدها  ارجع وطني.*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏‏​​‏​​‏​​‏​​‏​​‏​​‏​​‏​​‏​
 ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏

مشيت العاصمه.  بس م كنت عارف امشي وين ولا اقبل وين ولا اعمل شنو لانو انا جديد ف البلد دي ومابعرف فيهاا زولل.  اتوكلت علي الله بس وقلت اكيد ح تفرج اصلو م شلت. هم.  شلتاا شنطتي وقعدت جمب رصيف كدا.   😂الناس افتكرتني شحاااد بقو يمدوو لي قروش قلت هوي ي محمد احسن تمشي من المكان دا اخر الزمن بقيت شحاد كمان الموقف دا للان ماقادر انسااو. اها نرجع لي موضوعنا. واثناء م انا ماشي شفت لي تلاته شباب قلت الشخصيات دي ظاهر عليهاا الدم الافريقي بس ي محمد اجري عليهم وفعلا مشيت عليهم واول كلمة قلتهاا السلام عليكم هم ردو لي.  ب وعليكم السلام.   بقيت عامل كدا 😳😳 قلت ليهم بتعرفو عربي قالو لي اي نحنا من دولة السودان والله قربت ابكي.  ياخ ديل اولاد بلدي زاتهم بس مسكت فيهم وحكيت ليهم تفاصيلي كلها.  اتأثرو  شديد والله.   واحد اسمو محمد زي اسمي والتاني حسن والتالت. مصطفي. وطلعو. عايشين هنا يعني جاليه سودانيه  اول ساقوني السكن بتاعهم وجابو لي اكل اكلت.  وبعدو مشيت استحميت. قالو لي البيت بيتك وبكرا ح تنزل معانا شغل يا الله الدنياا ابتسمت لي واخيرر. ربنا  كريم ورحيم  وفعلا تاني يوم نزلت  معاهم شغل واشتغلت  سنتين وف السنتين ديل بجد اعتبروني زي اخووهم.   بقينا اصحاب شديد الصباح نطلع الشغل والليل نتلمي وكل زول يحكي عن هدفو وطموحو واحلامو وعايز يعمل شنو لي قدام.    ياداب انا حسيت بقيمة الحياة بس برضو بالي كان مع اهلي.... وف قعدتنا دي قلت ليهم انا ح ارجع السودان قالو لي لي ياخ انت بقيت مننا وفينا ماتقعد معانا قلت ليهم والله ف شايب كبير خليتو وامي واختي م عارف اذا ح امشي القاهم أو لأ.  بس ضروري امشي عشان ازح الثقل الفي قلبي دا. قالو لي خيرر ربناا يكتب سلامتك ومهما احتجت لي حاجه م تخجل تتطلب مننا المساعده نحنا زي اهلك ❤  ...اها جا يوم السفر شلت شنطي كلها.  كنت اخر كشوبات شي جزمه وساعه وحلقت الدجينا ديك خليت منها شوية . ومصطفي ومحمد وحسن قدموني للمطار وبعدو رجعوو. وانا ف الطياره قلبي بقي يدق بطريقه م طبيعيه واحساس انا راجع للوطن بعد غيبه طويله. قريب ال20سنه.كنت مافي اها وصلت الحمدلله اجرت ترحال لي بيتنا لمن جيت لقيت الباب مطبل شكلو البيت كان مهجور هنا خلاص الدنيا ضلمت ف وشي. جا واحد معاهو طفل  عمر 8سنه تقريبا جاني   وسلم لي وقال لي. عايز زولل.؟ 
تاني سرح فينا مسافه وقال  دقيقه دقيقه الشخصيه دي م غريبه علي قلت ليو انت عمر؟  قال لي وانت محمد؟  
 ي سلااام ياخ دا صحبي عمر. الطلعنا ليبيا مع بعض مسكتو وبقينا ننبكي.    قلت ليو دا ولدك قال لي اي وسميتو عليك قلت ليو ي سلام ياخ 
 قال لي اعفي لي يا صحبي وبركه البقيت حي. بعد م طلعتا انت من السجن انا ب وراك طوالي طلعت بس م مشيت قدام رجعت السودان طوالي وياهو عرست.  
والدوام لله  قلت ليو الدوام لله المات منو. ؟ 
ددنقر راسو تحت. وساقني تحت شجره كدا قعدنا اتنهد وقال لي الدنيا دي اصلاا كدا وكلنا ح نرحل منها مافي زول دايم فيها.   امك وابوك اتوفو قبل 9سنه. وربنا يجمعك بيهم ف جنة الفردوس يا الله. الخبر. دا نزل علي زي الصاعقه.  بكيت بكي اليوم داك.      اهلي مشوو وهم زعلانين مني مشوو وهم م راضين عني.    قال لي لالا والله قالو عافي منك وماسمحنك دنياا واخره بس برضو كنت حاسي بالذنب وتأنيب الضمير انا الكنت البكر. انا ولدهم الكبير انا المفروض م امشي واخليهم
و لي تاريخ اليوم وانا حاسي بالذنب.  وسالت من اختي قالو اتزوجت.  وصفو لي المكان مشيت ليهاا.   لقيتها عايشه ف عذاب.  سقتهاا معاي. وطلبت منها تسامحني وحكت لي اي حاجه حصلت من بعد م مشيت منهم اتمنيت الموت ف اللحظه دي بجد انا كنت انسان حيوان وغبي   بس الحمدلله دا كان كلو ابتلاء واختبار من رب العالمين اسي انا ماسك صلاتي وعبادتي وقيام الليل دا بقي جزء لا يتحزء من حياتي حفظت القران كامل وبقيت امام مسجد بصلي بالناس. بعد م كنت انسان صايع.  
(إنك لا تهدي من احببت ولكن الله يهدي من يشاء)

ونصيحه لي كل زولل عايز يطلع براا قبل. م انت تتطلع اتاكد امك وابوك راضين عنك وعافين منك 💙 وعمركم م تزعلووهم. عشان رضاا الله برضاهم. الوالدين ديل ماحاجه هينه   اتذكرو تعبم وشقاهم لحدي م كبرتوو. ودايما خلوهوهم ضمن اولياتكم وانت ماشي الشغل. او اي مكان اطلب رضاهم. واتاكدو الدنيا دي دواره التسوي كلو تلقي سواء كان كعب او سمح 💙واخير اخواتكم ثم اخواتكم انتو السند والدائم ليهم ف الدنيا دي من بعد الله سبحانه وتعالي.  اوع تغلطو غلطتي دي لانو ح تكونو ندمانين مدي حياتكم  صلو صلواتكم ف مواعيدها اقرو قران. استغفرو كتير وربناا ح يسهل ليكم اي حاجه ف حياتكم ماهوو نحنا اصلاا ضيوف فيها ومصيرنا يوم ح نمشي منهاا بس اتاكدو انكم ح تمشو لي مكان احسن.  وهي الجنه.  وعملكم هو ال ح يفضل معاكم.  بعدين والسلام ....


                         تمت بحمد الله 


وأيضا زرونا على صفحة الفيس بوك 


وايضا زورو صفحتنا سما للروايات 

 من هنا علي التلجرام لتشارك معنا لك

 كل جديد من لينك التلجرام الظاهر امامك


تعليقات
×

للمزيد من الروايات زوروا قناتنا على تليجرام من هنا

زيارة القناة