رواية لانني فقيره الفصل الخامس عشر 15 بقلم شوشو محمد
صحى من النوم وحاسي جسمو واجعو فتح عيونو لقى روحو فالقبو اتزكر الحصل قام بتعب وعاين لي يدو لقاها مورمه رغم انه كان لابس القفزات لكن غضبو اعماه قام واتحرك لقى زياد في وشو
ريان بهدو عكس الجواه: اتصل لي بيان خليها م تجي الليله اجازه لاني م جاي
وطلع وزياد بقى يعاين ليه بحزن عارف لمن ريان يكون زعلان بينزل القبو عاين لي القبو بحزن وطلع تلفونو واتصل على بيان وكلمها وبقى يعاين لي الطابق التاني بحزن ومره اسبوع وبيان وريان م حصل بينهم شي وريان رجعو لي برودو وايان كان حابس روحو فالبيت م بيطلع نهاييي واما بنان بدت تفتش في شغلل
صحت بيد امها بتصحي فيها
حنان: بنان قومي مش قولتي اصحيك حداشر
بنان: حاضر ي ماما قمت وقامت مشت اتجهزه وشربت الشاي وطلعت من البيت لقتو واقف ومتكي في عربيتو
بنان عاينت ليه ولا اشتغلت بيه وجات ديره تمشي
ايان : ي اسمكك اقيفي
بنان عاينت ليه بغيظ: عندي اسم على فكره
ايان: وحعرفو كيف بي البلوتوث؟
بنان بغيظ: بيان م قاعده فالشغل عشان كدا امشي
ايان: انا جاي عشانك
بنان لفت بوارها وعاينت ليه بصدمه واشرت ليه نظام انا
ايان: ايوا انتي عايزك تساعديني اصالح بيان
بنان : ي ود
ايان :انا راجل يشافعه
بنان بغيظ: على فكره عمممري 18 سنه
ايان باستفزاز: وانا عمري 26 سنه شوفي فرق العمر
بنان: 8 سنين م فارق كتير يعني وبعدين انت جاي عشان تشوف فرق العمر زح انا م فاضيه ليك
ايان وهو بوقفه: انا بجد محتاج مساعدتك عارف اني اذيتك انتي برضو بس والله ندمان وعايز بيان ترجع لي
بنان: للاسف م بقدر اساعدك لانو بيان عنيده وم بتسمع مني
وجات ديره تمشي ايان شاف ورقه في يدها
ايان: بتفتشي في شغل
بنان قبلت عليه وعاينت للورقه الفي يدها وهزت ليه راسها
ايان : ينفع تخليني اساعدك واديك شغل؟
بنان بصدمه من كلامو وتغيرو: ولي يعني فجاه بقيت كدا
ايان بحزن واضح: انا خربت حياتكم وعاوزه اعتزر بالطريقه دي
بنان عاينت لي الحزن الواضح فيه وشو
بنان: نفسي اساعدك بس بيان
ايان بمقاطعه وبعاين قدام : كرهتني عارف واستحق ده
بنان عاينت ليه ونزلت راسها لاول مره تحن على ايان رغم كرهها ليه
ايان : المهم مكن تكوني نادله في مطعمي بملغ *******
بنان انصدمت من المبلغ
بنان :بس ده كتير
ايان: انتو خسرتو كشك بسببي اعتبريه ده تعويض وبعدين انتي م حتاخديه ساي حتشتغلي
بنان : طيب حبدا بتين ؟
ايان: بكره حتلقيني الساعه 8 تجي عشان اكلم بتاع المحل الماسكو لي والعنوان******
بنان هزت راسها
ايان : طيب ي انسه اااااااا
بنان : بنان اسمي بنان
ايان ببسمه: بنان اسمك حلو اشوفك بكره واعتبريه هديه اعتزار مني
وركب عربيتو واتحرك وحزن الدنيا كلها عليه وخالي بنان بتعاين في اثره بصدمه وبمشاعر مختلفه دنيا غريبه غيرتو من واحد متعجرف لي واحد شايل هموم الدنيا عليه
بنان رجعت البيت تحت استغراب امها انها رجعت بدري بس قبل م تسال بنان دخلت جو وكان باله مشغول في ايان الاداها صدمه عمرها الليله انو هو بحس طلع
..................................
كانت قاعده في المكتب بتاع نسرين ومنتظراه يقول طلباته ريان رفع راسه ورفع التلفون وناداها ثانيه وبيان قامت وخبطت الباب وهو اذن ليها
بيان باحترام: نعم استاذ ريان
ريان ببرود: بيان عندك جواز سفر ؟
بيان باستغراب من سوالو: لا ي استاذ ريان
ريان: حتمشي مع زياد تعملي جواز سفر لانو بعد يومين عندنا سفره مهمه وانا حاحتاجك معي
بيان عاينت ليه بتررد وريان فهم تررده ده
ريان: الغرفه والاكل وكل حاجه على الشركه وحتكون معاك نسرين
بيان: طيب ي استاذ ريان حنقعد كم يوم؟
ريان : اسبوع
بيان هزت ليه راسها واستاذنت واول م طلعت لقت زياد في وشها
زياد ببرود: جاهزه انسه بيان
بيان هزت ليه راسها ومشت شالت حاجاته ومشت معاه اما ريان راقبه وهي بتطلع مع زياد وحته رجع لي شغلو
..................................
رجع البيت بتعب وزهج شديد وكان دير يطلع الطابق التاني بس قاطعوو صوت زول
:ايان ي كلب م تجي تسلم
ايان قبل لقاهو جده
ايام ببسمه: جدي
ومشى باس راسه ويدو وقعدو سوا
ايان باستغراب : مش انت كنت حتجي بعد اسبوع
النور: علاجي خلص الحمدلله وقولت ماف داعي اقعد ف رجعت واستغربت انك لسه في السودان
ايان :اي عندي كم شغله اخلصه وحرجع على كندا طوالي
النور : ريان كعادتو في الشغل صح
ايان: اي والله
النور : المهم انا جيت اشوفكم حرجع لي فيلتي
ايان: اوصلك؟
النور: لا لا ي ولدي معي جاكسون
وقام دير يتحرك وايان بقى بساند فيه
ايان بتزكر: صحي ي جدي ماف اي اخبار عن اولاد عمي عماد ؟
النور بحزن : لحدي اسي لا
ايان بحزن على حزن جده وصلو العربيه وودعو ورجع الفيلا دخل غرفتو ونام وكالعاده بيفكر في بيان
............................
تلفونه اتصل شافتو لقتو سناء البتتصل مشت على امها
بنان: ماما خالتو سناء بتتصل
حنان شالت من بنان التلفون وردت
حنان: اي ي سناء اخبارك
سناء: حنان كيفك يختي
حنان: انا كويسه الحمدلله وانتي
سناء: كويسه نحمد الله اسمعيني بنان جنبك
حنان عاينت وراها ولقت بنان دخلت المطبخ
حنان: لا لا
سناء. الراجل اتصل وقال النور رجع وبتقدر تجي بكره
استوووب 🤭💗💗💗💗...
الفصل السادس عشر من هنا