رواية لانني فقيره الفصل الثالث عشر 13 بقلم شوشو محمد
كان قاعد بشتغل بعدين رفع راسو وعاين لي بيان رفع سماعه التلفون واتصل ليها نظام تعالي ثانيه شافها قامت واتجهت على الباب وخبطت الباب اذن ليها انو تدخل ف دخلت
ريان: شيلي الفايلات دي كلها وديها لي عصام وخلي كل ورقه في كل فايل يكون فيها نسختين
بيان: حاضر سيد ريان بس وين مكتب استاذ عصام ده؟
ريان ببرود: خلي نسرين توريك
بيان : طيب عن اذنك
اشر ليها نظام تطلع وطلعت وسالت نسرين فعلا وشكرتها ونزلت على الطابق الخامس زي م قالت نسرين وفتشت لحدي م لقتو خبطت الباب هو رفع راسه وانصدم من كتله الجمال الواقفه قدامها
عصام ببسمه هبله: اخخ ي قلبي ي الخطفتي قلبي من اول ثانيه
بيان بقت تعاين ليه باستغراب وهي م سمعت الكلام القالو نسبه انو كان صوتو واطي
بيان: نعم؟
عصام بتوتر : لا ولا شي اتفضلي
بيان بجديه استاذ ريان قال اطبع الفايلات دي وفي كل ورقه في الفايل اطبعه منها نسختين
عصام: طبعا طبعا انتي اتفضلي اقعدي لانو شايف الفايلات كتيره وحياخد زمن
بيان هزت ليه راسها وادتو الفايلات وقعدت اما هو اتوتر وهو شايفه بتعاين ليه البت اثرت فيه من جمالها
عصام لنفسه: اوه شكلك لقيت ليك حبيبه جديده ي عصوم لازم احنك المنقه دي
بيان عاينت لي بغرابه وهي شايفه بتكلم مع نفسه
بيان في عقلها :الراجل ده مجنون
وبقت تعاين ليه وهو بطبع وهو بحاول يفتح معاها مواضيع بس هي بتصدو باجابه مختصره
..................................
وصل الشركه وخت عربيتو فالكراج ونزل بكل ملل ودخل الشركه وكالعاده الانظار كلها اتجهت ليه منو م بيعرف ايان النور السمح ايان وريان عندهم جمال لدرجه البنات تموت بس ويعاينو ليها ايان عجبو وضع انو يعاينو ليه ف عاين ليهم بعجرفه ومشى جهه الاصانصير وداس الزر وانتظر دقايق حته وصل ركبو بكل برود وداس الطابق الاخير دقايق ووصل وطلع لقه نسرين كالعاده قاعده لمن شافته قامت ليه بكل احترام
نسرين باحترام: سيد ايان مرحب بيك
ايان هز ليها راسها بعجرفه ودخل بدون يستاذن دخل لقى ريان قاعد بشتغل في اللابتوب
ريان بدون يعاين ليه: في حاجه اسمها تضرب الباب قبل م تخش
ايان بملل: اررح ارح الاجتماع بتين لانو م فاضي لي الكلام ده كلو
ريان بسخريه: فاضي للنوم وم فاضي للشغل
ايان ولا اشتغل بيه: اها الاجتماع بتين
ريان: الاجتماع اتلغى
ايان بغيظ: طيب م دام اتلغى جايبني ليييييي
ريان ببسمه برود: عشان اشتقت ليك
ايان بقرف : الله يقرفك
ريان: انا جايبك عشان تمسك الشركه م مكن الكسل ده لا عايز ترجع لي شركاتك ولا عايز تشتغل انت الجابك شنو اصلا
ايان بزهج من اسالتو : ريان اظن كلمتك انا جاي عشان حاجه تخصني م اكترر
ريان برفع حاجبه: من متين بتخبي عني حاجه ي ايان
ايان: دي الحاجه الوحيده المستعده اخبيها عنك وعن العالم كله ي ريان
ريان ضحك ضحكه ومسك التلفون واتصل على نسرين في ثانيه ردت ليه
ريان ببرود : م رجعت ؟
نسرين : لا لا لسه استاذ ريان
ريان: لمن تخلص خليها تجي مكتبي طوالي
نسرين: حاضر
وقفل وبقى يعاين لي ايان الماسك القلم وبلعب بيه بعاين ليه بغموض عايز يعرف ايان مهتم ب بيان لي بالذات ولي قفل الكشك حقهم
...................................
عصام: انا كدا خلصت ي انسه ااااا
وقف كلامو نظام توريهو اسمها لكت بيان شالت الورق والفايلات
بيان ببرود: شكرا وطلعت بعد احرجته
عصام ببسمه: عامله فيها تقييله ها حاعرف اسمك وحتكوني لي سمحه زيك م لازم تضيع من يدي
بيان مشت من مكتب عصام بتعب وكانت منتظره بتين يومها ده ينتهي بسلام عشان ترجع البيت داست على الاصانصير وداست على الطابق الاخير
.......................
ايان وهو بقوم بزهج وملل
ايان بملل: م دام ماف اجتماع انا ماشي
واتحرك على الباب في نفس الوقت طلعت من الاصانصير واتجههت على باب مكتب ريان فجاه حست بالباب بفتح وهو كان عايز يطلع فجاه وقف بصدمه وهو بشوفها قدامو القاعد يفتش فيها من جاء بيان عاينت ليه بصدمه والورق الفي يدها وقع كلو وريان استغرب من وقف ايان والصوت الورق البقع وقام وشاف بيان واقفه وبتعاين لي ايان بصدمه وايان بعاين ليها بصدمه
ايان بعدم تصديق: بيان
بيان قلبها وروحه وكل شي طلع من الكلمه البسيطه بتاعه اسمها الطلع منو لكن فجاه ترجع ليها زكريات الزله العمله ليها وقفله الكشك بتاعهم وانو هي هنا وبتتزله لي ريان بسببو جسمها بقى يرجف ودموعه نزلت وكل جسمها بانزر انو هو بكرهه الكائن الواقف قدامها وايان كان بعاين ليها بعدم تصديق
ايان بصدمه وبردد: انتي انتي ... بيان انا انا
فجاه قبل ما هو يفهم وريان الكان براقب فالوضع بيان رجعت لي وراه وجرت تحت صدمه ايان وريان ونسرين وايان ثواني حته استوعب وبقى جاري وراها
ايان : بيان بيان انتظري انتظري حبيبتي اصبري خلينا نتكلم
وبيان م قدرت تنتظر الاصانصير وبقت تنزل فالسلم ودموعه بتنزل رجعتو وشوفته دمر ليها حياته وايان بقى جاري وراها تحت انظار الموظفين لكن ايان لاول مره م يهتم لي نظرات الناس لاول مره م يهتم لي شكله قدامه كل همه كان انو هي تسمعو كل همه انو هي ترجع ليه بس بيان بقت ترجع وهي بتبكي فالسلم لحدي م وصلت اخر طابق وبقت تجري وايان بجري بوراها والموظفين مصدومين من ايان النور البجري
ايان : بيان بيان اسمعيني
وقف قدامها بعد تعب
ايان: بيان بيان انا ايان حبيبك
بيان بكرههه كسرت ايان من جواه: انت م حبيبي ولا عايزاك تكون ولا عايزاك ترجع لي حياتي م كفاك انو انت دمرتني ودمرت حياتي وخليتني اجي هنا م كفاك انو زليتني قدام الجامعه وانا اتوسلتك ي ايان اتوسلتك م كان همي الناس ولا كان همي انو بتوسل قدام زول انا الوقت داك كان همي بس اشوف نظره حب منك بس انت عملت شنو
مسكت جكت البدله حقتو وبقت تعاين ليه بكررره من كل اعماق قلبها
بيان : جاوووب ها انت عملت شنو
ايان بقى يعاين ليها بصدمه وحزن وكسره وهو شايف الكرهه ده كل جواها اتجاه
ايان محاول يبرر: انا الوقت داك كنت غبي
بيان ببكاء وجسمها برجف كله : انت لسه غبي وانا م عاوزه احب راجل متعجرف زيك ورجاء انا عاوزه اشتغل هنا بعد انت قفلت الكشك حقي رجاء لو انت بتشتغل هنا خليني عشان امشي اشوف شغل تاني لانو م عاوزه اقعد معاك ولا لحظه
ايان كان عايز يتكلم بس قاطعو هدو ريان
ريان : ايان ارجع البيت
ايان : لا لا م راجع انا عايز اتكلم مع بيان لحدي م تسامحني
بيان بكرره : انت م بتفهم انا م عاوزاك ولا عاوزه اتكلم ولا طايقه اشوف وشك ي ايان م عايزاك انا في حياتي وكرهت اليوم القبلت بيك ك حبيبي اصلا انا بكرهك ي ايان بكرهككككك
كلامها وقع كسكينه في قلبو حس روحو طلعت بعد كلامها بس هو م عندو حق يتكلم
ايان بمحاوله وهو بيمسك يدها: اسمعيني والله اصلح كل شي بس انت سامحيني اي عارفه كنت غبي والله
بيان وهي بترجع وبتزح يده من يدها وعاينت ليها بنظره م اتمناها يشوفها من عندها ومشت بدون م حته تاخد حاجاتها ومشت وهو حس روحو للمره التانيه بتمشي منو
ريان وهو بعاين لي وجود زياد بوراه: زياد ودي ايان البيت اسي
زياد مشى لي ايان
زياد: سيد ايان مكن مفاتيح العربيه
ايان بهدو وتعب اداه المفاتيح وومشى معاه وروحو معاها اما ايان مشى ساق عربيته واتحرك بقى يفتش فيها لمده خمس دقايق لحدي م لقاها قاعده تتمشي بتعب وقف العربيه ونزل
ريان : بيان
بيان ببكاء: زحووو منيي خلاصص
ريان : اهدي انا م ايان
بيان بهستوريا: فرقك منو شنوو؟ هااا بتدوسو على خلق الله كانو نحن م بشر زيكم وانتو ملايكه ازيتوني خلاص م مكن الدنيا دي بتكرهني قدر ده انا م عملت شي
ريان : بيان بيان اهدي خلاص بيان
لقاء ما قاعده تستجيب ليه فجاه جابه عليه وحضنه وبقى يهدي فيها
ريان بحنان اول مره يطلع منو: اهدي اوعدك م حتشوفيه تاني انتي بس اهدي
بيان ببكاء : انا م عندي اب م عندي زول سند لي انا تعبت
ريان : خلاص خلاص اهدي كل شي حيكون كويس بس انتي. اهدي
وبقى حاضن فيها وماف واحد فيهم حاسي بشي
استووووب 🤭 💗
حتقولو لي ده اليوم التاني ليها في الشركه وحصل كدا حقول ليكم ايوا والجاي اعظم🤣💗💗💗...