
رواية لانني فقيره الفصل الواحد والثلاثون 31 بقلم شوشو محمد
وعدنا والشوق باعيننا خلاص مكن نقول بدايه النهايه بعد ده للأسف 🥹💔
ريان عاين لي بيان الواقعه وكان ما عندها رووح مشى عليها ورفعه لي حضنو
ريان بخوف : ب بيان افتحي عيونك بيان
وايان كان بعاين لي اخوه بصدمه من الشايفو ده بنان وحنان كانو عايزيين يلمسوها بس ريان زحاهم وعاين ليهم بقهر
ريان: زحووو منهاااا م تلمسسوها م اسمح ليكم انكم تلمسوها
حنان وبنان عاينو ليه بصدمه وحته النور وايان الكانت صدمتو فكت مشى لي. اخوه
ايان: ريان ريان وديها الغرفه وانا حكلم الممرضه تجي م ينفع كدددا لازم تتفحص
ريان عاين ليه ودموعو بتنزل: م عاوزه تسيبني ي ايان انا روحي بقت متعلقه فيها
ايان عاين ليه بصدمه وسكتت م عرف يقول شنو هل مفروض يتعصب انه ريان حب البت الكان بحبها او يفرح انه م حيحس بالذنب على بيان انه حبه اختها
ريان شال بيان وعاين ليهم كلهم بقهرر ومشى اول غرفه لقاها قدامه وختها فالسرير كانها جوهره نادره وخايفه تتكسر بس هي فعلا جوهرتو النادره دي عاين ليها بحزن من ملامحه الشاحبه دي
دقايق والمممرضه جات طلعتهم كلهم برا وريان الكان رافض كلو الرفض انو يزح من قدام الباب وايان كان بعاين ليه بساكت
ايان: ريان مكن نتكلم ؟
ريان عاين ليه وحس انه هو حقيرر انه م قدر يتحكم بمشاعرو عاين لي ايان وهز راسها وعاين لي غرفه بيان مره اخيره ومشى مع ايان
وبقو ماشين لحدي م وصلو الحديقه وقعدو في المصطبه رغم وجود كراسي كتييره بجدد ريان بقى يعاين فالارض وحس انه عمل اثم وهو فعلا لانه حب البت البحبها اخوه كما يعتقد هو اما ايان كان بعاين ليه في كل حركه بيعملها
ايان بهدو: من متين؟
ريان رفع راسه باستغراب وعدم فهم: كيف؟
ايان ابتسم ليه وعاين ليه بهدو: من متين بتحبها
ريان دنقر راسه هو فعلا م عارف كان من الاحلام البشوفها من زمان وكانت هي بطله الحلم بتاعو ولا من اول يوم لاقاها واكتشف موخرا انه دي البت البحبها والبتجي في احلامه من كان مراهق ( الجانب الما بتعرفو من القصه)
ريان بهدو : كانت بتظهر لي ف احلامي من لمن كانت مراهق ويدوب اكتشفت انها نفس البت البتجيني ف الاحلام
ايان بهظار: طيب كان توريني رساله واتساب بس عشان ابطل احس بالزنب ي راجل
ريان :زنب ؟
ايان عاين لي النجوم الفي السماء: زنب اني حبيت اختها زنب اني م حبيتها عمري كلو
ريان عاين ليه بصدمه : طيب المره الفاتت في الشركه لمن كنت
ايان بضحك: الوقت داك كنت اهبل وم عارف مشاعري لسه وكنت عنيد بشكل
ريان عاين ليه وسكت وايان رجع يعاين فالنجوم وكل ده تحت عين النور الابتسم وقرر انه حيتصرف بسرعه
ايان: تتوقع لي م كان مكتوب لينا انه الاقي بنان من الاول وانت بيان من الاول؟
ريان : م معروف لكن كل الكاتب ربنا لخيرر ايمكن انت م كان حتكون سعيد مع بيان زي م انا م حكون سعيد بدونها
ريان سكت وعاين لي ايان
ريان:مسامحني ي ايان م قصدي والله
ايان: انت عبيط ؟
ريان عاين لي باستغراب
ايان بضحك: انا لو خنتني مع مرتي عديييل حسامحك لانو توأمي وسندي من كنا صغاررر ي ريان نحن م كان عندنا غير بعضنا بعض ي ريان مهما حصل حتفضل اخوي وسندي وبعدين حسستني خنتي يعني م انا الخاين في الحكايه دي
ريان حضنوو : عمرك م حتكون خاين ي ايان عممرككك وانت اخوي وعائلتي الوحيده
ايان بهظار وغمزه: وبيان؟
ريان بضحك: بيان وانت عائلتي الوحيده
ايان ضحك عليه وشكر ربه انه فالنهايه بيان حتلقى الشريك وفارس الاحلام ف ريان لانو شاف نظره الحب في عيونها اتجاهو
: بتعملو في شنو؟
الاتنين رفعو راسهم ولقو جدهم
ايان بهظار: اوه حاج النور
النور بضحك: انت ي ود زح كدا خليني اقعد
ريان: اجيب لي كرسي ي جدو
النور : هييي. ي ود انا صغير المصطبه دي بتحشرني
ايان بشكل تمثيلي ل ريان: هييي ي ريان جدو ده صغيرر
النور ضحككك فيه ضحك وريان برضو وانضم ليهم ايان فالضحك بعد خلصو موجه الضحك والتلاته اتنهدوو
النور بخبث : قولتو لي بيان وبنان عاملين فيكم العجب
ريان وايان عاينو ليه بصدمه
ايان وهو ببلع ريقو: هو انت واقف هنا من متين بالظبط؟
النور بخبث وهو بيعمل نفسه بتزكر: ايمكن من وقت قولت من متين؟
ايان بخلعه: انت سمعت كل حرف؟
النور: كل حرف
ايان: كل نقطه
النور: اي
ايان: يلهوووووي
ريان ضحك فيهم
النور بجديه: طيب اسمعوني انت ي ايان م عندك مشكله مع بنان اما بيان الشايله عناد ابوها ده المشكله
ريان ضحككك وهو بتزكرر لمن كل مره بتتشاكل معاه
ايان بخبث وهو بقرب وشو مم وشو: ورينا بتتضحكك
ريان زح وشو: يشيخ زح مني
وقبل م زول يرد سمعو صوت بنان وايان بقى مبتسم وبعاين ليها
ريان بسخريه: عمم رومييو خف علينا حتاكل البت بعيونك
بنان: جدو بيان صحت
ريان بلهفه: بجدددد
ايان وهو بنتقم: عممم روميييو خف عليييينا
النور انفقعع ضحكككك فالرد البسرعه وريان م اشتغل بيهم وجرا عشان يطمن عليها اما بنان عاينت ليهم باستغراب
ايان قام ومسك يدها: تعالي ي مزتي
النور : سايق البت وين ي ولد
ايان بضحك: م تخاف يجددو م حاكلها
النور : ده انا الخايف بالزات منك ومن اخوك الجراء للبنيه داك
ايان انفقع ضحككك وساق بنان البتعاين ليهم يعد فهم وسرحت ف ضحكتو الكانت جميله بجدد ايان وقف موجه الضحك ولقاها سرحانه فيه
ايان بخبث وغمزه: ضحكتي حلوه مش
بنان باستيعاب: لا
ايان : شوفتك شوفتك سرحتي فيني
بنان هي بتمشي بسرعه قدام زي البتجري
بنان: لا لا م سرحت فيك شكلك عندك حمه
ايان بضحك: شوفتك ي بنان عمااااد شوفتككككك
بنان وهي بتجري منه وبتضحكككك
ايان بضحك: حاسبي تتشنقلي
بنان بضحك وقفت وعاينت ليه ايان ابتسم ليها
ايان بهظار: تتزكري لمن كان لسانك اطول منك
بنان عاينت ليه بغيظ: لسه لساني اطول منك وتتزكر لمن كنت حقير وقفلت الكشك بتاعنا
ايان بضحك: لسه ندمان فيها
بنان سكتت وايان عاين ليها وبقى سرحان في وشها جمال عيونها وروشها كثيفه اما بنان بقت سرحانه في عيونه العسلين استوعبت
بنان باحراج: انا حامشي اشوف بيان
ومشت بدون م تنتظر رده وايان ابتسم
ايان: مصيرك تكوني معي ي بنان و م حخلي زول يجي بجنبك لانك حقتي وبس
.......................
كانت بتعاين لي امها البتتكلم معاها بس م ديره ترد دقايث وريان جاء جاري ومشى ليها و ما اهتم بي امها ومشى ليها
ريان بخوف: بيان انتي كويسه؟
بيان عاينت ليه خوفه عليها ابتسمت ليه وهزرت راسها ليه دقايق جاء النور وبنان وايان
النور : حمد لله على السلامه ي بتي
بيان عاينت ليهم وم ردت
النور بتعب : لازم تعرفي الحقيقه ي بتي لازم انا كنت عاوز احكي ليك لمن تتحسني لانو الدكتوره قالت ضغطك واطي لاكن انتي عنيده زي ابوك
بيان اخيرا اتكلمت : م عايزه اعرف
النور: كضابه
بيان عاينت ليه باستغراب
النور : انت عايزه تعرفي كل شي عن ابوكي عيونك بتحكي كدا ي بيان
بيان قبلت وشها الجهه التاني و م ردت لانه كلامه صححح هي ديره تعرف عن ابوها وهو وين ولي خلاهم وعاوز توريه قدر شنو انه هي مشتاقه ليه
النور : الموضوع ده قبل 18 سنه لمن امك كانت حتولد اختك ابوك قبليها باسبوع عرف انها ف المراحل الاخيره من مرض السرطان
بيان رفعت راسها وعاينت لي جدها بصدمه
النور دموعو بتنزل على ولدو: ابوكي الوقت داك حس انه حظلم امك ف اجل الموضوع لحدي م يوم ولاده امك تعب شديد وزي م عارفه دفع قروش المستشفى ومشى وجاني وهو حقيقي تعبان وانا خوفت عليه وسالتو منكم
قال لي انه هو م ديركم تجو عشان ابو ريان وايان كان هنا وخاف عليكم منو بس كان عاووز يوريني العنوان بس ربنا اخد امانتو الوقت داك وانا قعدت سنين طويله افتشش براي ومع جاكسون م لقيتكم
بيان دموعه نزلت م قادره تصدق الهو بقولها ليه جدها م كانت عايزه تصدق انه ابوها كان عنده مرض خبيث وهو م وراهم وخلاهم يكرهو طول السنين دي. كلها دموعه نزلت كانت عاوز تنهار بس م قدامهم م كانت ديره تنهار قدامهم عمرها م انهارت قدام زول
بيان: مكن تخلوني براي
النور هز راسه وطلعو كلهم فضل ريان الرفض يخليها بيان عاينت ليه وامتنت انه رفض ريان يطلع ريان جاها وقعد في ركبتو
ريان: بياني ابكي حبيبتي ابكي
بيان عاينت ليه ودموعه اتملت بقت تقول في كلام م مفهومم وفجاه انفجرت من البكاء على ابوها وريان كان خايف عليها نفسه يحضنها بس صبر نفسه لمن تكون حلالو وحقتو وبقت تبكي بحرقه على ابوها الما قدرت تشوفو ولا قدرت تقول ليه انه هي بتحبو اكتر من اي شي
استووووب🤭💗💗💗💗
رايكم في رد ايان لمن عرف بحب ريان لي بيان؟
وعرفتو لي عماد م خلى بناتو مع جدهم
الحقيقه اتوضحت بحمد الله 💗 وخلاص نحن في وشك النهايه اترقبو💗.