رواية لانني فقيره الفصل السابع عشر 17 بقلم شوشو محمد
جاء اليوم التاني بيان وبنان صحو صلو الصبح وبنان بدت تجهز عشان اول يوم ليها في الشغل وبيان لبست ليها فستان سماوي جميل ومع طرحه بيضه كالعاده مطلعه جميله وبنان لبست من بيان اسكيرت ابيض وبلوزه بيضه وكسرت اللون بطرحه ملونه وكانو طالعين حلوين
حنان : الله يحفظكم ي بناتي
بيان وبنان ابتسمو ليها وشربو الشاي وطلعو
بيان: اوصلك لسه معي زمن
بنان بتوتر : لا لا ماف داعي امشي شركتك قبل م ريان يعمل ليك موضوع
بيان: عندي لسه ساعه تقريبا خليني اوصلك
بنان بتوتر وخوف انه بيان لو مشت معاها حتلاقي ايان وحتعرف انها حتشتغل معاه وحتزعل منها
بنان: بيان والله حكون كويسه بتصل ليك لمن اصل م تخافي
بيان: متاكده ؟
بنان: ايوا
بيان : خلاص لو حصل اي شي اتصلي علي
بنان : حاضر
ودعت بيان واتنهدت بارتياح انو بيان م حتمشي معاها مشت محل المواصلات البتوديها وركبت وبقت تستخير في شغلها نزلت محطته وفتشت لي باص تاني يوديها وفعلا لقت وركبت بعد نص ساعه وقفت قدام المطعم بقت تعاين من جواه على اساس تلقى ايان بس لقت انه م وصل بنان قعدت في المصطبه بتاعه المطعم وبقت تعاين لي الماشي والجاي فجاه قطع معاينته صوتو
: بنان
بنان رفعت وياريتها م رفعت كان طالع سمح سماحه وكان لابس ابيض في ابيض ومع عضلاتو كان مبقيه سمح بقت سرحانه فيه من جماله اما ايان كان حالتو زيها اول مره يشوفها متانقه كان دائما بلاقيها بعبايتها المغطيه جمالها ايان وعي لنفسو ومش ليها
ايان باستفزاز: شايف في ناس محاكيني الليله
بنان بتعجرف وهمي: للاسف انا م بحاكي الناس هم البيحاكوني
ايان عاين ليها وانفجر من الضحك لانو لمن نطقته نطقته بطريقه غريبه
ايان وهو بمسح في دموعو: طيب طيب خلينا نخش قبل م زول يحاكيك
بنان عاينت ليه بتعجرف وهمي ومسكت الاسكيرت نظام مسكه الاميرات وعاينت ليه ودخلت وايان عاين ليها وانفجر من الضحك ودخل والعاملين بقو مصدومين انه ايان النور بيضحك المهم دخلو على مكتب المدير الماسك المطعم بتاعو
ايان ببرود: جيلو
جيلو بابتسامه: اوووه ايان بنفسو يقرر يجيني
ايان: على فكره كنت جايك بس انت لغيت الموضوع بسفرك
جيلو بضحك: سمح سمح ي استاذ متعجرف اها كدي خلينا من ده دي منو دي المعاك
بنان عاينت ليه باستغراب
ايان ببرود: دي بنان اخت بيان
جيلو بهظار: انت خليت بيان مسكت في اخته
ايان: عبدالجليل
جيلو: سكت سكت الزول م يهظر معاك
ايان: حتشغله نادله هنا
جيلو: تكرم وبعدو
ايان: ماف زول فالمطعم هنا يضايقه
بيان قلبه رفرف من جملتو دي بس استغفرت ربها
جيلو: طيب اتفضلي معاي انسه بنان
وقام واتحركو التلاته جيلو اداها لبسه كا بنطلون اسود ضيق وبلوزه بيضه وجكت ومريول
جيلو: اتفضلي غيري وانا حشوف ليك مكان اسي
وطلع وخلاه بيان وايان براهم
ايان: انا حاطلع عشان تغيري
بنان باحراج: ايان
ايان وقلبو ومشاعرو اتجهجهت وهو بسمعه اسمو منها لاول مره يحس اسمو بالحلاوه دي
ايان: اا
بنان: اللبس ده م بنفع لي للمحجبات
ايان : طيب البسي المريلا ( عرفتوه بتاع المطبخ البتلبس ده م عارفه اسمو )
بنان عاينت لي بغباء: ها
ايان: المريول م بتعرفيه
بنان هزت ليه راسها
ايان مشى فتح اللبس وطلع ليها المريلا
ايان: ده يلا البسي
بنان بقت تعاين لي المريلا باستغراب لانو م حصل شافته ( م جهل منها بس هي م شافته ولا مره )
بنان بقت تقلب في المريلا يمين ويسار محاوله تعرف ده بيتلبس كيف وايان بعاين ليه باستغراب انو كيف م بتعرف المريلا ايان شال المريلا وقرب منها بنيه انو يلبسو ليها فجاه وقف بصدمه وهو شايف نفسو قريب منها وبنان انصدمت من القرب البيناتهم حست بمشاعرها كلها اتلخبطت ونفس الحاجه لي ايان م فاهم هو من اول م لاقاها مشاعرو ملخبطه قطع كل شي صوت جيلو وهو بخش
جيلو : انسه بنا
وسكت وهو شايف المنظر بنان زحت بسرعه من ايان وايان بقى يراقب بصدمه
ايان بتوتر وهو بمشي لي جيلو: جيلو ساعده تعمل شنو واتصرف ليها بهدوم شغل للمحجبات بجيك تاني
واتحرك تحت انظار بنان المصدومه وجيلو البعاين لي بنان باستغراب اول مره يشوف صحبو بتصرف بالطريقه دي
جيلو : انسه بنان طيب البسي المريلا دي بكره بجيب ليكي لبس لي الشغل مهمتك انو تشيلي الصحون من الطربيزات وتمسحيها
بنان وعقله مشوش : حاضر
جيلو : يلا البسي المريلا وتعالي معي
بنان : حاضر
جيلو طلع وبنان بقت تعاين لي المريلا م فاهمه بتلبس كيف بعد دقايق حته عرفت ولبسته وطلعت وجيلو بقى يفهم فيها في طريقه الشغل وكدا وابتدت تشتغل
...........................
طلع من المطعم وهو مصدوم من نفسه وده شنو العملو ومشاعرو لي مجهجه بالطريقه دي ركب عربيتو وقعد وبقى يتزكر فالحصل مشاعرو م اتجهجهت كدا الا بعد م لمستو لمن صورخ بقى يعاين لي شباك المطعم لقاها قاعده ترفع فالصحون عاين ليها دقائق واتحرك وهو م فاهم ماله
..........................
قعدت بعد تعب من مراسيل ريان وعاينت لي نسرين لقته مشغوله فالورق وعاينت لي مكتب ريان لقتو فاضي نسبه ان عنده اجتماع قامت عملت ليها هي ونسرين قهوه وقعدو يشربو دقايق وسمعو صوت الاصانصير قامو على حيلهم كالعاده احترام ليه دخل بكل برود
ريان بدون م يعاين ليها: بيان شيلي حاجاتك ورانا مشوار
بيان : حاضر
ودخل وبيان بقت تلم في حاجاتها وجاء طالع بقت ماشه بوراهو وركبو الاصانصير بدون زول يتكلم نزلو تحت لقو اياد واقف ومنتظرهم فتح الباب لي ريان باحترام وبيان كالعاده ركبت قدام واتحركو بهدو وبدون زوول يتكلم وكل زول راسو مشغول بحاجه لحدي م وصلو مول كبير نزلو ريان مشى وبيان وزياد مشو بوراهو لحدي م وصلو محل فساتين كبير كدا
ريان ببرود: امشي اختاري ليك فستان
بيان بصدمه: نعم ؟
ريان: م حاعيد كلامي امشي اشتري ليك فستان
بيان: ولي م عايزه انا
ريان؛ هو م على كيفك نحن فالسفر عندنا حفله وفالبلد هناك م حتلقي شي مناسب للمحجبات ف امشي
بيان: بس
ريان : بيان
بيان: حاضر
ودخلت وبقت تختار فستان اقل سعرا يعني وريان كان مراقبه وعارف هي بتعمل في شنو دخل المحل
ريان ببرود: بيان وقفي
بيان عاينت ليه باستغراب وقفت فعلا
ريان لبياعه: جيبي افخم فستان فالمحل وينفع للمحجبات
بيان بصدمه وديره تتكلم ريان اشر ليها نظام تسكت بيان عاينت ليه بغيظ مكتوم وسكتت فعلا والبياعه مشت جابت ليه فستان حرفيييا من الاحلام فستان لونو وردي وفي قطع الماس كدا وعندو شويه نفشه وكان جميل بيان بقت تعاين لي جماله
ريان:امشي قيسيي
بيان: بس
ريان بنفاد صبر: بيان م بحب اكرر كلامي امشي قيسي قولت
بيان شالت الفستان بسكات ومشت محل القياس لقت الفستان رهيب فيها كانو اتخلق ليها عجبه ومقاسو كان مظبوط خلصت قياس طلعت ليه
بيان: قياسو كويس
ريان : ادينا طرحتو والشبط بتاعه وشوفي مقاسه
البياعه عملت ليهم كل شي وايان دفع وطلعو وركبو العربيه
زياد: لي وين استاذ ريان
ريان: بيت بيان نوصله
واتحركو على بيت ريان وكان الهدو هو سيد المكان لحدي م وصلو
ريان: بكره م تجي الشركه جهزي نفسك سفرتنا بليل
بيان: طيب
ريان: زياد حجيك الساعه تلاته صباحا وحنسافر سبعه عشان نوصل بدري
بيان: طيب وبشكرك استاذ ريان
ريان هز ليها راسه بهدو. وبيان استاذنت منهم ونزلت وشكرت زيااد
استووووب 🤭💗💗...
الفصل الثامن عشر من هنا