رواية لانني فقيره الفصل التاسع 9 بقلم شوشو محمد
بيان بقت تعاين فالتلفون بحيره بقت تفكر تجرب حظها وتوافق فالشغل لكن خايفه تلاقي ايان وهي م عايزه تلاقيه لكن حيانها بتعتمد على الشغل ده بقت تعاين للناس الماشين والجاين وبالها مشغول فالنهايه اخدت قرار انو توافق على الشغل ده لانو م عندها حل
بيان: يارب اجعله خيرا لي يارب
فتحت النوكيا بتاعها واتصلت على زياد ووافقت على عرض الشغل ووراها التفاصيل انو تجي الساعه تمنيه قبل موعد ريان عشان بكره التاخير ووراها العنوان وورها التفاصيل بتاعه الشغل وبعداك قفل على كدا
بيان بتزكر: نسيت اسالو عن الراتب لكن م مشكله كل جنيه حتفرق مهما كان
قامت كدا وحمدت ربها انو ربنا سخر ليها شغل وان شاء الله تنجح فيه وقفت انتظرت المواصلات لحدي م لقت ركبت وقعدت لحدي م وصلت منطقته نزلت لقت محل العيش كان بيطلع العيش من الفرن طلعت محفظته بقت تعد قروشها لقت مكن تجيب ليها عيش
بيان ببسمه: السلام عليكم عمو علي
علي ببسمه: وعليكم السلام بيون كيفك وكيف اخبارك
بيان: تمام الحمد لله وانت
علي : نحمد الله اها المره دي العيش علي انا زي المره الفاتت اتفقنا
بيان: عمو والله م مشكله عندي قروش الحمدلله
علي: ي بتي انا عمك والله م تخجلي مني بعدين دي هديه بسيطه مني والله
بيان ابتسمت لي طيبه علي ده خته ليها عيش شكرتو واتحركت على البيت دخلت لقت بنان وحنان قاعدين ينضفو فالبيت
بنان باستغراب : بيون مالك جيتي بدري
بيان ببسمه: الحمدلله لقيت شغل حبدا بكره ان شاء الله
حنان بفرحه: بجد والشغل شنو؟
بيان : حكون مساعده لمدير شركه
حنان باستغراب: بدون شهاده
بيان : الفهمتو انو م حكون سكرتيره حكون مساعده يعني حساعد المدير
حنان: طيب الحمدلله يارب جبتي عيش
بيان: ايوا عمو علي حلف كان يشيل مني قروش
حنان: الله يديه العافيه ويرزقو اضعاف م يتمناه
بيان : اميييين
بنان كانت بتعاين لي بيان حست في شي فالموضوع حست انه الموضوع الشركه ده ليه علاقه ب ايان
بيان عاينت لي بنان وفهمت نظره اختها ابتسمت ليها واستاذنت منهم ودخلت وبنان دخلت بوراها
بنان : شركه شنو وكيف يعني مساعده
بيان: حاحكي ليك اصبري علي
بيان حكت ليها من اول م اتلاقت مع ريان لحدي م اكتشفت انه اخوه ايان
بنان: بس كدا حتلاقي ايان منو وبعدين هو العجرفه عندهم وراثه ؟
بيان ضحكت فيها؛ شكلو كدا م علينا وافقت لانو م عندي حل تاني والله
بنان: طيب م عرفتي الراتب كم ؟
بيان: البجي من ربنا حلو م عايزه اعرف والله
بنان : طيب
بيان: حمشي اغير واكل لاني حموت من الجوع في جبنه
بنان: ايوا الحمدلله في كتير لسه
بيان: الحمدلله
بنان: احشي ليكي
بيان: ايوا معلش لاني تعبانه
بنان : حاضر
بنان مشت تعمل لي بيان الاكل وبيان مشت استحمت واتوضت وصلت ولقت اختها عملت ليها سندوتش والشاي قعدت اكلت وبعداك رقدت فالسرير وبقت تدعي ربها انو الشغل يكون ساهل ليها وانو تقدر تتوافق مع ريان ونامت بدون م تحسس
....................
وقف عربيتو قدام فيلا فخمه نزل بكل برود الحارس عاين ليه باحترام وفتح ليه الباب ريان هز ليه راسه ودخل بكل برود بقى ماشي لحدي م وصل الباب دخل لقى البت البتساعد جده قدامو
البت باحترام: سيد ريان
ريان ببرود: جدي صاحي
البت : ايوا قاعد فالحديقه الخلفيه
ريان هز راسه واتحرك على الحديقه لقه جده قاعد ومغمض عينه ومبتسم ابتسم على جده
ريان باحترام ( اخيرا شوفناه بحترم زول 😂): جدي
النور(الجد): قررتو تتزكرو انو عندكم جد اسي
ريان: معلش ي جدي والله كنت مشغول انت عارف م قاعد اقطع منك قدر ده
النور بضحك: اقعد اقعد ي استاذ شغل الله يعجل جيت بت الحلال الحتعرسه
ريان : م عايز اعرس ي جدي
النور بضحك: حتعرس ي ريان صدقني حتعرس
ريان : جديي
النور ضحك: خلاص خلاص سكت
ريان بضحك على جدو بعدك سكتو وبقو يعاينو على الزرع
ريان : جدي مكن اسالك سوال
النور : يعني لو قولت ليك لا م حتسال
ريان بضحك: حسال برضو
النور : طيب من الاول م تسال
ريان : عمي عماد عندو اسره
النور سكت شويه وبقى يعاين ف الزرع بتاعو
النور: عمك عماد غلط غلطه عمرو كان بيحب مرتو حب م طبيعيي لحدي م ولدو بتهم التانيه جاه مرض السرطان بعيد عنك يارب حس انو حيظلم مرتو وبناتو الاتنين ف طلق مرتو وخلاهم وانا شاكلتو انو بعدني من حفيداتي لكن للاسف قبل م اعرف مكان حفيداتي عمك اتوفى ولحدي اسي قاعد افتش فيهم
ريان: قاعد تفتش فيهم لحدي اسي
النور بحزن: مخلي السكرتير جاكسون بفتش فيهم عايز اشوفهم قبل م ربنا ياخد امانتو حفيداتي الولد حرمني منهم
ريان : تحب اساعدك ي جدي
النور: بتمنى ي ولدي بتمنى تجيب لي حفيداتي قدامي ي ريان تجيب ينات عمك ي ريان الله يرضى عليك
ريان بهدو: حاضر ي جدي حاضر حاعمل كل العلي عشان اجيبهم ليك
استووووووب🤭💗💗
اخيرا شوفنا النور وظهر معانا واسي عرفتو انو النور م ابو ايان وريان لا ده جدهم
طيب لي ريان وايان م بقولو اسم ابوهو وبقول جدهم؟...