رواية زوجاتي الثلاثه الفصل التاسع 9 بقلم جمانه السعيدي


رواية زوجاتي الثلاثه الفصل التاسع 9 بقلم جمانه السعيدي


@الجميع 

مصطفى...قبل لا نرجع الالهام     اني حجيتلكم عن سعدون 
الولد الي جاي من محافظة العماره حتى يشتغل هنا ويسترزق 
الولد ماعنده غير اخت وحده ازغر منه وامه 
السبب الي خلا يترك ولايته   ويجي هنا  مو بس الشغل    عنده مشاكل ويا عمامه   علمود شغلة ورث 
حتى يخلص من المشاكل ويسلم على نفسه 
جاب عائلته واجا  هنا 
فتح هاي البوسطه   ورب العالمين رزقه

طبعا صار اكثر من سنتين يشتغل هنا  وكل الموضفين 
يعرفونه  وهو يعرفنا واحد واحد 
موضفين وموضفات            شكو مناسبه تصير بلدائره 
او عد احد من الموضفين  يروح    يزورهم  ويسئل 
عنهم 
احنا معتبرينه  واحد منا      مو مجرد بكال يشتغل   
بلركن      الموضفات والموضفين حتى ياخذون منه بلدين 
والتسديد على الراتب
بلبدايه حان يبيع بس فواكه  ومخضر
بعدين اخته  كامت تشتغل بلكبه  والبورك   وكليجه 
وهو يعرضهن يمه بلبسطيه      والموضفين يشترون من عنده
يكولون شغلها طيب 
اني الصراحه مااشتري    هيج شغلات 
لان امي  كبتها ماكو مثلها ابد
جمانه السعيدي 
بلفتره الاخير   هذا الولد تمرض       بلاسبوع يجي يومين اتلاثه       الموضفين كلهم يسئلون عنه 
الحد ما بطل يجي نهائيا 
واحد من الموضفين سئل عنه وراح زاره بلبيت 
ورجع يكول مريض وحالتهم تعبانه      حيل  حتى علاج مايكدرون يشترون 
اقترحت عليهم نجمعله مبلغ    وندزه اله  منا لمن يصير احسن 
اني كنت اول المتبرعين  انطيتهم ١٠٠ الف 
وكتلهم كل شهر انطي ١٠٠ من الراتب   منا لمن تصير حالته زينه    اجمعنا اني والموظفين ورحنا زرنا بيته 
امه الي فتحت الباب وستقبلتنا 
اطمنا علي وعلى صحته
انطيناهم الفلوس ورجعنا 
مريت على اهلي لان باجر موعد عقد زواجنا اني وميسون 
امي....يمه ليش ماترجع مرتك  خطيه حامل 
مصطفى...اني ما طردتها    هيه طلعت من كيفها 
امي...ميخالف حامل  وعصبيه       بس هلمره  
مصطفى....ميخالف   اروح الخاطرج  ولو اني ماريدها ترجع هسه وتعكر مزاجي 
امي....الله يرضا عليك 
مصطفى...باجر ترحين وياي للمهر 
امي....اي اروح  
بليل رحت عليهم للبيت    بيت اهل الهام
دكيت الباب     طلع ابوها    بس شافني 
جان  ابوها بلباب  هااا شعندك جاي   كل    مره      مالك يمنا 
وبينا وبينك المحاكم 
ناخذ منك   الحاضر والغايب  ونفقة الطفل  اذا ما نبهذلك بلمحاكم 
مصطفى.....ليش تبهذلني بلمحاكم  بتك اجتك   مضروبه 
احد قرب عليها         جمانه السعيدي 
شو هيه  تشيل عرب   مو مره   ضيم   

ترا اني من خطبتها جنت مزوج وانتم قبلتم   اعتبروني ما طلكت زوجتي     ولسه على ذمتي 
ابوها...لا  ماكو هيج حجي  ماترجع ابد اله    تبطل ما ترجع ميسون   وتكتب البيت باسمها 
ضمان  الها انت مالك امان 
مصطفى...اكتب البيت باسمها   تحجي صدك 
ابوها...اي ماترجع اذا ما تكتب البيت باسمها 
ماكو نحرمك من ابنك طول العمر 

مصطفى.....خليها  يمك   وبيني وبينكم المحاكم 
خل يكون بعلمك المره الحامل ماتطلك لا بلمحكمه  ولاعد الشيخ      منا لمن اجيب يله تكدر تطلك   
ومادام اني ما مطلك  يعني   ماكو حاضر وغايب  
وكلما ترفعون عليه   قضيه   ااكول مرتي واريدها 
وكلشي ما تحصلون مني 
اسجل البيت باسمها   كول احنا من البدايه عينه على فلوسك 

اني حتى الطفل مااريده   خلي الكم 

عفت ابوها وصعدت بلسياره   ورجعت للبيت 
بليل اتصلت على ميسون 
مصطفى...الهام طالبه الطلاك وما تقبل ترجع 
تريد تذلني بلطفل  بس اله ارويها نجوم الضهر 
تجين ترجعين بيتج  لو نأجر بيت ثاني 
ميسون....خاف ارجع وترجع هيه هم 
مصطفى...اذا رجعت ااجرلج بيت واثثه   واخذج تعيشين بي

ميسون...تمام ماكو مشكله 
مصطفى...جهزتي كلشي الي تردي 
ميسون...اي 
مصطفى...خلاص باجر موعدنا نعقد ونطلع   يومين سفره 
اريد ارتاح 
ميسون...براحتك 

ثاني يوم اخذت امي واخواني شهود على العقد 
عقدنا  واجت وياي ميسون للبيت     نمنا والصبح طلعنا 
اني وياها 
يومين من احلى ايام عمري 
من ازوجت   الهام جانت بنيه  وماسابق الها الزواج قبل 
بس ماجنت مرتاح ولا حسيت وياها بلسعاده ابد
كلامها كله شروط  واوامو  استغلاليه الابعد درجه 

بس ميسون غير  مجرد موجوده وياي بلبيت     
راحه مو طبيعيه      البيت صار احلى  وارتب 
رجعت الحياتي القديمه الي جنت عايشها 

فعلا صعب تلكه انسان تحبه وترتاحله 

رجعنا للدوام اني وميسون  وكل الموجودين باركولنا 
على زواجنا 
من سمعت الهام اني مزوج من شبكة التجسس الي مخليتها بلدائره 
راحت تشتكي عليه 
بس مثل ما كتلكم 
الحامل مايصير تطلك       
رادت تكول معنفني   ماعدها دليل ولا تقرير طبيبي 
ولا اكو آثار ضرب علي جسمها

قضيتها تحولت للباحثه الاجتماعيه    جمانه السعيدي 

اجاني بلاغ ورحت حضرت للمحكمه
    كعدنا اني وياها    يم الباحثه 

الهام.....كاطع عليه المصرف وما يقبل اهلي يجوني ولا يقبل اروح عليهم 
عنده علاقات نسائيه  واني هاملني  مو بحالي 
مصطفى....حضرت الباحثه تعالي وشوفي البيت الي كانت ساكنه بي    وشوفي المسواك 
اصلا هيه تفرهد بلفلوس    بتحريض من اهلها 
لو تنطيني فلوس الاهلي لو ازعل عليك   ليش اصرف على اهلها    شنو علاقتي بيهم
لمن قفلت  القاصه  وقفلت الكنتور يله خلصت منها 

الباحثه...كل الأسباب للي كلتيهن ما   يوصلن للطلاك 

الهام...بس اني اريد اطلك
الباحثه من تجيبين بلسلامه  تعاي ارفعي علي قضيه 
هسه مالج علي غير يدزلج مصرف 
منا لمن اجيبين 
الهام....اي   اي    مصرفي علي   لاتشوفينه هيج هذا تاجر 
ومدير قسم راتبه فوك المليون 
مصطفى...حضرت الباحثه لا تاجر ولا شي   اني واخواني شراكه  بمجمع  يعني ٣ عوائل من غير امي نصرف من هذا الشغل 
تكدرين تتأكدين بنفسج
بالاضافه اني عندي بيت ثاني   اني مزوج قبلها وهيه وافقت عليه واني مزوج 
اني راح ادزلها بلشهر ٢٠٠  ومن توصل للولاده مصاريفها عليه 

الهام...شنو ٢٠٠  اقل شي ٥٠٠
مصطفى...انتي وحدج تاخذين ٥٠٠  هذا مصرف عائله  
خمس نفرات الشهر كامل 
هنا ٢٠٠ ماكو غيرهن ومصاريف الولاده عليه 

مصطفى.. طلعت الهام كلشي ما حصلت من الدعاوي الي رفعتهم عليهن 
لان انسانه طماعه     كلشي ما حصلت 
بعد زواجي باسبوعين مات سعدون البكال 
الموضفين   سووله فاتحه على احسابهم 

وبقينا ندز كل شهر الامه  مصاريف العيشه 
الحد بعد شهرين من وفاته اخته اجت فتحت البوسطيه مالته
تكول امي مريضه الفلوس الي تجينا ما تكفي علاج وعيشه 

البنيه حلوه ومرتبه ومحتشمه   حيل   لابسه عبايه وحجاب اسود  وملابس طوال سود   لأمه نفسها  وتستحي 
الموضفين كلهم يشترون منها  حتى اني  اشتري منها يوميه
اذا اشتري باربعه انطيها خمسه 
واذا اشتري بثلاثه انطيها خمسه 
واذا اشتري بسبعه انطيها عشره
تبقى بس تدعيلي     الله يوفقك  الله يستر عليك 
الله يحفظك من كل شر 
يمكن دعائها كان مستجاب   لان دعاء حقيقي
لان بلشهر الثاني الزواجي من ميسون اجتني احلى مفاجئه بحياتي    جمانه السعيدي 

بدت   ميسون تشكي من آلام براسها  ووجع بطنها 
يومين وهيه ماتكدر تروح للدوام 
تتقئ وتشكي من بطنها   وتكول راسي يوجعني حيل 

اخذتها الدكتور باطنيه    لان الحمل ابد مو على بالي ولا مفكر بي 
الدكتور طلب كم تحليل 
اخذو منها دم  وادرار   وبقينا اني وياها منتظرين النتيجه 
اخذناها ودخلنا على الدكتور 

الدكتور مايعرف احنا ماعدنا اطفال 
الدكتور.....ماشاء الله      مابيج شي طلعتي تدلعين علينا 
مصطفى...لا دكتور   تعبانه حيل  اول مره يصير وياها هذا الشي 
الدكتور....شنو هيه ماعدها اطفال 
مصطفى...لا ماعدها اطفال شنو علاقة الاطفال بلموضوع
الدكتور.....ميسون حامل 

باوعت علي  بستغراب     
مصطفى...دكتور انت متأكد خاف غلط بلتحليل 

ميسون ماكدرت تبقى واكفه كعدت على الكرسي 
الدكتور.....حامل    هذا التحليل     واضح  ميسون حامل 

باوعت على ميسون  راسا نزلن دموعها 
مصطفى.....دكتور فدوه   اتأكد لان   الشغله مهمه مو مال غلط بلتحليل 
الدكتور....هاي شبيك   موجاي اكلك حامل 
شنو اني ماافتهم 
مصطفى...لا حشاك دكتور مو قصدي 

ميسون تبجي وتمسح بدموعها
مصطفى...لا تبجين حبيبتي     هذا كرم رب العالمين علينا 
ميسون....ما مصدكه 
مصطفى...تعاي نعيد التحليل 
الدكتور....محتاجه تروح دكتوره نسائيه   ضروري 
اكو تحاليل لازم تسويهن  بهاي الفتره 
حتى  الحمل  يكمل 
مصطفى...اي دكتور    تمام الف رحمه الوالديك على هذا الخبر الحلو 

انتظرونا.......


                    الفصل العاشر من هنا 

تعليقات
×

للمزيد من الروايات زوروا قناتنا على تليجرام من هنا

زيارة القناة