*زيزو:* شككيه في مراته، يقوم يطلقها ويسافر تاني ويخلي لينا الجو.
*عفاف:* إزاي طيب.
*زيزو:* هقولك أنا، هشتري رقم جديد، وأنتي حاولي تاخدي تليفونها من غير ما تحس، وأنا هكلمك على التليفون كلام خارج، وأنتي تردي عليا، ويا سلام كمان لو تصوريها بلبس النوم وتبعتيلي الصورة، وهنسمي ابنك المغفل، وإنها بتاخد فلوسه تصرفها عليا، وإننا متفقين نتجوز بعد ما يطلقوا.
*عفاف:* يا ابن الأبالسة.
*زيزو:* كله فداكي يا فوفتي.
*عفاف:* طب والعيال.
*زيزو:* تاخدهم معاها، وابنك هيتعقد ويسافر ونعيش احنا بقى وأدلعك يا روح قلبي.
*عفاف:* طيب ماشي.
*زيزو:* حوليلي فلوس بقى عشان أشتري التليفون والخط.
*عفاف:* أحولك عيني، يا سلام شبريء نفسك يا واد، سلام بقى شكلها جات.
*زيزو:* سلام يا روح الروح.
وبعد أن أغلقت عفاف الهاتف مع زيزو، وها هي فهيمة تدخل مع أولادها:
- *عفاف:* حمد الله على السلامة، وحشتوني.
- *فهيمة بتعجب:* وحشناكي.
- *عفاف:* أمال إيه، وكمان في مفاجأة، جوزك جيه.
- *فهيمة بفرحة:* وحيد جيه.
- *عفاف:* آه وجوه بيرتاح، خشوا سلموا عليه، وأنا هعملكم لقمة تستاهل بقكم، وكمان هاخد الولاد معايا عشان تفرحوا مع بعض.
- *فهيمة:* أنتي إيه اللي غيرك كده.
- *عفاف:* راجعت نفسي وقولت نعيش مع بعض كويسين، أنتي بنتي حبيبتي، خشيله بقى.
- *فهيمة:* تعالوا يا ولاد نسلم على بابا.
*أما جميلة فها هي تجلس مع والديها لمحاولة إقناعهم:*
- *فرج:* يا ألف بركة بنتي أنا هتخدم البلد، أنا موافق.
- *كريمة:* أنا بقى مش موافقة.
- *جميلة:* ليه طيب.
- *كريمة:* يا بنتي أنا معنديش غيرك، أخاف عليكي تجري لك حاجة، وبعدين هتقعديلي مع العوالم كمان.
- *فرج:* يا وليه بتقولك حكومة، عوالم إيه بس.
- *كريمة:* معرفش بقى أنا خايفة.
- *فرج:* وبعدين معاكي، بنتك بميت راجل وواقفة في الحارة زي الأسد.
- *جميلة:* وافقي بقى عشان خاطري يا أما.
- *كريمة:* وأنا يعني هروح فيكم فين، خلاص موافقة بس خلي بالك من نفسك.
- *جميلة:* حاضر يا أحلى كرملة.
وهنا يسمعون صوت طرق على الباب، وإذا بنؤة تدخل:
- *نؤة:* خير يا جميلة بعتيلي ليه.
- *جميلة:* لما عبده يوصل عشان مقعدش أحكي كل شوية.
- *نؤة:* عبده طالع ورايا.
وبعد أن وصل عبده، قصت عليهم جميلة كل ما حدث:
- *عبده:* آه يا رضا الكلب، أنا قلبي كان حاسس إن الراجل ده شمال، أنا معاكي أنا ونؤة، شوفي عايزة إيه.
- *جميلة:* تسلم يا أخويا، أول حاجة نؤة تجر كلام مع رضا وتقوله إنها مزنوقة وعايزة تستلف منه مبلغ، وتفهمه إنها راحت عند العوالم عشان تتفرج، وطبعاً رضا عارف إنها أختي وصاحبتي وهيبلع الطعم، تقوم نؤة تقوله إنها هتوديني عند العوالم ونتقابل هناك، وتقوله يديها الحلاوة، وأنا هماين معاه.
- *عبده:* طب وأنا دوري إيه.
- *جميلة:* أنت هتتصاحب على الولا فولة وتشتكيله من الظروف وتقوله إنك مستعد تعمل أي حاجة عشان تجيب مهر نؤة، وسرسأ هيكون معاك، وهو هيعرض عليك تشتغل معاهم، أنت في الأول هترفض وبعدين هتوافق، وبكده نكون عملنا عليهم كماشة وربنا معانا.
*أما نعمات فها هي قد وصلت إلى شقتها:*
- *نعمات:* والله كانت فسحة حلوة أوي يا بنات، ديه الست زوبة ديه إيه طلعت غنية أوي، أنا هطلع أشكرها وأقعد معاها شوية.
*أما بديعة فكانت تجلس مع رضا في منزلهم:*
- *بديعة:* بقولك إيه عايزين نغير المخزن عشان اتشم.
- *رضا:* ما أنا بحاول أشوف مكان أمان.
- *بديعة:* روحت للراجل الكبير.
- *رضا:* لا أجل الميعاد.
- *بديعة:* لما تقابله قوله عايزين نتوسع، بلاش شغل الشقارة والنقارة ده.
- *رضا:* وجب.
- *بديعة:* قوم بقى روح المطعم.
- *رضا:* أديني رايح أهو، بس أبقى أعملي النهارده عكاوي وبطاطس.
- *بديعة تضحك:* حاضر يا معلم، روح بقى وأبقى شيعلي فولة بالطلبات.
- *رضا:* ماشي.
وها هو رضا يذهب إلى مطعمه، ثم يبلغ فولة إنه يشتري الطلبات ويذهب إلى زوجته، وبعد أن أشترى فولة الطلبات، ها هو يصل إلى منزل رضا:
- *بديعة:* تعالي يا حبيبي.
- *فولة:* وحشتيني أوي يا بدع دع.
- *بديعة:* عامل إيه يا ولا.
- *فولة:* مش تمام، هنفضل لغاية أمته مخبيين حبنا، أنا قرفت من رضا ده، منفوخ على الفاضي، جاته الهم هيضيع شبابي معاه.
- *فولة:* مش قولنا أطلقي منه.
- *بديعة:* لسه أتك على الصبر شوية، لما أعرف مكان الراجل الكبير وناخد البضاعة لحسابنا ونركن رضا ده خالص.
- *فولة:* طب وحشتيني.
- *بديعة:* طب أقفل الباب، أنت كمان واحشني أوي.
- *فولة:* هو ده يا عسل.
*أما عاصم فكان يجلس في غرفته في منزل زوبة وكان يفكر في جميلة:*
- *عاصم:* هو أنا مالي، من وقت ما شوفتها وأنا حالي متشقلب، بنت جميلة ومكافحة ومحترمة وجدعة، بس برده أنا مالي بيها، وليه حسيت عليها بغيرة، معقولة أكون حبيتها، شكلي كده طبيت وحبيت.
*أما في الخارج فكانت نعمات تجلس مع زوبة لتستدرجها زوبة في معرفة أخبار الحارة:*
- *نعمات:* عارفة الراجل بتاع الخضار شلبي الزفت ده، شكله كده بيتاجر في حاجة مش مظبوطة، آه يا أختي الفلوس عنده بالكوم، وبعدين قبل الفجر بساعة كده بشوف عربيات بيحملوا حاجات من عنده، ومرة الشوال اتفتح وشوفت سلاح خارج منه.
- *زوبة تمثل عدم الاهتمام:* بقولك إيه احنا كنا عاملين شوية أكل إيه يستاهلوا بوقك.
- *نعمات بطمع:* وماله يا أختي تسلم إيديكم.
- *زوبة:* ألف هنا وشفا يا أختي، وخدي كمان العبايتين دول طلعوا واسعين عليا، بشوكهم وحياتك.
- *نعمات:* يا أختي ولو حتى لبستيهم كلك بركة.
- *زوبة:* تسلمي يا قمر، بقولك إيه بقى أنتي عارفة إني رقاصة وليا سمعتي.
- *نعمات:* عارفة يا أختي عارفة.
- *زوبة:* عشان كده عايزاكي تجيبلي كل أخبار الحارة بيت بيت.
- *نعمات:* بس كده عيوني.
- *زوبة:* وخدي بقى الـ 200 جنيه دول عشان تجيبي حاجة حلوة للبنات.
- *نعمات:* متحرمش منك، أنزل أنا بقى ولا هتعوزي مني حاجة.
- *زوبة:* عايزة سلامتك يا ست نعمات.
لتتركها نعمات وتنزل إلى شقتها بالطعام والعبايات:
- *نعمات:* تعالوا يا بنات شوفوا الست زوبة أديتني إيه.
- *زوجها:* ليخرج زوجها من غرفته، على آخر الزمن هناكل من عرق العوالم.
- *نعمات:* محدش قالك كل، خليك في الفول.
- *زوجها:* مش عارف جميلة قافلة النهارده ليه، الواحد جعان.
- *نعمات:* روح هات من عند رضا.
- *زوجها:* أعوذ بالله ده الفول بتاعه كله عيش مبلول والطعمية كمان.
- *نعمات:* خلاص نام جعان ومتقرفناش.
- *زوجها:* ما هو أنتي لو بتعملي لقمة في البيت زي بقية الحريم، إلا عمالة تلفي في البيوت تعرفي أخبار الناس، احنا مالنا متخلينا في حالنا.
- *نعمات:* لولا أنا بعمل كده كان زمانا جوعنا، أنت فاكر الكام ملطوش بتوعك دول بيكفوا حاجة، أنا عارفة حظ إيه المهبب اللي وقعني فيك ده، الله يخرب بيتك يا أبا قال إيه خديه موظف مستقبله مضمون، بلا هم.
- *شادية:* خلاص بقى حرام عليكم، كل يوم خناق ومشاكل، ارحمونا بقى احنا ذنبنا إيه.
- *والدهم:* خلاص يا بنتي حقكم عليا مش هنتخانق تاني.
*أما في منزل فهيمة فها هي تجلس مع زوجها وأولادها:*
- *وحيد:* وحشتوني يا ولاد.
- *فهيمة:* مش كفاية كده سفر وتقعد معانا.
- *وحيد:* مش قولت لما أعملي قرشين حلوين أتسند عليهم، وبعدين ما أمي قاعدة معاكي وخدامكي.
- *فهيمة:* آه طبعاً أمال.
وهنا تدخل عليهم عفاف:
- *عفاف:* يلا يا حبايبي الأكل جاهز، بألف هنا وشفا.
- *وحيد:* تسلم إيدك مقدماً يا أمي.
ويجلسون جميعهم ليتناولوا طعامهم، وبعد أن انتهوا من تناول الطعام:
- *عفاف:* تعالوا يا ولاد جوه معايا وسيبوا بابا وماما يرتاحوا.
- *وحيد:* عمرك هتلاقي حما كده.
ثم تنظر عفاف بجانبها لتجد هاتف فهيمة بجانبها، لتأخذه دون أن يشعر بها أحد، ثم تراسل زيزو على رقمه الجديد، وأثناء بحثها في الهاتف تجد صورة لفهيمة وهي بملابس المنزل وبشعرها، ثم ترسلها لزيزو.
- *زيزو:* بقولك إيه هتصل عليكي.
- *عفاف:* ماشي، هما كده كده دخلوا أوضتهم والعيال بيلعبوا.
ليتصل عليها زيزو:
- *عفاف:* خلي بالك أنا هعمل الرسايل بتاريخ قديم.
- *عفاف:* شاطر يا ولا، هو أنا حبيتك من شوية.
- *زيزو:* قلب القلب.
وبالفعل نفذت عفاف خطتها الخبيثة، ثم تتصل على زيزو مرة أخرى:
- *عفاف:* بقولك إيه عشر دقائق كده وأبقى رن، وبعدين ابعت رسايل من اللي باللي بالك، عشان هخلي ابني هو اللي يقراها.
- *زيزو:* يا سلام، بس تمام.
ثم تغلق معه الخط:
- *عفاف:* وحيد يا وحيد تعالي يا قلب أمك أقعد معايا شوية.
وبعد عشر دقائق يخرج لها وحيد:
- *عفاف:* فهيمة يا فهيمة تعالي يا حبيبتي أعمليلنا صنية كيكة بالبرتقان من أصلاك بتعمليها عسل، مع كوبايتين شاي بلبن.
- *فهيمة:* حاضر يا ماما.
لتتركهم فهيمة وتدخل المطبخ، وأثناء انشغالها بإعداد الكيك، ها هو زيزو يتصل عليها:
- *عفاف:* تليفون مراتك بيرن، تلاقيها أمها.
- *وحيد:* هخش أديها التليفون، إيه ده الاتصال اتقطع، إيه صوت الرسايل ديه كلها.
- *عفاف بخبث:* شوف يا ابني أحسن يكون حد عيان ولا حاجة.
ثم يقرأ وحيد الرسائل ويشاهد أيضاً صورة زوجته بملابس المنزل وبشعرها:
- *وحيد:* يا نهار أبوكي أسود.
- *عفاف:* في إيه يا واد.
- *وحيد:* في إيه الساقطة السافلة اللي دايرة على حل شعرها، أنا لازم أقتلها.
ليدخل على زوجته المطبخ ليصفعها على وجهها، ثم يركلها برجله في معدتها وهي تصرخ:
- *فهيمة:* في إيه عملتلك إيه.
- *وحيد:* ثم يخرج بها إلى الصالة وهو يجرها من شعرها.
- *عفاف ببرود:* في إيه يا ابني، في إيه عملت إيه بس مراتك، حرام عليك سيبها.
ليفتح وحيد باب الشقة ثم يطرد زوجته بملابس المنزل، وهنا يخرج الأطفال من غرفة جدتهم ليشاهدوا المنظر ليبكوا على حال أمهم:
- *وحيد:* وأنتوا كمان وراها برا، أكيد أنتوا مش ولادي، أنتوا ولاد حرام.
الفصل التاسع من هنا