
حبايبي بعتذرلكم عن التاخير والبارت الصغير لاني تعبانه وعندي برد شديد ♥️
---
*ريم:* مهربتش، أعرفك على جميلة يا أمي.
*مجيدة:* أهلاً يا بنتي، لا مؤاخذة البيت مش أد المقام.
*جميلة:* مقام إيه بس يا خالة، الله يعزك.
*ريم:* أنا هخرج أتمشى شوية عشان تقعدوا براحتكم.
*ريم:* ليه خليكي قاعدة.
*جميلة:* معلش عشان تتفكي بكلمتين مع خالتي.
*مجيدة:* يا بنتي أقعدي معانا أحسن تتوهي.
*جميلة:* متخافيش عليا.
*مجيدة:* خلاص هعملك شوية شاي، أشربي كوبايتك وبعدين أعملي اللي يريحك.
*جميلة:* ماشي، سلم إيدك مقدماً.
*ريم:* وأنا هخش أغير عشان أقعد براحتي، أصل اللبس الغالي ده بيضايقني.
*جميلة:* شكلك فقرية.
ثم تدخل ريم الغرفة وتتركها، لتخرج جميلة المايك الذي أعطاه لها حسن وتضعه في مكان مناسب، وها هي مجيدة تحضر الشاي:
- *مجيدة:* دوقي بقى قرص خالتك مجيدة، والله بسمنة فلاحي.
- لتتذوقها جميلة: الله حلوة أوي، سلم إيدك، هروح أنا بقى وساعتين كده وأرجعلكم.
- *مجيدة:* ربنا يستر عرضك يا بنتي.
لتخرج جميلة وتتركهم:
- *مجيدة بلهفة:* فهميني بقى يا ريم، المفتري ده سابك إزاي.
- *ريم:* معرفش، جميلة ديه شكلها بتشتغل معاه أو خطيبة واحد من رجالته، طلعتلي وقالتلي خديه على أد عقله، وفهميه إنك هتفكري وإنك هتسمعي كلامه، وعملت كده، قام قاللي روحي مع جميلة عند والدتك، وكمان مش هبعت معاكي حد من الرجالة.
- *مجيدة:* بقى البت العسل ديه شغالة في الحرام، أعوذ بالله، ليه كده بس، منك لله طاهر.
- *ريم:* أنا بفكر أبلغ عنه وأوديه في ستين داهية، ده بيدمر الناس يا أمي بالسم اللي بيبيعه لهم، وكل اللي هامه الفلوس والمكسب، أما الناس مش مهم يدوس عليهم بجزمتة.
- *مجيدة:* عشان يعرف إنك أنتي اللي بلغتي ويخلص عليكي يا بنتي، أنا معنديش غيرك.
- *ريم:* أعمل إيه طيب.
- *مجيدة:* مش عارفة، بس أنا خايفة عليكي.
- *ريم:* وأنا مش هاكل حرام، وكمان الساكت عن الحق شيطان أخرس.
*أما في الخارج فكانت جميلة تقف مع حسن يستمعوا لما يحدث:*
- *جميلة:* صدقتني حضرتك، أصل أنا ليا خبرة في الناس، البت ريم ديه غلبانة أوي ومغلوبة على أمرها.
- *حسن:* أسكتي يا جميلة خليني أسمع.
- *جميلة:* طيب.
- *ريم:* خلاص يا أمي أنا لقيت الحل.
- *مجيدة:* حل إيه.
- *ريم:* احنا نبلغ عنه وبعدين نسافر البلد عند أهل بابا الله يرحمه.
- *مجيدة:* وتفتكري يعني إنه مش هيدور عليكي هناك.
- *ريم:* ما هو هيكون في السجن.
- *مجيدة:* لا يا قلب أمك، هيلبسها لأي حد من رجالته ويخرج زي الشعرة من العجين، أسأليني أنا.
- *ريم:* مش مهم، أنشا الله حتى يخلص عليا، ده بيتاجر في السلاح وفي السم، يعني بيبيع الموت يا أمي، الناس ذنبهم إيه.
- *مجيدة:* والله ما أنا عارفة، طب أقولك خلاص، أنا اللي هبلغ عشان لو عرف تكوني أنتي بعيد، حتى لو موتني مش مهم، لكن أنتي لا.
- *ريم:* بعد الشر عليكي يا أما، ده أنا كنت أكل قلبه، خلاص أنا قررت هروح أبلغ وأقولهم في القسم يحموني منه، بس عارفة محدش صعبان عليا غير جميلة ديه، أصلها شكلها طيب.
- *مجيدة:* آه بس حد قالها تمشي في الحرام.
- *جميلة في الخارج:* هنعمل إيه يا باشا.
- *حسن:* كده تمام أوي، احنا هندخل عندهم ونعرفهم كل حاجة، لأن كمان المعلومات اللي جاتلي كلها في صالح البنت وأمها.
- *جميلة:* تمام.
وهنا تطرق جميلة عليهم الباب:
- *مجيدة:* معقولة صاحبتك ديه لحقت ترجع.
- *ريم:* مش عارفة، أفتحي يا أمي.
- لتفتح لها مجيدة الباب:
- *جميلة:* في ضيف معايا يا خالتي.
- *مجيدة:* ضيف مين.
- *جميلة:* هو مش هينفع يدخل من الباب عشان طاهر ممكن يكون مراقب البيت.
- *مجيدة:* أنا مش فاهمة حاجة.
- *جميلة:* أحب أطمنك أنا بشتغل مع الحكومة، والضيف ده ظابط.
- *مجيدة:* يا نصيبتي ظابط.
- *جميلة:* يا ستي متخافيش، قوليني الأول بس هيدخل إزاي.
- *مجيدة:* خليه يلف من ورا البيت، وأنا هفتحله باب عشة الطيور.
وبعد عشر دقايق يدخل حسن:
- *مجيدة:* خير حضرتك.
- لتخرج عليهم ريم، لينظر لها حسن نظرة انبهار بجمالها:
- *ريم:* ممكن أعرف حضرتك مين وبتعمل إيه هنا.
- *حسن:* أنا الظابط حسن.
- *ريم:* بجد والله، وطبعاً شغال مع طاهر، عمره ما هينضف.
- *جميلة:* أبداً والله، ده فعلاً حضرة الظابط حسن، وأنا شغالة معاه.
- *حسن:* تحبي تشوفي البطاقة.
- لتضحك ريم بسخرية: وهو يعني طاهر هيغلب.
- *حسن:* خلاص تقدري تتأكدي بنفسك من الوزارة، ولا أقولك أستني.
ثم يفتح هاتفه ليريها بعض الصور:
- *ريم:* طب ما هو ممكن تكون معمولة على النت.
- *حسن:* على العموم أنا كنت عامل حسابي.
ليتصل حسن على الظابط أيمن، رئيس مباحث القسم التابع لهم:
- *حسن:* أيمن بيه أخبارك.
- *ريم:* من فضلك أفتح الأسبيكر.
- *حسن:* ناصحة أوي، أمال مش ناصحة على طاهر، لمؤاخذة يا أيمن هفتح الأسبيكر.
- *أيمن:* تمام.
- ليفتح حسن الأسبيكر:
- *حسن:* بقولك إيه أنا مين.
- *أيمن:* أنت مين إيه.
- *حسن:* أصل في ناس مش مصدقين إني ظابط في المكافحة، وبالمناسبة أنا هنا عندك في المنطقة.
- *مجيدة:* أيمن بيه، أنا مجيدة بتاعة الشاي.
- *أيمن:* أهلاً يا حاجة، في عندك مشكلة ولا إيه.
- *مجيدة:* هو حضرته ظابط.
- *أيمن:* آه يا ست مجيدة، ظابط وظابط كبير كمان.
- *مجيدة:* الحمد لله، ريحت قلبي.
- *حسن:* طيب هبقى أكلمك تاني.
- *أيمن:* مش تفهمني.
- *حسن:* بعدين بقى متبقاش ثقيل.
ثم يغلق الخط:
- *حسن:* إيه صدقتوا.
- *مجيدة:* أعذرني يا بيه، أصل الملعون طاهر، ربنا ينتقم منه، ألاعيبه كتير.
- *حسن:* طيب نتكلم في الجد، هاتي المايك يا جميلة.
- لتذهب جميلة نحو الأريكة: أهو يا باشا.
- *ريم:* آه يا بنت الـ، جميلة.
- *جميلة:* معلش بس كان لازم نتأكد إنك مش مع طاهر وبتمثلي علينا.
- *ريم:* ده أنا نفسي ربنا يخلصني منه.
- *مجيدة:* يا رب يا بنتي.
- *حسن:* طبعاً يا باشا حضرتك كده أتأكدت إن بنتي مش معاهم.
- *حسن:* تحبي تتعاوني معانا ونخلصك منه.
- *ريم:* يا ريت.
- *حسن:* يبقى هتاخدي المايك ده وتخفيه في مكان قريب، وتخلي طاهر يعترف بكل حاجة، وأنا هجيب إذن من النيابة بالتسجيل، وبكده أقدر أقبض عليه وأخلصك وأخلص الناس من شره.
- *ريم:* أيوه بس هخبيه فين.
- *جميلة:* أنا هبقى أقولك، ما هو أصل أنا بقيت خبرة.
الفصل السابع عشر من هنا