ا
ا
رواية الاخ الاكبر
الفصل الثالث والاربعون
بقلم حبيبه
هبطت مريم لمنزل روان وطرقت بابه
روان: مين
مريم: انا مريم ياعسليه
فتحت لها روان : تعالي يامريم
مريم: انا اهو جهزت وعرفت الحاج وجيت يلا بينا
روان: هههههه طب خشي بس هاخلص لبس نقابي واجي
مريم: ماشي ياقمر خدي راحتك
روان: مريم ممكن اسألك سؤال
مريم: طبعاً اتفضلي
روان: بتصلي
مريم: الحمدلله بصلي
روان: مافكرتيش قبل كده في الحجاب هاتبقي قمر اوي فيه
مريم بأحراج: احم بصراحه فكرت فيه كتير وكنت اما اشوف اي حد لابسه بيبقى نفسي ابقى ذيه بس بس..
بس وقت مااجي انفذ بحس اني مش عاوزه اعمل كده فا بسكت ومااعملهاش اسفه بس والله انا مش بكبر دماغي ولا حاجه بس غصب عني
#احتضنتها روان بحب: اهدي ياعيوني مافيش داعي للاسف عارفه انه مش بمزاجك الموضوع مش كبير ياكبير كل مافي الحوار انك فريسه سهله للشيطان
مريم: يعني ايه فريسه سهله مش فاهمه وبعدين انا والله بصلي
روان: عارفه ياقلبي انك بتصلي بس الصلاه لوحدها مش كفايه لازم التكمله
مريم: يعني ايه تكمله
روان: يعني النيه قبل فعل شيء والبعد عن الغلط اللي كنا بنعمله قبل مانتوب عن فعله نحارب نفسنا قدر المستطاع ومنعها من الرجوع للغلط وحتى لو رجعنا نرجع تاني نحاول نتوب دايما كل ماتلاقي نفسك هاتستسلمي لوسواس الشيطان افتكري الايه
بسم الله الرحمن الرحيم : كَمَثَلِ ٱلشَّيْطَٰنِ إِذْ قَالَ لِلْإِنسَٰنِ ٱكْفُرْ فَلَمَّا كَفَرَ قَالَ إِنِّى بَرِىٓءٌ مِّنكَ إِنِّىٓ أَخَافُ ٱللَّهَ رَبَّ ٱلْعَٰلَمِينَ
(وَمَا يَعِدُهُمُ الشَّيْطَانُ إِلَّا غُرُورًا).فاهو يغوينا ويزين لنا الكفر لنقع به
فالقد زيّن لآدم وزوجه الحقيقة وكان ذلك من أجل الإيقاع بهما في شركه،
مريم: يعني انا كده مستسلمه لوسواس الشيطان
روان بأبتسامه: عندما تكبر الشيطان عن السجود لادم اخرجه ربنا سبحانه وتعالى من الجنه ومن رحمته وعندها قال الشيطان لربنا سبحانه وتعالى
انذرني لقومآ يبعثون
وعندها قال (بسم الله الرحمن الرحيم: قَالَ فَبِعِزَّتِكَ لَأُغْوِيَنَّهُمْ أَجْمَعِينَ (82) إِلَّا عِبَادَكَ مِنْهُمُ الْمُخْلَصِينَ
وعندها قال الله سبحانه وتعالى وعزتي وجلالي لاغفرن لهم ماداموا يستغفرون..
مريم: يعني ربنا سبحانه وتعالى هايغفرلي
روان: طبعاً ياروحي ربنا سبحانه وتعالى رحمته كبيره كبيره لدرجة اننا لو نوينا نيه حسنه بتتحسب لينا على طول وان قولنا في لحظة غضب ربنا سبحانه وتعالى يأمر الملكين ينتظروا لما نهدا ولو ندمنا واستغفرنا برضوا بتتحسب لينا حسنه بس اهم حاجه نتوب ونندم ونستغفر ونعود لله سبحانه وتعالى انتي اقوى من الشيطان يامريم مش حتة شيطان لعين يقدر علينا نحن عباد الله سبحانه وتعالى تفتكري في عبد بينهزم وربنا سبحانه وتعالى حامية ومنتظر منه بس انه يقرب منه وانت تقربنا من الله صباع تقرب منا دراع..
#ضمتها مريم بدموع سعادة كبيره: شكرا شكرا شكرا الف شكر لكلامك اللي فرح قلبي تسلميلي يااحلى واجمل اخت في الدنيا دي
ذادت روان من ضمها: هههههه حبيبتي انا دايما في الخدمه ياروحي يلا بينا
مريم: يلا بينا ياحلوووو
# ثواني ودخلت ندى وخلفها اسلام وايمان
روان: ندى حبيبتي مالك زعلانه ليه
اسلام: انا مروح السلام عليكم
روان بأستغراب: وعليكم السلام ورحمة الله وبركاته
ماله اسلام
روح من خلفهم: مساء الخير ياجماعه مالكم واقفين كده ليه في حاجه ولا ايه
روان: مش عارفه انا ذي ذيك بسأل ندى ياحبيبتي انتي كويسه
ايمان: اا ا طبعاً كويسه اهدي ياروان مافيش حاجه
روان: اومال ندى مالها ساكته كده ليه هو في حاجه حصلت لما نزلت مع اسلام
ايمان: لا ياحبيبتي ماتقلقيش هي ذي الفل صح ياندى
ندى:..........
ايمان: ندى
ندى: ها ايه
ايمان: روان بتقولك انتي كويسه
ندى: اه ياقلبي كوبسه الحمدلله ماتقلقيش
روان: طيب كان مالك ساكته ومش بتردي عليا
ندى:عادي كنت سرحانه بس علشان عندي امتحان في الجامعه وكنت بفكر فيه
روان: ماشي ياقلبي طيب واسل....
مريم: خلاص ياروان ياحبيبتي هارتيهم اسئله
روان: انا بس بطمن
#ذهبت ندى اليها وقبلت خدها بحب: اتطمني ياقلبي انا بخير وكويسه وذي الفل اما اسلام فازوعلان علشان انا عكننت مزاج امه
روان: ليه كده يابنتي
ندى: أبداً خدني معاه يشتري شوية قمصان وبناطيل عاوز يغير جو البدل تبعه تمام
روان: طب كويس
ندى: ام خدني معاه اساعده
روح بصوت واطي: احيه وملقاش غيرك دا انتي ذوقك تحت الصفر
ايمان: هههههه اه والله يابت دا مش تحت الصفر وبس دا منعدم خالص
روح وايمان: لا والمشكله بتقاوح هههههه
ندى بنظرات شر: سمعتكم يا جزم
روح وايمان بخوف: روحنا في داهيه
روان: هههههه بس يابت انتي وهي دي ندى اختي ذوقها عالمي المهم كملي ياقلب اختك
ندى: اعمل ايه كل مايوريني حاجه ماتعجبنيش وفي الاخر قولتله خليك في البدل علشان شكلك في القمصان وحش
#وضع الجميع يده على فمه بشهقة
ازالت ايمان يدها وهي تحدث نفسها: هو انا اتصدمت ليه منا عارفه انها بتكدب ايه العبط ده
مريم: قولتيها في وشه
ندى: اه
روح: يابجاحتك ياشيخه
ندى: ايه ياجماعه هو انا غلطت انا بس ماحبيتش اكدب فاقولة الصراحه
روان: هههههه ياقلبي فرق بين الكدب وفرق بين تطيب الخاطر كان ممكن توصلي راءيك بطريقه تانيه مش خبط لزق كده زعلتي الواد يابنتي..
ندى: هي جت كده بقى
روان: يلا حصل خير برضو كلميه وفهميه براحه ها براحه
ندى: حاضر
روان: انا هانزل السوبر ماركت يلا يامريم
ندى: الا صحيح ياروان مين القمر
روان: مريم محمود سكنت مكان حازم ومامته
روح: هما خلاص سافروا بلا رجعه
روان: باين كده والاستاذ محمود والد مريم اشترى منه الشقه وقعد فيها هو ومريم
ندى: ووالدتها
مريم: متوفيه
روح: يعني اشك هدومي من البت دي
ندى: ايه بسأل
مريم: هههههه لا عادي ياحبايبي اهدى مازعلتش ولا حاجه
روان: صحيح يامريم نسيت اعرفك بالتؤام العكسي دول القمر. اللي هناك دي روح والحلوه دي ندى اخواتي الصغننين والعسل دي ايمان جارتنا برضوا بس اتربت وسطينا واختنا الرابعه اه وطبعآ عرفتي اخونا الكبير محمد
مريم بتلقائيه: التلاجه
#وضع الجميع يده على فمه بصدمه مره اخرى
روح بصدمه: اوعي يكون سمع اللقلب ده
روان: هههههه لا ماسمعوش
الجميع براحه: الحمدلله
مريم: ايه يابنات مالكم طب انا راضيه ذمتكم هو مش تلاجه
ندى بهدوء: عندك حق يابنتي
مريم:شوفتي هههههه
روح:مريم انتي متعرفيش مر بأيه علشان تتكلمي عليه كده
روان:روح ادخلي يلا غيري هدومك انتي وندى وكلوا
روح بحزن:حاضر
روان:يلا بينا يامريم
انتهى الطبيب من معالجة جروح هيثم وذهب
التوربيني:بقيت احسن دلوقتي
هيثم:اه الحمدلله
التوربيني:طيب هاسيبك ترتاح شويه وهابقى اجيلك اتطمن عليك
هيثم:تمام
#خرج التوربيني وانتظر هيثم قليلآ حتى ذهب ثم حاول الوقوف على قدميه وذهب لمكتبه وامسك الهاتف
هيثم:باشا عامل
.........:الميعاد اخره بكره وانت لحد الان مادتنيش اي حاجه وانا كده ممكن ازعل وانا زعلي وحش مش هايعجبك
هيثم بألم:ربنا مايجيب زعل بينا ياباشا بكره بأذن كل حاجه هاتكون علي مكتبك بس برضو ماتنساش المبلغ اللي اتفقنا عليه
........:واناعند كلمتي ياهيثم العشره مليون هايكونوا في حسابك اول ماتبعت اللي طالبه منك
هيثم:امرك ياباشا
.......:سؤال ياهيثم
هيثم:ايه
.........:هو انت عادي كده تبيع صاحب عمرك اللي بيعتبرك اخوه قصاد الفلوس
هيثم:هههههه انا ابيع امي لو لزم الامر
...........:واطي
هيثم:هههههه شهاده اعتز بها يافندم
..........:سلام
روان: مريم بقولك اديني ثانيه هاتطمن على محمد اخويا واجي
مريم: طيب هو بعيد اجي معاكي بدل مااقف
روان: لا ياقلبي هو اهو في الورشه اللي هناك دي
مريم: ماشي
#ذهبت روان ومريم تراقبها فوجدت محمد يقبل راءسها بحب اخوي ويبتسم لها هي ليست من قلبه وكأنه يبتسم بصعوبه ليطيب خطر اخته
عادت روان اليها
روان: يلا ياقلبي
مريم: روان بصي هو انا ممكن اكون متصلطه وحشريه بس بصراحه عاوزه اعرف ايه اللي حصل مع اخوكي اسفه بس مش عارفه ليه عاوزه اعرف بس فضولي هايموتني
روان بهدوء: هاحكيلك لما نوصل ماشي
مريم: ماشي
ارتمت ايمان على الفراش بتعب: اااااااه يااااااه قد ايه السرير وحشني
ندى: بلاش اوڤر يااما هي كام ساعه اللي بعدتي فيهم عن البيت
ايمان: دا الكام ساعه دول عدوا ولا كأنهم شهور اجدع
وبعدين دا احنا مرينا بكام ساعه قرف الحمدلله عدت علي خير
ندى:...........
ايمان: يااما يخربيت السرحان ياندىىىىىى
ندى: ها ايه ايه
روح: فينك يابنتي
ندى: موجوده اهو معاكم
ايمان: معانا فين دا انتي تايهه خالص
ندى: لا موجوده اهو
روح: مالك ياندى في ايه ياحبيبتي
ندى: هو اسلام زعل مني ولا ايه
ايمان: العب هو انتي مشغوله بأسلام ياندوش الا وانا اللي فكرتك زعلانه علشان اللي حصل في الشغل...
روح: شغل ايه
ايمان: شغل شغل مين جاب سيرة شغل
روح: انتي اللي جبتي سيرة الشغل ياايمان
ايمان: انا لا ابدا ابدا
روح: ايمان بلاش كذب انتم اكيد مخبين حاجه عليا
ايمان وندى:...........
روح: يعني انا صح انتم مخبين عليا حاجه صح طيب للدرجه مش واثقين فيا للدرجه دي انا بعيده عنكم انتم الاتنين تمام ياندى انتي وهي بعد اذنكم
#ركضت ندى واحتضنت روح بدموع:......
ندى بدموع: انا اسفه اسفه والله غصب عني بس اعمل ايه كنت عاوزه اساعد اخواتي روان ومحمد وانا شيفاهم بيتعبوا علشانا ولما لقيت فرصة الشغل دي خصوصآ اني اقدر اكمل تعليمي واقدر اشتغل في نفس الوقت وكنت هاعرفكم بس كذا حاجه حصلت معانا كانت بتمنعني اتكلم واهو شاء ربنا انكم تعرفوا
روح: وليه تخبي ياندى ليه هو انتي عملتي حاجه غلط ياقلبي
ندى: مش كده بس خوفت محمد يمنعني انتي عارفه محمد مش هايرحب بفكرت اني اشتغل وانتي عارفه اني فتحت الموضوع ده كتير ورفض وشرطه اخلص جامعه الاول ماعرفتش اعمل ايه يعني مالقتش في ايدي اي حل غير اني اكدب
روح:.............................
ندى: روحي سامحيني ارجوكي ماقصدش والله
روح:ماشي ياقلبي هاعديها المهم ايه حوار اسلام وماله زعلان ليه
تنهدت ندى بتعب وحكت لها ماجرى بالكامل...
روح: نهار ابوه اسود
ندى: اهدي ياروح
روح: اهدى ايه انتي تخرصي خالص ويلا تعالي معايا نشوف السكر ده
ندى: لأ ياقلبي اسلام جبلي حقي وذياده كمان
روح: يعني ايه ولو جاب حقك زعلان ليه
ايمان بمرح: اسكتي يابت ياروح دا رنه حتة علقه انما ايه خلى وشه مش بينله ملامح شلفطه هههههه
روح: احسن يستاهل طب ماعملش محضر فيه ليه
ندى: شاف ان هو هايخرج منها بسرعه فقال ياخد حقه بأيده وفي وسط شركته
روح: والله جدع هو ده ابن خالتي العسل بس برضو مافهمتش زعلان ليه
ندى: علشان الراجل ده يبقى صاحب مدير الشركه وماصدقش كلامي وا وات ات
ايمان: اتهمها انها ممكن تكون بتعمل كده عشان الفلوس اسلام اتخانق معاه وغلط فيه
روح: يغور هو وفلوسه مش عاوزين منهم حاجه
ندى: اسلام زعلان علشان كده
روح: حقه يزعل انتي بنت خالته
ايمان: اسكتي دا طالع مش شايفها بنت خالته خااالص
روح: اومال ايه
ايمان: دا متيم بيها بيعشقها بيحبها حب يابت يارووح اه ياني اوعدنا يارب
ندى: ايمااان
ايمان: ايه انتي خايفه تعرفي روح
روح: هههههه يعني اخيرآ اتنيل نطق
ايمان: نطق والا نطق دا ياحبة عيني طلع واقع لشوشته دا متبهدل خالص يابت
روح: العب طب اتكلم ولا ايه
ايمان: يالهوي يابت لو كنتي سمعتيه وهو بيقول انا مش بحبها انا بعشقها اعااااااااااا ياندى يابنت المحظوظه
روح: طب الحمدلله اهو الجبل نطق وانتي ايه نظامك ياحجه
ندى: ايه
روح: هو ايه اللي ايه بقولك ايه نظامك مافيش اي حاجه كده او كده او كده
ندى: مش عارفه
روح: مش عارفه ايه ندى صارحيني انا اختك واتمنالك الخير
ندى: صدقيني ماعرفش بس النهارده لما اعترف انه بيحبني حسيت ان قلبي هايطلع من مكانه من كتر الدق مش عارفه بس حسيت بحاجه غريبه عمري ماحسيتها قبل كده
روح: طيب مادي بداية حب
ندى: خايفه ياروح
روح: من ايه
ندى: من اني انجرح مش عاوزه انجرح مش عاوزه اسيب نفسي لحد مااحب بعدين اتصدم
روح: ليه بتسبقى الاحداث ياندى الله أعلم مايمكن اسلام ده عوضك عن اللي فات وبعدين كان لازم تنجرحي ياندى علشان تفوقي وتعرفي انك كنتي ماشيه غلط وبعدين في حد بيخاف وربه حاميه
ندى:.......
روح بأبتسامه: اتوكلي على الله ياندى وحاولي تحبي اسلام
ندى بأقتناع: حاضر هحاول
روح: طيب يلا بينا ناكل
ندى: تمام
ايمان: ياشيخه كنت مستنيه تقوليها من بدري يلا
عن عَبْدِ اللَّهِ بْنِ بُرَيْدَةَ عَنْ أَبِيهِ، قَالَ: " سَمِعَ النَّبِيُّ - صَلَّى اللَّهُ عَلَيْهِ وَسَلَّمَ - رَجُلًا يَقُولُ: اللَّهُمَّ إِنِّي أَسْأَلُكَ بِأَنَّكَ أَنْتَ اللَّهُ الْأَحَدُ الصَّمَدُ الَّذِي لَمْ يَلِدْ وَلَمْ يُولَدْ وَلَمْ يَكُنْ لَهُ كُفُوًا أَحَدٌ.
فَقَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: لَقَدْ سَأَلَ اللَّهَ بِاسْمِهِ الْأَعْظَمِ، الَّذِي إِذَا سُئِلَ بِهِ أَعْطَى، وَإِذَا دُعِيَ بِهِ أَجَابَ
مريم: ادينا وصلنا وفهمتيني كل حاجه هنا الكبيره قبل الصغيره وادينا قاعدين بنشرب شاي يلا بقا احكي
روان: حاضر هاحكي ياستي
مريم: ها كلي اذان صاغيه
#حكت روان قصة محمد بالكامل وكل مامر به
روان:ومن وقتها اخويا بقى بيضحك في وشنا علشان بس مانحسش باللي جواه وبقى مابيتكلمش مع حد خالص ودايمآ ساكت مابيتكلمش غير بحساب...
مريم بحزن: يااه دا انتي اخوكي مر بكتير اوي ربنا يصبره يارب
روان: يارب يارب المهم خليكي هنا هادخل المخزن اجيب شوية حاجات هنا وجايه ماشي ماشي
#ظلت مريم وحدها تفكر في ذلك الاخ الاكبر التي اغلاق احزانه بداخله له هو فقط من اجل اخوته
مريم: هو ينفع اساعد وماينغعش ليه علي الأقل احاول اضحكه بتفاهتي
محمد: السلام عليكم
مريم بخضه: خضتني يااسمك ايه ايه ده التلاجه
محمد: افندم
مريم: قصدي وعليكم السلام ورحمة الله وبركاته تحت امرك عاوز ايه
محمد: روان فين
مريم: في المخزن جوه انا مكانها قول عاوز ايه وانا هاجيبه
محمد: لأ انا كنت جاي ادي لروان الفلوس دي علشان نسيت اسيبها في البيت
مريم: طيب هاتها وانا هاديهالها
محمد: متاكده
مريم: عيب عليك يابوا التلج هاديهالها
محمد: ايه تلاجه اللي حضرتك عماله تكلميني بيها دي هو حضرتك تعرفيني
مريم: لأ بس ممكن اعرفك
محمد: وانا مش عاوز اعرفك سلام
#ظلت مريم مكانها بصدمه: اه ياتلاجه ماشي ماشي اشطا...