ا
ا
رواية الاخ الاكبر
الفصل الواحد والثلاثون
بقلم حبيبه
اشرقت الشمس معلنه عن بداية يوم جديد وكالعاده انتهت روان من صلاتها وقراءت وردها اليومي وخرجت من غرفتها لتنهي اعمال المنزل...
ذهبت روان لغرفة ندى وروح
روان: يابنات يلا اصحوا ندى ياندى
ندى بنوم: اممممممممم
روان: قومي ياندى هاتتأخروت
ندى: ايه الساعه كام دلوقتي
روان: الساعه 8ونص
ندى: احيه اتإخرت
روان: اتاخرتي فين يابنتي انتم مش معادكم هناك الساعه 10وكمان اصلا اسلام بيوصلكم
ندى في سرها: ياربي مش عاوزه اعرف حد اني بشتغل وعاوزه اوصل اخلص محاضراتي والحق اروح الشركه انا وايمان
روان: يابنتي ندى
ندى: ها نعم
روان: ايه فينك
ندى: هنا ياقلبي
روان: طب قومي خدي دش بسرعه وصلي لحد مااصحي روح والفطار جاهز بره
ندى: حاضر
روان: روح بت ياروح
روح بنوم: العب يلا
روان برفعة حاجب: العب يلا شكلي هاتعب معاكي لحد ماتصحي انتي يابت اصحي
روح: لأ انا عاوزه كشري مش بسله
روان: رووووووووح
روح: اعاااااااااااااا حراميييبي
روان: دا انا ياروح امك
روح ببكاء مصطنع: روحي ياروان يوعدك بالاس هال يابعيده على وقعان قلبي كل يوم ده بت انا لو قطعت الخلف هايبقى بسببك ها انا عرفتك اهو
روان: طب قومي ياختي قومي يلا وراكي جامعه
روح: ها
روان: ها ايه بقولك وراكي جامعه يابت قومي
روح: ماهو ماهو
روان: ماهو ايييه
روح: قصدي يعني
روان: قصدك ايه
روح: مش هاروح النهارده
روان: ليه
روح: تعبانه شويه
روان: مالك ياقلبي
روح: اصل دماغي مصدعه
روان: طيب قومي هاديلك برشامه وهاعملك كوباية شاي وان شاءلله هاتبقي بخير يلا تعالي
روح: ها لأ لأ انا هانام شويه وهابقى بخير
روان: لأ قومي بس علشان جامعتك
روح: مش هاتفرق لو غبت النهارده يعني ياروان وهابقى اجيب محاضراتي من اي حد
روان بشك: بت ياروح في ايه
روح: ها ايه مافيش حاجه ياروان في ايه حسستيني اني قتلت قتيل
روان: لأ ياختي ماقتلتيش قتيل بس عرفاكي لما بتكدبي وبصي في عيني وانتي بتكلميني وانا اصدقك
روح: مابكدبش يابنتي وبطلي رخامه بقى
روان: روح ياقلبي قولي مخبيه ايه علشان خاطري يلا ياروحي اوعدك مش هاقول لحد
ندى: بترغوا في ايه
روان: مافيش يلا اطلعي بره افطري وانا جايه
ندى: ممااااشي
روان: قولي ياقلب اختك في ايه ماتخوفنيش عليكي ياحبيبتي
ضمت روح ندى بسرعه: بصي بصراحه كده انا اتفصلت اسبوع
#حاولت روان ان تخرج من حضن روح
روح: بس رايحه فين هو دخول الحمام ذي خروجه انسي
روان وهي تحاول ان تتخلص من حضن روح: اوعي اوعي يابت ان مارزعتك علقه تحلفي بيها مابقاش روان....
روح: ههههههه ترزعي مين يااما انتي بتحبينا لدرجة لو دربتينا هاتعيطي قبلينا ههههههه يابت حبك لينا عارفينه
روان: اوعي ياجزمه سبيني
روح: طب اهدي وافهمك علشان خاطري روان ياقلبي ماما لو عرفت هاتزعل اوي ومحمد ممكن يعلقني والله يعملها الاهبل الله يخليكي ماتعرفي حد وساعديني الاسبوع ده يعدي على خير...
روان وقد هداءت: طيب احكيلي اتنيلتي ليه
روح: قلبي ام لسان عسل وقلب ابيض خدي قلبي مش عاوزاه......
روان: الصبر يارب احكي يابت وماتطلعيش عيني
روح: بصي ياستي
#بداءت روح تحكي لروان ماحصل....
روح: بس وهو ده اللي حصل
روان: يعني ايه يعني يمدوا ايدهم عليكي وعادي كده تتفصلي ذيك ذيهم دا ايه العبط ده
روح: يلا الحمدلله ان فارس نجدني عارفه ياروان دا فضل يضرب فيهم لحد مابوظلهم وشهم العيال مابقتش نافعه تاني ههههههه
روان: ومين فارس ده
روح بتلقائيه: دا صديق ليا في الجامعه
روان: روح ياقلبي انتي مش علشان سيبينك على راحتك يبقى تنسي انك مسلمه وشعرك اللي انتي لحد الان رافضه تغطيه ماحدش راضي يحاسبك عليه لجل اننا مش عاوزين نجبرك على الحاجه الدين يسر من عسر بس برضو ده مايمنعش اني اعرفك ان صداقتك مع شاب غلط ارجوا انك تفهمي كلامي ليكي وماتزعليش مني
روح: لأ ياقلبي فاهمه قصدك هو مش بصادقه الصداقه اللي هي هي يعني انا اخري معاه لو شوفته في الجامعه اقوله عامل ايه اهزر عادي لكن والله لا بخرج معاه في حته ولا حتى رقي معاه
روان: اهدي ياقلبي انا متاكده انك مش هاتغلطي ولا هاتخلي راس اخوكي تكون في الارض انا واثقه فيكي ياروحي
روح: طب ايه مش هاتغطي على امي
روان: ههههههه هاغطي عليكي للاسف بصي فرحي الاسبوع الجاي لو محمد سال قوليله واخده اجازه علشان اكون مع روان وانا لو سألني هاقول نفس الكلام ماشي
روح: بقولك ايه ماتجيبي بوسه على المخ العسل ده
روان: يلا قومي اتوضي وصلي وطيري على المطبخ في مواعين مستنياكي
روح: تصدقي انك مصلحجيه واطيه
روان وهي تذهب: حبيبتي تسلميلي يلا اخلصي بسرعه
روح: طيييييىب. روح يافارس ياابن ام فارس يجيلك اس ه ال بس ها...
...................
دخلت روان لغرفة محمد وعماد
روان: محمد حبيبي
محمد: صاحي ياروان صاحي
روان: صباح الخير ياحبيبي اول مره الاقيك صاحي لوحدك كده
محمد: عادي ياقلبي صحيت الفجر صليت ومجاليش نوم بعدها
روان: ماشي ياقلبي يلا قوم غير وافطر وبلاش تنزل الورشه بدري خليك شويه
محمد: دا اشمعنا
روان: علشان حمزه جاي النهارده هو ووالدته يشوفوا نور
محمد: طب وانا مالي
روان: مالك ونص كمان هي مش نور دي ذي اختك ولا ايه
محمد: لأ مش اختي مش اختي وعمرها ماهاتبقى اختي أبداً
روان: اومال هي ايه
محمد:..............
روان: ايه يامحمد مابتردش ليه
محمد: ايه
روان: بقولك نور تبقى بالنسبالك ايه
محمد: عادي
روان: عادي ازاي
محمد: عادي ياروان في ايه انا مش معتبرها اي حاجه يعنى ولا كأني شايفها خالص
روان: متاكد
محمد بأنفعال: اه متاكد ياروان متاكد
روان: يعني انت متاكد انها بالنسبالك ولا حاجه
محمد: اه
روان: متاكد يامحمد
محمد: اه متاكد ياستي متاكد
روان: يعني انت مش شايفها خالص خالص
محمد: اه اه اه
روان: يعني انت بتحبها
محمد: اه اه اه
#ثواني واستوعب محمد ماتفوه به
روان: ههههههه يعني طلعت بتحبها ياواد
محمد:..........
روان: بتحبها يامحمد صح
محمد:...........
روان: محمد حبيبي
محمد: انسي ياروان
روان: يعني ايه مش فاهمه
محمد:يعني انا مابحبهاش ولا عمري هاحبها
روان: لأ بتحبها وانا متاكده انك بتحبها
محمد: مابحبهاش انا مابحبش حد
روان: قولتلك بتحبها يامحمد بطل كدب بقى يااخي قول الحقيقه انا مش فاهمه انت ليه بتكابر كده البنت هاتتجوز وهاتضيع منك انطق بقى يامحمد واتمسك بحبك ماتبقاش ضعيف كده ومستسلم بسهوله
محمد: يلا ياروان علشان الفطار زمانه برد
روان: ماشي يامحمد خليك كده بتكابر بس والله لاخليك تولع من جواك ماشي يامحمد وريني هاتفضل لحد امتى ساكت....
لا حول ولاقوة الابالله العلي العظيم
اياك والهزار بالاهانه قلوب الناس مش حديد علشان تستحمل الهزار المهين تبعك راجع كلامك علشان انت مش هاتستحمله لو حد هزار معاك بنفس طريقتك اياكم والتنمر
مر بعض الوقت وانتهت ندى وايمان من محاضراتهم
ندى: يلا بينا
ايمان: يلا بس اسلام هايشك كده فينا
ندى: لأ ماتقلقيش انا عرفته وهو رحب بالموضوع وكمان هايوصلنا وان شاءلله النهارده هاعرف اهلي
ايمان: لا والله
ندى: ههههههه اه والله
ايمان: اممممممم ماشي اهو يوفر علينا المواصلات
ندى: اسلام عامل ايه
اسلام: بخير الحمدلله جاهزين
ندى: اه
اسلام: طب تمام يلا بينا
#ثواني ووصلوا امام الشركه
ندى: تسلم اوي يااسلام يلا بينا ياايمان
ايمان: يلا
اسلام: ندى
ندى: نعم
اسلام: اول ماتخلصي رني عليا ماشي
ندى: بلاش عشان ماتتعبش نفسك على الفاضي احنا هانخلص وهانروح
اسلام: ندى اسمعي الكلام وقولي حاضر وبس تمام
لم تدري ندى لما قلبها سعيد لهذه الدرجه ولكن التزمت الصمت.: ماشي حاضر...
اسلام: يلا سلام
ندى: سلام
#دخلت ايمان وندى للشركه والا ان وصلوا وحتى كان هيثم امامهم
ندى: احم مساء الخير يافندم
هيثم: ايه التأخير ده كله يااستاذه انتي وهي
ندى: حضرتك كان عندنا محاضرات
هيثم: يعني ايه كان عندكم محاضرات الشركه هنا مش ماشيه على مزاجكم الشركه هنا ليها قانون ومواعيد وماشيه علينا كلنا وبنلتزم بيها
ايمان: في ايه يااستاذ انت انت بتكلمها كده ليه وبعدين مدير الشركه بنفسه قال لينا اننا نقدر نيجي لما نخلص جامعتنا انت بقى بتكلمنا بصفتك ايه
هيثم: الظاهر انك بت قليلة الاد.......
التوربيني: هيثممم
استوووووب نتعرف بالاخ هيثم او المرتشي
هيثم كامل طويل القامه بني العينين اسود الشعر ابيض البشره تخرج من هندسه صديق التوربيني المقرب يعشق المال حد الجنون....
التوربيني: انت مش شايف انك زودتها ولا ايه
هيثم: رشيد دي بت مش مترب...
التوربيني: بس اياك تكملها لان وقتها مش هاراعي تصرفاتي.
هيثم: انت بتكلمني انا كده يا رشيد انا وعلشان مين علشان حساله ذي دول
ندى: احترم نفسك يا استاذ انت احنا مش بنشحت منكم احنا جينا نشتغل زينا زي اي حد هنا
ايمان: الحساله دول علشان متربين احسن متربيه مش هايردوا عليك مش علشان خايفين لأ علشان اخلاقنا انضف من اننا نوسخها واذا كان على الشغل اللي يذلنا لحد ذيك ط ظ خليهولك يلا يا ندى
ندى: يلا بينا
التوربيني: رايحين فين
ايمان: ماشين
التوربيني: مافيش مشيان
ندى: يعني ايه
التوربيني: يعني انا اسف ليكم على اللي الاستاذ هيثم قاله اتمنى تقبلوا اسفي
ايمان: اذاي يعني عاوزنا نفضل بعد الاهانة دي
التوربيني: وانا بتأسف مكانه هو ده مش كفايه عندكم ولا ايه
ايمان: بس اﻧ.........
ندى: تمام يافندم حصل خير
ايمان: ننن نعم
التوربيني: تمام اتفضلوا معايا
ايمان بصوت واطي لا يسمعه الا ندى ولكن لسوء حظها سمعه ذلك التوربيني: انتي وافقتي ليه دي ناس ماعندهاش زوق خلينا نغور من هنا
ندي: اهدي يابت احنا محتاجين للشغل ده وبعدين ماتنسيش ان دي الشركه الوحيده اللي قبلتنا واحنا ماعناش شهادات خبره وكمان الراجل جاب حقنا تالت ومتلت
ايمان: بلا وكسه ال علي رائي المثل الاعرج قال للمكسح تعالى نتفسح
ندى: نعم
ايمان: لأ دا عبط ماتاخديش في بالك
ندى: ههههههه امشي يابت وانتي ساكته
التوربيني في نفسه: والله بت هبله ههههه
استغفرالله العظيم واتوب اليه استغفرالله العظيم واتوب اليه
وصلت نور لمنزل روان.
روان: ايه اللي ماخرك كل ده يابت
نور: لحد مالاستاذ خلص
روان: استاذ مين
عز من خلف نور: انا ياروح قلب الاستاذ
روان بتلقائيه: عز
ارتمى عز على كتف نور: يااااااااه شوفتيها يابت وهي بتقول عز عسل ياناس
نور: استغفرالله العظيم يارب اوعى يابني علشان مرارتي قربت تفرقع اوعى يابني اوعى
روان: ههههههه اهدي يانور على الراجل اهدي
عز: شوفتي يابت قلبي وهو خايف عليا
نور: روااااااااان
روان: انا قدامك باهبله في ايه
نور: انا جعانه يابنتي فين الاكل
روان: ههههههه خشي المطبخ كلي بسرعه وخشي اوضتي اجهزي على حمزه ووالدته جاين كمان ساعه
نور: تمام
عز: حمزه مين وبعدين ثواني بس بدايتآ كده يابت الناس انا راجل بغير فااسمعي الكلام قبل مااعملك بطاطس اسم راجل غيري مةتقوليش اسمه علي لسانك العسل ده ماشي ياقلبي
روان وقد راعت غيرته: عيوني حاضر
عز: قمر وانتي بتسمعي الكلام كده الصبر يارب واتجوز بقى المهم سيبك من هبلي مين حمزه ده
روان: عريس لنور
عز بعدم استيعاب: نعم
روان: نعم ايه بقولك عريس لنور
عز: طب وانا معزوم على الفرح ولا لا اوعي تقولي لأ ازعل والله..
روان؛ بص اهدى وانا هافهمك
عز: بسرعه علشان الشيطان دلوقتي بيلعب في عقلي وبيقولي خش دلوقتي جيب اختك من شعرها امسح بيها البيت كله بلاطه بلاطه
روان: لأ لأ ان شاءلله خير بص
#حكت روان لعز ماسمعته من نور ومافعلته مع محمد وماسوف تفعله...
عز: روان انا مش عاوز نور تنجرح محمد لو مش بيحبها هاتتوجع اوي فابلاش من دلوقتي
روان: عز ثق فيا انا عارفه اخويا كويس ومتاكده انه بيحبها لأ وبيحبها اوي بس مش عارفه بيكابر ليه
عز: اختي ياروان
روان: عز هي اختي برضو وعمري ماهاجرحها ماتقلقش
عز: ماشي
روان: هاتساعدني
عز: اه
روان بسعاده: ربنا يخليك ليا يارب
عز: ويخليكي ليا ياقلبي