ا
ا
رواية الاخ الاكبر
الفصل الخامس والثلاثون
بقلم حبيبه
ابتسمت نور بأستهزاء: خلاص مابقاش في منه
محمد: قصدك ايه يانور
نور: قصدي انه خلاص يامحمد اتأخرت اوي
محمد: لا اتأخرت ولا حاجه والله انا دلوقتي حالآ هالغي كل حاجه وهاوقف الخطوبه دي استنيني هنا بس
نور: ثواني بس مين قال لحضرتك اني عاوزه الخطوبه دي تتلغي
محمد بصدمه: نور انتي بتهزري صح هو مش انتي بتحبيني
نور: خلاص يامحمد حبي ليك مابقاش ليه قيمه
محمد: يعني ايه ياروان يعني ايه مالوش قيمه
نور: يعني لما فكرت احبك كرامتي اتهانت وقلبي انداس عليه ولا كأنه موجود اصلا وزعلي وحزني فرق معاك يبقى خلاص يامحمد مابقاش ينفع
محمد: لأ يانور لأ ا اا انا والله ك كنت ساكت بسب.....
نور: خلاص يامحمد لو سمحت انا مش عايزه افهم حاجه بعد اذنك
محمد: نور مش هاسيبك تروحي لغيري مش هاسمحلك يانور انتي ليا وهاتبقي ليا
نور: وانا برفض ومش عاوزاك مش عاوزاك يامحمد
محمد: لكن انا عاوزك ومش هاسيبك انسي يانور اني ابعد عنك انسي
نور: لا اسفه
محمد: نور ارجوكي ماتسبيني
نور: مسكت فيك كتير يامحمد بس انت سبتني لوحدي وكنت بعيد عني يااخي دا حتى دموعي ماهانتش عليك ا ااا انا عاوزه بس اسألك سؤال ازاي بتقولي دلوقتي بحبك وازاي كنت بتتجاهلني وبتتجاهل حزني وكسرت قلبي الفتره اللي فاتت ازاي يامحمد كنت شايف كل اللي بعمله علشان تحس بحبي وساكت جاي دلوقتي وقت خطوبتي تقولي انك بتحبني لأ اسغه
محمد: نور انا اسف اسف اني في يوم زعلتك اسف اني جرحتك واني كسرت قلبك بس ب بس والله كنت تايه مش قادر اتأكد من مشاعري ليكي بس خلاص اتأكدت اني بحبك وبعشقك ومش هاقدر اعيش من غيرك نور ماتسبنيش
هبطت دمعه حزينه من عيون نور: خ خلا خلاص يامحمد انساني ربنا يسعدك ويفرح قلبك ويرزقك ببنت الحلال اللي تسعد قلبك
محمد: انتي بنت الحلال اللي ربنا رزقني بيها
نور: لأ نصيبي وحلالي مستنيني بره حاليآ دعوتك بقى ربنا يتمملنا على خير ان شاءلله
محمد بعصبيه: مستحيل حتى لو انتي مش ليا او حتى بقيتي بتكرهيني هاخدك برضو مش مهم تكرهيني المهم تبقي على اسمي
نور: مابحبكش يابنأدم برضو بقيت بكرهك
محمد: اسف يانور هاتبقي ليا بمزاجك او غصب عنك
نور: بعد اذنك يامحمد انا اتأخرت
#ذهبت نور من امامه سريعآ
محمد: لأ لأ مش هاتبقي لغيري لأ مش هاسمحله ياخدك لأ
اللهم صلِّ وسلم وبارك على سيدنا محمد وعلى آله الطيبين الطاهرين اجمعين وسلم تسليما كثيراً
خرجت نور ولكن توقفت فجأه وعلمت دموعها طريق النزول علي وجهها حاولت قدر المستطاع منع صوت شهقاتها من الخروج
روان: نور مالك ياقلبي
نور ببكاء: تعبانه تعبانه اوي ياروان تعبانه
ركضت روان اليها سريعآ واخذتها بين احضانها:.خير ياحبيبتي بتعيطي اوي ليه كده
نور: بحبه ياروان بحبه اووي مش قادره اكون لغيره مش قادره ياروان
روان: نور اجمدي يانور هو والله مايستاهلك والله مايستاهل ضفرك حتى
نور: روان محمد قال انه بيحبني
روان: نور دي حياتك وتخصك لو انتي شايفه انه كده اثبت حبه ليكي فاانا مستعده اوقف الخطوبه دي دلوقتي
نور:......
روان: نور ردي
نور: انا بحب محمد ودوست على كرامتي علشان بحبه بس هو تجاهلني وكسر قلبي ومش قادره اسامحه مش قادره اسامحه ياروان
روان: يبقى نمسح دموعنا زي الشطار ونقوم نحضر الخطوبه اللي خلاص الواد خلل فيها بره
نور: حاضر ماشي
#واخيرآ جاء ميعاد تلبيس الخواتم....
حازم: اخيرا عارفه ان شاءلله هاخليكي مبسوطه دايما معايا
نور:.........
حازم: نور ..... نور حبيبتي نور نور
نور: ها نعم
حازم: مالك يارو....
محمد بغضب: لأ
التفت الجميع لصوت ذلك الغاضب
حازم: خير يامحمد في ايه
محمد متجاهل حمزه والجميع تمامآ: نور نور بلاش علشان خاطري بلاش ارجوكي عاقبيني بأي حاجه تحبيها انا راضي والله العظيم ماهاعترض اضربيني كسريني او حتى موتيني هاوافق هاوافق والله بس بس آلله يخليكي بلاش توافقي على الخطوبه دي بلاش الله يخليكي
نور: لو سمحت يااستاذ محمد خلي خطوبتي تعدي على خير
محمد: لأ لأ مش هاسيبها تعدي على خير
ناديه: في ايه يامحمد ليه عاوز الخطوبه تتلغي
روان في سرها: انطق بقى
محمد: علشان بحبها وهي كمان بتحبني
ناديه: بتحبها
محمد: اه بحبها والله العظيم بحبك يانور بحبك
نور:...............
حازم: نور انتي بتحبي محمد
نور:........
حازم: نور انا بكلمك بتحبيه يانور ولا لا
نور:............
روان: نور سامحي يانور انا اول مره اشوف اخويا كده سامحي يانور وبلاش تدمري نفسك وتدمريه سامحيه
نور:........
حازم: ردي يانور
روح: نور ماتغلطيش غلطه هاتندمي عليها طول عمرك ماتضيعيش حبك من ايدك
ندى: اتكلمي يانور قبل مايفوت الاوان اتكلمي بلاش سكوتك ده
عز:نور ياحبيبتي انا عارف انه جرحك وجرح قلبك بس ارجوكي بلاش تتسرعي ماتسمحهوش انا معاكي انك ماتسمحهوش بس بلاش توافقي على الخطوبه بلاش
نور:............
محمد: تمام يانور الظاهر اني جرحتك جرح مستحيل اتسامح عليه اتمنالك حياه سعيده اسف ليكي وليك ياحمزه الف مبروك بعد اذنكم
نور: على فين
التفت محمد اليها: هامشي لحد مالخطوبه تخلص
نور: وهاتسيبني وتمشي
محمد بحزن: انتي اللي عاوزه تسبيني
نور: والله طب كنت اتمسك بيا حتى لو غصب عني وانا راضيه
محمد: متمسك بيكي يانور ب بب بس انتي رفضاني برضو
نور: لازم ارفضك انت جرحتني يامحمد وكسرت قلبي ورفضتني وقت ماكنت جنبك وكرامتي اتهانت
محمد: عندك حق انا جرحتك بس غصب عني والله نور انا بحبك من زمان بس...... بس
نور: بس ايه يامحمد قولي ايه كان منعك
محمد: انا وانتي طرقنا مختلفه يانور انتي فوق فوق اوي وانا صعب اوصلك انتي بنت العز وانا حتة واحد على قد حالي مش هاعرف اكلك الاكل اللي بتحبيه مش هاتركبي عربيتك وانتي خارجه مش هاتنامي على سريرك المريح ولا هايكون ليكي خدامين تحت ايدك هاتتعبي اوي اوي معايا يانور خوفت خوفت اخدك من كل ده للفقر عندي وكمان والدك هايرفض
نور بأبتسامه: غبي واهبل والله
محمد: انا
نور: اه
محمد: ليه
نور: علشان طريقي لو مختلف عن طريقك هاسيب طريقي وامشي في طريقك مش عاوزه الاكل اللي بحبه انا عاوزه اكل اي حاجه مع اللي بحبه مش عاوزه اركب عربيه كفايه عليا نتمشى انا وانت مع بعض علي رجلينا مش عاوزه سريري المريح حضنك هايكون مريح ليا اكتر مش عاوزه خدامين انا عاوزه اتعلم اعمل كل حاجه بأيدي علشان اكلك ههه واقولك عمايل ايديا وحيات عنيا ولو اكلي ماعجبكش ازعل وازعلك معايا
محمد: طب انا مالي
نور: يرضيك ازعل لوحدي
محمد: يعني انتي سامحتيني يانور
نور: اه بس بشرط
محمد: ايه
نور: توعدني
محمد: اوعدك بأيه
نور: انك ماتبطلش تحبني مهما كبرنا وعجزنا وماتبعدش عني مهما كان اوعدني انك ماتزعلنيش اوعدني تفضل جنبي اوعدني ماتزعلش مني
محمد: ا اا اوعدك اني هافضل احبك لحد اخر نفس فيا اوعدك عمري ماهابعد عنك وهافضل جنبك اوعدك مازعلش منك ولا هازعلك وطول ماانتي معايا هاخليكي دايما مبسوطه اوعدك اكون ضهرك وسندك وحبيبك واخوكي وابوكي اوعدك اني هاحبك كل يوم اكتر من اليوم اللي قبله بحبك يانور بحبك
نور بحب: بحبك يااجمل حاجه في حياتي
محمد: طب اتجنن واخدك بالحضن ولا ارزعك بوسه دلوقتي بأم حلوتك دي
نور: ههههههه لا اعقل كده يخربيتك
حازم: احم احم احنا هنا
نور: احم احيه نسينا الناس
محمد: سيبك سيبك مش مهم الجدع فيهم يفتح بوقه
ناديه: محمد نور
محمد: احيه ماما نعم ياامي
ناديه: ايه الهبل اللي بتعملوه ده
روان: ماما انا......
ناديه: بس اخرصي انا دلوقتي بسأل اخوكي الكبير العاقل المحترم اللي فضحنا قدام الناس رد ايه اللي انت عملته ده
محمد: انا اسف ياامي
ناديه: اسف على ايه علي الاحراج اللي انت حطيتنا فيه قدام الناس ولا اسف علي اللي عملته دلوقتي وخطوبة البنت اللي باظت بسببك
نور: ياماما ناديه اهدي ارجوكي انا هافهمك
ناديه: افهم اييه ماكل حاجه واضحه اهو من الاستاذ المتربي
حازم: ماما ناديه انا هافهمك:
ناديه: تفهمني ايه يابني انا بجد بجد اسفه
حازم: ياامي ياحبيبتي انا عارف كل حاجه
ناديه: قصدك ايه
#حكي لها حازم عن اتفاقه مع روان من البدايه
ناديه: يعني بنتي السبب في كل ده
حازم: اهدي ياماما واسمعيني للاخر الاول
ناديه: ايه تاني
ح: لما جيت انا وماما علشان ننفذ الخطه بس لقيت البنت بحبه لقيتها مش قادره تتجوز غيره نور بتحب محمد ومش هاتحب غيره فاقررت اساعدها وقولة لازم احط محمد قدام الامر الواقع علشان يتنيل يتكلم فاوصلته لخطوبه لعل وعسى يتكلم واهو الحمدلله الجبل نطق اه صحيح اسف ياروان اني خبيت عليكي
روان: يعني انت ماكنتش بحبها
منال: ههههههه يحبها دي كانت اميره تقتله
روح: اميره مين معلش
ايمان: مرات حمزه
الجميع بصدمه: مراته
محمد: انت متجوز ياحمزه
حازم: ههههههه ومخلف
ندى: ومخلف كمان يانهار اخضر
منال: اه حمزه متجوز ومعاه زين وملك وكان جاي ياخدني اروح اعيش معاهم بس لما روان طلبت مساعدته حب يساعدها لانه بيعتبرها اخته
حازم: اسف ياروان لو خبيت عليكي بس والله حبيت اجمعهم مع بعض ماتزعليش مني
روان: هاسامحك بس علشان كان نيتك خير والا كنت....
ح: لأ لأ كانت خير خير
محمد: شكرا ياحمزه انك ساعدتني بجد الف شكر
حازم: انت اخويا يامحمد وبعدين يرضيك اسيب اخويا محتاس كده واقف اتفرج عليه
محمد: ههه لأ مايضرنيش
حازم: طب يلا اسيبكم انا بقى علشان عندنا سفر بكره
ناديه: ماشي ياحبيبي توصلوا بالسلامه منال لما توصلوا طمنوني عليكم
منال: ان شاءلله ياحبيبتي ماتزعليش مني ياناديه والله مااقصد اخبي عليكي ياختي
ناديه: حصل خير ياحبيبتي
حازم:يلا السلام عليكم ورحمة الله وبركاته يلا
ياماما
لا حول ولاقوة الابالله العلي العظيم واتوب اليه
ذهب عز ونور للبيت ولكن كان ينتظرهم عبدالله
عبدالله: أهلا بالباشا اللي راجع في نص الليل لا وايه معاه اخته المحترمه
نور: بابا انا..
عبدالله: اخرصي انتي تخرصي خالص طب اخوكي وعارف اني ماعرفتش اربيه الاستاذه بقى كانت فين اه اوعي تقولي كنتي عندي الجرابيع اللي اخوكي بيروح عندهم
نور:...
عبدالله: اه تبقي كنتي عندهم طب وياترى كنتي بتعملي ايه
عز: كانت خطوبتها النهارده على محمد احمد المهدي
عبدالله بصدمه: ايه
عز: لأ فوق ياعبدالله بيه انا عارف انك اتصدمة من الفرحه
عبدالله: الكلام اللي الاستاذ بيقوله ده صحيح يانور
نور: بابا اناااا
عبدالله: ردي عليا الكلام اللي اخوكي بيقوله صحيح
نور: اه صحي.... ااااه
#ارتمت نور ارضآ بسبب يد عبدالله التي هبطت على وجهها بقوه جعلت فمها ينزف
هبط عز اليها جعلها تقف على قدمها
عز: والله حتى لو موتها مش هاتقدر تغير حاجه
عبدالله: لأ مستحيل مستحيل مستحيل
عز:مافيش مستحيل في الحب ومهما تعمل عمرك ماهاتقدر تفرقهم
عبدالله: هافرقهم ياعز هافرقهم عن بعض بنت عبدالله السيد مستحيل تاخد حتة عيل معفن ذي ده مستحيل
عز:هاتتجوزه يابابا ووعد مني ليك هاجوزهم بمزاجك او غصب عنك
عبدالله: انت بتتحداني ياعز
عز: سميها ذي ماتسميها بعد اذنك تعبان وعاوز انام يلا ياروحي هاويكي اوضتك
#ذهب عز ومعه نور لغرفهم وتركوا خلفهم ذلك الغاضب
اخذ يصرخ بغضب: مستحيل ياعز مستحيل هاقتله بأيديا دول هاقتله هاقتللللله
تعالوا احكيلكم قصه حلوه حلوه اوي
ياعم اعتبرها تبع الروايه يلا اقراء
حوار خيالي بين شاب من اهل الدنيا، وشاب من اهل الأخرة!!
دنيا : أزيك يا صاحبي، وحشتني !!
أخرة: الحمد لله، وانت كمان!!
دنيا: يابختكأرتحت أوي، الدنيا بقت صعبه جدا، انا بحسدك !!
أخرة: صعبه ؟ انت شايف كده ؟ شايف اللي انا فيه راحة ؟؟!
دنيا: أه طبعا، الواحد مطحون، و مش مرتاح، والهم راكبه علي طول !
أخرة: هم ايه اللي راكبك، والله ما انت فاهم حاجة، كنت بقول زيك ويارتني أرجع وأعيش كل الهموم بس أرجع، انا اللي بحسدك!!
دنيا:يااا للدرجه دي، طب ليه بتقول كده، ده انا فاكرك مرتاح !!
أخرة: عارف يا صاحبي انا كنت شايف الدنيا ديه غلط اوي، كنت ناسي حاجة اسمها موت، موت يعني هتقابل ربك، مش موت يعني ترتاح، مش قادر اوصفلك لما فجأه كنت قاعد ومكنتش تعبان وﻻ بشتكي من اي حاجة، وفجأه ظهر قدامي ملائكه، و جسمي عامل زي اللي اتخدر، مش عارف اعمل حاجة، وملك الموت وقف عند راسي، كنت عايز اقوله أديني خمس دقايق بس أصلي ركعتين توبه لربنا عن اي غلطه، بس خلاص كان فات الآوان، شفت روحي طالعة قدام عنيا، مش عارف أمسكها، وﻻ عارف أقولها أرجعي هتروحي تقولي لربك ايه !! (بيبكي)
دنيا : طب و قبرك !!
أخره :يااااااااااااااااااه متفكرنيش ، اول لما كلوكوا سبتوني و مشيتوا كنت سامعكوا و انتم ماشيين ، كنت عايز أقولكوا ، أصبروا متسبونيش لوحدي ، بس مكنتش قادر انادي ، فجأه ظهرلي ملكين مهما حكتلك شكلهم عامل ازاي مرعبين اوي ، قوموني ، و بدأو فى سؤالي ، اسئلتهم مفيش اسهل منها ، بس مش اي حد يجاوب عليها
دنيا : طب قولي أيه اكتر حاجة ندمان عليها !!
أخرة: (بكاء شديد) ، أول حاجة ندمان عليها الصلاه ، ندمان أوى علي كل فرض فات مني، كنت بكسل كتير وأطنش والنوم واخد نص يومي ، أزاي مكنتش بصلي؟ أزاي " مصليش راحوا فين دلوقتي ، نسيوني ومش نفعني بحاجة ، الدنيا اللي كانت بتأخدني اوي وتشغلني ساعة الصلاة ، راحت فين ؟ راحت لغيري ورمتني في التراب ، ندمان اوي علي اني لما ناداني مقولتش حاضر يارب !!
دنيا : طب و القرآن احكيلي عامل معاك ايه في القبر ؟!
أخرة : ببكاء شديد #القرآن.....كان اخر اهتمامي ، كان ايه اللي هيحصلي لو كنت قرأت كل يوم فيه صفحه واحده ، كانت فين دماغي ؟! انا بشوف ناس معايا هنا ، القرآن مونسهم فى القبر أحلي ونس ، و أنا قاعد في وحشة القبر لوحدي ، و انت مش عارف يعني ايه وحشة قبر !!
دنيا : طب والقيام والصدقات والاعمال دي كنت بتعملهم؟!
اخرة : القيام ، ياه انا بعض الارض ندم ان ربنا كان بيبقي فى السما الدنيا و مكنتش بصلي حتي ركعتين ينورولي قبري ، مكنتش برفع ايدي ادعيه ، في ناس معايا قبورهم نورها مش هيجي فى بالك و كل ده علشان كانوا بيقوموا في الضلمة يصلوا ، و الصيام و الصدقات ، كنت للأسف بضحك علي اهلها ، بقول مضيعين دنيتهم و فلوسهم علي أيه ، طلعوا أذكي مني ، بيحوشوا ليوم الحسنة فيه بتفرق ، أنا اللي ضعت يا صاحبي و الله أنا اللي ضعت!!
دنيا : أنصحني طيب !!
أخرة : أوعي تغرك الدنيا ، أوعي تفتكرها دايمة ، انا روحت في غمضة عين ، خليك مع ربنا متعملش زيي ، و الله هو بيحبك اوي لكن احنا فاكرين الدنيا بتحبنا أكتر ، خليك حريص علي الحسنة ، متكسلش عن طاعته ، والله اللي انت بتضيع نفسك علشانهم زايلين و مش نافعينك ، و الله ما حد باقيلك غير ربك ، قرب منه ، الدنيا ﻻ تسوي جناح بعوضه والله ، خلي يوم موتك لقاء شوق مش لقاء خوف ، قدامك لسه تصلح ، لكن انا خلاص راحت عليا ، فهمت ليه انا اللي بحسدك.
هو الجسم الذي عصينا الله عز وجل من أجله.
القبر ينادي 5 مرات يقول
أنا بيت الوحدة: فأجعل قراءة القرآن لك مؤنسآ
أنا بيت الظلمة: فنورني بصلاة الليل
أنا بيت التراب: فأجعل فراشك العمل الصالح
أنا بيت الأفاعي: فأحمل الترياق وهو بسم الله
أنا بيت منكر و نكير: فأكثر قول الشهادتين
صلي على النبي محمد صل الله عليه وسلم تسليما كثيراً طيبآ مباركآ فيه
مر اليوم على خير وحل صباح جديد بأحداث جديده انتهت روان من صلاتها وذهبت للغرفة روح وندى
روان: ندى روح انتم ياعيال اصحوا عندكم جامعه
ايه ده انتي صاحيه ياندى
كانت ندى تجلس ارضآ تقراء وردها اليومي: اه ياحبيبتي صاحيه من بدري
روان: طيب يلا البسي وصحي البقره اللي نايمه دي علشان تفطروا وتنزلوا على الجامعه خلاص ساعه واسلام هايقعد يجعر
ندى: ههههههه حاضر ياقلبي بس روح ماعندهاش جامعه دي مفصوله اسبوع انتي نسيتي ولا ايه
روان: اوبس اه والله نسيت طب والاسبوع ده مش خلص ولا ايه
ندى: اه اخره النهارده المفروض هاتنزل بكره
روان: ماشي ياقلبي يلا هاروح اصحي الباقي
مر الوقت وذهبت ندى لجامعتها واجمعت باقي العائله على طاولة الطعام
محمد: روح
روح وهي تاكل: اممممم
محمد: بقالي كام يوم كده شايفك ملطوعه في البيت خير يارب مابتروحيش الجامعه ليه
#توقف الطعام في حلق روح واخذت تسعل بقوه
روح: مم م ما ما ماي ماي