قصة الساعه
البارت الخامس 5
بقلم/منه محمد
في اليوم التالي ذهبت إلي و وجدت احد الموظفات هناك
امينه : لو سمحت انت موظفه هنا مش كده؟
لجين : ايوه انا هنا من ايام اكرم بيه ربنا يقومه بالسلامه
امينه : طب ممكن اسألك شويه اسئله عن وضع الشركه
لجين : ليه؟
امينه : موضوع مهم اوي ارجوكي تساعديني
لجين : عايزه تسألي ف ايه بالظبط؟
في الاعلي في مكتب المدير كان يجلس علي الكرسي يضع قدما علي الاخري حين دخلت عليه المكتب بغضب و دون استئذان
شهد بغضب : انت ازاي توافق ع الصفقه دي من غير ما ترجعلي
سامح : و انت ازاي تتدخلي عليا كده من اسئذان
شهد : رد عليا الاول
سامح : عادي درستها و شايفها صفقه ناجحه ليه لازم اخدت اذنك بقي
شهد : عشان دي شركتي
سامح ساخراً : شركتك ههههههه لا تضحكتيني ثم قام من مكانه و وقف امامها و لا تفصله عنها سوي القليل من الامتار : هي مش شركتك دي اللي ضيعتها بغبائك و لولا انا مكنتش اشترتها كان زمانك ف خبر كان
شهد : انت بتذلني يعني عشان انت اللي انقذت الشركه
سامح : تؤتؤ خالص انت جربتي حظك و ادي النتيجه قدامك ف كفايه اوي لحد كده و سيبني انا انقذ ما يمكن انقاذه
شهد : انا عارفه كويس انت بتعمل كده انت عايز تنتقم مني عشان رفضك زمان
سامح : انتقم ليه فاكرني قلبي اسود زيك، عموماً يا بيبي ريحي نفسك انا نسيت حوار ده من زمان الا لو كنت انت عايزه ترجعي
و قرب يده منه وجهها لكنها امسكتها بسرعه : ابعد ايدك عني و اشحتها بعيداً
خرج من المكتب و تركها تبكي وهي تشعر بالذل و القهر
لجين بصوت منخفض : بصي بصراحه كده من بعد ما اكرم بيه دخل ف غيبوبه و شهد مراته و اخوها شادي هو اللي مسكوا الشركه و اول حاجه عملوها انهم فضوا الشراكه مع سامح الخياط، و اتحكموا هما ف كل حاجه بس بسبب سياستهم الغلط الشركه دخلت ف ديون كتيره
امنيه : عشان كده اضطروا انهم يبيعوا القصر
لجين : بالظبط و الشركه كمان بدأت تنهار و عشان كده سامح الخياط اشترها و ضمها لمجموعته وبقوا هما موظفين عنده
امنيه : و بعدين؟
لجين : بس هو ده اللي اعرفه، هو انت كنتي عايزه تعرفي المعلومات دي ليه؟
امنيه بحيره : حوار طويل صعب اشرحلك لاني انا نفسي مش فاهمه
لجين : انا مش فاهمه منك حاجه بس العموم انا لازم ارجع لمكتبي بسرعه و ارجوكي محدش يعرف بالقعده دي لاحسن لو حد عرف انا ممكن اروح ف داهيه
امنيه : اطمني محدش هايعرف ثم قامت من مكانها لتخرج لكن فوجئت بها في وجهها
شهد : انت ايه اللي جابك هنا تاني
امنيه بتوتر : انا انا انااااا
شهد : انا قولتلك مجتيش تاني هنا
امنيه : انا بس كنت عايزه اعرف
شهد بمقاطعة : امشي من هنا و لو شوفتك هنا تاني مش هايحصل كويس
ذهبت مسرعه و غادرت الشركه بأكملها