قصة ازمه التلاتينات
البارت السادس 6
بقلم/منه محمد
ساره بصدمه : ايه !!
فاطمه : مالك كده ليه انت اول مره يتقدملك عريس
ساره : لا بس كان بقالي فتره مجاليش حد ف عشان كده مستغربه، و بعدين يا ماما هو احنا مش اتفقنا منتكلمش ف الموضوع ده تاني لحد اما يجي صاحب النصيب
فاطمه : ما هو جاه اهو
ساره : يا مامااااا يعني عايزه تقنعيني انك معملتيش تحرياتك اللي بتعمليها كل مره
فاطمه : اه عملت يعني عايزاني اسيبك كده و هناء اللي اصغر كن اربع سنيين تتخطب و انت قاعده كده
ساره : يا ماما تتخطب اعملها ايه يعني، و بعدين انت كل شويه تجبي سيرتها ليه فيها زياده عني ده انا حتى عندي مميزات كتير اكتر منها كمان
فاطمه : اه بس هي مخطوبه و انت لا، هي لابسه ف صبعها خاتم و انت ايدك فاضيه
ساره : يعني هو الخاتم ده اللي خالها احسن مني خلاص بقي هو مقياس النجاح و طب والحاجات التانيه دي ايه ملهاش اي معنى
فاطمه : الناس مش بتبص غير لكده
ساره : منهم لله الناس، و جاي امتي عريس الغفله ده؟
فاطمه : الخميس الجاي
في منزل "خالد" حيث ذهب إليه "علي" و حكي له كل ما حدث
خالد : يا ابن الذينه ما انت طلعت جامد اهو و بتعرف تشقط
علي : لاااا اناااا مكنتش ناوي اااشقط هي جت معايا كده
خالد : مش مهم المهم انها نفعت، و هتتواصل معاها بحجه انك بتساعدها تطور محلها بجد فكره عبقريه
علي : بس انا فعلاً بساعدها بجد
خالد : عارف ما هي دي فرصتك بقي عشان تتعرف عليها بشكل غير مباشر زي ما انت قولت، انت عارف انا بفكر اروحلها بنفسي لاني خبره ف التعامل مع البنات انت عارف طبعاً و اجس النبض اشوف شخصيتها عامله ازاي بتفكر ازاي و اقولك تعمل معاها ايه، بس انت فكرتك احلي
علي : تروحلها فين !!
خالد : المحل علي اني زبون عادي مالك !؟
علي : لا اصل افتكرت حاجه تانيه
خالد بضحك : ههههه لا عيب عليك انت صاحبي بردو، المهم خليك ف فكرت دي احسن و اضمن، و خالي فكرتي احتياطي
ف اليوم التالي كانت ف الجيم تتمرن
ساره بتعب : اااااه حرام كده يا كابتن
كابتن حبيبه : اتدربي لازم تعوضي حضرتك الفتره اللي حاضرتك كنتي غايبه فيها
ساره : يا كابتن ما انت عارفه ظروفي كان كلها فتره خطوبات و لا واحده فلحت
انتهت من التمرن علي الآله ثم ذهب امسكت منشفتها لتجفف عرقها و زجاجه مياه لتشرب فقد تعبت من التمرين
ساره : بقولك يا كابتن
كابتن حبيبه : ايوه
ساره : اهو الواحده تخلص من جوازات الصالونات دي ازاي؟
كابتن حبيبه : ييييي ده انا قعدت ف الدوامه كتير لحد اما تخطبت و اتجوزت
ساره : يعني مفيش حل غير كده مكتوب عليا الصالونات دي
كابتن حبيبه : مش دايما بتبقي وحشه ممكن تلاقي حد كويس
ساره : ايوه بس انا كل اللي بيجولي عاهات و ماما كل ما برفض عريس بحس انها عايزه تقتلني
كابتن حبيبه : ما هي مش هتسيبك غير لما تتجوزي ف حاجه من الاتنين يتوافقي علي اي عريس يتقدملك و تخلصي حتى لو مش عاجبك المهم اتجوزتي حتى لو بالاسم او يكون في حد حياتك
ساره : صعبه دي
كابتن حبيبه : ليه متعرفيش نصيبك مستنكي فين بس ايه اللي خلاكي تفتحي السيره دي
ساره : اصل في عريس جايلي يوم الخميس و معرفش عنه اي حاجه غير انه من طرف ماما اه و انه دكتور قد الدنيا و عنده عياده و لو رفضته ابقى بتبطر ع النعمه
كابتن حبيبه : قعدي معاها و شوفي و لو معجبكيش ارفضي عادي لكن متوافقيش علي حد مش عايزها لمجرد انك تتجوزي قبل فلانه او عشان تغيظي علانه او حتي عشان ترضي اهلك انت اللي هتعيشي معاها مش هما بلاش اي جوازه و السلام فاهمه
ساره : فاهمه
كابتن حبيبه : يلا انزلي عشره ضغط
ساره : ايه ده ليه !!
كابتن حبيبه : عشان قعدتي تلكي و ضيعتيلي وقتي يلا
جلست بقيه اليوم ف الفراش ف جسدها كان يؤلمها من كثره التمارين حتي انها لم تذهب للمحل، سمعت صوت هاتفها يرسل لها رساله اعتدلت في وضعتيها لتراها كانت من "علي" يخبرها فيها ان يريد ان يراها لموضوع بخصوص ما تحدثوا فيه امس
تحمست بشده و تناست الالم الذي كانت تشعر به تحاملت علي نفسها و قررت الذهاب ارتدت ملابسها و كانت في طريقها إلي الباب
فاطمه : انت رايحه فين !؟
ساره : اممممم رايحه المحل
فاطمه : بس انت قولتي انك تعبانه و مش هتقدري تنزلي
ساره : لا منا الصراحه حسيت اني زهقت ف قولت انزل بقي افتحه و خلاص و هو ف الحركه بركه
فاطمه بعدم ارتياح : اممممم طيب