رواية بائعة الورد
الفصل الخامس عشر 15
بقلم اسراء محمد
اول ما دخلت ملك البيت
شافت البيت فاضي وبلالين متعلقه
دخلت تنده علي سندس مردتش
وندهت علي يمني مردتش
وندهت يحيي برضو مردش
وفجأة جم من وراها
يحيي ماسك تورته وبيغنوا Happy birthday to you
وملك واقفه متنحه مش فاهمه عيد ميلاد مين
ملك : عيد ميلاد مين
يحيي : فكري كده عيد ميلاد مين
ملك : عيد ميلاد ماما
سندس : لا
ملك : عيد ميلاد يمني
يمني : لا
ملك : طب عيد ميلادك انت يا يحيي
يحيي : برضو لا
ملك : يبقي عيد ميلاد ماس
يمني : لا
ملك : اومال عيد ميلاد مين بس
يحيي : يمكن عيد ميلادك انتي
ملك : انا
يمني : اه
ملك : ايوه صح ، طب انتوا عرفتوا منين
يحيي : انتي نسيتي ان انا اللي قدمتلك في المدرسه وشوفت تاريخ ميلادك
ملك : ايوه صح ، اي الغباء ده
سندس : كل سنه وانتي طيبه يا حبيبتي
ملك : وانتي طيبه يا ماما
يمني : كل سنه وانتي طيبه يا لوكا
ملك : وانتي طيبه يا يويو
يحيي : كل سنه وانتي طيبه
ملك : وانت طيب
يمني : يلا بقي نطفي الشمع
يحيي : يلا
وغنوا Happy birthday to you وسنه حلوه يا جميل
يحيي : يلا اطفي الشمع
ملك كانت لسه هتطفي
يمني : استني
ملك بخضه : في اي
يمني : اتمني امنيه الاول
ملك اتمنت وبعدين طفت الشمع
يحيي : بما ان انتي الكبيره يا ماما قطعي انتي التورته
سندس : عشان انا الكبيره ولا عشان انت مبتعرفش تقطع
يحيي : اي الاحراج ده
وقضوا وقت حلو مع بعض
ودخلوا ناموا
وكانت ملك مبسوطه اوي ان حد مهتم بيها كده
نامت وحلمت بمامتها
ملك : وحشتيني اوي يا ماما
سها : وانتي كمان وحشتيني يا ملك
ملك : شوفتي يحيي واهله عملوا اي معايا
سها : انتي طيبه وتستاهلي كل خير عشان كده ربنا عوضك بيهم عني وعن ابوكي
ملك : بس مفيش حاجه تعوضني عنك يا ماما
سها : بس انا مكنتش الام اللي تستاهل بنت زيك يا ملك
ملك : متقوليش كده انتي احلي ام
سها : خلي بالك من نفسك ومتنسيش تزوري ابوكي
ملك : تاني يا ماما هتقولي زوري ابوكي
سها مردتش
ملك : ماما يا ماما
وبعدين صحيت
مر شهر من غير احداث
وهما قاعدين ساكتين
ملك فجأه : انا عايزه اشتغل
سندس بخضه : حرام عليكي الخضه دي
يمني : قطعتيلي الخلف يا شيخه الله يسامحك
ملك : مش عايز تقول حاجه انت كمان يا يحيي
يحيي : عايزه تشتغلي لي
ملك : عشان انا اتعودت علي الشغل وبقالي كتير قاعده
سندس : محدش بيشتغل غير يحيي البنات عندنا قاعده في البيت
ملك : ما في يوم من الايام لما اتخرج اكيد هشتغل
سندس : ومين قالك اني هوافق تشتغلي
ملك : اومال اي لازمتها ان اكمل تعليمي
سندس كانت هتتكلم قاطعها
يحيي : ملك عندها حق يا ماما
سندس : يعني اي يا يحيي يعني انت موافق
يحيي : يعني يمني لما طلبت تشتغل ونزلت تشتغل معايا فتره متكلمتيش
سندس : بس
يحيي : طب ممكن نسمعها الاول
سندس : طيب
يحيي : انا ممكن اوافق انك تشتغلي معايا في المكتب وتروحي وتيجي معايا لحد ما الدراسه تبدأ اي رأيك
ملك : بس انا عايزه اشتغل في العقارات
يحيي : طب عايزه تشتغلي في اي
ملك : انا مبفمهش في حاله غير الورد
يحيي : طب استني شويه هشوفلك محل في مكان نضيف وموثوق فيه انزلك تشتغلي فيه
ملك : خلاص ماشي اتفقنا
يحيي : اتفقنا
عدا شهر كمان
وكل يوم
ملك بتسأل يحيي شوفت محل اشتغل فيه
ويحيي بيقولها لسه بدور
لحد ما في يوم
دخل يحيي عليهم
وقالهم : قوموا البسوا بسرعه
سندس : لي
يحيي : هنروح مشوار
يمني : مشوار اي
يحيي : هتعرفوا لما نوصل
يمني : انا مش هنزل غير لما اعرف
يحيي : متنزليش ، انا قدامي نص ساعه وانزل اللي عايز يجي معايا يجهز خلال نص ساعه
يمني اول ما سمعت كده خدت بنتها وجريت علي شقتها تلبس ووراها ملك
يحيي ضحك عليهم
وقال : انتي اساسي هتيجي معانا قومي اجهزي يلا
ودخلوا جهزوا ونزلوا
وطول الطريق
ملك ويمني عمالين يسألوا رايحين فين
ويحيي مبيردش
لحد ما ما وصلوا
يحيي : يلا
يمني : يلا فين
يحيي : هتعرفي لما تنزلي
يمني : يعني ساعة ما ترد ترد برخامه
يحيي : يلا انزلوا
نزلوا كلهم وهما مش فاهمين نازلين هنا لي
ده مكان كل محلات
فضلوا ماشين شويه لحد ما وصلوا لمحل كان عليه زحمه
سندس : اي الزحمه دي
يحيي : ده افتتاح محل شكله
ملك : الله ما تيجي نتفرج انا بحب الحاجات دي
يحيي : تعالي
سندس ويمني استغربوا من رد يحيي عشان وافق علي طول كده
اول ما وصلوا
يحيي سلم علي معارفه
ومسك مقص واداه لملك
ملك : اي ده
يحيي : ده المقص اللي هتقصي بيه الشريط
ملك وهي مش فاهمه : شريط اي
يحيي : الشريط اللي علي باب المحل عشان ندخل
ملك بعدم فهم برضو : طب وانا مالي ما صاحبه يقصه
صاحب يحيي ويدعي كريم
كريم : ما تبصي طيب علي اليافطه فوق
ملك : هشوف اي يعني
وبتبص لفوق
شافت اسم المحل
( ورد الملك )
ملك : اي ده
سندس : انتي لسه مفهمتيش
ملك : فهمت اي
كريم : انك صاحبة المحل
ملك : بجد
يحيي : بجد
ملك : بس ده كتير
يحيي : مفيش حاجه كتير احنا يا نشتغل في ملكنا يا منشتغلش اصلا وقصي بقي الشريط
ملك قصت الشريط وهي فرحانه
ودخلت وشافت الورد ومش مصدقه انها بقت صاحبه محل ورد زي ما كانت بتحلم ايام ما كانت شغاله عند شريف
واخدت جوله لوحدها في المحل
قاطعها يحيي
وقال : ملك
ملك : نعم
يحيي : سرحانه في اي
ملك : مش مصدقه ان بقي عندي محل لوحدي
يحيي : صدقي ، المهم عايز اعرفك علي كريم
ملك : اهلا وسهلا
كريم : اهلا بيكي
يحيي : كريم يا ستي هيقعد مكانك بالليل في المحل
ملك : لي
يحيي : عشان هجيبك معايا وانا نازل وانا راجع هاخدك معايا وكريم هيكون هنا ويكمل باقي اليوم
ملك بتفهم : خلاص تمام
يحيي : هسيبكم تتفقوا علي المرتب
وسابهم ومشي
ملك : بص انا مش عارفه اي نظام المرتبات بس هنتفق اتفاق
كريم : اتفاق اي
ملك : الفلوس اللي انت هتعملها في الوقت اللي هتقف فيه دي بتاعتك والفلوس اللي هعملها في الوقت اللي هقف فيه دي بتاعتي اي رأيك
كريم : بس ده كتير
ملك : لا مش كتير قولت اي
كريم : اتفقنا
وهما واقفين
اناهيد جت عليهم
اناهيد : مبروك يا لوكا
ملك : الله يبارك فيكي يا حبيبتي ، بس انتي عرفتي منين
اناهيد : يحيي كلمني وعزمني وقالي مقولكيش
ملك : بس بجد احلي مفاجأة
اناهيد : ربنا يجعله فتحه خير عليكي يارب
ملك : يارب يا حبيبتي
اناهيد : قوليلي بقي مين الشاب اللي كنتي واقفه معاه ده
ملك : ده كريم اللي هيقف معايا في المحل
اناهيد : بس امور اوي
ملك : روحي كلميه واتعرفي عليه
اناهيد : انتي بتهزري
ملك : اكيد بهزر
وقضوا باقي اليوم
وكلهم فرحانين لفرحه ملك
اليوم خلص وروحوا
ملك : طب انا هدخل انام ، تصبحوا علي خير
يمني : خديني معاكي
يحيي : اعملي حسابك هننزل 11 الصبح عشان تكوني في المحل 12
ملك : حاضر ، تصبحوا علي خير
كلهم : وانتي من اهل الخير
ملك قامت عشان تروح تنام وقبل ما تمشي لفت ليهم
وقالت : بجد شكراً علي كل اللي بتعملوه معايا
سندس : مفيش شكر بين الاهل
يحيي : يمني خدي ملك وادخلوا شقتكم عشان هي بتخرف علي المسا
يمني ابتسمت وقالت : حاضر يلا يا لوكا
ودخلوا ناموا
تاني يوم
صحيت ملك علي صوت المنبه
قامت وهي فرحانه دخلت الحمام واتوضت وصلت ولبست وراحت عند سندس
ملك : صباح الفل
سندس : ده اي النشاط ده
ملك : اول يوم شغل بقي
سندس : ربنا يرزقك يا حبيبتي
يحيي دخل عليهم
وقال : صباح الخير
سندس وملك : صباح النور
ملك : اقعد كل بسرعه عشان ننزل
يحيي : حاضر
كلوا ونزلوا
وهما في العربيه
يحيي : ملك عايز اقولك علي حاجه بس من غير زعل
ملك : قول ومفيش زعل بينا
يحيي : الصراحه المحل بأسمي انا
ملك : مش فاهمه
يحيي : يعني المحل اليافطه بتاعته بأسمك لكن الورق والتراخيص بأسمي انا
ملك : مفيش مشكله ما انت اللي جايبه انا اصلا ماكنتش احلم ان يبقي ليا محل زيه
ومر شهر كمان من غير احداث
لحد ما الدراسه بدأت
ملك كانت بتكلم يحيي وبيقولها تجهز نفسها عشان نص ساعه ويعدي ياخدها
كريم دخل
وقال : مساء الخير
ملك : مساء النور
كريم : عامله اي
ملك : الحمد لله وانت عامل اي
كريم : الحمدلله ، يحيي هيجي امتا
ملك : نص ساعه وجاي
كريم : يجي بالسلامه
ملك : الله يسلمك
وبعد عشر دقائق
ملك : كريم عايزاك في موضوع ممكن
كريم : اتفضلي
ملك : انت عارف ان الدراسه هتبدأ بكره
كريم : اه ربنا معاكي
ملك : يارب ، المهم كنت عايزه اتقل عليك
كريم : تقلي براحتك بس في اي
ملك : في الوقت اللي هتنزله في المحل يعني هتنزل طول اليوم من الصبح لبليل لحد ما اظبط اموري قولت اي
كريم : عيوني ليكي طبعاً ، المهم في الاخر تجيبي نتيجه حلوه ومرضيه مش اتعب وانزل مكانك من الصبح لبليل وفي الاخر متجبيش نتيجه حلوه
ملك : لا ان شاء الله هجيب نتيجه حلوه
كريم : ان شاء الله
يحيي جه وهما بيتكلموا
يحيي : مساء الخير
كريم وملك : مساء النور
يحيي : عامل اي يا كريم
كريم : الحمدلله وانت عامل اي
يحيي : الحمدلله ، والشغل هنا عامل اي مبسوط
كريم : اخر انبساط
يحيي : ربنا يسعدك
كريم : يارب
يحيي : طب يلا يا ملك نمشي
ملك : يلا
كريم : يحيي : معلش عايزك في موضوع
يحيي : طب خدي المفتاح وانزلي استني في العربيه لحد ما اشوف كريم عايز اي واجيلك
ملك : حاضر
واخدت المفتاح ونزلت