قصة رهف
البارت السادس عشر 16
بقلم/منه محمد
رهف : ايوه ولازم احضرها انا بقالى كتير مبحضرش ومش عارفه اذا كان ده اثر على درجاتى ولا لا
ليل : طب ينفع نتكلم ف الموضوع ده بعدين
رهف : بس
ليل بمقاطعه : بعدييين
رهف : طيب
كان "ليل" يجلس مهوماً فى غرفه والدته بعد ما حكى له ما حدث معه
الام : يا بنى متخليها تشوف مستقبلها مش كفايه سابت كل حاجه عشان تخدمنا وكتر خيرها مقصرتش معايا ف حاجه
ليل : ايوا بس افرض انت احتاجتى حاجه مين هايكون جمبك وانا دايماً مشغول ولو لقدر الله حصلك حاجه ف انااااا سم اخذ نفساً عميقاً وقال : ف انا مش هسامح نفسى
ربتت عليه امه بحنان وقالت له : يا بنى متقساش على نفسك انت مقصرتش معايا ف حاجه وبعدين لو احتاجت حاجه م هنادي موجوده
ليل : بردو مش هاتعرف تساعدك كويس
الام : طب وهتعمل ايه مع خطيبتك
نظر لها "ليل" دون ان يعقل فهو لا يعرف ماذا سيفعل
الام : صالحها يا بنى عشان خاطرى
ليل : حاضر يا امى
وضع يده على جبهته بتعب لا يعرف ماذا يفعل ومن سيعتنى بأمه و"رهف" ف الخارج وعمله وخطيبته ماذا سيفعل حيالها اموراً كثيره تشغل باله لا يعرف ماذا ف كل هذا كثيراً عليه كثيراً
نرمين : قولتلك لا
ليل : ليييه
نرمين : مش هارجع طول ما هى قاعده ف البيت مشيها
ليل : مينفعش امشيها ومين هايهتم بماما
نرمين : هات ممرضه تانيه غيرها
ليل : مفيش وقت اجيب واحده تانيه انا لاقيتها بصعوبه
نرمين : وانا مش هارجع مش هاقدر اعيش معاك وهى قاعده ف نفس البيت
ليل : يا نرمين انت مركزها معاها ليه هى اصلاً هتبقى طول الوقت مع ماما يعنى مش هتيجى جمبك
نرمين : مليش دعوه تمشيها
ليل : وامشيها ليه وهى معملتش حاجه غلط
نرمين : شوفت انت مش بتسمع كلامى
ليل : يا نرمين مينفعش امشيها واقطع عيشها من غير ذنب حرام
نرمين : وانا مش هايغير رأى
ليل : انا مش فاهم هى عملتلك ايه عشان تبقى مضايقه منها كده
نرمين : والله وانت مش شايف بتبقى عامل ازاى قدامها
ليل بتوتر : عامل ايه اللى بتقوليه ده لا اناااا
نرمين : انت بتحبها
ليل بتوتر : لاااا طبعاً انا مش فاهم انت ازاى بتفكرى كده
نرمين : وانا قولت اللى عندى مش هارجع الا اما تمشيها