قصة الوردة الباكيه
البارت الثالث عشر13
بقلم نجلاء فتحى
[فى شقة ورد ]
حماتها/ نولينى الملح من عندك
ورد/ أتفضلى، مكنش لية داعى تعملى الأكل أعملة أنا
حماتها/ أنتى طالع عينك طول اليوم غسيل وتنظيف الشقة وفرشها مجتش على الأكل معنديش دم لازم أساعدك
ورد/ مش تعبانة كدة كدة دة شغلى وواجبى أعملة
حماتها/ بطلى رغى روحى أستحمى وألبسى حاجة نظيفة أستقبلى جوزك بيها
ورد بحزن/ هو أنا معفنة
حماتها/ يا ضنايا الراجل لو قاعد على مكتب وتحت التكيف بالنسبة لية دة شغل ويحسسك طالع عينة وشغل البيت للست بالنسبالة ولا حاجة ومريح ومش بتتعبى زية حماكى الله يرحمة كان شغال فى السكة الحديد وأنا كنت مسؤلية عن البيت وأول لما يرجع من شغلة يلاقينى مستحمية ومسرحة شعرى عمرى مقبلتة بالجلبية إللى عرقانة فيها من شغل البيت الراجل طول اليوم عينة بتبص على دى ودى ولازم تشبعى عين جوزك على أيامنا مكنش فى روايح ولا مكياج هى الماية والصابونة وكنا ذى الفل أبتسامتك وعقلك سر سعادتك
ورد/ علاء عمرة ميبص برا أبدآ دة مؤدب
حماتها/ هئ هئ [ضحكت] هو فى راجل مؤدب مع أنى جوزك أبنى والزمن دة مينضمنش يا حبيبتى دى غريزة منقدرش نعترض عليها يووةةة أمال متعلمة أزاى
ورد/ أخذت تعقل كلام حماتها الست الطيبة التى عوضتها بحنان أمها وقالت طيب أوضب نفسى بقا
حماتها/ أبتسمت وقال لنفسها يارب يخلف عليك بالخلفة يا بنى وتملأ البيت عيال
بقلم نجلاء فتحى عاشقة الكلمات
بعد وقت قصير أتى علاء وفتح الباب وجد ريحة الأكل تملا المكان والبيت نظيف والبخور شغال كالعادة وصوت القرأن الكريم شغال بصوت هادى مكان مريح للأعصاب فقال ورد ورد أنا جيت
جريت ورد لة وحضنتة ثم أخذت البطيخة من إيدة
علاء بصوت واطى/ أية الأستقبال دة أمى هنا
ورد/ على السطح
علاء/ أممممم أية الشياكة والحضن دة حضنك مسح تعب اليوم يا وردتي
ورد/ أبتسمت فكلام حماتها صح،،
وقالت بحب البطيخ أووى
علاء بمشاكسة ،،و إللى أشترى البطيخة وشالها أية نظامة
ورد/ بس بقا خالتى تنزل ونشوفنا
علاء/ وأيه يعنى حد لية عندى حاجة أنتى مراتى وأمى إللى خايفة منها هتفرح
ورد/ ههههههه طب مش دلوقتى بعدين أشكر إللى شايل البطيخة على قلبة بطريقتى،،، لحد متغير هدومك أكون جهزت الأكل خالتى طبخة شوية عدس أنما أية عسسسسل وشوية بتنجان بالخل والتوم يستهلوا بؤك
علاء / الله الله مفيش بصلة خضرا جنبة
ورد/ ملقتش فى السوق ، ينفع بصلة عادية بتاعت الطبيخ
علاء/ أى حاجة
ورد/ عيونى ،،،ثم دخلت المطبخ
أبتسم علاء على تلك الفتاة التى رزقة الله بيها فهى بترضى بالقليل حتى لو كلمة بسيطة
[فى شقة منه]
منه / عايزة أشترى الخاتم دة تحفة أووى
مصطفى/ أشوفة
منة بفرحة أعطت لة الفون ،،،نظر لها وقال مش حلو بيئة أوى أية رأيك فى دة
منة/ دة غالى أووى مش هتقدر على تمنة
مصطفى / لا أقدر وبكرة هيكون عندك
منة/ حضنتة فهى كان تريد هذا الخاتم الذى أختارة مصطفى
مصطفى/ أى حاجة أنتى عايزاها أنا تحت أمرك يا أم الواد
منة/ بحبك أوووى
[فى شقة مروة ]
فوزى ببكاء/ ماما مش بتحبنى كل شوية أقولها جعان مش راضية تعملى سندوتش
فؤاد/ مروة مروةةةةة
مروة/ عايز أية
فؤاد/ الواد جعااااان مأكلتهوش لييية
مروة بعدم أهتمام / بكلم صاحبتى مش فضيت أيه الدنيا أتهدت
فؤاد بغضب / أنتى هنا علشانة الواد بياكل فى خير أبوة لييية بتعصبينى لييية
مروة/ أوووة أنت مكبر الموضوع
فؤاد/ أبنى مكلش من ساعة لما صحى من النوم ودلوقتي بقينا المغرب دة أبنك دموعة موجعتكيش يا بنت **
مروة/ صوتك ميعلاش عليا
فؤاد / وكمان بجحة ورفض يضربها لان الدكتور النفسى محزرة ممنوع فعل هذا الفعل أمام الطفل حتى لا يدخل فى حالة سيئة ،،،،،فألتقط أبنة وخرج بية لأقرب مطعم بسرعة لكى يسد جوعة
بقلم نجلاء فتحى عاشقة الكلمات
【مر شهر كماااااان】
ورد/مالك
علاء/ لازم نروح لدكتور
ورد بخضة / مالك يا حبيبى أنت تعبان
علاء بتوتر / أنا كويس ،،،دة ليكى
ورد/ أنا كويسة
علاء أخذت نفس،،،ورد لازم ٠٠٠٠٠٠
أتسعت عين ورد ٠٠٠٠