قصة فرح بلا فرح
البارت الخامس عشر15
بقلم نجلاء فتحي
جلست فرح فى الشارع على الرصيف تحتمى فى صف السيارات التى تقف حتى لا يشوفها أحد المارة من شياطين الإنس ليلآ وتبكى ولم تعلم أين تسكن وكيف تذهب لشغلها وهى ترتدى عباية سمراء وحذاء قديم متهالك وعند طلوع النهار وضعت طرحة على شعرها وعملتها كأنها نقاب وسارت لمحل المجوهرات لبيع الذهب الذى ترتدية ثم ذهبت لمحل وأشترت بنطلون وبلوزة ولبستهم فى المحل ثم أنطلقت لسمسار شقق بحكم مجالها فهى محبوبة وفى أقل من ساعتين سكنت فى شقة لمدة شهر ودفعت أيجارها ولم يتبقى معها إلا القليل من المال وفاضل أسبوعين على القبض دخلت الشقة الجديدة التى تكون فى منطقة شعبية على قد فلوسها ومستوى أقل من المستوى اللى عايشة فية وصعبان عليها ذهبها اللى بعتة ورمت نفسها على السرير بأهمال فهى ضمنت الإقامة لمدة شهر لكن الأكل والشرب والمواصلات وملابسها والفون كيف تعيش لمدة ١٤ يوم لحين موعد أستلام راتبها
ونامت وهى بعيدة عن أهلها وربما للابد
☆تسريع للأحداث ☆
خلال الأسبوعين الأب نشر أن فرح أبنتة هربت وأخذت فلوسها ولم يعرف لماذا ،الام بسبب الكلام اللى سمعتة من الناس عن بنتها ومش قادرة تنطق بالحقيقة أصيبت بجلطة فى الزراع والجميع يعتقد بسبب فرح أما الاب أخذ فلوس فرح كلها من غرفتها ووضعها بأسمة فى البنك حتى ذهبها تم بيعة لحسابة ودة سبب من أسباب تعب الام أنها أكتشفت حقيقة جوزها لكن للأسف تعتقد أبنتها على علاقة بشاب وتدعى عليها ليل ونهار وليلى أختها الوحيدة اللى حزينة على أختها أما الأخ الموضوع مش فى دماغة
فرح خلال الأسبوعين من يراها بنفس الطقم يستغرب من شكلها وبدون مكياج كأنها واحدة تانية وحجتها عندها حالة وفاة وكانت تعمل شفت بالنهار وأخر بالليل حتى تدخر مال ولا تنام غير ساعتين فقط فى اليوم حتى أكلها وجبة واحدة فى اليوم وتتكون من عيش وجبنة حتى تنتهى هذة الازمة
◇◇◇◇◇◇◇◇◇◇
فرح/ فرحت لأنها أخيرآ قبضت مرتبها الذى يعتبر الضعف ولسبب أخر سوف يكون ملكها كلة وقررت لشئ ما ذهبت لمدير الشركة وطلبت نقلها لفرع الإسكندرية وبعد مدة وافق المدير رغم قوة تمسكة بعقلية فرح فكانوا يطلقون على سندس وفرح وزاهر مثلث قوة الشركة وتفكك المثلث واتصلت على سمسار وجلب لها شقة أيجار فى محيط الشركة فى الإسكندرية وصفت حسابها وخلصت أوراقها للعيش فى الإسكندرية وركبت تاكسى وأنطلقت للعمارة التى تربت فيها وأعطت السائق علبة يسلمها للبواب ونظرت للعمارة وبكت وأنطلقت للمحطة بعد سماع كلام السائق الذى كسر*ها
البواب / طلع يجرى للخارج وجد التاكسي أنطلق،، فتح العلبة وجد عباية سمراء وحذاء غالى وجديد و✉️جواب مكتوب فية { أسفة أخذت من عندك عباية وحذاء من غير ما تعرف و قولت أردهم وهما جديد فى جديد متزعلش منى يا راجل يا طب أسفة مرة تانية }
البواب/ حاسس بعد كلمة ياراجل يا طيب، ،البشمهندشة فرح مش عارف لية وأنطلق لزوجتة يفرحها لكنة أستغل الوضع وفهمها أنة أشترى لها هذا بدل اللى أتسترق منها والزوجة فرحت ودعت لزوجها بشدة
وصلت فرح شقتها الجديدة فى الإسكندرية وأعجبت بيها لأنها فى منطقة راقية وجلست على كرسى فى البلكونة المطلة على الكورنيش وأفتكرت كلام السائق:-
السائق/ سألت يا أستاذة عن واحدة أسمها المهندسة فرح ساكنة هنا ولا لا ذى ماقولتيلى وسلمت العلبة للبواب٠
فرح/ بلهفة ماتت صح
السائق/ لا البواب بيقول هربت والله أعلم بيها يمكن هربت مع حد أصلها كبيرة فى السن وعانس ممكن لامؤاخذه حد ضحك عليها ربنا يستر على حريمنا لامؤاخذه يا أستاذة أقطعى علاقتك بيها شكل حضرتك بنت ناس
فرح/ لم تنطق بحرف وزعلت ان أبوها عمل كدة وقلبها فى اللحظة دى أصبح مثل الحجر
بكت فرح على حالها عانس عانس دة أنا عندى ٢٨ سنة ياررررب
☆وبعد عدة سنوات ☆
حياة فرح التى بلغت من العمر ٤٠ عام كالاتى :-
أتعلجت من الشخص الوهمي عن طريق دكتور نفسى ورجعت لقراءة الروايات وبشدة بعد مقاطعتها لمدة سنة وحياتها لبيتها و لشغلها الذى حققت أنجازات فية وأصبحت من أشهر المهندسات فى الإسكندرية وأشترت سيارة والشقة اللى كانت عايشة فى إيجار أشترتها لأنها فى مكان راقى وقريبة من شغلها ووش السعد عليها من اول مانزلت الإسكندرية ومعها فلوس كتير أووووووى وليس ليها أصدقاء حتى طريقة لبسها منذو وصولها للأسكندرية بعد ما كانت تلفت الأنظار بلبسها أو شكلها أصبحت فرح صاحبة الرداء الأسود ولها أستيل معين فى لبسها الذى يتكون من البنطلون الأسود الواسع أوووى والبلوزة السمراء اللون الطويلة الواسعة المحتشمة صيف شتاء حتى شعرها كعكة ولم تضع مستحضرات تجميل أو برفان وتسريحتها فى المنزل لايوجد عليها شئ ولا تبتسم لأى حد أما عند رؤيتها لطفل أبتسامتها تنور وجهها
بقلم نجلاء فتحى عاشقة الكلمات
فى الشركة تدخل فرح مكتب للأجتماع ولفت نظرها أثناء الاجتماع،حذاء صغير ظهر وأختفى تقدمت وأنحنت للأمام وجدت بنوتة تجلست تحت المكتب فى الأرض، ، أبتسمت لها فرح ومدت أديها ليها
فرح/ تعالى يا كتكوتة متخافيش كدة فستانك أتبهدل
الطفلة/ أطمنت لفرح وخرجت
فرح جذبتها لحضنها ومسحت ملابسها من التراب وحملتها ،،،،،جاية مع مين
الطفلة/ مامى وشاورت عليها
الام/ بتوتر ،،،أعتذر معنديش مكان أسيبها فية أرجوكى بلاش خصم
الطفلة/ طنط بليييز بلاش تضربى مامى ذى بابا
فرح/ لا يا كتكوتة علشانك سماح تعالى نجيبلك حاجة حلوة وأنطلقت بيها للخارج تحت صدمة الجميع معقول دى البشمهندشة فرح الكئيبة ضحكتها حلوة ياترى اللى حصل ليها جعلها قاسية هذا ما تم ذكرة بين الحاضرين وبعد وقت
فرح/ سماح يا بشمهندسة علشان خاطر بنتك دى مش حضانة سبيها مع باباها
المهندسة/ قربت من فرح حتى لا تسمعها بنتها صاحبة ال٥ سنوات جوزى واطى مكنش عايز يخلف وربنا رزقنى ببنوتة رمى عليا اليمين ورجعتلة على شرط مافيش أطفال وبعدين بقيت حامل طلقنى أنبارح ومحتارة أسيب بنتى فين
فرح/ معقول دة فى ناس تتمنى تتجوز علشان تخلف وناس بتجرى وراء موضوع الخلفة سبحانك يا يارب من رأيى بلاش ترجعيلة دة غير أمين بيتى مفتوح ليكى أنتى و بنتك لحد لما تلاقى سكن
المهندسة/ كتر خيرك السكن مع أخويا عندة عمارة وعناخد شقة فيها
فرح / بأحراج ممكن تشوفى شغلك وأنتى مروحة خذى بنتك من عندى أصل المكتب عندك فى معدات تقيلة ممكن تقع عليها
المهندسة/ تمام شكرا وخرجت
فرح/ أخذت البنت ولعبت معاها ودموعها على خدها
الطفلة / مالك بتعيطى ذى مامى لية بابا بتاعك ضربك ذى ما بابا بيضرب مامى
فرح/ لا بابا طردنى
الطفلة/ يعنى أية
فرح/ مش مهم ،،يلا خدى 🍭 المصاصة
الطفلة/ بابى مش بيجيب حاجات حلوة ذى دى ورفعت الكيس ليها ومامى بتجيب كل يوم نفسى بابى يفسحنى بابى نوتى قال مش عايزنى ومش بيحبنى أنا وحشة صح صح
فرح/ لا هو اللى نوتى أنتى قمر لو عايزة تجى كل يوم هنا موافقة وتعالى أقعدى معايا تمام
الطفلة/ أممممم والحاجات الحلوة
فرح/ ماشى يا لمضة هانم نجيب المحل كلة تحت رجلك
الطفلة/ أممم موافقة تكونى أصحابى
فرح/ هههههههههه أصحابى مرة واحدة أسمها صاحبتى
الطفلة/ لا أصحابى هى كدة عثان أنتى كبيرة
فرح/ هههههههه ماشى
☆فى القاهرة ☆
ليلى/ أبية طارق لسة مافيش أخبار عن أبلة فرح دى مختفية ١١ سنة ويمكن أكتر
طارق/ بابا بيقول مشيت بمزاجها بعد ما حطت رأسنا فى الطين سيبك منها وأحمدى ربنا أن جوزك رجعك بعد مطلاقك بسببها
ليلى/ متفكرنيش دة كان يوم فاكر أخو جوزى لما تقدم لأبلة فرح ورفضتة لما عرف بموضوع أبلة فرح وقال فى حقها كلام وحش
طارق / هششششش جوزك جاى وبلاش تخربى بيتك تانى عشان خاطر عيالك دلوقتى أنتى مرات دكتور قد الدنيا وواصل وأيدة طايلة
ليلى/ حاضر وحشتيني يا أبلة،،،، أنتى وماما وبابا الله يرحمهم
☆فى الإسكندرية ☆
تجلس فرح فى شقتها على كرسى هزاز و أغنية للأم كلثوم تملأ المكان بصوت هادى وبتقرأ رواية
سمعت صوت أمام شقتها نظرت من العين السحرية وجدت أن الشقة التى أمامها سكنت لم تهتم فمنذو
السكن فى شقتها لم يسكن أحد فى الشقة التى بجوارها وبعد وقت الباب خبط وفتحت لة
الشاب/ بأحراج أنا جار حضرتك الجديد يا مدام بنتى جعانة الاقى عندك سندوتش جبنة كنت بنقل وفرشت الشقة والوقت أخدنى ونسيت أجيب أكل والمحلات قافلة
فرح/ ثانية واحدة وأغلقت الباب فى وجهه
الشاب/ أية قلة الذوق دى
فرح/ فتحت الباب ووضعت صنية عليها أكل على أيدة بدون كلام
الشاب/ شكرا يا مدام
فرح/ بجدية،، علشان خاطر بنتك غير كدة لا وأغلقت الباب فى وشة،، قال مدام قال ، ودخلت نامت
الشاب/ أووووف أعوذ بالله ، الله يكون فى عون جوزها وولادها بومة ولا بتضحك شكلها ولا بلاش ودخل شقتة ،،،،، هبة يا هبة يا قلبى تعالى كلى
هبة/أية دة جبت الأكل دة منين
الشاب/ أنصدم من الصنية لأنها كانت عليها مفرش فأعتقد أنها جبنة وعيش لكن وجد جبنة رومى ومربى ولانشن وخيار وطماطم وكيس لبن حليب مبستر كبير وزبادي وبيض وكيس عيش وكيس شيبسي كبير الأكل كتير شكلها كدة فاكرة مامى معانا وعملت حسابها
هبة بزعل / مامى وحشتني
الشاب/ أحم يلا نأكل بلاش السيرة الغم دى
هبة/ لكن يا بابا٠٠٠
الشاب/ وبعدين هبببببة
هبة/ سورى وأكلت وهى حزينة وأبوها أكل كمان لانة جعان
مر كام يوم لم يوجد أحداث جديدة وفى يوم واقفة فرح أمام الأسانسير
الشاب / صباح الخير
فرح/ بجدية صباح الخير ولم تنظر لة
الشاب/ لنفسة ،،،بومة وغراب لابس أسود يا ساتر ،،،،هبة أشكرى طنط هى اللى عشتنا
هبة/ ميرسى يا أنطى كنت جعانة أووووى
فرح/٠٠٠٠٠٠٠٠٠٠٠٠٠٠