قصة فرح بلا فرح
البارت الثاني2
بقلم نجلاء فتحي
ليلى/ أقصد الحب عمرك جربتي الحب قبل كدة يا أبلة
فرح/ هزت رأسها بالرفض
ليلى / نطت على سريرها وربعت رجليها ثم شهقت ،،معقول ولا فى الجامعة ولافى الشغل
فرح/ نقولك كلمتين وأنا قدك فى أولى جامعة بابا كان بيقولى الحب جريمة اللى عايزك يدخل البيت ويتقدم ليكى غير كدة لا وفضلت محصنة نفسى فى الجامعة والشغل فكرة مش عارفة أخرجها من دماغى ولحد الان مافيش حد خبط على بابى وقال عايز أخبط فرح
ليلى/ متزعليش منى أنتى كدة قفلتى على نفسك أوى بابا عمرة ماقالى كدة ،، بأذن الله ربنا يكرمك بأبن الحلال أنا مش عاتجوز وأنتى لا أنا بحبك أوى يا أبلة وحضنتها
فرح/ لا غلط أوعى توقفى حياتك علشان حد النصيب لو جالك وافقى سامعة
ليلى/ وأنتى
فرح/ مسحت دموع أختها ورجعت شعرها وراء ودنها أنا لسة صغيرة مش كبيرة أوى
ليلى ببراءة/ لكن ماما بتقول أنك كبيرة وفرصتك بتقل لو جالى عريس عانقولة خذ أختى
فرح/ مصدومة من كلام أختها لكنها فرحت بمشاعر أختها ولازم تنهى الحوار ،،،،،طيب بلاش عياط أية رأيك تنامى جنبى
ليلى/ موافقة طبعآ يا بشمهندسة
مددت فرح على سريرها وفردت زراعيها وأختها نامت علية وحاوطتها
ليلى / أبلة فرح
فرح/ أمممم
ليلى/ الحب حلو صح اللى يشوف أبية طارق مع مراتة يفتح نفسة يجرب الحب و٠٠٠
فرح / ليلى قومى على سريرك شكلك ناوية تسهري للصبح وأنا عندى شغل
ليلى/ لا خلاص أنا نايمة أهو ،،يارب يا أبلة فرح تلبسي عروسة بسرعة وساعتها تشترى ليا فستان سوارية ماشى
فرح/ وعد منى كل اللى أنتى عايزاة مجاب ،،،ونامت ليلى نوم عميق اما فرح تركت دموعها وتبكى فى صمت وأنتهى اليوم بحلوة ومرة
[فى صباح التالى]
أستيقظت فرح من نومها وجدت التى تحاصرها ف حررت نفسها وأخذت المنشفة لتأخذ شور 🛁 وجدت أبيها يجلس فى الصالة يشاهد التلفزيون ف منذو أمس وهو متجاهلها هرشت فى رأسها وجلست أمامة
فرح/ صباح الخير يا بابا هو لية حضرتك مش بتكلمني من ساعة ماكنا فى شقة طارق
الاب/ ينفع تغلطى فى أخوكى
فرح/ محصلش والحوار كان قدامك دة دة أنااللى زعلانة أزاى مش يقولى يا أبلة ذى ما كان متعود
الاب/ أنسى أنة أخوكى الصغير دة أتجوز وبكرة يبقا أب عايزة شخصيتة تتهز أدام مراتة
فرح/ أةةة وعلشان يبان راجل أدام المحروسة يقل أدبه عليا هو نسى نفسه دة دة كان بياخد فلوس قد كدة منى دلوقتى بقيت ملطشة أنا أعتذرت علشانك لكن غير كدة لا وحضرتك كسرتنى أدامة
الاب بعصبية / الله الله كبرتى وصوتك بقا عالى على أبوكى يا بشمهندسة هو علشان معاكى فلوس تدوسي علينا يغور فلوسك مش عاخد منك قرش تانى يا خسارة تربيتى أخص عليكى يا فرح أخص
فرح بصدمة /بابا محلصش حاجة لكل دة وأية اللى دخل فلوسى فى الحوار بلاش تتعصب علشان صحتك حقك عليا لو عايز أبوس رجل طارق موافقة المهم رضاك عنى وباست رأسة
الاب/ لا مش للدرجاى ،،يلا صالحينى
فرح/ عنيا
الاب/ النهاردة عاتقبضى مرتبك عايزة كلة
فرح/ لكن حضرتك من يوم ما أشتغلت وبتاخد التلت تربع وبكيف نفسى بالربع اللى باقى يا بابا البنزين غالى وعايزة أشترى حاجات و٠٠
الاب/ خلاص مش عايز ما كلة للبيت جوازة أخوكى اللى من كام شهر قطمة وسطى
فرح/ حاضر مرتبى تحت أمرك
الاب/ أيوة كدة حبيبة أبوكى وسابها ومشى
فرح بسخرية/ جوازة أية اللى قطمة وسطك دة أنا متكفلة بكل حاجة الشقة والشبكة والقاعة غير المصاريف الجانبية أعمل أية يارب وفى الاخر أخد فوق دماغى ولبست ونزلت لشغها من غير ما تأخذ شور لأنها أتأخرت
ليلى / بابا عايزة ٢٠٠ جنية خارجة مع أصحابي النهاردة
الاب بعصبية / هوأنتم مش بتبطلوا طلبات أبدآ و ٢٠٠ جنية مرة واحدة وفرح واخدة منى ٣٠٠ جنية الصبح أييييييييييية ومصاريف زيارة إخوكى أنبارح أسمعى يابت كفاية عليا مصاريف جامعتك عايزة فلوس ومصروف خذى من أختك هى موظفة وعلى قلبها فلوس قد كدة سامعة ،،،كفاية عليا جوازة أخوكى حرررررام عليكم دة القاعة لوحدها واخدة قد كدة وتركها ونزل على عملة وليلى بكت
الام/ ولا يهمك أتصلى على فرح وقولى ليها عايزة كام بس قولى عايزة ٤٠٠ مش ٢٠٠وهى عاتقولك فين فلوسها
ليلى/ والزيادة لية
الام/ ليا عايزة أشترى طرحة
ليلى / ماشى وبعد ما أتصلت على فرح وقالت ليها مكان المفتاح اللى يغلق على فلوسها
الام/ أعطت ال٢٠٠ جنية ليلى ونزلت لكليتها وهى أخذت ال٢٠٠ جنية لكن شافت فلوس كتير وأخذت ١٠٠٠ جنية فوق ٢٠٠ ،، عادى دى فلوس بنتى مش عاتحس بحاجة ماهى معاها فلوس قد كدة ومش بتصرف ولا مليم من مرتبها وأبوها متكفل بمصاريفها وأغلقت الدولاب ووضعت المفتاح فى مكانة
فرح رمت الفون على المكتب وساندت دماغها على مرفقيها
سندس/ مالك يا فرح وفلوس أية اللى ياخدوا منها أنتى كنتى بتكلمى مين
فرح/ دى ليلى أختى عايزة ٤٠٠ جنية خارجة مع أصحابها
سندس/ كتير عليها طب ولية أبوكى مش يتكفل بمصاريفها
فرح/ بابا بس يا سندس أنتى مش عارفة حاجة دة طلب منى الصبح مرتبى كلة دة مفهم أمى وأخواتى والدنيا مرتبى مش بيقرب منة وأنا بأخذ مصروفى منة تخيلى معلش شوفيلى معاكى مبلغ سلف وعانردة بكرة الصبح العربية عايزة بنزين
سندس/ عيب تقولى كدة ومن أمتى أخذتى منى فلوس وقولتك هاتيها أحنا أخوات لما الخزنة تفتح ونقبض خذى اللى أنتى عايزاة
فرح/ متشكرة جدا
سندس/ ربنا معاكى ،،،لازم تحطي حد لموضوع أبوكى دة سامعة
فرح/ والله بحبة ومش برضى أزعلة وهو دايس على الحتة دى ،،
سندس/ ربنا معاكى
زاهر/ صباح الحلويات يا بنات كيفكم
فرح / صباح الخير يا بشمهندس
سندس/ صباح النور يا زاهر
زاهر/ أنا عازمكم يا بنات على كتب كتاب أختى بكرة ولازم تيجوا سامعين
سندس / معقول ، الف مليون مبروك عقبالك يازاهر
زاهر/ نظر لفرح ثم سندس وأبتسم ،،،قريب أن شاء الله ومش خطوبة جواز يعنى جواز
فرح بأحراج/ أختك عندها كام سنة
زاهر/ وهو بياكل سندوتش أمممم أولى جامعة ماهو عريسها معيد فى الجامعة عندها وأبن ناس وبيحبها
فرح/ دى قد ليلى أختى صغيرة يا بشمهندس
زاهر/ لا دى كبيرة صغيرة لو هى شاب لكن البنت لازم تتجوز صغيرة تدلع الواحد وتصغرة
فرح/ منطقك غريب يعنى لما تتجوز عاتختار بنت صغيرة
زاهر / وهو بيشرب ماية ،،المفروض بس للأسف قلبى أتزغزغ وغمز ليها
سندس/ ههههههههه مش قادرة أتزغزغ قال ههههههههه حلوة يا زاهر عسسسسل
زاهر/ والله أنت اللى عسل فرز أول أيووووووخ
سندس/ بس بقا يا زاهر
زاهر/ ماتيجى جنبى وخلصى شغلك هنا بدل مكتبك أصلة مترب
سندس/ ههههههه مترب ومتزغزع لا لا بجد أنت عديت النهاردة هههههه
فرح/ أووووووف ممكن تقفل المسرحية دى بقا ونشتغل أيييية دة
زاهر/ وأنتى زعلانة لية ماتشتغلى
حد ماسكك
فرح/ من فضلك يا بشمهندس شوف شغلك٠٠،،، وقطع كلامها زاهر لما واقف أمامها وأنحنى بجزعة ليها ومسك كرسيها كأنة حاصرها وهو نظر لعيونها عايزك فى كلمتين برا ممكن ولفها بالكرسي وخرج
فرح/ أوووف الجو بقا حار لية كدة هو لية قربة خلى الكلام يهرب ،نظرت لسندس وجدها تعمل على الكمبيوتر، خرجت بكل ثبات لزاهر فى الممر
زاهر/ أنسة فرح فى موضوع كدة كنت عايز أخذ فية رأيك
فرح/ خير
زاهر/ أية رأيك فيا وبدون مجاملة
فرح / رخم
زاهر/ أية
فرح/ أقصد كويس شاب كويس
زاهر/ يعنى لو أتقدمت لبنت توافق عليا ، وكان قريب منها أوى
فرح/ هزت دماغها بنعم
زاهر/ حلو يبقا لازم تكونى موجودة فى كتب كتاب أختى بكرة وجودك مهم معايا ولازم سندس تكون معاكى أنتى ليكى تأثير أنها تحضر
فرح/ مش عارفة ممكن أحضر ولا لا
زاهر/ وضع أيدة فى جيبة ومال بجزعة بجوار أذنها وقال بعد ما بعد شعرها ،،علشان خاطرى محتاجك جنبى يا يا فرح أقصد يا أنسة فرح وسابها ودخل المكتب
فرح/ معقول دة زاهر الرخم أمممم ياخربيتك لخبطنى وأخذت نفس ودخلت مكتبها ونظرت لة وهو غمز لها أبتسمت لأول مرة لة ورجعت شعرها وراء أذنها وحاولت تنشغل فى العمل وهى سعيدة
[وبعد وقت ]
أتى زاهر ووضع أمام فرح مج النسكافيه ،،،ممكن تقبلى منى دة من يوم ما أشتغلت هنا وأنتى بترفضى حاجة منى
فرح/ نظرت للمج على مكتبها ثم لزاهر ،،لا نقبل وأخذت المج وأرتشفت منة بخجل
زاهر/ أبتسم ،أيوة كدة بلاش تخلى فى فرق بينا دة عشرة سنين مع بعض
سندس/ الله الله وأنا يا سى زاهر ماليش حاجة ولا أية
زاهر/ لا طبعآ ليكى كل حاجة أتفضلى شكولاتة عارف مالكيش فى النسكافيه
سندس/ خطفتها منة واكلتها شكرا
زاهر / بألف هنا
فرح/ شعرت أنها مضايقة مش عارفة لية لكن تجاهلت الأمر وأنشغلت بالعمل
وبعد العمل توجهت لبيتها وجواها سعادة ودخلت غرفتها ووقفت إمام المراية وأفتكرت كل كلمة زاهر قالها وقربة ليها ، لا لا فوقى يافرح دة زاهر دة أنا ماكنتش بطيقة فى الجامعة وبعيدة عنة فى الشغل معقول يكون بيحبينى يبقا بابا صح لما تتجاهلي الشاب ويشوفك راجل فى المعاملة يجرى وراكى وأتنطتت وسقفت أمممم أكيد عايز سندس معايا بكرة علشان تضغط عليا ونوافق لو طلب أيدى يالهووووى ذى الروايات اللى بقرأها لازم أجهز نفسى وأشترى طقم جديد وأنتبهت على صوت أبوها
الاب/ فين مرتبك
فرح/ بفرحة أتفضل
الاب/ أخذ الفلوس وخرج
فرح/ مش مهم المرتب وأخذت المفتاح وفتحت الدولاب اللى فية فلوسها اللى محوشاها من وراء أبوها لكى تشترى طقم وتعمل شعرها أية دة ٠٠٠٠٠٠٠٠