قصة لم تكن النهايه
البارت السادس 6
بقلم عفاف شريف
انتفض جاسر بسرعه وحملها وقال بفزع : مالك في ايه
واكمل وهو يتفحصها بقلق : حصلك حاجه
ميلا ببكاء شديد : في ست وحسه زعقتلي يا جاسي وكانت هتضيبني
( في ست وحشه زعقتلي يا جاسر وكانت هتضربني)
جاسر بعصبيه : مين دي و
كاد يكمل
إلا و دخلت فتاه ترتدي ملابس ضيقه للغايه تظهر مفاتنها بسخاء
وقد صبغت شعرها بالون الاصفر
وتغطي وجهها بمساحيق التجميل
الفتاه وتدعي ياسمين
ياسمين : هاي جا
ولم تكمل فقد
رأت ميلا تندس باحضان جاسر
ياسمين بعصبيه : ازاي تسمح للاطفال أنهم يدخلو الشركه
ميلا ببكاء وهي تتشبث به أكثر : هي دي الوحسه يا جاسي
وكأنها أشعلت فتيل القنبله
جاسر بغضب والشر يتطاير من عينيه : انتي ازاي تجيلك الجرائه انك تزعقلها
ياسمين بخوف من مظهر جاسر الغاضب ردت بتلعثم : مين دي اصلا
جاسر بغضب :دي صاحبه الشركه الي انتي جايه تتشتغلي معاها
ميلا الحديدي
واكمل ببرود : اعتذري
ياسمين بكبرياء: انت عايزني اعتذر منها يا جاسر
جاسر بصوت عالي : اعتذري
كانت تعلم انه يجب تنفيذ ما يقوله والا ستحدث كارثه
ياسمين بغيظ : اسفه
جاسر بهدوء: تمام
واكمل ببرود: الصفقه اتلغت
ياسمين بصدمه : ايه
واكملت برجاء فقد كانت فرصه الشراكه من جاسر هي طوق النجاه الوحيد لإنقاذ شركتها
ياسمين :ازاي يا جاسر انت عارف انك كدة بتدمرني
جاسر بهدوء : اظن لكل غلط عقاب
واكمل :برة
ياسمين برجاء : جاسر لو سمحت
جاسر ولم يدع لها فرصه لتكمل: برة الكل برة
خرجت ياسمين تجر اذيال خيبتها
وخلفها الجميع
جلس جاسر بميلا علي احدي المقاعد
وهي تبكي بشدة
جاسر بحنان وهو يمسح علي شعرها: خلاص يا حبيتي
انتي معايا مستحيل حد يقدر يقرب منك
ميلا ببكاء وهي تتشبس بقميصه : انا خفت يا جاسي
( انا خفت يا جاسر)
جاسر بحب: ميلا مينفعش تخاف وجاسر معاها
واكمل :وثم الدموع دي غاليه اوي يلا اضحكي عشان افسحك انهاردة واجبلك لعب كتيرة
ميلا وقد خرجت من حضنه ومسحت وجهها بظهر يدها
ضحك جاسر علي مظهرها حتي ظهرت غمازتيه
نعم تلك الغمازت ساحرة الفتيات
فقالت بطفوله : بجد
جاسر بحب : بجد يا اميرتي
وتوجه بها للخارج
في منزل سعاد
جلست ميرا وسعاد بتعب
فلقد تم تنظيف المنزل بنجاح
ميرا :انا تعبت
سعاد:وانا كمان
لتخرج نور من المطبخ وتقول: وانا كمان
ضحكتك ميرا
ونظرت سعاد لنور بغضب وهي تقول : انتي ايه يا حببتي
نور وهي تبتلع ريقها : احم وانا كمان تعبت يا ماما
سعاد بعصبيه : وانتي عملتي ايه يا روح امك
نور بمزاح وذهبت لتجلس بين امها وميرا : هقولك يا ست الكل
انا جبت الطلبات وكمان نظفت الاوضه
سعاد بغيظ وسخريه : يا عيني قطعتي قلبي
كل ده ده يا عين امك
كل هذا وميرا لا تستطيع تمالك نفسها من الضحك
نور وهي تهمس لميرا : خليكي محضر خير وادخلي بسرعه
لحسن هنام علي السلم
ميرا لتغير الموضوع : انا جعانه
سعاد : وانا كمان
نور : وانا كمان
سعاد بغيظ : هو كل حاجه وانا كمان
نور بضحك : يعني ايه اموت من الجوع
سعاد وهي تتجه للمطبخ : لا موتيني انا
ضحتك كل من ميرا ونور
وأخذت نور ميرا لتريها ملابسها
نور : ميرا انا جهزتلك اللبس اهو البيتي والخروج
ميرا بخجل : انا اسفه انا عرفه اني هشركك لبسك
بس للاسف مش معايا هدوم
نور بتوبيخ :احنا قولنا ايه اخوات يا ميرا اخوات
احتضنتها ميرا
وأخذت الملابس وتوجهت للحمام
وتوجهت نور للمطبخ لتساعد سعاد
أنهت ميرا حمامها
لتجد نور تجلس تشاهد التلفاز
ميرا :حقيقي كنت محتاجه اخد شور
نور بضحك:عشان كدة بكره الترويق
ميرا ببتسامه:هو مش وحش انا اصلا معملتش حاجه
ممتك خلتني اعمل الشغل البسيط
وهي يعيني ادبست
ليقطعهم صوت سعاد وهي تخرج من المطبخ عملتلكو مكرونه بالبشاميل
إنما هتكلو صوابعكم وراها
ميرا : الريحه بتتكلم
نور بفخر : وانا عملت السلطه
سعاد بغيظ: بت انتي بتفقعي مرارتي اسكتي
نور بمزاح : ليه كده دة انا عسل والله
بدأت نور وميرا تجيهز الطاوله
ليتناولو الطعام
كان الجميع يتناول الطعام وسط مزاح نور
لتقول سعاد : بنات انا بكرة باذن الله نزله الشغل
مستر عدي راجع النهاردة وجدول أعماله مليان
عشان كدة ممكن اتاخر
ميرا : تروحي وترجعي بالسلامه
نور : بس يا ماما دة بيتعبك اوي
سعاد بمزاح : اه بتعب بس احسن من مستر جاسر
ميرا : مين جاسر
سعاد : دة يبقي صاحب الشركه
ومستر عدي شريكه
بس هو عصبي ومعندويش في الشغل يما ارحميني
ميرا : يا ساتر
واكملت طب عدي
سعاد : لا مستر عدي هادي ومرح
ولاني شغاله معاه بقالي اكتر من ثلاث سنين
ف عرفه نمط شغله
وقبلها كنت شغاله مع مستر عز الحديدي
والد مستر جاسر
ميرا : اه
سعاد : انا كلت الحمد لله
ميرا ونور : وانا كمان
انتهو من الطعام وغسلت ميرا ونور الاطباق
واتجهو للنوم
نور وهي تقبل يد امها
نور : تصبحي علي خير يا مامتي
ميرا : وهي ايضا تقبل يدها ك نور
تصبحي علي خير يا ماما
سعاد ببتسامه : تصبحو علي خير يا حبايبي
لتذهب كل من نور وميرا غرفه نور أو غرفتهم
كما أصبحت
نور وهي تستلقي علي السرير: اه تعبت
ميرا وهي تتثائب : وانا بنام
ضحتك نور : وانا كمان
ليغطا معا في نوم عميق
في احد المولات الشهيرة
تحديدا في أحد محلات ملابس الاطفال
كان جاسر يختار أحد الفساتين ل ميلا
ليشتري لها الكثير من الملابس والالعاب
وتناولوا الطعام والمثلجات
انتهت ميلا اخيرا من المثلجات الخاصه بها
لتندس باحضان جاسر وتقول: ميلا عايزة تنام
ربت علي شعرها بحنان
وحملها
ليتوجه بها الي السيارة
وخلفه الحراس بحقائب ميلا
نامت ميلا في طريق العوده
وبعد مدة
وصلو الي الڤيلا
ليصعد جاسر بميلا لغرفتها ووضعها بالسرير وقبل جبهتها ودثرها بالغطاء جيدا
وترك احدي الاضواء تعمل فميلا لا تحب الظلام
ذهب لغرفته وتوجه للاستحمام
ليخرج بعدها وقد ارتدي سروال اسود وتيشرت ابيض
ولم ينم بل توجه للشرفه
وظل يفكر بصغيرته وتفاصيل اليوم معاها
الي أن ظهرت صورتها أمامه وظل يفكر من هي
ولم لا يستطيع أن ينسي مظهرها
ولكنه تجاهل الامر ونهر نفسه بشده وتوجه للنوم
ظل قليلا الي ان سقط في بئر أحلامه
لكن لعلها ترافقه بها ايض
اشرقت شمس صباح جديد
في منزل سعاد
استيقظت باكرا لتلحق بالعمل
ف عدي نعم مهذب ولكن يكره التأخر وبشده
تجهزت وهمت للخروج الي أن وجدت ميرا تخرج من الغرفه
ميرا ببتسامه: صباح الخير
سعاد وهي ترتدي الحذاء : صباح النور يا حبيبتي
واكملت : صاحيه بدري ليه
ميرا ببسمه: عادي انا بصحي بدري في العادة
سعاد ببتسامه : طب انا همشي عشان متاخرش
الفطار في الثلاجه بس اعملوا الغداء يا ميرا لحد ما ارجع
ميرا بهدوء : تيجي بالسلامه
قبلتها سعاد وانصرفت سريعا
أما ميرا فتوجهت للحمام
أدت فرضها
وانتهت من قراءه الورد الخاص بها
وتوجهت لتحضير الافطار
أما في فيلا جاسر الحديدي
فكان يغط في نوم عميق
إلا أن شعر بثقل علي صدرة
فتح عينيه بنعاس
ليجد ميلا نائمه علي صدرة
جاسر ببسمه : بتعملي ايه
ميلا ببرائه: بصحيك
جاسر بضحك : ليه
ميلا بغضب طفولي : عشان نلوح السغل
( عشان نروح الشغل)
كاد أن يرد إلا ان سمع
شخص : لسه الحروف طيرة
التفت ميلا بتجاه الصوت
ولم يكن سوى عدي صديق طفوله جاسر وشريكه
ميلا بفرح وهي تركض له: عدي
واكملت وحستني ( وحشتني)
جاسر بغيرة : وحشك
هم كلهم يومين
وثم اكمل بمكر: دة بيتريق عليكي
ميلا وهي تنظر لعدي بغضب طفولي : رخم
وذهبت لجاسر تحت صدمه عدي وضحك جاسر
عدي وهو يشير إلي نفسه : انا رخم
هزت ميلا راسها بمعني نعم
ضحك بشدة وقال بخبث: وانا الي كنت جيبلك لعب
ميلا بفرح : بجد
عدي : اه بس مش هديكي حاجه
ميلا وكادت تبكي وتقول لجاسر : جاسي مش هيدني
جاسر وهو ينظر ل عدي بغضب ويقول لميلا : هو يقدر
واكمل ببرود : روحي هاتي هدومك عشان البسك
عشان هتقضي اليوم مع عدي في المكتب
لا
قالها عدي بصدمه
وهو يقول لنفسه :اي مكتب هكذا لن يعمل
لتركض ميلا المتحمسه لتجلب ثيابها
فقال عدي ببلاهه: مكتب مين
جاسر وهو يذهب للحمام :مكتبك
جلس عدي وقال بغيظ: انت مش عايزني اشتغل صح
بعد مدة دخلت ميلا
تحمل ملابسها وقد اعطتها لها احدي الخادمات
ميلا وهي تنادي علي جاسر : يلا يا جاسي عسان تلبسني
وقد خرج جاسر بهذا الوقت وقال : خلصت يا حببتي
وكان قد انتهي من ارتداء ملابسه
عدي بتساؤل : هي طفشتها
جاسر بضحك : هي حاجه جديدة
عدي :دي مش بتكمل اسبوع
جاسر وهو يمشط خصلاته الكثيفه :اه والمرة دي مهمتك هتجبلي وحدة
تستحمل الي بتعمله ازاي معرفش
عدي : دبسني دبسني انا هقول لسعاد وهي تتصرف
جاسر : تقول لسعاد تقول ل ابراهيم اتصرف اقدامك يومين
عدي بصدمه : نعم
تركه جاسر وتوجه لميلا
وعندما شرع بتبديل ثيابها
صرخت
جاسر : ايه تاني
ميلا بعصبيه : عدي اخيج بيه عيب
( عدي اخرج برة عيب)
عدي بصدمه : عيب
ميلا : عيب تسوفني ( تشوفني)
ونظرت لجاسر: صح يا جاسي
جاسر : صح يا قلب جاسر
عدي بسخريه : صح يا قلب جاسر
عدي : قالها جاسر بعصبيه
عدي بمزاح : انا اصلا خرجت
خرج عدي من الغرفه وساعد جاسر ميلا لترتدي ثيابها
وقال : يلا يا ميلا روحي ل عدي
وافطرو وانا هنزل وراكي
ركضت ميلا للاسفل
وتوجهت لغرفه الطعام
عدي : يلا يا ميلا اقعدي افطري
جلست ميلا علي مقعدها وشرعت في تناول الإفطار
لينضم لهم جاسر بعد قليل
لتبدأء المعركه اليوميه
جاسر : يلا اللبن
ميلا بتفزز : وحس(وحش)
جاسر : مش هتروحي الشركه الا لم تشربيه كل يوم نفس الحوار يلا
ميلا بعيظ : هلوح (هروح)
جاسر بعصبيه مزيفه : البن يلا
واكمل بحنان : هجبلك العاب كتيرة
اقتنعت قليل لتمسك كوب البن وتبدا في تناوله
لينظر جاسر ل عدي بغيظ
وقال : قدامك يومين يا عدي
يومين وتجبلي مربيه تخلي بالها من ميلا
مفيش اي حد بيعرف يتعامل معاها
واكمل بارهاق :في شغل كثير اوي
وطول مافيش مربيه
ده بيخليني قلقان طول الوقت
عدي :خلاص انا هتصرف
تناولو الطعام وتوجه عدي لسيارته
وجاسر وميلا بسيارتهم وسيارات الحراسه خلفهم
وبعد مده
وصلو للشركه ودلفوا بطالتهم الخاطفه
ليذهب عدي لمكتبه
وجاسر وميلا لمكتبه بعد إلحاح منها
دخل عدي ليجد سعاد تعمل فقال ببسمه : صباح الخير
سعاد بعد أن وقفت احترام له قالت : صباح النور مستر عدي
ودخلت خلفه المكتب
ليجلس
ويقول: ها طمنيني في ايه مشاكل
سعاد بعمليه : لا يا فندم
في مستندات بس عايزة حضرتك توقع عليها
واكملت: تحب اقول لحضرتك عندنا ايه النهاردة
هز راسه بمعني نعم
وشرعت سعاد تبلغه بمواعيده اليوميه
وبعد أن انتهت قالت : حاجه تانيه مستر عدي
عدي متزكرآ امر ميلا : اه عايزك يا سعاد تدوري علي مربيه اطفال
تكون عندها صبر وتقدر تهتم بميلا
سعاد : تمام يا فندم
واكملت باحترام : حاجه ثانيه
عدي : لا شكرا
فتوجهت للخارج لتباشر عملها
أما في منزل سعاد
فقد ايقظت ميرا نور
وتناولوا الافطار وجلسو في التراس لشرب القهوة
والتحدث
نور : بس يا ستي انا اتخرجت السنه الي فاتت
تجارة انجلش ومع تقدير جيد جدا
ميرا بندهاش : وانا كمان اتخرجت السنه الي فاتت من تجارة انجلش بتقدير امتياز
نور بحماس : واو بجد ايه الصدفه دي
واكملت :بس ليه مشتغلتيش في شركه بباكي
ميرا ببسمه عندما تذكرت والدها الحبيب: صح جبت تقدير كويس بس انا مكنتش حبه شغل الشركات
نور وهي تحتسي القهوة: ليه دة حتي شغل مضمون
ميرا : اه بس انا كنت بخطط اني افتح مدرسه
بس مش مدرسه تعليمه الاطفال يخدو دش في دش
مدرسه للاطفال عشان انمي المواهب زي الرسم والكتابه واعلمهم القران وسيرة النبي( صلى الله عليه وسلم)
يعني مش مجرد دش في كتب
وميكونش مجرد حاجه اجباري وبتتنسي مع الوقت
حبيت أن المكان يكون مختلف
واكملت بنبرة حزن : بس ملحقتش
لم اتخرجت قعدت اخطط للمكان
وكمان اخترت الارض بس
كل حاجه انتهت قبل حتي ما تبداء
وخسرت سندي وضهري في الحياه
نور بعد أن جلست بجانب ميرا واحتضنتها : صدقيني دة اختبار من ربنا
ميرا وقد أخذت الدموع مجراها : انا عرفه بس احساس صعب اوي
نور : ربنا كبير اوي صدقيني هيعوضك
ميرا وقد خرجت من حضن نور : هو عوضني فعلا عوضني بيكم
نور وامسكت يد ميرا :احنا هتفضل جنبك
ميرا لتغير الموضوع : يلا نحضر الغداء لنطرد
نور بضحك : لا الطيب احسن
وتوجهو للمطبخ لتحضير الطعام
اما في لشركه
جاسر بهدوء : يلا يا ميلا روحي اوضه العاب
عشان عندي اجتماع
ميلا ببراءته : مس عايزة
جاسر : طب يا حبيبتي روحي اقعدي مع عدي هخلص وهاجي
صفقت ميلا بيدها وقالت : اوك وطبعت قبله علي خد جاسر
لتركض لمكتب عدي
كانت سعاد تراجع بعض الأوراق إلا أن وجدت ميلا تركض
وتقول : طنطي سعاد
سعاد : حبيبتي ميلا عامله ايه
ميلا ببتسامه : ميلا كويسه
سعاد :انتي دخله ل مستر عدي
اومئت لها ميلا
لتقول :ماشي تعالي افتحلك الباب
دقت سعاد الباب وفتحته بعد أن سمعت عدي يأذن بالدخول
ركضت ميلا فحملها عدي واجلسها علي ساقه
وقال :ميلا هانم منورانا بنفسها
ضحتك ميلا : وقالت : تعالي نلعب
ضحك عدي بشدة علي تلك المشاكسه فهي تعلم أنه لا يستطيع
رفض طلبها
فهو يحبها ويضعها في مكانه ابنته
عدي بمرح : نلعب منلعبش ليه
واكمل وهو ينظر لسعاد : هاتي عصير لميلا يا سعاد وانا عايز قهوة
سعاد باحترام : حاضر
وخرجت سعاد ودخل عدي وميلا لغرفه
بها بعض الالعاب
وشاشه لمشاهده افلام الكارتون
فجاسر خصص لها غرفتين غرفه بمكتبه
والاخري بمكتب عدي
وانقضي اليوم بين اجتماعات جاسر ولعب ميلا وعدي
خرج عدي من مكتبه وهو يحمل ميلا النائمه
عدي لسعاد : خلاص يا سعاد
تقدري تمشي
سعاد : تمام يا فندم
واخذ ميلا لمكتب جاسر
كان جاسر يمضي اخر ورقه ليذهب لاحضار ميلا
إلا أن وجد عدي يدخل حاملا ايها
توجه له وحمل ميلا وقال : بكرة اكمل يلا
خرج من المكتب ووجه كلامه ل ليلي : بكرة نكمل تقدري تروحي
ليلي بهدوء : امرك يا فندم
جاسر لعدي : تعالي نام عندي النهاردة
عدي بموافقه : ماشي
ذهب كل من عدي و جاسر للسيارة الخاص به
وانطلقوا للڤيلا
اما سعاد بعد أن غادرت الشركه
توجهت لأحد المولات لشراء هاتف لميرا
وتوجهت بعدها للمنزل
دلفت سعاد للمنزل
لتجد أن الاضواء مغلقه
والمنزل مظلم للغايه
توجهت نحو غرفه الجلوس
لتجدهم يشاهدون احد افلام الرعب
ونور متمسكه بملابس ميرا
توجهت لهم سعاد ببط
لتصرخ فجاه بصوت عالي
انتفض كل من نور وميرا
برعب
واثقين أن هناك وحش بالغرفه
ليجدو سعاد تضحك بشدة علي مظهرهم
نور بغيظ : ينفع كدة يا ماما كنت هقطع الخلف
ميرا بسخريه : كنتي
انتي قطعتي خلاص يا حببتي
نور بغباء : تظني
سعاد بنفاذ صبر : بت انتي وهي انا جايه تعبانه وجعانه
ناكل بعد كدة نشوف مين قطع الخلف
ميرا ونور بضحك : اوك
وضعت نور و ميرا الطعام
ليشرعو في تناوله
نور : عملتي ايه انهاردة يا ماما
سعاد : عادي بس بكرة يوم متعب
ميرا بتساؤل:ليه
سعاد : مستر عدي طلب مني ادور علي مربيه كويسه
لاخت مستر جاسر
ميرا : هي عندها قد ايه
سعاد :3 سنين ونص
ميرا : صغيرة اوي
سعاد بضحك :بس شقيه اوي وبتطفش المربيات
عشان مبتحبهومش
ميرا : يا لدرجه دي
اومئت لها سعاد
انتهو من تناول الطعام
وما زالت ميرا تفكر ف أمر ما
انتهو من تناول الطعام
توجهت سعاد للغرفه
واحضرت الهاتف
وتوجهت لهم
ميرا بتساؤل بعد أن وضعت سعاد احدي الحقائب الصغيرة بيدها : ايه دة
نور بفوضل : افتحي
ضحكت سعاد علي ابنتها وقالت افتحي يا ميرا دة علشانك
فتحت العلبه
لتجد الهاتف
ميرا : دة فون بس انا مش هقدر اقبله
سعاد. بغيظ: هو مش انتي بتقوليلي ماما يبقي تخدي الفون من سكات
نور بضحك : حد يجيلو فون ويقول لا
واكملت عقبالي يا رب
سعاد بغيظ : انتي يا بت مش انا لسه جيبالك لاب توب
نور بمزاح : مالك يا سوسو دة انا حتي زي بنتك
سعاد : طب اوعي يا بنتي عشان ادخل انام
واكملت تصبحي علي خير يا ميرا
نور بغيظ : انتي متأكدة اني بنتك
سعاد بمزاح : لا لاقيتك علي باب جامع وتوجهت لغرفتها
ميرا وهي تحاول كبت ضحكتها
نور بغيظ : طلعيها طلعيها
ضحتك ميرا بشدة
اوبا نسيت: قلتها بسرعه
وهي تركض لغرفه سعاد ونور خلفها
كانت سعاد ستنام إلا أن استمعت صوت ميرا
فقالت: ادخلي يا حببتي
دخلت ميرا وخلفها نور جلست ميرا ونور بجانب سعاد
فقالت سعاد : عايزة حاجة يا حببتي
ميرا بحماس : عايزة اشتغل
سعاد بهدوء : تاني يا ميرا يا حبيتي شغل وبهدله ايه بس
ميرا ببسمه : بس دة مش بهدله خالص
سعاد : ليه فين دة
ميرا بهدوء :هشتغل مربيه ل ميلا.