قصة عشقت بالصدفه
البارت الرابع 4
بقلم مجهول
كريم :انا كنت أتوقع منك اي حاجه، بس متوقعتش تزعلي زينه ف يوم زي دا وتهيني صحابها بالشكل دا
(وطلع لزينة اوضتها)
اسما :دلوقتي بقيت انا ال غلطانة
رانيا :سيبك انتي، هما شويه وهيهدو، خلينا نكمل الحفله
كريم خبط على اوضه زينه ودخل
لقي زينه بتعيط على السرير
كريم قعد جنبها :مالك بس ي قلبي
زينه وهي بتعيط :شفت مامي عاملت صحابي الزاي، انا مكنتش اتوقع انها تعمل كدا، دول صحابي ي كريم، صحابي، ومامي هانتهم بطريقه وحشه جدا،
تعرف، دا اسوء عيد ميلاد عدي عليا، انا مش عارفه ماماي بتعمل كدا ليه
كريم :ماتزعليش منها، انتي عارفه ماما وحركتها، هي مقتنعه ان طالما احنا اغنيه يبقى لازم يكون كل صحابنا اغنياء، انا مش عارف اعمل معاها اي
زينه وهي بتمسح دموعها :ولو، مش منحقها انها تكلم صحابي بالطريقه المهينه دي
كريم حضنها :معلش، حقك عليا انا، يلا بقى ننزل نكمل العيد ميلاد، وانا اوعدك إن انا هعتزر منهم واحد واحد
زينه طلعت من حضنة :لا مش عايزه انزل، كملو انتو الحفله من غيري
كريم :ازاي يعني صاحبه العيد ميلاد متكنش موجوده، يلا ننزل وانا اوعدك اني هعتزر منهم
زينه :تمام، انزل انت وانا هاجي وراك
كريم بابتسامه :تمم
تحت ف الحفله
ادهم دخل الفيلا بشياكته المعتاده، وكل البنات ال ف الحفله بصوا عليه، وكمان كان لابس بدله رصاصي لون عنيه وكان ف قمه شياكته
اسما رحبت بيه :اهلا وسهلا بنجم الحفله
أدهم باس ايدها :اهلا
اسما :خطفت أنظار الحفله كلها
أدهم :دا المعتاد بتاعي، وبعدين انا برضو الخاطف الانظار، بصي على جمالك الاول
اسما : ههههههههه
أدهم : فين صاحبه العيد ميلاد، وفين كيمو
كريم نزل من فوق
كريم :اتاخرت ليه
ادهم:متاخرتش ولا حاجه
اسما :طب اسيبكم براحتكم بقى
ادهم :تمام
وزينه نزلت من فوق بعد ماظبطت مكياجها
وهي راحه لكريم وادهم اسما وقفتها :انا
زينه تجاهلتها وكملت طريقها ل كريم وادهم
أدهم بابتسامة :كل سنه وانتي طيبه ي قمر (واداها الهديه )
زينه :وانت طيب
ادهم:هي مالها
كريم :ماما ي سيدي دايقت صحابها، ومشيو من الحفله، اعمل حسابك هتيجي معايا ونعتزر منهم
ادهم: اوك، اعمل اي حاجة علشان زوزو القمر
كريم :انت بتعاكس اختي قدامي
[: أدهم : مهي اختي انا كمان ي عم
وبعدين انتو ال زعلتو صحابها، انا مال اهلي اعتزر ليه
كريم :ادهم، هتيجي معايا،
رانيا دخلت عليهم
رانيا :هاي ادهم
أدهم :هاي
رانيا :عامل اي
أدهم : كويس
رانيا : والله ي زينه مشفتش ف بجاحتك، صحابك اتهانو ومشيو وانتي قاعده تهزري
زينه بعصبيه :وانتي مالك، بتتحشري ليه ف الملكيش فيه
كريم :خلاص ي زينه، اهدي
(ووجه كلامه ل رانيا)
انتي مالك صحيح ي رانيا، وبعدين انا ال اقنعتها تنزل الحفله وهروح اعتذر منهم بكرا
رانيا :تعتذر؟، وانت تعتزر ليه، هما المفروض يعتزرو، ناس وقحه
كريم بحده : رانيا، انتي اتعديتي حدودك
رانيا :بس ا
كريم :يلا لو سمحتي روحي
رانيا : يعني اي
كريم :يعني تروحي ي رانيا، مش مفهومه دي، خلي السواق يروحك
رانيا خدت شنطتها ومشيت :ماشي ي كريم
أدهم :يظهر ان الحوار كبير
زينه :الحفله خلصت ي كريم، قول للناس الحفله خلصت
(وسابتهم ومشيت)
في بيت أحمد وندى
احمد قاعد ف الصاله وندى راحتله
زينه كانت بترن على أحمد بس هو مبيردش
ندى :دي زينه صح؟
احمد :اه
ندى :رد عليها، هي ملهاش زنب
احمد :مش هرد على حد، وبعدين انا غلطان اني وافقت اروح الزفت الحفله
ندى :ايوا ي أحمد بس هي ملهاش زنب، زنبها انها حب
احمد قاطعها بعصبيه :ايوا زنبها، علشان المفروض مكنش دا يحصل، هي مستواها أعلي مني، معاها فلوس وغنيه، واحنا ناس ع قد حالنا، انا عمري ما لمحتلها بحاجة، ولا وعدتها بحاجة، يبقى زنبها ولا مش زنبها
(وسابها ودخل الاوضه )
وندى اتنهدت
تاني يوم عند كريم وزينه
كريم كان ببفطر مع مامته على السفرا وزينه نزلت علشان تروح الجامعه
اسما : صباح الخير ي حببتي
زينه تجاهلتها وبصت ل كريم
زينه :انا رايحه الجامعه ي كريم عايز حاجة
كريم :مش هتفطري
زينه :لا مليش نفس
(-ومشيت)
اسما :هي هتفضل تتجاهلني كدا كتير؟
كريم :من حقها
اسما :بس انا امها
كريم :الام بتبقي عايزه مصلحت وسعاده عيالها، وانتي عملتي العكس، عن اذنك
(وقام راح الشركه)
في شركه أدهم وكريم
أدهم وكريم وصلو الشركه ف نفس الوقت،
ونزلو من العربيات
أدهم وهو بيخلع النضاره :صباح الخير
كريم وهو بيخلع النضاره :صباح النور
أدهم : لاسف ورانا اجتماعات كتيره النهارده، مش هعرف ازوغ من الشركه
كريم :حتى ولو مش ورانا اجتماعات مكنتش هخليك تزوغ
أدهم :اووف، يلا نطلع الشركه
ودخلو الشركه وكل الموظفين وقفو ليهم احتراما ك العاده
أدهم دخل مكتبه والسكرتيره دخلت وراه
السكرتيرة :صباح الخير ي أدهم بيه
أدهم :صباح الخير ي سارا
سارا سرحت ف جماله
أدهم ابتسم:لو خلصتي بحلقه فيا زي كل يوم، شوفيلي اي المواعيد ال علينا النهارده
سارا :احم، حاضر حضرتك
في الجامعه
زينه دخلت الجامعه وراحت لندى وكارما، وكانت زعلانه، ومش عارفه تبص ف عينهم من الحصل امبارح
زينه :احم، مش عارفه اقولكم اي والله
ندى :هتقولي اي
زينه :انا والله العظيم اسفه جدا، مش عارفه ماماي عملت كدا ليه، بس انا مش عيزاكم تزعلو مني،
مش هستحمل زعل اي واحده فيكم
كارما حضنتها :احنا مش زعلانين منك ي هبله، هو احنا نقدر
ندى :وبعدين انتي مش ليكي زنب ف الحصل، وتعودنا علي سخافات مامتك
زينه :احم، واحمد عامل اي، مبيردش عليا
ندى : احم، ك كويس،
زينه :مبتعرفيش تكذبي ي ندى، هو زعلان مني صح
كارما :اه ي زينه زعلان، وليه حق ع فكره، اول مره يشوف اهلك ويقابلهم، ويحصل كدا، يبقى اكيد هياخد موقف،
زينه :اوووف، طب وانا زنبي اي، مهي مامي كدا اتبري من امي يعني
كارما بغل :وهي امك بس ال كدا، مهي الحربايه التانيه كدا برضو
كان نفسي اجيبها من شعرها كدا، وامسح بيها البلاط
زينه :معاكي حق والله، بس هنعمل ايه
ندى :طب يلا يختي انتي وهي ورانا محاضرات
أمام المطعم الشغال فيه احمد
أدهم وكريم ف العربيه
أدهم :هو دا؟
كريم :حسب اللوكيشن ال بعتته زينة
أدهم :تعالا ننزل
ونزلو ودخلو المطعم
وقعدو على طربيزه فاضيه، وندهو على الجارسون
الجارسون :اأمر ي فندم
كريم :حد شغال هنا اسمه احمد سالم
الجارسون :اه فعلا، موجود هنا
كريم :طب اندهولي
الجارسون :أمر حضرتك
وراح ندهو واحمد جه
أحمد :طلبتوني بالاسم
كريم :ممكن نتكلم خمس دقايق
احمد :مش هينفع، دا مكان شغل
كريم :٥ دقايق بس مش هنعطلك
احمد :تمام
كريم :انا جاي اعتزرلك عن الحصل امبارح، عارف انه ميصحش، وعيب الحصل دا، بس زينه مدايقه اوي من ساعه ال حصل، و طبعا اي حد مكانك كان هيعمل كدا، بس انا جاي لحد عندك مخصوص لان زينه طلبت اجي لحد عندك،
احمد : بس
أدهم :مفيش بس، وبعدين اظاهر انك مميز عند زينه اوي، دي قفلت الحفله ف نصها علشان خاطرك
كريم :ادهم، لم نفسك دي اختي
أدهم :هههههههه، طيب
احمد :هههههههه خلاص مفيش مشكلة حصل خير
ومفيش داعي للاعتذار
أدهم : حلو اوي مدام المشكله دي انحلت يبقى ناكل بقى، اصل وربنا هموت من الجوع
احمد :هههههههه
كريم :معلش، هو دايما همه على بطنه
اه نسيت اعرفك، دا أدهم الشريف صاحبي وشريكي ف الشغل
و ي أدهم، دا احمد بيكون اخو ندى، ال احنا هنروح نعتذر ليها دلوقت
أدهم :اهلا وسهلا
احمد :اهلا بيك
في ال جامعه
البنات قاعدين على مدرج الجامعه
وفجأه دخل شابين بالعربية الجامعه، من كتر جمالهم وشياكتهم لفتو انتباه الجامعه كلها
دول يبقو كريم وادهم
كريم نده بنت :لو سمحتي
البنت وهي سرحانه ف جماله :ها؟
أدهم :بيقولك لو سمحتي، راعي انه اول مره يقول ل بنت كدا
البنت بصت ل ادهم:ينهار اسود، دا انت اجمد منه، عنيك دي ولا لنسسز
كريم : ركزي معايا، تعرفي بنت اسمها زينه هنا
البنت :اه اعرفها، قاعده مع صاحبتها هناك كدا
أدهم :شكرا ي حلوه
البنت :حلوه؟، يلهوي الحقيني ي بت ي سعاد
سعاد صحبتها جت :في اي
أدهم رفع حاجبه :سعاد،؟
كريم :دي ندهت على سعاد
وبعدين راحو على المكان ال البنت شاورت عليه
أدهم شاف ندى من بعيد
وخلع النضاره :دي هي
كريم :بتقول حاجة
أدهم :هي البنت ال ف النص هناك دي، مين؟
كريم :دي ندى، صاحبه زينه من زمان ، وتبقى اخت أحمد
أدهم ابتسم :اسمها ندى
لحظه بس، هي صاحبه زينه، وانا عمال الف حولين نفسي علشان اعرف اسمها، وف الآخر تطلع عارفها
كريم : وتعرف اسمها ليه، هو انتو اتقابلتو قبل كدا
أدهم :اه هحكيلك بعدين
يلا نروح
وراحو لهم
زينه والبنات وقفو
زينه :انتو بتعملو اي هنا
ندى بهمس وادهم باصص لها ومبتسم :هو بيعمل اي هنا
كارما بنفس الهمس : هو بيبصلك كدا ليه، انتي تعرفيه
ندى :هو دا ال حكتلكم عنه
كارما :هو؟، طب سبيني عليه
ندى مسكتها :استنى ما نفهم
زينه :اول مره تجيلي الجامعه
كريم :مش انا قلتلك هعتزر من صحابك
احم :ندى و كارما، انا جاي اعتزرلكم على الحصل امبارح
كارما :واحنا مش قابلين الاعتذار
ندى خبطتها :احم، مفيش داعي علي الاعتذار ي كريم، سوء تفاهم وعدي
كارما :سوء تفاهم اي، انتي مش كنتي موجودة وشفتي الحصل
كريم :معاكي حق، بس حصل سوء تفاهم وياريت تقبلي اعتذاري
ندى :ممكن افهم انت بتبصلي ليه
أدهم :لا يشيخه، على اساس اني هموت واشوفك يعني،
كريم:احم، دا أدهم صاحبي،
احنا لازم نمشي ي زينه عايزة حاجة
زينه :لا سلامتك
كريم مشي وهو كان عنيه علي كارما، ي ترى قبلت اعتزاري ولا لا
وادهم مشي وهو عينه على ندى ، اخيرا عرف اسمها