قصة عشقت بالصدفه
البارت الثالث عشر 13
بقلم مجهول
في منزل ندى
احمد /أدهم قالي على كل حاجة
ندى بتوتر /احم. ك كل حاجه ازاى يعنى، ازاي هو في حاجة، علشان يقول كل حاجه
احمد /اهدي بس مالك كدا وشك احمر
ندى /ما تقول ي أحمد ادهم قالك اي
احمد /قالي انه بيحبك
ندى /اي دا بجد
بيحبني. متوقعتش دا خالص ع فكره. يعني ملمحليش ولا بأي شكل. اتفجأت الصراحه
احمد /خلصتي
ندى /يعني
احمد /بطلي بقى كدب ولف و دوران. هو بيحبك وانا عارف انك بتحبيه
وكمان عارف انك كذبتي عليا طول الفتره دي
وانكم اتقابلتو
ندى /والله ي أحمد كل مره بتكون صدفه والله
بعد يوم
زينه قافله على نفسها من ساعه ال حصل ومبتردش ع حد
كريم من خلف الباب /ي زينه افتحي بقى انتي بقالك يومين حابسه نفسك ف الاوضه
الام /انا مكنش قصدي أمد ايدي عليكي والله. سامحيني
كريم /خلاص ي ماما سبيها لوحدها شويه
اسما /بقالها يومين مكلتش ولا طلعت من الاوضه هتفضل كدا
كتير
كريم /حضرتك السبب. انتي ال مديتي ايدك عليها وانتي ال رفضتي احمد من غير ما تقابليه علشان تفكيرك بيقولك انه اقل مننا. فيها أي لو وافقتي على احمد. لو كنتي وافقتي مكنتش عملت حاجه من ورانا. فكري ف الموضوع واكسبي بنتك احسن
والا هتفضل ف الاوضه ومش هتطلع ولا هتسامحك على ال عملتيه ابدا
كريم سابها تفكر ف كلامه ومشي
في المطعم الشغال فيه احمد
الشله متجمعه
كريم/برضو مش راضيه تطلع من الاوضه
ندى /اوووووف
كارما /وكمان مش راضيه تقابلنا
احمد /كان ممكن اكلمها ف التليفون بس هي قافله التليفون، انا قلقان عليها اوي
أدهم /انا شايف ان دي احسن طريقه ل اقناع طنط ب ارتباط احمد وزينه
ندى /ازاي
احمد /إزاي
كريم /ازاي
أدهم /اهدو.
يعني خلينا نبص للنقطة الايجابيه
قصدي يعني ان لو فضلت حابسه نفسها ف الاوضه ومش بتشوف حد. كدا هتخلي طنط تفكر تاني وتوافق على أحمد.
احمد / فكره حلوه جدا. جدا يعني. احنا كدا استفدنا اي مهو حبيبتي حابسه نفسها ف اوضه ولا بتاكل ولا بتشرب
كريم /وله. متقولش على اختي حببتي قدامي
احمد /حاضر هبقي اقول من وراك
وراح يكمل شغل
ادهم قرب من ندى
أدهم بابتسامة /اي بقى
ندى /اي
أدهم /اي اي
ندى ضحكت /انت ال في اي
أدهم /ضحكت يعني قلبها مال
ندى /عايز اي ي أدهم. مش قلتلك ملكش دعوه بيا تاني
أدهم /شغل التقل دا بقى
هشتاج اتقل تاخد حاجة نضيفه
مهو احمد قالك ان قلتله كل حاجة صح ولا اى
ندى /صح
ادهم /بحبك على فكرة
ندى /بجد
ادهم /اوي
ندى /وانا يعني. وانا كمان
احمد حط قدامهم المنيو بغيظ /احححححم. هتطلبو حاجه
أدهم /احم آه هنطلب طبعا. هنطلب عصير
احمد /ماشى
ادهم/خد راحتك يعني. خدلك لفه وتعالي. الله يخربيتك كانت لسه هتقول الكلمه
أدهم /احم. كنا بنقول اي
ندى /انت ال كنت بتقول
أدهم /آه
كنت بقول بحبك
ندى /منا قلتلك وانا كمان
ادهم/وانا كمان اي منا مش فاهم. وانا كمان جعانه. وانا كمان بالشاورمه ولا اى بظبط
ندى /انت عارف وانا كمان اي. متصتعبطش
أدهم /لا مش عارف. اعتبريني فقدت الذاكره اعتبريني مش فاكر ي ستي
ندى بابتسامة /بعد الشر عليك
كارما/ممحونه. كفايه محن انتي وهو. بطني وجعتني
أدهم /دي قاعده بتسمع بنقول اي
كارما /آه. ابقو وطو صوتكم شويه
أدهم وندي كملو كلامهم
كريم ل كارما بابتسامه /اي رايك نبقى نروح نلعب ملاكمه تاني
كارما /اظاهر انت مكتفتش بالضرب ال خادته
كريم /تؤ. ولا هذني
كارما /لا معلش مبخرجش مع حد غريب. هي مره واحده ومش هتحصل تاني. متاخدش ع كدا
كريم /ي ساتر ي رب
وبعدين. هي بتبدأ ف الاول my sister. وبعدين تنتقل ل my just friend. وبعدين اتخطبنا وبعدين اتجوزنا
عقبالك يعني
كارما /عقبالي ها؟
رانيا عاملة اي صحيح
كريم /هو انا لي كل ما اتكلم معاكي تجبيلي سيرة رانيا
كارما /علشان هي السبب ف الحصل ل زينه. حربايه وقحه
َ
أدهم وندى كانو بيتكلمو وفجأه في رقم اتصل على أدهم وادهم كنسل عليه
ندى /كنسلت ليه
أدهم بتوتر /احم. دا من الشغل. خليني قاعد معاكي شويه.
اي رايك نتغدى سوا النهارده
ندى بابتسامة /ماشى
والرقم رن تاني
ندي/رد ي أدهم يمكن فيه حاجة مهمة
أدهم قام بعيد عن ندي ي رد
أدهم /الو
البنت /مش بترد عليا ليه
أدهم /هو انا مفروض ارد عليكي َولا اي
البنت /اطلعلي برا انا واقفه مستنياك قدام المطعم
أدهم /الله يخربيتك
وطلع لها برا
أدهم بعصبيه/انتي بتواقبيني ولا اى
البنت بدلع /اي ي بيبي انت بتتكلم معايا كدا ليه.
أدهم /اتكلمي عدل ي مروه
مفيش بيني وبينك حاجة علشان تقولي بيبي
مروه / لا فيه. فيه اني بحبك
أدهم /لا انتي مش بتحبيني. كل الحصل بينا انك كنتي مدايقه بسبب خيانه خطيبك ليكي. واتعرفت عليكي ف البار وانتي فضفتي وانا سمعتك. متخلنيش اندم اني عملت كدا
مروه /معاك حق ي أدهم الظاهر اني اتماديت. كله بسبب الواطي ال خاني. ومش هزعجك تاني
و حضنته
مروه /باي
أدهم اتنهد وكان هيدخل المطعم لقى ندى.
في فيلا اسما
اسما بتخبط على اوضه زينه
اسما /افتحي بقى ي حببتي علشان خاطري
زينه بعياط /مش هفتح ي ماما سبيني بقى، ويكون فعلمك مش هسامحك على ال عملتيه
اسما /طب خلاص. متعيطيش. انا موافقه على أن أحمد يجي يتقدملك
زينه /اييييه
اسما /آه بس افتحي
زينه راحت فتحت بسرعه /انتي بتتكلمي جد
اسما /آه. بس الاول تسامحيني
زينه حضنتها /طبعا مسمحاكي ي حببتي
اسما خرجتها من حضنها /بس هتبقى قرايه فاتحه بس. سامعه. يعني ولا الخطوبه ولا الجواز مش دلوقت
زينه حضنتها تاني وبفرحه/مش مشكله. مش مشكله
عند أدهم وندى
أدهم /د دي دي
ندى /دي اي ي أدهم. ولا اقولك مش عايزه اعرف. اصلا مش من حقي اعرف لان مفيش حاجة ما بينا
أدهم /مفيش حاجة ما بينا اي. انا بحبك
ندى /لا انت مش بتحبني. ولا انا كمان بحبك. وانسى بقى ال انت قلته. وسبني ف حالي
(كانت هتمشي بس أدهم مسك ايدها بسرعه )
أدهم /انتي فاهمه غلط والله العظيم
ندى فلتت ايدها /اي بقى ال فهماك غلط. دا البت بتحضنك ف نص الشارع. مشفتش وقاحه كدا. وانت كنت فكراك اتغيرت
أدهم /انا اتغيرت والله وانتي الغيرتيني. بس ال شفتيه من شويه دا مش صح
ندى بعصبيه /امال اي الصح
أدهم /انا اتعرفت عليها من فتره. هي كانت مدايقه بسبب خيانة خطيبها ليها. وانا وقفت جنبها. بس
ندى /وانا المفروض أصدق
أدهم مسكها من ايدها /هنروح لحد عندها وانتي اسأليها بنفسك
ندى /سبني ي أدهم انا مش جاية معاك
أدهم شدها وركبها العربيه بالعافيه. وبعدين ركب
ندى بعصبيه /قلتلك مش عايزه اركب معاك
ادهم/مش عايز اسمع صوتك
ندى /اوووووف
في المطعم
احمد جري على كريم وكارما
احمد بفرحه /مامتك وافقت اني اجي اتقدم ل زينه
كريم حضنه /بجد
كارما /ازاي
احمد /زينه كلمتني من شويه. قالت إن مامتها وافقت
كارما /اخييرا
احمد /وزينه جايه على هنا كمان شويه
رانيا قاعده مع اسما
رانيا /ازاي توافقي على حاجه زي دي ي طنط
اسما /كان لازم اعمل كدا علشان اكسب بنتي
رانيا /بس دا ممعهوش فلوس
ومش من مستواكو
اسما /انا اتفقت معاهم انها تكون قرايه فاتحه بس. وبعد كدا زينه اكيد هتزهق منه ومن فقره. وهتسيبه
رانيا /ههههههه صح. وبكدا انتي هتكوني عملتي ال عليكي
اسما/ههههههه بدأتي تفهميني
أدهم وندى وصلو ال مكان ال أدهم قال ل مروه تستناه فيها
أدهم /انزلي
ندى وبعت ايدها /مش نازله
أدهم /لازم اعمل كل حاجة بالقوه
ونزل من العربيه ونزلها بالعافيه
َََوراحو ل مروه
مروه /اذيك ي أدهم
أدهم /انا تمام.
دي ندى خطيبتي. وفهمت غلط لما شفتك واقفه معايا. ممكن تشرحيلها اي ال حصل
مروه/أدهم ساعدتي جدا ال فتره ال فاتت. خطيبي خاني قبل الفرح بكام يوم. ووقتها رحت البار منهاره. وادهم وقف جنبي لحد ما بقيت كويسه
ولما رحت ل أدهم النهارده المطعم كنت بشكره على ال عمله.
ندى /يعني مفيش بينكم حاجة
مروه/لا طبعا. عايزة اقولك أدهم بيحبك اوي. واتغير بسببك. معدش أدهم بتاع زمان خالص
ادهم /شكرا ي مروه
مروه /العفو
وركبو العربيه تاني
أدهم /مش عايزه تقولي حاجة
ندى بخجل /انا اسفه بس لما شفتها ف حضنك اتعصبت وفكرت في بينكم حاجة و ومكسوفه اوي من ال عملته داا
أدهم /وبالنسبه ل. مبحبكش ال تقالت
ندى /انت عارف اني كنت متعصبه وقتها
أدهم /طب طالما هديتي قوليلي بحبك
ندى بخجل /اييه
أدهم /بحبك
ندى /بحبك ارتحت. يلا بقى رجعنا المطعم تاني
أدهم ابتسم /ماشى