البارت السابع والثلاثون 37 الجزء الثاني
بقلم نجلاء فتحي
[داخل فيلا جاسر ]
(تحديدآ غرفة نومة )
وبعد ماحكى لها إللى حدث فى الشركة من أول الست إللى رمت نفسها على أبنها وهو خرجها من الشركة مسحولة لحد قرار حازم وأعتبر بنتة ميتة
أمل وضعت محمد الصغير على السرير يلعب ،،،وقالت بغضب / هو يطول أبنى ،إيش حال أنت أعز أصحابة وربى ميطول بنتة وأجوزها للواد دلوقتى هو أبنى كخة
جاسر بعقل/ أهدى ،الموضوع صعب أولا البنت رفضت كدة وأبوها واقف وكبرت بية وبعدين مصطفى وشة وجسمة أنتى عارفة إللى فيها لو عندك بنت تقبلى بمصطفى إللى عجبك فيا لحد الأن عينى
وشكلى
أمل/ الحب ميعرفش كدة وربى كنت حاسة وبقول أخوات ،أسمع حازم صاحبك يو لع المهم مصلحة أبننا
جاسر/ مش فاهم
أمل بمكر/ علشان غبى يا حبيبى بتبص للسطح بس
جاسر/ بفكر أرجع البت لأبوها
أمل بتأفأف/ خايف على صاحبك وأبنك لا ،،عيالنا أهم وسعادتهم كفاية محمد إللى ضاع منى ،،،أنت أكتر واحد المفروض تفرح بمصطفى بشخصيتة أختار واحدة هادية ذى إيلن تستحمل غضبة وشكلة والأكتر مش لمس واحدة مش طالع ذى ناس
جاسر/ تقصدى أي
أمل/ ولا حاجة البت فين
جاسر/ مع مصطفى
أمل بشهقة/ فى أوضتة
جاسر/ لا ،،،،،يارب أعرف بس خدها هناك يومة مش معدى البنت أمانة
لوت أمل فمها وبرطمت بالكلام ثم حملت محمد الصغير وقالت تعال يا حمو نشوف عمك الموكوس أبو قلب كوتش دى
جاسر/ فين جنة مش شايفها من الصبح
أمل بعدم أهتمام/ تلاقيها فى المدرسة أو هنا ولا هناك معرفش
جاسر/ لازم محمد يحس بأمة
أمل بأنفعال/ عند أمك يا جاسر وعملت حركة غير لائقة وخرجت
شد جاسر شعرة بعنف وقال المفروض إللى ذى يتجوز واحدة هادية وضعيفه ومؤدبه مش قليلة الأدب ماشى يا نجلاء الزفت أنتى مجوزانى أمل أوووف
بقلم نجلاءفتحى عاشقةالكلمات
______
[فى بيت أحمد وزينب]
جنة تبكى ومنهارة
زينب/ صوتك مسمعهوش خالص جاية تشتكى دلوقتى كل لما أكلمك تقولى ذى الفل أقولك وجوزك تقولى زى الفل وابنك زى الفل وأختى عاملة معاكى أية تقولى أطيب قلب فى الدنيا
أحمد بضيق/ براحة يا زينب بنتك غلطانة جاية بعد الواد لما فهم عقلة وتعيط
زينب/ ماشى يا أمل مش كفاية ماسة بنتى عايزة تموتى دى كمان
أحمد/ أستغفر الله العظيم من كل ذنب عظيم ،اتجننتى ماسة ماتت ورا جوزها إللى كلنا نكرنا وجودة بعد موتة ،،،،أختك ملهاش ذنب ودلوقتى خلينا فى الحى الميت فى دار الحق منغلطش فية
لطمت زينب/ عايزنى أسكت
أحمد بعقل/ لا واجبنا نساعد ونصلح مش نخرب وندمر متنسيش أمل قبل متكون أختك وبنت عمى أبويا رباها معايا ولحد دلوقتى عمرها مغلطت فيا وبتحترمنى ذى أبوها أمل مقدرش أقسى عليها حتى ماسة لما ماتت عزرتها ذى ما أنتى قلبك وجعك على فراق بنتك هى كمان محرو قة ،،على. موت محمد أبنها ، أمل متمسكة بحفيدك مش علشان حفيدها هى كمان لا علشان أسم محمد حى فى البيت فهمتى
زينب / أنت مع مين معاها ولا مع بنتك
أحمد/ مع الحق ،،أختك بعد موت أبنها أتغيرت بواحدة تانية حتى شغلها سبتة مش عارف حاسس أمل رغم السنين دى مش متقبلة موت أبنها دى تربية إيدى وأفهمها
زينب بغل/ وبنتنا وأبنها
أحمد بهدوء/ بنتك السبب
جنة ببكاء/ كنت عايزنى أقف قدامها وأنت عارف طبعى الهدوء ,,,دى خالتى قبل متكون حماتى
أحمد/ لا كنت شاركينا الحوار مش تقفلى على نفسك وأنتى عارفة السفينة مخرومة والماية تطولها أستنيتى لما مش عارفة تسدى الثقب وبتغرقى وبتطلبى مساعدة وأنتى فى نصف البحر وأحنا على الشاطى طب أزاى
جنة/ هتسبونى ،هتتخلوا عنى أروح لمين عااااااا
أحمد/ جوزك موقفة أية من الحوار دة مش شايف لية دور يعنى ولا تخبى تانى علينا
جنة أتوترت فهى أهانتة وتركت البيت بمزاجها فقالت سلبى مع أهلة ملوش كلمة دايما البيت فى مشاكل حتى معايا يهرب فى المرسم واللوحات بتاعتة بجد زهقت معاة مش عايزاة طلقني يا بابا طلقني
زينب جذبتها لحضنها وقالت أيوة يطلقها وأجوزها سيد سيدة
أحمد بحدة/ من أمتى بناتنا تتجوز مرتين من أمتى بناتنا تشتم وتعيب فى جوزها من أمتى بناتنا مش عارفة تعيش هااااا خالتك أمل إلى مش عجباكى دى عاشت فترة لوحدها بطولها وبعيالها ها خلت عمك جاسر بيعمل ليها ألف حساب أنتى أزاى متعلمة ومش عارفة تعيشى زمان الستات الجهلة كانوا بيحفظوا على بيتهم ويديروا عيلة لوحدهم ويبقوا أزواجهم جزم وبيتهم مش خربينة ومستحملين العيشة وإللى فيها ،جوزك طيب طبعة هادى مش عيب دة ميزة مش قادر يعارض أمة ويقف قصدها علشان أبن أصول وبيحبها ويحترمها ومقدر إللى هى فية ،تكونى مبسوطة لما يخسر أمة بسببك ،،،يا بنتى إللى يحترم أمة يحترم مراتة ويحافظ على بنتة دة كفاية محمود جوزك عمرة مضربك ولا هانك وسايبك تشتغلى ومريحك عايزة أية تانى
جنة بهياج / أبنى عندة خمس سنين مش بيقولى يا ماما كلة تعاملة مع خالتى أمل وبيقولها يا ماما
أحمد/ كنتى فين حضرتك كل دة فرحانة بشغلك اكيد والميس جنة النهاردة بتتكرم أحسن ميس فى الإدارة التعليمية الميس جنة حصلت على أفضل مدرسة هذا الشهر وغيرة وغيرة ،لأسف نجحتي فى شغلك وفشلتى فى حياتك وبيتك يا ميس أوعا تسمعى كلام أمك عندك فرصة لسة البيت دة مفتوح ليكى أقعدى كام يوم هدى أعصابك ورتبى أمورك بينك وبين نفسك لكن تطولى وتقولى غضبانة تخدى بالجزمة ،،ثم أعتدل فى وقفتة وقال جيل مهبب مدلعين علشان عارفين وراكم ظهر ياتكم ستين نيلة جيل فاشل الله يرحمك يا أمى أنتى وجيلك جيل الطيبين صحيح ورحل وأجبر زوجتة بالرحيل وتركها لوحدها فهو شايف أنها أخطأت ،أمال لو عرف أنها أهانت زوجها ماذا يفعل
،،،بكت جنة بشدة تشعر بالضياع
بقلم نجلاءفتحى عاشقةالكلمات
________
(فى بيت زين )
زين/سلامة قلبى
قدر / الله يسلمك يا بابا
زين بضيق/ خايف أظلم وأقول حد كب الصابون أدام عتبة شقتنا
دارين/ لو الكيس انقطع من الزوق يخبطوا على بابنا ينبهونا ، وبعدين دة أدام عتبة البيت وفى نصف السلم ومرشوش بحرفية يعنى مقصودة يا زين مقصودة
زين بحيرة/المهم رجليها بخير جزعة بسيطة وتخف بعد كام يوم وربى لو مقصودة العمارة كلها تشوف زين بتاع زمان مش إللى شغال فى الأستراد والتصدير
على العموم إللى بيأذى بيبان
قدر بحزن/ كنت عايزة أروح الشغل النهاردة يا خسارة فى دكتور ومعة بحث مهم ممكن أستفاد منه
زين/ صحتك أهم ،،دارين أعملى لحمة النهاردة خلى البت تتغذى وبالمرة أعزمى أبوكى
ضحكت قدر غصب عنها فأبوها يستغل الظروف علشان يعاملها طفلة وليست بنت و دكتورة وكبيرة ،
بقلم نجلاءفتحى عاشقةالكلمات
_____
(فى فيلا جاسر )
الحديقة، ،،يجلس مصطفى وبجوارة إيلن منهارة من البكاء وهو بيحاول يهديها طبعا داخل حضنة ،،،،،
طبت عليهم أمل وقالت أمسك متحرش يا صايع مستغل الظروف من أمتى أبو قلب كوتش نحنوح وأنتى ياختى ربنا أمر بالستر وأتبستى أكدتى الخبر كنت أنكرى,,
مصطفى لم يتزعزع من وضعة وقال لحق جاسر بية يبلغك تفاصيل التفاصيل
أمل/ إللى عملتوة غلط وربنا أمر بالستر مش لازم تتكلم وأنتى تأيدى
إيلن/ بابا اتبرى منى 😭😭
أمل بحدة / أخرصى بقا أوووف من الأخر بتحبى البأف دة
إيلن/ دفنت وشها فى صدرة وقالت أيوة ،،
أبتسمت أمل مهما كان مصطفى أبنها تريد سعادتة فقالت،، بت عايزة اتكلم معاكى لوحدنا ،،،
انخلع قلب مصطفى أبتسمت أمة لة وطمنتة بعينها
وبعد وقت فرحت أمل لان أبنها وجد نصفة التانى ومش فارق معاها شكلة ولا طبعة ووعدتهم يتجوزا لكن الصبر
مر أسبوع ومصطفى يوصل إيلن شغلها وياخذها منة ويسارع الساعة تخلص فى مواعيد العمل حتى يرجع البيت لأيلن أسبوع بالنسبة لمصطفى الجنة بعينها
أمل/ والله حاسة الاسبوع دة ليا أبن خير مبلط فى البيت يعنى، أيلن ألبسى نروح لأبوكى الجزمة إللى لا سأل ولا أهتم
مصطفى/ بلاش طول المدة دى فى الشركة مطلع عينى
أمل / هى كلمة ١٠ دقايق وتكونى قدامى يالااااا يابت
مصطفى/ بلاش يا أمى
أمل/ لمصلحتك يا نحنوح
بقلم نجلاءفتحى عاشقةالكلمات
________
[فى بيت قدر ]
خبطت على الباب سيدة فتحت ليها دارين وقالت أهلا يا حبيبتى اتفضلى
الست/ لا جاية أطمن هى قدر بخير
دارين أستغربت/ الحمد لله
غريبة سؤالك عليها
الست/ بقالها كام يوم مختفية تكون تعبانه
دارين حست أنها السبب فى أذى بنتها فقالت ذى الفل
الست بتوتر / من أسبوع كدة قالوا وقعت صح
دارين/ أيوة وقعت ومحدش يعرف خالص وأنتى بقا عارفتى منين
الست /انكسرت
دارين/ أعوذ بالله لا جزعة خفيفة ،،عارفتى منين
الست/ أبوها
خرج زين ليها وقال محصلش محدش يعرف حتى لو تعرفى جاية بعد أسبوع تطمني على عملتك
الست بتوتر/ أنا لية دة كنت عايزاها لأبنى المدرس
زين بغل/ كدة صح وعارفتى بالرفض انتقمتى، ،،أعمل فيكى أية
دارين/ جاية برجلك وشدتها من حجابها فى الأرض وضربتها حتة علقة فرجت عليها العمارة كلها فى نفس الوقت رضوان أبوها جاى زيارة ليهم وشاف كدة حاول يتدخل زين منعة
(بعد مدة )
رضوان/ مش مصدق بنتى أنا بلطجية ضربتى الست
دارين/ أنا تربية جوزى وبنتة وهو علمنى حقى أخدة بدراعى
تدخل زين حين لمح علامات الحزن على وش رضوان فدارى الموضوع وطلب من زوجتة تحضر الغداء بسرعة
بقلم نجلاءفتحى عاشقةالكلمات
_______
وصلت أمل وإيلن بيت حازم بدون حراسة فهى ساقت العربية بنفسها وإللى يعترض يا ويلة من بطش أمل 🤣
أمل للخادمة/ قولى لحازم الزفت أنا هنا ولا أقولك هو فين
الخادمة بأحترام فهى تعرف أمل / فى مكتبة
أمل/ طب وسعى ياختى، ،،شدت إيلن المنهارة وخايفة من مواجهة أبوها ،،اقتحمت المكتب وقالت والله عاااااال يا زبااااالة مش عااااايز تقابلنى والمحروسة العرة إللى جنبك إللى بعتبرها صحبتى ترموا بنتكم هانت عليك يا حازم الكلب أنت ضناك ياتك نيلة تاخدك وأرتاح منك
حازم بضيق/ لمى لسانك و واطى صوتك محترم جوزك أعز أصحابى
أمل / عملت بيها ياابن******
حازم بغضب/ أملللل
أمل بعصبية/ لا ياحليتها صوتك ميعلاش عليا ودينى ميهمنى وأنسل شبشبى عليك
هنادى/ جرى أية يا أمل جاية تشتمينا فى بيتنا
أمل/ أنتى تسكتي خالص وعيالنا واحد كلام شعارات ترفضى أبنى لية ،،دة الموكوس جوزك وعايز يميل بخت بنتة بأيدة علشان أهطل وأنتى ترفضى أبنى لية كخة ولا كخة دة عسل دة طول بعرض صلاة النبى علية هوجن مع بنتك يحميها أي يعنى وشة نصفة مش سليم عادى هو الراجل يتعاب
حازم/ بنتى ماتت عايزة تتجوز تغور من هنا
أمل/ أما ناقص صحيح،،،، دموع بنتك مش وجعتك منظرها مش تعبك دلوقتى،، البت قولتلها أكتب كتابك قالت مش أنا إللى أعمل كدة لازم أفرح بابا وأنت جزمة
حازم/ بنتى ماتتتت
أمل بصراخ بقلب أم أتوجعت على فقدان أبنها وداقت مرار كلمة فقدان الأبن قالت بتدعى عليها بالموت لية ها علشان هتتجوز إللى حبها وهى بتحبة ربنا ميكتبها عليك تفقد حد من عيالك وجعها وحش طول عمرك غبى ومتهور أرجع بالذاكرة لورا أنت بوست هنادى وأكثر من مرة وغصب وواقفت قدام أهلها واتجوزتها ولحد الأن بسببك أهلها مقطعنها الواحدة لازم تحس بأهلها افرد بنتك على الحب دة أبنى غلط فيها ودة مستحيل مين يجيب حقها أنا مثلا فوووق يا أبن***** بنتك عايزة الواد خلصت يا حازم وخليك فاكر جبتها هنا ليك لو رفضتها يمين بالله لتكون خلال الأسبوع دة مرات أبنى مصطفى ووجودك طول العمر ذى قلتة ومطلهاش وأنت عارف أقدر أعمل أية
هنادى بدموع/ تحرمينى من بنتى
أمل بأنفعال/ أنتم مش عايزها أنا عايزاها عارفة لية علشان أيلن بنتى إللى مخلفتهاش مش زيك رفضتى أبنى يا أعز صحبة وأخت ليا لو بنتك فيها حاجة مش مضبوطة فى جسمها وابنى عايزها اعترض لا أرحب بيها وتكون فى حضنى من أمتى الشكل بيفرق أقسم بالله زين أبن جوزى دة أرجل راجل فيكم على وقفتة جنب مراتة قرر يا زفت عايز بنتك وتفرحها
ولا اخدها وأمشى
أيلن ببكاء/ مقدرش اتجوز مصطفى وبابا زعلان منى
زقتها أمل فى كتفة لحازم وقالت يبقا مبروك عليك بنتك فى حضنك وتنقهر على حبها وتكتم فى نفسها وتموت ذى ماسة مرات أبنى ساعتها أفرح يا حازم طلبتها ونولتها وأبقى بنتك الوحيدة ماتت بجد سلاااام وخرجت منتصرة لخارج الفيلا وجدت مصطفى الذى لم يصبر يقف بسيارتة أمام فيلا حازم وجرى عليها وقال إيلن فين سبيتها خلاص مفيش جواز
أمل/ أوووف مالك ياااض بقيت خرع لية فجرت القنبلة وحازم بنفسة يجيب بنتة لحد عندك تحت رجليك بس أتقل
مصطفى/ ولو مش جابها
أمل/ أمك هطلة ولا أية دة انا أمل والأجر على الله غور ياااض صدعتنى وركبت عربيتها وأنطلقت وهو كمان انطلق بعربيتة ومش مصدق أمة
بقلم نجلاءفتحى عاشقةالكلمات
______
(داخل فيلا حازم )
يامن من الموقف فهو يحب قدر وقال لأبوة يتجوزها رفض قرر يفعل شئ لو إيلن اتجوزت مصطفى
إيلن ببكاء ورجفة /بابى مش عايزنى خلاص مش عايزة أتجوز خالص المهم مش أبعد عنك
حازم هدأ من كلامها / لو رجعتى وقولتى بحب الزفت مصطفى
تانى
إيلن بحزن الدنيا/ مش أقول
حازم/ ترجعى تقوليلة أبية وياريت مفيش تعامل معاة. ومفيش شغل
إيلن/ أنا دكتورة مينفعش
حازم/ هى كلمة مش عايز الزفت دة يقرب منك بأى شكل
هنادى بقلب أم/ أسمعى كلام أبوكى مفيش راجل يستاهل أيلن أنتى غالية ومصطفى صعب
حازم/ اطلعى أوضتك واتمنى إللى حصل يتمسح من ذاكرتك،،، وتركها
إيلن وضعت إديها على قلبها الذى ألمها بشدة فرجعت البيت محبوسة تانى بعد ما أكتشفت العالم الخارجي كل ذلك لترضي أبوها وأمها على حساب نفسها
فقالت حبك خسرنى شغلى وكيانى يا مصطفى أقصد يا أبية 😭😭
أتى يامن أخوها الكبير الذى مقدر حالها وقال للدرجادى بتحبية
إيلن/ من زماااااان قوى أرجوك يا أبية كلم بابا أعمل حاجة
يامن تنهد/ كان غيرك أشطر وتركها لم تجد غير مرات أخوها فيونا اترمت فى حضنها تبكى وهى أستقبلتها بحب صعبانه عليها أوووى إيلن
بقلم نجلاءفتحى عاشقةالكلمات
مر شهر كامل وأيلن مش بتخرج من الفيلا وللأسف حالتها النفسية وحشة ووزنها قل لأن حازم مانع الفون والخروج علشان مصطفى مش يأثر عليها ميعرفش كدة بيموتها بالبطئ
وفى يوم دخلت فيونا غرفة إيلن تدردش معها وصرخت وللأسف البيت خالى من حازم وهنادى وأخواتها
فيونا/ إيلن إيلن فوقى ،، ماذا تفعل وهى وجدتها ممددة فى الأرض فاقدة وعيها وأيدها مجروحة و تنزف صرخت هى ف فيونا بنت أكابر وأول مرة تتعرض لموقف ذى دة رغم خلافها مع جاسر زوجها إلا أن إيلن أختة أحبتها بشدة اتصلت على حماها حازم لان زوجها فى المنصورة ،،فى الوقت إللى بلغتة مرات أبنة إللى حدث مع بنتة لم يعلم وصل أزاى البيت جملة أمل تتردد فى ذهنة أفرح لما بنتك من الحزن تموت ذى ماسة وتبقا طلبتها ونولتها اقتحم الفيلا وجرى على السلم الداخلى للفيلا وأقتحم غرفتها اتهز من منظرها وفيونا ضغطة على إيدها بقماشة تكتم الد م،، شدها وحملها بدون كلام وطار بيها على المستشفى
بعد وقت الجميع متجمع أمام غرفة أيلن فيونا وبنتها الصغيرة وجاسر إللى وصل من المنصورة بسرعة ويامن وأبوها وأمها ،،، وحضر مصطفى وأبوة وأمة ومحمود
حازم بغل/ مين عرفك
يامن/ أنا يا بابا
حازم/ حسابنا بعدين
جاسر/ مكنتش عايز الواد يبلغنا
يامن بحزن/ كفاية بقا أختى فى لحظة كانت تضيع مننا مصطفى مش وحش يا بابا
مصطفى انصدم من موقف يامن فطول عمرة مثال للأستهتار وعدم المسؤلية لم ينكر مصطفى حركتة هذا مدين بيها العمر كلة
أمل/ أرتاحت وصلت بنتك لانتحا ر ، لولولوى أعمل فرح بقا أحنا هنا للواجب ومش فى ضميرنا حاجة تانية
جاسر ويامن شدوا مصطفى من إيدة ودخلوة غرفة أختهم المريضة وواقفوا على الباب ذى الحراسة يمنعوا أبوهم حازم الغضبان وأمهم
أمل/ جدعان يا عيال لا عيال أية بقا جدعان يا رجالة وأطلقت أمل زرغوطة عليا فى قلب المستشفى لا تتناسب مع الموقف ولا وضعهم الاجتماعى وهنادى تبكى وجاسر محرج أمام صاحبة حازم بسبب أفعال ابنة وزوجتة
[داخل الغرفة ]
مصطفى ٠٠٠٠٠