البارت الرابع عشر 14
بقلم مجهول
فتحت ليهم ندى ام مؤيد سلمت ليم بي الاحضان ودموعه في وشها دخلو سلمو علي يوسف واية ومجتبي جهزو ليم الطابق التاني دخلو عشان يرتاحو
كانو غرفتين وصاله ومطبخ ليان اخدت حمام وغسلت شعرا عشان كانت مصدعه طلعت لي مؤيد دخل فكت البشكيل من شعرا وانجدعت في السرير نامت مؤيد طلع من الحمام لقا ليان نامت وشعرا مبلول بلل المخده وشها جا نام قصاده وبعد شعرها عن وشا وقال لو تعرفي انتي حلوة كيف كدا عيونه كبار ورموشه غزيره وشفايفه مدوره ولونه الما بين اسمر وقمحي طلعت تلفوني وقلته كدي نشوف الاحلا مين عملته سيلفي هي عيونه كبار وانا عيوني صغار 😂 هي شعرا طويل وانا كمان شعري طويل بس في شويه جلحات😂 هي لونه اسمر وانا احمر 😂 اخخخ بس الاسمر يخلو ليها 💋♥ اممم هي الحلوة باين 😌♥ ماف احلا منها اصلا والصورة الحلوة دي ونام
مآب: ياداب جو طيور الحب
اية: اي حاسداهم 😒
مآب: احسدم علي شنو بخيت لقا بخيته قال احسدم
اية: بايت ما محرقك عشان شهر العسل بتاعك كان 15يوم😏
ماب: عايني حبيبة انا الناس بتحسدني ما انا بحسد وقفلت فيها
اية: هه بكرة من الصباح بنلقوك هنا قال احسدم علي شنو
مؤيد صح مخلوع علي صوت ليان: ما تتفكة يا زفت انت الله اتفكة اي اي بتنفش في شعرا 😂😂
مؤيد: انتي قايله دا مؤيد ولا شنو شعرك ارحمي حبه
ليان: اسكت مني انت كمان
مؤيد ماشي وبضحك قشر لي ليان في المرايه ودخل الحمام اتوضه وطلع يصلي ليان بتنفش في شعرا سمعت مؤيد وهو بصلي وبقراء بي صوت جميل شديد نزلت المشط وقعدت في السرير وراه مؤيد وبتسمع في بعد سلم بقا يدعي بعد نزل ادينو ليان قالت لي امين ربنا يتقبل وحرمنا
مؤيد: جمعآ يارب وقام رفع المصلايه وبأس ليان في رأسه وابتسم 😊 ليان طوالي ابتسمت لي ☺️ ضحك وضربه ضربه خفيفه في راسه: خلصي شعرك عشان ننزل الاكل ليان مع نفسها مبسوطه قامت خلصت شعره وطلعت توب هزاز لبستو ونزلو تحت بعد الفطور شربو القهوة ومؤيد ومجتبي وخالو يوسف بقو يتونسو سوا واية قاعده جمبي وخالتو ندى بقينا نتونس سوا واية كانت حامل خالتي قالت لي عملنا ليك مطبخ فوق عشان ما تتعبي في النزله والطلعه لو عايزه تعملي قهوة او شاي العصر اية ومجتبي مشو قرفتم كان الطابق التحت كبير ومقسوم علي جزئين غرفتين وصاله صغيره بيت اية وغرفتين ومطبخ وصاله الكبيرة لي خالتو ندى بعد صلينا مؤيد فتخ الاب توب بتاعو اتصلته لي امي واسعد عشان كنته مشتاقه ليم شديد وقلته ليم بكرة بجيكم من الصباح بعد قفلته منهم طلعت من الغرفه اتفحص المكان الصالة كانت حلوة ومفروشه بي الرمادي مشيت المطبخ كانو مجهزنو بطريقه حلوة وفيهو بن وشاي وحاجات كتيره فتحته التلاجه كان فيها تفاح وبرتقال وكرستاله مويه شلته تفاحه غسلته من المغسله ومشيت الغرفه مؤيد بعد نزلته الملفات بتاعتي ورتبته حاجاتي قبل انزل عايز اقفل الاب توب سامع صوت مضغ وصوت قريم رفعته راسي ليان دخله شايله تفاحه في يدها اتلفته علي وخشمها ملان وشفايفه مبلوله وبتأشر لي جات علي ومدت لي التفاحه شلته منها وقفلت الاب توب وقعدته اكل فيها بي استمتاع مع اني كنته مستحيل اكل من خشم زول قعدت جمبي وتمرت ادينا في جلبابته وقالت لي عاين لي
مؤيد: اصلا بعاين ليك
ليان: خلي الاكل وركز معاي
مؤيد: اها طيب اتكلمي
ليان: بكرة ح نمش ناس امي لاني مشتاقه ليهم شديد
مؤيد: طيب نمشي
ليان: بس انا ح اقع.... قبل تتم كلامه مؤيد دخل ليها التفاحه في خشمها وقام يلا المغرب ومشا يتوضا وطلع امشي اتوضي نصلي سوا ليان دخلت الحمام وطلعت مشت تجاه الدولاب
مؤيد: هي ها انا منتظرك هنا
ليان: ما عايزه اصلي
مؤيد: كيف يعني اتوضي سريع وتعالي ليان سكتت وماشه تجاه الحمام
مؤيد: انا بتكلم معاك ليان طوالي رفعته لي
مؤيد حول نظرو وقال مع نفسو الودتني اسأله شنو في داعي لي الاحراج صلاة وشال تلفونو ونزل ليان نامت قعد يتونس مع ابو بعد العشاء اذن مشا صلاة في المسجد وجا طلع لي ليان لقاها نامت نام الصباح ليان صحت استحمت ولبست جلباب وتوب هزاز وشالت تلفونه ونزلو هي ومؤيد شربو الشاي ليان شالت صنيت الشاي مأب جات داخله
ماب: هيي العروسه حتى نزلوك معاش (ولا السلام عليكم ما قالته 😂) ليان اخدت نفس وسفهته ودت الصنيه المطبخ ماب سلمت لي مؤيد وناس البيت مسكت ليان امممح امممح مشتاقين
ليان: اممنممممممح امممممممح بي الاكتر حبيبتي(عرفتي ليها 😂)
مأب: مالك منتهية كدا مفروض تجي سمينه ولونك فاتك
ليان: انا ستاره ولا توب بعد انتهي والحمدلله علي النفس الطالع ونازل
مأب: ونعمه بالله جبتي شنو من ايطاليا
(اي مع نفسه قادرة يا ليان 😂)
ليان: حاجات شخصيه وهداية بس ما عملته حسابك عشان جبته لي افراد البيت بس
مأب ايواا المرة الجاية لو في مره جايه اصلا
ليان: في حبيبتي ما تخافي 🥱
مؤيد كان بعاين ليهم بس وبقول يلا كل واحد ماشاءالله ما بتتنازل عن النقاش
ليان: خالتي اناومؤيد ماشين بيت ناس امي نسلم عليهم
مأب: انتي بتين جيتي
ليان: انا قلته خالتي يا مأب شكلك بقيتي ما بتسمعي
ندى: امشو يابتي
اية ومؤيد كاتمين الضحكه بس 🤣🤣
ماب.......