قصة طلاقي ليس نهايتي
البارت السابع عشر 17
بقلم حنان عادل
بعد ساميه جات وخيبت املي ف سامي جد.زعلت منو شديد حسيت نفسي مخنوقه وعايزة ابكي بس ...مشيت بيتي والعبرة خانقاني بكيت قرابة النص ساعه الحصل شنو ليه سامي يعاملني كدا بس عشان م كلمتو بعيا ابوه ؟ معقول اهون عليه للدرجه دي ؟ انا بس راعيت لانو بعيد وكنت عايزة امهد ليه 😢 تاني قلبي يواسيني واقول معذور مرض ابوه ما هين بكرة يطلع ونرجع زي اول ☺بس حصل العكس 💔لم عمي طلع بالسلامه وكرمنا ليه وكنا مضيوفين شديد طيلة الفترة دي سامي عينو م جات ف عيني كان بتجاهلني بطريقه قاسيه وبتوجعني شديد لاني ما اتعودت على كده 😢حتى بالمسا كان بنوم مع ابوه بحجة الادويه وكده وخالتي طبعا مبسوطه للآخر..... مرو اسبوعين تقريباً وما مشيت الجامعه لدن اتصلت شاكلتني وانو لازم انزل بعدا وريتها انو سامي قاعد ومرض عمي قاتلي عمك بقى كويسو بعدين البيت مافيه غيرك حبشيه انتي ؟ وسامي وجودو ما بمنعك مش قلتي بمشي السوق يطمن على شغل ابوه ؟ امشي جامعتك وتعالي انتظري فالبيت اساسا مفروض هو يمشيك ،
انا : بس يا لدن م...قاطعتني : ما تبسبسي لي ما تعوديهم على كدا مستقبلك اهم الجامعه بكرة بتخلص تاني اقعدي فالبيت وقضي واجباتك بمزاج بكرة انا بنتظرك لو ما جيتي بجي اكرك من نص البيت مفهوم 😠؟ وقفلت ف وشي كانت بتتكلم معاي بزعل جااده 😂😂والله هي المصبراني ودافراني كل ما اقيف 💙انا م جبت ليها سيرة انو سامي زعلان مني كان نفسي افضفض ليها ، العصر سامي جا بعد عملت ليهم الغدا واتغدا جا يريح في بيتو اخدت نفسي ومشيت ليه اول من دخلت عمل فيها نايم 😪قعدت جمبو وانا بتأمل ملامحو متغير شديد ولحيتو كثييفه ومنكوشه في سواد بسيط تحت عيونو اظن من السهر والارهاق لقيت نفسي مشتاقه ليه شديد وانا سرحانه فيه دموعي نزلو وفجأة فتح عيونو وشافني قمت طلعت برة قعدت فالهول ودموعي غلبني اوقفه كانت منهمرة باندفاع وبتحكي عن الجواي بدون م اتكلم 😭 سامي جا واتكرم وقعد جمبي سكت مسافه بعاين لي وانا ببكي وبفرك ف يدي متوترة مسكني وضغط عليها قالي : بتبقي شينه لم تزعلي 🙂 قبلت وشي منو لفتني عليه والله مشتاق ليك مووت 😊 انا زدت فالبكا 😭وقلت ليه كذاب
سامي : حصل مرة كذبت عليك امم؟
انا : سامي ما تحاول تتظارف معاي مش كنت زعلان مني خليك مواصل 😢
سامي : ما هتعذريني عارف ، بس والله غصبا عني 😔 انا : اقنعني ياتو ظرف يخليك تعاملني بالطريقه دي ومع باقي الناس عادي اشمعنى انا يعني 😭
سامي : ااه حقك علي والله لو اعتذرت لباكر ما بكفي ما تتخيلي حالتي بقت كيف لم امي اتصلت علي وقالت وصلت وين ؟ ولقتني م اتحركت زعلت مني وقاتلي ابوك بموت وانت قاعد ف مكانك وانا م كنت عارف الخلعه الدخلتني م ساهل اطلع منها وكنت متوتر شديد اقرب لي زول افضي فيه زعلي كان انتي
انا : اصلا ده ما مبرر ي سامي ما قادرة اصدقك😢وبعد جيت وعمي طلع بتتحاشاني ليييه عندك فكرة عن الكان حاصل جواي؟
سامي : ختى راسي ف كتفو تقدري تقولي لخبطة حصلت لي انا زاتي م قادر استوعب عملت معاك كده ليه امكن اكون زعلان من نفسي اكتر منك لا قدرت اراضيك ولا قادر ابعد اكتر من كدا ، بحلفك بالله تعفي لي بس
انا : عاينت ليه مسافه وقلت طيب انا مشتاقه ليك😢
سامي : هههههه ما اكتر مني والله😊المهم سامي اعتذر مني ومن حبي ليه اتفهمتو ورجعنا زي اول واكتر وجاب لي هدايا عشان تكمل المصالحه 😂انا تاني يوم طوالي مشيت جامعتي بعد كلمت سامي وهو دعمني وقالي انا اسف انشغلت عنك كتير ونسيت موضوع جامعتك ووصلني هو زاتو خالتي طبعا شامه الوضع ده شمه شديده خلاص،، وانا تقريبا بقيت افهمها وبطلت زعل منها وبقيت بتناسى عشان علاقتي بسامي ما تتاثر ☺مشيت الجامعه وانا مبسووطه ولدن ما تفوتها طوالي علقت علي وقالت : على فكرة ملاحظه ليييك الايام الفاتت دي ما على بعضك ما تقولي غافله منك بس م كنت عايزة ازيد عليك الكان مزعلك منو سامي ولا امو ؟ 😒
انا : هههههه لا ده ولا ده كنت متأثرة لعمو ابراهيم بس والحمدلله بقى كويس
لدن : شوفي ي ماما الكلام ده قولي لجارتك مجنون فالشارع شيطان اخرس ما لي انا 😏وازيدك حكمه الكئابه الظهرت ف وشك ما اظن تكون سببها نسيبتك لانك ما بتدققي معاها متاكده انو سامي الما بتحملي عليه نسمه طايرة (مش قلت ليكم البت دي تومتي 😂)
انا : طيب بما انو انا جيتك مفرهده كده معناها انا ف سلام وأموري تمام فما عايزة اتزكر الحصل 😊 لدن : وهو كذلك يلا على محاضرتنا 😂😂عدا اسبوع تالت وسامي رجع على شغلو لم عمي اصر عليه وخلص مقابلاتو وهو زاتو رجع شغلو مع انو لسه كان في شوية لجنه ف كلامو بس جسمو معافى ، وانا رجعت اهلي 😊 لكن كل نهاية اسبوع كنت بمشي اطمن عليه واخد حصتي من خالتي😔 مرت الايام وامتحنا بسلام☺وزي ما وعدني سامي مشيت قضيت الاجازة معاه كانت من اروع الايام تقريبا معظم الوكت سامي قضاه معاي اكتر من شغلو وكل يوم بعد المغرب بنطلع نتفسح لاخر الليل عدنا الهوني مون تبعنا 😂دي مشاغلات لدن كانت حاكمانيلازم تصلها
صور الطلعات اول باول😄وتشبكني لي الله انا ،، وانا يشيلني السيل ي يمه وانا وانا سامي ده كان خالتك جابتن اتنين ماالا 😒 انا : ههههه يعني انتي ابتديتي تحبيها
لدن : ولدها ولدها ما هي
انا : هههه ولد م عندها بس في ود اختها ينفع؟ 😉
لدن : ههههااي انسي اليومين مدردقها مش قلت ليك.بجيبو
انا : ي حليلو ود حشاي 😂
لدن : اتلهي هههههه عشان تاتي يرفع قرنو علي
انا : شيطان هو ؟ الود مسكين ما تستعملي معاه اسلوبك.السخن ده ما قدرو
لدن : ي بت والله الاولاد ديل كلهم زي بعض انسينا منهم👊وده كان حالا الله يصلحها بي جنها ده جننت ود الناس كسرت الحواجز وخلتو م شايف غيرها وياااا بختو لو بقت لدونتي من نصيبو😊انتهت اجازتي وجيت راجعه بعد.وصولي بيومين غصبت لدن وسقتها معاي نسابتي على قولها 😄كنت جايبه ليهم هدايا بسيطه لم طلعتها ليهم ساميه شكرتني شديد وقاتلي ما كان تتعبي اما خالتي فكانت بتقولي كتر خيرو سامي ما قصر من يومو ما بنسانا ما جديد عليهو 😒باسلوب مطاعنه كده ولدن تعاين لي وتلوي ف خشمها😏
ساميه : زوقك حلو ما شاء الله😍حتى عفراء فستانها عجبها
خالتي : عاد.متين سامي جاب حاجه ما ياها اجي
انا : فعلاً سامي هو الاختار ليك قال بعرف زوقك والباقي اخترتو انا☺
ساميه : والله توبي رهييب وكمان الوانو ما عندي حتى هشوم طقمتيلو معاي زي ما بعمل 😂عندك الحركات دي
انا : ههههه والله بحب فكرة تطقمي لطفلك معاك
ساميه : ان شاءالله ربنا يرزقك بيبي وتطقمي على كيف كيفك 😊 انا : اميين ي رب
خالتي : عاد.كان ال15 دي جيتي منها فاضيه ياكي الخازلانا
لدن : الناس بتقعد.بالسنيين ما بلدو كل شي قسمه من رب العالمين
ساميه : ونعم بالله فعلا انا زاتي جبت هشومي ده بعد سنه من زواجنا مع انتي كنت مع راجلي
لدن : ااي بتحصل والله بعدين هم زاتم ما فاتلهم فوت
خالتي : وكمان الفتوات فهمن شنو فالزي ده وطلعت
ساميه : هههههههه معليش امي بتحب الولاده اسي انا طوالي بتقولي ولدك كبر احملي لم راجلي جا اجازة ورجع وعرفتني بنظم 3 يوم مخاصماني 😂
انا : اي فعلاً زي امي 😄 ولدن تحمر لي انا ذنبي شنو بس ههههه يا الله خلتني اقيل وانتظر عمي اسلم عليه ومن طلعنا تهرج وتزبد لمن وصلنا وقاتلي ابقى مرة وسوقيني معاك تاني برتكب فيها جريمه خالتك دي 😠
انا : يخسي عليك اعملي حساب لسامي
لدن : عااان ما تجلطيني اعمليلو انتي
انا : طيب وائل دي خالتو و زي امو
لدن : والله اتقول ولا بتقربها شن جاب لي جاب😒
انا : انتي اصلك لم تختي زول ف بالك تاني ما بتهضمي كلو كلو
لدن : بااااس عليك نوووور اهضميها انتي 😒
انا : الحمدلله 😊😂😂دخلتها بيتم ومشيت اهلي لقيت ناس امي بتغدو سلمت عليهم ومشيت غيرت وجيت ظبطت ليهم الشاي 😊سالوني منهم لقيتيهم كيف وكده
انا : والله كويسين الحمدلله بسلموا عليكم
جاني مؤتمن : هاك شوفي البنطلون الجبتي ده حزامو اتكسر تاني جيبي شي زي الناس 😒 ناس ابوي ماتو ضحك طبعا 😂😂
امي : من قبيل قاعد فوق نار متييين انتي تجي ويوريك ليه
انا : هي نان انا ذنبي شنو 😄😄خلاص معليش ما انتبهت ليه المرة الجايه بجيب ليك هديه زي الناس😂
ابوي : غلطانه انتي تاني ما تجيبي ليه زاتو 😂 😂 مسكت الحزام صلحتو حتى الولد ختاني😄امي دايما بتقول مؤتمن ده قايم بجهلو عشان اخر العنقود دلعتو براها وحرقها 😂😂المساء سامي اتصل مكالمتو المعهودة وساهر بي بسببو جات لدن من الصباح تصيح صحتني مخلوعه وذلتني قومي اتاخرنا نايمالي فالعسل مشش اححيا انا اتكلفت سريع ومشينا سجلنا للسمستر الرابع 😍لدن فرحانه أنها نهاية سنه ومسافره الاجازة قطر لابوها
انا : اسي قلبك يطاوعك تمشي وتخلي اخواتك
لدن : مالي بيهم اجازتن ما بتصادف اجازتي
انا : طيب سوقي شجن لا روضه ولا مدرسه بتونسك وخففي على خالتو 😄
لدن : والله كلام افتكر ماشا إريح من وجع راسن اسوقها تساهر بي مالي ومالا😂 عندها بكيه بتجيها نص الليل اعوووذ بالله اتقول مسكونه عجوووز وتبكي
انا : يخسسي عليك 😄😄😂😂 بتتدلع زي مؤتمن بس
لدن : اي يختي وبعدين امي زاتها ما بتفارقها لي بتقول ديل لمن يمشو المدرسه بتونسها شوفتي الهمله😂😂
انا : كلامها صح ماالك ههههه😂المهم الايام جرت بسرعه الريح وجات الامتحانات تاني ولدن متذمرة قالت : ريقنا نشف عكة الامتحانات الفاتت ما نسيناها 😭 انا : مافي حلاوة بدون نار انجضي هانت خلاص
لدن : احي انا م قلت الروب 😢
انا : اففففو بت زين العابدين شخصيا تقول الروب
لدن : بت حسن لو سمحتي😒
انا : هههه اتعودنا نقولك باسم جدك لانو قالو كان راجل صععب الله يرحمو
لدن : اي والله ربنا يرحمه 💔المهم انا م راجل اسي وقلت الررروب والروب الني كمان 😂😂😂موتتني ضحك وبعد جرستها دي ما شاءالله معدلها عالي ودايما من المتفوقين 😍عدت اسبوعين فالاجازة بتجهز لسفرها وتنقنق من الحاجات المشيلاها ليهن امها لابوها😂 قالت ابوي ده ما جادي بعد اتفكى من الويكه والكسرة دي تاني اسوقن معاي كمان😄😄ويومسفرها ده بكت بكى ما تقولو دي لدن القبييل شفقانه للسفر ده والعجب اخواتها يقطعو القلب من بكاهم 😭😭😭 سافرت وخلتني وحيده مسخت علي الحي😢😢غايتو الشبكه قربت المسافات وكنا على تواصل دائم 😊😍سامي كان واعدني امشي ليه تاني فالاجازة وبعد بديت اجهز فجأة غير رايو😯 لسبب مجهول والحيرة اتملكتني😐😐للان السبب يعلم بيه الله قمت حنستو امشي لاهلي ف شندي لانهم زعلانين ما زرتهم من عرست اداني 20 يوم 😍امي قالت لي ما قصر معاك الراجل 😂وانا شايفاهم شويه وفعلا مشيت وصلني ابوي عديت ايامي مع اعمامي ومشيت المتمه لاهل امي برضو اديتم حقهم وما قصرو معاي فسحوني ورفهو لي وبرمجو بي 😂😂وسامي متابع تفاصيل يومي كللو ومرات بديهم يسلموا عليه وكنا انا ولدن بنتغايظ بالصور ارسل ليها فسحنا وهي كذلك وطبعا انا الببكيها فالنهايه😂لانو اللمه مع الاهل وطبيعة بلدي الخلابة ما زيها😊 ما تقول لي مولات ولا حدايق قطر😂😂اخر يومين جيت عديتم مع عني محمد تااني لانو هو الرجعني اهلي قالو ما عندنا بت بنفكها براها😠ما تقولي عرستي وبتاع😂😂بعد جيتي اهلي بيومين سامي قالي اها يلا جا دور اهلي😊وريتو اني ما ناسياهم والله وفرض علي اني امشي ليهم😊
سامي : ست الفهم والزوق انتي 😙
صراحة قلبي كان ماكلني من المشيه دي والله يكضب الشينه😧😧👋👋...