قصة قوة الضمائر البارت الرابع عشر 14 بقلم طارق اللبيب

 قصة قوة الضمائر

البارت الرابع عشر 14

بقلم طارق اللبيب

ﺍﻫﺎ ﻃﺒﻌﺎ" ﻳﻮﻡ ﺍﻟﺨﻤﻴﺲ ﺑﺎﻟﻤﺴﺎﺀ .. ﺟﺪﻭ ﺗﺎﻧﻲ ﺍﺗﺼﻞ ﻋﻠﻰ ﺍﻣﻪ

ﻭﻗﺎﻝ ﻟﻴﻬﺎ :  ﺍﻧﺎ ﺡ ﺍﺭﺳﻞ ﻟﻴﻜﻢ ﻗﺮﻭﺵ .. ﻣﻊ ﺻﺪﻳﻖ ﻭﺩ ﺍﻟﺴﻴﺪ .. ﺑﺠﻲ ﺍﻟﺨﺮﻃﻮﻡ ﺍﻻﺣﺪ ﺍﻭ ﺍﻻﺗﻨﻴﻦ ..

ﻗﺎﻟﺖ ﻟﻴﻬﻮ : ﻣﻊ ﻣﻨﻮ ؟ ..

 ﻗﺎﻝ ﻟﻴﻬﺎ : ﻣﻊ ﻋﻢ ﺻﺪﻳﻖ ..

ﻃﺒﻌﺎ" ﺳﺘﻮ ﺯﻱ ﺍﻟﻘﻄﻌﺖ ﻛﻬﺮﺑﺎ .. 

ﺟﺪﻭ ﻗﺎﻝ ﻟﻴﻬﺎ : ﻓﻲ ﺷﻨﻮ ﻳﺎﻳﻤﺔ؟؟  ﻣﺎﻟﻮ ﻟﻮ ﺭﺳﻠﺖ ﻟﻴﻚ ﺍﻟﻘﺮﻭﺵ ﻣﻊ ﻋﻢ ﺻﺪﻳﻖ؟؟ ﻟﻮ ﻓﻴﻬﺎ ﺍﻱ ﻣﺸﻜﻠﺔ ﺍﻧﺎ ﺑﺘﺼﺮﻑ ﻣﻦ ﻏﻴﺮﻭ ..

ﻗﺎﻟﺖ ﻟﻴﻬﻮ :  ﻻﻻ ﻣﺎﻓﻲ ﻣﺸﻜﻠﺔ .. ﺧﻼﺹ ﺭﺳﻠﻦ .. ﺍﻧﺖ ﻋﺎﺭﻓﻨﻲ ﺍﻧﺎ ﺣﺴﺎﺳﺔ ﻭﻛﺪﺍ .. ﻟﻤﻦ ﺍﺣﺲ ﺑﺎﻧﻮ ﺍﻟﺰﻭﻝ ﺩﻩ ﺑﻌﻄﻒ ﻋﻠﻴﻨﺎ .. ﺍﺗﻤﻨﻰ ﺍﻟﻮﺍﻃﺎ ﺗﻨﺸﻖ ﻭﺗﺒﻠﻌﻨﻲ ..

ﻗﺎﻝ ﻟﻴﻬﺎ : ﺍﺑﺪﺍ" ﻣﺎﺗﺸﻴﻠﻲ ﻫﻢ .. ﻭﺍﻟﻠﻪ ﻋﻢ ﺻﺪﻳﻖ ﺯﻭﻝ ﺍﺻﻠﻲ .. ﺍﻧﺎ ﻋﺮﻓﺘﻮ ﻣﻦ ﻗﺮﻳﺐ ..

ﻗﺎﻟﺖ ﻟﻴﻬﻮ :  ﻣﺎﻓﻲ ﻣﺸﻜﻠﺔ ﻳﺎﺟﺪﻭ .. ﺧﻼﺹ .. ﺍﺣﺴﻦ ﻣﻦ ﺍﻧﺎ ﺍﺭﺳﻞ ﺯﻭﻝ ﻳﻤﺸﻲ ﻳﺠﻴﺐ ﻟﻲ ﻣﻦ ﺍﻟﺤﻮﺍﻟﺔ .. 

ﺍﻟﻤﻬﻢ ﺳﺘﻮ ﻋﻨﺪﻫﺎ ﺧﺒﺮ .. ﺍﻧﻮ ﺻﺪﻳﻖ ﺍﻟﺴﻴﺪ .. ﺟﺎﻱ ﺍﻟﺒﻴﺖ .. ﻳﺠﻴﺐ ﺍﻟﻘﺮﻭﺵ ﺍﻟﻤﺮﺳﻠﻦ ﺟﺪﻭ ..

ﺳﺘﻮ ﻃﺒﻌﺎ"ﻳﺎﺟﻤﺎﻋﺔ .. ﻣﺮﻫﻘﺔ ﺷﺪﻳﺪ .. ﻣﻦ ﻛﻤﻴﺔ ﺍﻟﺪﻡ ﺍﻟﻨﺰﻓﺘﻬﺎ .. ﻓﻲ ﺍﻻﻳﺎﻡ ﺍﻟﻔﺎﺗﺖ ﺑﻲ ﺳﺒﺐ ﺍﻻﺟﻬﺎﺽ ..

ﻭﻣﺤﺎﺳﻦ ﻟﻴﻬﺎ ﻳﻮﻣﻴﻦ ﺑﺘﻌﻮﺱ ﺍﻟﻜﺴﺮﺓ ﻟﻲ ﺳﺘﻮ .. ﻻﻧﻬﺎ ﺳﺘﻮ ﺗﻌﺒﺎﻧﺔ ﻣﻦ ﺍﻟﻨﺰﻳﻒ ﺩﻩ .. ﺭﺑﻨﺎ ﺑﻲ ﻛﺮﻣﻮ ﺍﻛﺮﻡ ﺳﺘﻮ ﺑﻮﺟﻮﺩ ﻣﺤﺎﺳﻦ .. ﻭﺍﻻ ﻓﻲ ﺍﻟﻴﻮﻣﻴﻦ ﺩﻳﻞ ﻛﺎﻥ ﺍﻟﺸﻐﻞ ﻭﻗﻒ ..

ﻭﺍﻟﻤﻠﻜﺔ ﺑﻘﺖ ﺗﺘﺤﺮﻙ .. ﻭﺗﻤﺸﻲ ﻓﻲ ﺍﻟﺒﻴﺖ ﺑﺪﻭﻥ ﺯﻭﻝ ﻳﺘﻜﻼ .. ﻭﻻ ﻋﺼﺎﻳﺔ ﻭﻻﻏﻴﺮﺍ .. ﺑﺲ ﻟﺴﻪ ﺷﻮﻳﺔ ﻣﺸﻴﻬﺎ ﺯﻱ ﺍﻟﻤﺮﺍﺓ ﺍﻟﻌﺠﻮﺯ ..

ﻭﻓﻲ ﻣﺸﻜﻠﺔ ﻓﻲ ﺍﻟﺮﻗﺒﺔ .. ﻛﻞ ﻳﻮﻡ ﺑﺎﻟﻠﻴﻞ .. ﺑﺘﺤﺲ ﺑﻲ ﺍﻟﻢ ﻓﻲ ﺍﻟﺮﻗﺒﺔ .. ﻻﻣﻦ ﺗﺒﻜﻲ ..

ﺑﻌﺪ ﻳﻮﻣﻴﻦ ﻛﺪﺍ .. ﺳﺘﻮ ﻣﻦ ﺍﻟﺼﺒﺎﺡ .. ﻛﻠﻤﺖ ﻣﺤﺎﺳﻦ .. 

ﻗﺎﻟﺖ ﻟﻴﻬﺎ : ﻋﺎﻳﺰﺍﻙ ﺗﻮﺩﻱ ﻣﻠﻜﺔ ﺩﻱ ﻟﻲ ﺩﻛﺘﻮﺭ ﺑﺘﺎﻉ ﻋﻈﺎﻡ .. ﺍﻧﺎ ﻣﺎﺑﻘﺪﺭﺍﻣﺮﻕ .. ﺍﻟﻠﻴﻠﺔ ﺗﻌﺒﺎﻧﺔ ﻭﺍﻟﻠﻪ .. ﻭﻋﻨﺪﻱ ﻛﻢ ﻣﺸﻮﺍﺭ ﻛﺪﺍ .. ﺑﺲ ﺍﻧﺘﻲ ﺧﻠﻴﻬﻮ ﻳﻌﻤﻞ ﻟﻴﻬﺎ ﺻﻮﺭﺓ ﻟﻠﺮﻗﺒﺔ .. ﺷﻮﻓﻮ ﺍﻟﺤﺎﺻﻞ ﺷﻨﻮ ..

ﻗﺎﻟﺖ ﻟﻴﻬﺎ : ﺣﺎﺿﺮ ﻭﺍﻧﺎ ﺟﺎﻫﺰﺓ .. ﻫﺴﻲ ﺍﻧﺎ ﻃﺎﻟﻌﺔ ﺍﻟﺰﻟﻂ ..

ﺍﺟﻴﺐ ﺍﻟﺤﺎﺟﺎﺕ ﺩﻱ .. ﻟﺤﻤﺔ ﻭﺧﺪﺍﺭ ﻭﻭ ﺷﻨﻮ ﻛﺪﺍ ﺍﻟﻤﻬﻢ ..

ﻃﻠﻌﺖ ﻣﺤﺎﺳﻦ .. ﻭﻓﻲ ﺍﻟﺸﺎﺭﻉ ﻻﻗﺎﻫﺎ .. ﺣﻤﻮﺩﻱ ﻭﻣﻌﺘﺼﻢ .. ﺟﺎﻳﻴﻦ ﻣﻦ ﺍﻟﺰﻟﻂ .. ﻭﻗﻔﺖ ﺳﻠﻤﺖ ﻋﻠﻴﻬﻢ ..

 ﻭﻗﺎﻟﺖ ﻟﻲ ﻣﻌﺘﺼﻢ : ﺍﻟﻠﻴﻠﺔ ﻣﺎﻟﻚ ﻣﺎﺷﻐﺎﻝ؟؟ .. 

ﻗﺎﻝ ﻟﻴﻬﺎ : ﻣﺎﺧﺪ ﺍﺟﺎﺯﺓ .. ﻭﺍﻟﻠﻴﻠﺔ ﻋﻨﺪﻧﺎ ﻋﺰﻭﻣﺔ ﻓﻄﻮﺭ ..

ﺳﻤﺎﻳﺔ ﺍﺧﺘﻨﺎ ..

 ﻗﺎﻟﺖ ﻟﻴﻬﻮ : ﻭﺍﻟﻠﻪ ﻣﺎﺳﻤﻌﻨﺎ ﺑﻴﻬﺎ .. ﻟﻜﻦ ﺑﻨﺠﻴﻜﻢ ..

ﻛﺪﻱ ﺍﻧﺎ ﺑﻌﺪ ﺍﺭﺟﻊ ﺍﻟﺒﻴﺖ ﺍﺷﻮﻑ ﺳﺘﻮ .. ﻻﻧﻬﺎ ﻗﺎﻟﺖ ﻟﻲ ﺍﻣﺸﻲ ﻣﻊ ﻣﻠﻜﺔ ﺍﻟﺪﻛﺘﻮﺭ .. ﻭﻣﺎﻋﺎﺭﻓﺔ ﺫﺍﺗﻮ ﺍﻣﺸﻲ ﻛﻴﻒ ﻭﺍﻣﺸﻲ ﻟﻲ ﻳﺎﺗﻮ ﺩﻛﺘﻮﺭ .. ﻣﺎﺑﻔﻬﻢ ﻧﻬﺎﺋﻲ ﻓﻲ ﺍﻟﺤﺎﺟﺎﺕ ﺩﻱ ..

ﻣﻌﺘﺼﻢ ﻗﺎﻝ ﻟﻴﻬﺎ : ﻣﺎﻓﻲ ﻣﺸﻜﻠﺔ .. ﺍﻧﺎ ﻣﻌﺎﻱ ﻋﺮﺑﻴﺔ .. ﺣﻘﺔ ﺯﻭﺝ ﺍﺧﺘﻨﺎ .. ﺧﻼﻫﺎ ﻣﻌﺎﻱ .. ﻭﺳﺎﻓﺮ ﻣﺼﺮ ﻣﻊ ﺍﻣﻪ .. ﻣﻤﻜﻦ ﺍﻭﺻﻠﻜﻢ ﻭﺍﺟﻴﺒﻜﻢ ..

ﻗﺎﻟﺖ ﻟﻴﻬﻮ : ﻳﻌﻨﻲ ﺯﻭﺝ ﺍﺧﺘﻚ ﻣﺎ ﺣﺎﺿﺮ ﻭﻻﺩﺓ ﻣﺮﺍﺗﻮ؟؟

 ﻗﺎﻝ ﻟﻴﻬﺎ : ﻭﺍﻟﻠﻪ ﻣﺴﻜﻴﻦ .. ﻫﻮ ﻣﺸﻰ ﺑﻲ ﺟﺎﻱ .. ﻫﻲ ﻭﻟﺪﺕ ﺑﻲ ﺟﺎﻱ ..

ﺍﻟﻤﻬﻢ ﺑﻌﺪ ﺗﺼﻠﻲ ﺍﻟﺒﻴﺖ ﺍﺩﻳﻨﻲ ﺧﺒﺮ ..

ﻣﺤﺎﺳﻦ ﻭﺻﻠﺖ ﺍﻟﺒﻴﺖ .. ﻭﻛﻠﻤﺖ ﺳﺘﻮ ..

 ﻗﺎﻟﺖ ﻟﻴﻬﺎ :  ﻻﻗﻴﺖ ﻣﻌﺘﺼﻢ ﻓﻲ ﺍﻟﺸﺎﺭﻉ .. ﻭﻗﺎﻝ ﻗﺎﻝ .. ﺳﺘﻮ ﻗﺎﻟﺖ ﻟﻴﻬﺎ :  ﻭﺍﻟﻠﻪ ﺍﻟﻮﻟﺪ ﺩﻩ .. ﺭﺑﻨﺎ ﻳﺤﻔﻈﻮ .. ﻭﺍﻟﻠﻪ ﺑﺲ ﺟﺰﺍﻫﻮ ﻋﻠﻰ ﺍﻟﻠﻪ ..

ﺍﻧﺎ ﺫﺍﺗﻲ ﻫﺴﻲ ﻫﺎﻣﺔ ﺑﺎﻟﻤﻮﺍﺻﻼﺕ ﻟﻠﺪﻛﺘﻮﺭ .. ﻃﺒﻌﺎ" ﻣﻠﻜﺔ ﻫﻨﺎﻙ ﻟﻤﻦ ﺳﻤﻌﺖ ﺍﻧﻮ ﻣﻌﺘﺼﻢ ﺡ ﻳﻮﺻﻠﻦ ﻗﻌﺪﺕ ﺗﺘﺨﺠﻞ ﻭﺗﺘﺒﺴﻢ ..

ﻣﺎﻋﺎﺭﻓﻬﺎ ﻣﺎﻟﻬﺎ .. ﻭﺣﺎﺳﺔ ﺑﺸﻨﻮ .. ﺩﺍﻳﻤﺎ" ﻳﺎﺟﻤﺎﻋﺔ ﺍﻻﻋﻤﺎﻝ ﺍﻟﺒﻄﻮﻟﻴﺔ ﻭﺍﻻﺧﻼﻕ ﺍﻟﻄﻴﺒﺔ .. ﻭﺍﻟﺸﻬﺎﻣﺔ ﻋﻨﺪ ﺍﻟﺮﺟﻞ .. ﺑﺘﺴﺮﻕ ﻗﻠﺐ ﺍﻟﻤﺮﺍﺓ .. ﺍﻟﻈﺎﻫﺮ ﺍﻧﻮ ﻣﻠﻜﺔ .. ﻓﻘﺪﺕ ﻗﻠﺒﻬﺎ ﻭﺿﺎﻉ ﻋﻨﺪ ﻣﻌﺘﺼﻢ .. ﻟﻜﻦ ﺍﻟﻤﺴﻜﻴﻨﺔ ﻣﺎﻋﺎﺭﻓﺔ ﺍﻟﺰﻭﻝ ﺩﻩ ﻣﺮﺗﺒﻂ .. ﻻﻧﻮ ﻣﺤﺎﺳﻦ ﻣﺎ ﺍﺗﻜﻠﻤﺖ ﺑﺎﻟﻤﻮﺿﻮﻉ ..

ﺳﺘﻮ ﻗﺎﻟﺖ ﻟﻲ ﻣﺤﺎﺳﻦ : ﻗﻮﻣﻲ ﻳﺎﻣﺤﺎﺳﻦ .. ﻧﻤﺸﻲ ﻧﺎﺧﺪ ﻟﻴﻨﺎ ﻋﻨﺪﻫﻢ ﻗﻌﺪﺓ ﻭﻧﺒﺎﺭﻙ .. ﻭﻧﻘﻮﻝ ﻟﻴﻬﻢ ﺍﻻﺳﻢ ﺷﺎﻳﻞ  .. ﻭﻧﻔﻄﺮ ﻣﻌﺎﻫﻢ ﻭﻧﺠﻲ ؟

 ﻗﺎﻟﺖ ﻟﻴﻬﺎ : ﻭﻧﺨﻠﻲ ﺍﻟﻤﻠﻜﺔ ﺑﺮﺍﻫﺎ؟؟

ﻗﺎﻟﺖ ﻟﻴﻬﺎ : ﺧﻠﻴﻬﺎ ﻣﻊ ﻣﻲ ﻭﺍﻻﻭﻻﺩ .. ﻳﻔﻄﺮﻭ ﺑﺮﺍﻫﻢ .. ﻧﻤﺸﻲ ﺳﺮﻳﻊ ﻭﻧﺠﻲ .. ‏( ﻣﻲ ﺩﻱ ﺑﺖ ﻣﺤﺎﺳﻦ ﺍﻟﻜﺒﻴﺮﺓ ‏) .. ﺍﻧﺎ ﻳﺎﻣﺤﺎﺳﻦ ﺍﻟﻮﻟﺪ ﺍﻻﺳﻤﻮ ﻣﻌﺘﺼﻢ ﺩﻩ .. ﺟﻤﺎﻳﻠﻮ ﻋﻠﻲ ﻛﺘﻴﺮﺓ .. ﺭﺑﻨﺎ ﻳﻘﺪﺭﻧﻲ ﻭﺍﺭﺩ ﻟﻴﻬﻮ .. ﻭﻟﻮ ﺟﺰﺀ ﺑﺴﻴﻂ ..

ﺍﻟﻤﻬﻢ ﻟﺒﺴﻦ ﺍﻻﺗﻨﻴﻦ .. ﺑﻌﺪ ﺟﻬﺰﻥ ﺍﻻﻛﻞ .. ﻭﺳﺘﻮ ﻋﺎﺳﺖ ﺟﺰﺀ ﻣﻦ ﺍﻟﻜﺴﺮﺓ .. ﻭﻣﺤﺎﺳﻦ ﻋﺎﺳﺖ ﺟﺰﺀ ﻭﺭﺻﻨﻬﺎ .. ﻭﺧﺘﻨﻬﺎ ﻓﻲ ﺍﻟﺼﻮﺍﻧﻲ .. ﻭﺳﺘﻮ ﻗﺎﻟﺖ ﻟﻲ ﻣﻠﻜﺔ : ﻟﻤﻦ ﺗﺠﻲ ﺍﻟﺤﺒﺸﻴﺔ .. ﺧﻠﻴﻬﺎ ﺗﺸﻴﻞ ﺍﻟﻜﺴﺮﺓ ﺩﻱ .. ﻭﻗﻮﻟﻲ ﻟﻴﻬﺎ .. ﺑﻌﺪ ﺗﺨﻠﺼﻲ ﻣﺒﺎﺷﺮﺓ ﺗﺠﻴﻨﻲ ﻫﻨﺎ ﻓﻲ ﺍﻟﺒﻴﺖ ..

ﻭﻃﻠﻌﻦ ﻣﺸﻦ .. ﻟﻲ ﻧﺎﺱ ﺍﻟﺴﻤﺎﻳﺔ .. ﻣﻌﺘﺼﻢ ﻟﻤﻦ ﺷﺎﻑ ﺳﺘﻮ ﺟﺎ ﻣﻦ ﺑﻌﻴﺪ ﺑﺴﻠﻢ ﻋﻠﻴﻬﺎ .. ﻭﻗﺎﻝ ﻟﻴﻬﺎ :  ﺣﻤﺪﻟﻠﻪ ﻋﻠﻰ ﺍﻟﺴﻼﻣﺔ ﻳﺎ ﻣﺮﺍﺓ ﺍﺭﺟﻞ ﻣﻦ ﺍﻟﺮﺟﺎﻝ .. 

ﻗﺎﻟﺖ ﻟﻴﻬﻮ : ﺍﻟﻠﻪ ﻳﺴﻠﻤﻚ ﻳﺎ ﻣﻠﻚ .. ﻭﺗﺎﺝ ﻓﻮﻕ ﺭﻳﺴﺎﻥ ﺍﻟﺮﺟﺎﻝ ﻻﺣﺪﻫﻢ ..

ﻭﻣﺤﺎﺳﻦ ﺗﻌﺎﻳﻦ ﻟﻴﻬﻮ ﻭﺗﺘﺒﺴﻢ .. ﻣﺒﺴﻮﻃﺔ ﻣﻨﻮ ﺑﺴﻂ ﺷﺪﻳﺪ .. ﺑﻌﺪ ﻓﺎﺕ ﻣﺤﺎﺳﻦ ﻗﺎﻟﺖ ﻟﻲ ﺳﺘﻮ : ﺑﺮﺍﺣﺔ ﻛﺪﻱ .. ﻭﺍﻟﻠﻪ ﺍﻟﻮﻟﺪ ﺩﻩ .. ﻟﻮ ﻣﺎ ﺍﺻﻐﺮ ﻣﻨﻲ .. ﻛﺎﻥ ﺧﻄﻔﺘﻮ .. ﺧﻠﻴﺖ ﺍﻟﻨﺎﺱ ﻛﻠﻬﺎ ﺗﺘﻠﻔﺖ .. 

ﻗﺎﻟﺖ ﻟﻴﻬﺎ : ﻳﺎ ﻣﺮﺍﺓ .. ﺍنتي ﺟﻨﻴﺘﻲ ؟ ﺍﻧﺘﻲ ﻫﺴﻲ ﺭﺍﺟﻠﻚ ﺭﺳﻞ ﻟﻴﻚ ﻭﺭﻗﺔ ﻃﻼﻕ؟ ﺗﻌﺮﺳﻲ ﻛﻴﻒ ﻭﺍنتي ﻟﺴﻪ ﻓﻲ ﻋﺼﻤﺔ ﺭﺍﺟﻞ ؟

ﻗﺎﻟﺖ ﻟﻴﻬﺎ : ﺭﺍﺟﻞ ﺷﻨﻮ ﻳﺎ ﺳﺘﻮ .. ﺩﻩ ﻃﻠﻘﻨﻲ ﻭﺍﻧﺘﻬﻰ .. ﺑﺲ ﺧﺠﻼﻥ ﻳﻨﻄﻖ ﺍﻟﻜﻠﻤﺔ ﺳﺎﻱ .. ﺧﻠﻴﻨﻲ ﺍﻓﻀﻰ ﺷﻮﻳﺔ .. ﺑﺮﺍﻱ ﺑﻤﺸﻲ ﺑﻄﻠﺐ ﺍﻟﻄﻼﻕ ﻣﻦ ﺍﻟﻤﺤﻜﻤﺔ ..

ﻗﺎﻟﺖ ﻟﻴﻬﺎ : ﺍﻭﻋﻚ ﺗﻐﻠﻄﻲ ﻏﻠﻄﺔ ﻗﺪﺭ ﺩﻱ .. ﺗﺨﻠﻲ ﺍﻻﻭﻻﺩ ﻳﺤﻘﺪﻭ ﻋﻠﻴﻚ .. ﺍﺻﺒﺮﻱ ﻟﻼﻳﺎﻡ .. ﻭﺷﻮﻓﻲ ﺍﻟﺒﺤﺼﻞ .. ﺍﻥ ﺷﺎﺀ ﺍﻟﻠﻪ ﻣﺎﻳﺤﺼﻞ ﺍﻻ ﺍﻟﺨﻴﺮ .. ﻣﺤﺎﺳﻦ ﺳﻜﺘﺖ ﺳﺎﻱ ﻭﺳﺮﺣﺖ ﻛﺪﺍ  ﻭﺻﺮﺕ ﻭﺷﻴﻬﺎ .. ﻏﻀﺒﺎﻧﺔ ﻭﻣﻐﻠﻮﻟﺔ ..

ﺍﻫﺎ ﻳﺎﺯﻭﻝ .. ﻏﺎﻳﺘﻮ ﺩﺧﻠﻦ ﻭﺑﺎﺭﻛﻦ .. ﻭﺍﺧﺪﻥ ﻗﻌﺪﺗﻦ .. ﻭﺍﻟﺤﺮﻳﻢ ﻛﻠﻬﻦ ﻣﺒﺴﻮﻃﺎﺕ ﻣﻦ ﺳﺘﻮ؟ .. ﺍﻧﻮ ﻓﻲ ﺍﺣﻠﻚ ﺍﻟﻈﺮﻭﻑ .. ﻭﻣﺎﻋﻨﺪﻫﺎ ﻣﺼﺪﺭ ﺩﺧﻞ .. ﺳﻤﺤﺖ ﻟﻲ ﻣﺤﺎﺳﻦ ﻭﺍﻭﻻﺩﻫﺎ .. ﻳﻌﻴﺸﻮ ﻋﻨﺪﻫﺎ ﻓﻲ ﺍﻟﺒﻴﺖ .. ﻭﺍﻟﺤﺮﻳﻢ ﺩﻳﻞ ﻧﻈﺮﺗﻬﻦ ﻟﻲ ﺳﺘﻮ ﻧﻈﺮﺓ ﻣﺨﺘﻠﻔﺔ ..

ﻃﺒﻌﺎ" ﺳﺘﻮ ﻓﻲ ﺍﻟﺤﻠﺔ ﺩﻱ .. ﻋﻨﺪﻫﺎ ﻣﻦ ﺯﻣﺎﻥ ﺷﺨﺼﻴﺔ ﻃﺎﻏﻴﺔ ﻛﺪﺍ .. ﻭﻋﻨﺪﻫﺎ ﺣﻀﻮﺭ ﻭﻛﺎﺭﻳﺰﻣﺎ .. 

ﻓﻲ ﻣﺮﺍﺓ ﻗﺎﻟﺖ ﻟﻴﻬﺎ : ﻭﺍﻟﻠﻪ ﻳﺎﺳﺘﻮ ﺍﻧﺎ ما مستغربة  ﻓﻲ ﺍﻧﻚ ﺗﻮﻓﺮﻱ ﻟﻲ ﻣﺤﺎﺳﻦ ﻭﺍﻭﻻﺩﻫﺎ ﺍﻟﺴﻜﻦ .. ﺍﻧﺎ ﺍﻭﻝ ﻣﺮﺓ ﻓﻲ ﺣﻴﺎﺗﻲ .. ﺍﺳﻤﻊ ﻟﻲ ﺑﻲ ﻣﺮﺍﺓ .. ﻓﻲ ﺑﻴﺖ ﺍﻟﺤﺒﺲ ﺑﺘﺸﺘﻐﻞ ﻭﺗﻌﻴﺶ ﺍﻭﻻﺩﻫﺎ ﺍﻻ ﺍﻧﺘﻲ ..

ﻣﺮﺍﺓ ﺗﺎﻧﻲ ﻗﺎﻟﺖ ﻟﻴﻬﺎ : ﻗﻮﻟﻲ ﻣﺎﺷﺎﺀ ﺍﻟﻠﻪ ﻳﺎﻣﺮﺍﺓ .. ﺧﻼﺹ ﺩﺍﻳﺮﺍﺕ ﺗﻨﺠﻬﻨﻬﺎ ﻭﺗﺸﻴﻠﻨﻬﺎ ﻓﻲ ﺧﺸﻤﻜﻦ ؟

ﺳﺘﻮ ﻗﻌﺖ ﺗﻀﺤﻚ .. ﻗﺎﻟﺖ ﻟﻴﻬﺎ : ﺩﻩ ﻛﻠﻮ ﻣﻦ ﺗﻮﻓﻴﻖ ﺭﺑﻨﺎ .. ﻭﻧﺤﻦ ﻣﺎﺑﻴﺪﻧﺎ ﺣﺎﺟﺔ ..

ﺍﻟﻤﻬﻢ ﻳﺎﺯﻭﻝ ﻓﻄﺮﻥ .. ﻣﺤﺎﺳﻦ ﻭﺳﺘﻮ ﻭﻣﺮﻗﻦ ﻋﻠﻰ ﺍﻫﻠﻦ ..

ﻣﺸﻦ ﺍﻟﺒﻴﺖ .. ﻭﻣﻠﻜﺔ ﻣﺴﺘﻌﺠﻠﺔ ﻋﻠﻰ ﻣﺸﻴﺔ ﺍﻟﺪﻛﺘﻮﺭ .. ﻟﻤﻦ ﺭﺟﻌﻦ ﻟﻘﻨﻬﺎ ﻣﺸﺖ ﺍﺳﺘﺤﻤﺖ ﺑﺮﺍﻫﺎ .. ﻭﻏﻴﺮﺕ ﻭﻟﺒﺴﺖ ﻭﺍﺗﻈﺒﻄﺖ ﻛﻮﻳﺲ ..

ﺍﻭﻝ ﻣﻦ ﺷﺎﻓﻨﻬﺎ ﻛﺪﻱ .. 

ﺳﺘﻮ ﻗﺎﻟﺖ ﻟﻴﻬﺎ : ﻳﺎﻣﺤﺎﺳﻦ ؟ ﺩﻱ ﻣﺎﻻ ﻳﺎﺩﻱ ؟؟ ﻣﺴﺘﻌﺠﻠﺔ ﻛﺪﻱ؟؟ .. ﺍﻟﻌﺠﻠﺔ ﺩﻱ ﻟﻠﺪﻛﺘﻮﺭ؟؟ ﻭﻻ ﻟﻠﺰﻭﻝ ﺍﻟﻤﻮﺻﻠﻜﻢ ؟؟ ﻣﺤﺎﺳﻦ ﻗﻌﺪﺕ ﺗﻀﺤﻚ ﺿﺤﻜﺔ ﻣﻜﺴﻮﻓﺔ ﻻﻧﻬﺎ .. ﻋﺎﺭﻓﺔ ﺍﻧﻮ ﺍﻟﻤﻮﺿﻮﻉ ﺑﺎﻳﻆ .. ﻣﻠﻜﺔ ﻋﺎﻳﺰﺓ ﺗﻐﻴﺮ ﺍﻟﻤﻮﺿﻮﻉ ..

 ﻗﺎﻟﺖ ﻟﻲ ﺍﻣﻬﺎ : ﺍﻟﺤﺒﺸﻴﺔ ﺟﺎﺕ ﻳﺎ ﺍﻣﻲ ﻭﺷﺎﻟﺖ ﺍﻟﻜﺴﺮﺓ ﻭﻛﻠﻤﺘﻬﺎ ﻟﻴﻚ .. 

ﻗﺎﻟﺖ ﻟﻴﻬﺎ : سمح ﺍﻟﺤﻤﺪ ﻟﻠﻪ ﺍﻻﺗﺬﻛﺮﺗﻲ ﺍﻟﻜﻼﻡ ..

ﺍﻟﻤﻬﻢ ﻛﻠﻬﺎ ﺳﺎﻋﺔ .. ﻭﻫﻦ ﺍﻻﺗﻨﻴﻦ ﺟﺎﻫﺰﺍﺕ .. ﻣﻌﺘﺼﻢ ﻭﻗﻒ ﺑﺎﻟﻌﺮﺑﻴﺔ ﺑﺮﺓ .. ﻭﺩﻕ ﺑﻮﺭﻱ .. ﻭﺟﻨﻮ ﺍﻻﺗﻨﻴﻦ ﻃﺎﻟﻌﺎﺕ .. ﻣﺤﺎﺳﻦ ﺩﺍﻳﺮﺓ ﺗﺴﻮﻕ ﻣﻠﻜﺔ ﻭﺗﺘﻜﻠﻬﺎ .. 

ﻣﻠﻜﺔ ﻗﺎﻟﺖ ﻟﻴﻬﺎ :  ﻻﻻ .. ﺑﻤﺸﻲ ﺑﺮﺍﻱ .. ﺍﻧﺘﻲ ﺍﻣﺸﻲ ﻗﺪﺍﻣﻲ ﺍﺣﺴﻦ ﻟﻲ ﺍﻣﺸﻲ ﺑﺮﺍﻱ .. ﻭﺣﺎﻭﻟﺖ ﺑﻘﺪﺭ ﺍﻟﻤﺴﺘﻄﺎﻉ ﺍﻧﻬﺎ ﺗﺼﻠﺢ ﻣﺸﻴﺘﻬﺎ .. ﻛﻮﻳﺲ .. ﻋﺸﺎﻥ ﻣﻌﺘﺼﻢ ﻳﺸﻮﻓﻬﺎ ﻛﻮﻳﺴﺔ ﻭﻛﺪﺍ ﻫﻬﻪ  ﻏﺎﻳﺘﻮ ﺟﻨﺲ ﺣﺎﻟﺔ  !!

ﻣﻌﺘﺼﻢ ﻗﺎﻝ ﻟﻴﻬﻢ : ﺍﺗﻔﻀﻠﻮ ﺍﺗﻔﻀﻠﻮ .. ﺭﻛﺒﺖ ﻣﺤﺎﺳﻦ ﻣﻌﺎﻫﻮ ﻗﺪﺍﻡ .. ﻭﻓﺘﺢ ﺍﻟﺒﺎﺏ ﻟﻲ ﻣﻠﻜﺔ ﺭﻛﺒﺖ ﺑﻲ ﻭﺭﺍ ﻭﻃﻠﻌﻮ ..

 ﻗﺎﻝ ﻟﻴﻬﺎ :  ﺣﻤﺪ ﻟﻠﻪ ﻋﻠﻰ ﺍﻟﺴﻼﻣﺔ ﻳﺎ ﻣﻠﻜﺔ .. ﻣﺎﺷﺎﺀ ﺍﻟﻠﻪ ﻭﺍﻟﻠﻪ ﺑﻘﻴﺘﻲ ﻓﻲ ﺍﺣﺴﻦ ﺣﺎﻟﺔ ..

 ﻗﺎﻟﺖ ﻟﻴﻬﻮ : ﺍﻟﺤﻤﺪ ﻟﻠﻪ .. ﺍﻧﺎ ﺫﺍﺗﻲ ﻣﺎﻗﺎﻳﻠﺔ ﻧﻔﺴﻲ ﺑﺤﻴﺎ .. ﻭﻃﺒﻌﺎ" ﻣﻌﺘﺼﻢ ﻣﺨﻠﻮﻉ .. ﺍﻭﻝ ﻣﺮﺓ ﻳﺮﻛﺰ ﻓﻲ ﺟﻤﺎﻝ ﺍﻟﺒﺖ .. ﻻﻣﻦ ﻭﺻﻞ ﺍﻟﺰﻟﻂ ﻣﺎﻧﺰﻝ ﻋﻴﻨﻮ ﻣﻦ ﺍﻟﻤﺮﺍﻳﺔ .. ﻭﻫﻲ ﺗﺘﺒﺴﻢ ﻭﺧﺠﻼﻧﺔ .. ﻭﻋﻴﻮﻧﻬﺎ ﻓﺎﺿﺤﺎﻫﺎ ..

ﻗﺎﻝ ﻟﻴﻬﻢ : ﻋﻨﺪﻛﻢ ﺩﻛﺘﻮﺭ ﻣﻌﻴﻦ ﻣﺎﺷﻴﻦ ﻋﻠﻴﻬﻮ ؟ .. 

ﻣﺤﺎﺳﻦ ﻗﺎﻟﺖ ﻟﻴﻬﻮ :  ﻧﺤﻦ ﻫﺴﻲ ﺩﺍﻳﺮﻳﻦ ﻧﺴﺄﻟﻚ ﺍﻧﺖ ..

ﻗﺎﻝ ﻟﻴﻬﻢ :  ﻃﻴﺐ .. ﻓﻲ ﺩﻛﺘﻮﺭ ﺑﺸﺘﻐﻞ ﺑﺎﻟﻨﻬﺎﺭ ﻣﻦ 12 ﻟﻲ 4 ﻓﻲ ﺷﺎﺭﻉ ﺍﻟﺪﻛﺎﺗﺮﺓ ﻭﺍﻧﺎ ﺑﻌﺮﻓﻮ .. ﺯﻭﻝ ﺷﺎﻃﺮ ﺟﺪﺍ" .. ﻧﻤﺸﻲ ﻟﻴﻬﻮ .. 

ﻣﺤﺎﺳﻦ ﻗﺎﻟﺖ ﻟﻴﻬﻮ : ﺍﺧﺼﺎﺋﻲ ﺷﻨﻮ؟؟ .. ﻗﺎﻝ ﻟﻴﻬﺎ ﻃﺒﻌﺎ" ﻋﻈﺎﻡ

ﺍﻫﺎ ﻳﺎ ﻣﻠﻜﺔ .. ﺻﺤﺘﻚ ﻭﺍﺧﺒﺎﺭﻙ؟؟ ﻭﺍﺣﻜﻲ ﻟﻴﻨﺎ ﺷﻮﻳﺔ ؟ﻗﺼﺮﻱ ﺍﻟﻤﺸﻮﺍﺭ ..

ﻗﺎﻟﺖ ﻟﻴﻬﻮ : ﺍﻗﻮﻝ ﺷﻨﻮ؟ 

ﻗﺎﻝ ﻟﻴﻬﺎ : ﻗﻮﻟﻲ ﺍﻟﻠﻪ ﻗﺎﺩﺭ ﻋﻠﻰ ﻛﻞ ﺷﻲ ..

 ﻗﺎﻟﺖ ﻟﻴﻬﻮ :  ﺍﻟﻠﻪ ﻗﺎﺭ ﻋﻠﻰ ﻛﻞ ﺷﻲ .. 

ﺍﻟﺘﻼﺗﺔ ﻓﻘﻌﻮﻫﺎ ﺿﺤﻜﺔ ..

 ﻣﺤﺎﺳﻦ ﻗﺎﻟﺖ ﻟﻴﻬﻮ : ﺍﻧﺖ ﻗﺼﺪﻙ ﺷﻨﻮ ﻳﻌﻨﻲ ﻳﺎ ﻣﻌﺘﺼﻢ؟ .. ﻣﺎﺗﺨﻠﻴﻚ ﺻﺮﻳﺢ ﻭﺗﻘﻮﻝ ﺍﻟﻔﻲ ﻗﻠﺒﻚ ..

 ﻗﺎﻝ ﻟﻴﻬﺎ : ﺍﻟﻔﻲ ﺍﻟﻘﻠﺐ ﻣﺮﺍﺕ ﺑﺘﻘﻮﻟﻮ ﺍﻟﻌﻴﻮﻥ .. ﻭﺍﻟﺼﻤﺖ ﻣﺮﺍﺕ ﺍﺑﻠﻎ ﻣﻦ ﺍﻟﻜﻼﻡ ..

ﻣﺤﺎﺳﻦ ﻗﺎﻟﺖ ﻟﻴﻬﺎ : ﻓﻬﻤﺘﻲ ﻳﺎ ﻣﻠﻜﺔ ﻛﻼﻡ ﺍﻟﻮﻟﺪ ﺩﻩ؟؟

ﻗﺎﻟﺖ ﻟﻴﻬﺎ : ﻓﺎﻫﻤﺔ ﻣﺎﻟﻲ ﻣﺎﺑﻔﻬﻢ ..

ﻃﺒﻌﺎ" ﻣﺤﺎﺳﻦ ﺍﺭﺗﺒﻜﺖ ﺟﻮﺍﻫﺎ .. ﺍﺭﺗﺒﺎﻙ ﻏﺮﻳﺐ .. ﺑﺲ ﻣﺎﻇﻬﺮ ﻋﻠﻴﻬﺎ .. ﺑﻘﺖ ﺗﻘﻮﻝ ﻓﻲ ﻧﻔﺴﻬﺎ ﻳﺎﺭﺑﻲ ﻣﻌﺘﺼﻢ ﺩﻩ .. ﻫﻨﺎﻙ ﻳﻘﻮﻝ ﻟﻲ ﺍﻧﺎ ﻣﺮﺗﺒﻂ  بي ﻭﺍﺣﺪﺓ ﺍﺳﻤﻬﺎ ﻭﻓﺎﺀ .. ﻭﻫﺴﻲ ﻳﻘﻮﻝ ﺟﻨﺲ ﻛﻼﻣﻮ ﺩﻩ .. ﻳﻌﻨﻲ ﺍﻧﺎ ﺍﻓﻬﻢ ﺷﻨﻮ؟ ﻭﺍﻟﻠﻪ ﻏﺎﻳﺘﻮ ﺍﻟﺮﺟﺎﻝ ﺩﻳﻞ .. ﺍﺻﻠﻮ ﻣﺎ ﻣﻀﻤﻮﻧﻴﻦ .. ﺍﻟﻮﺍﺣﺪ ﻳﻠﻌﺐ ﻋﻠﻰ ﺳﺘﻴﻦ ﺣﺒﻞ .. ﺍﻟﻠﻪ ﻳﺴﺘﺮ ﻋﻠﻴﻨﺎ ﻭﻋﻠﻲ ﺑﻨﻴﺎﺗﻨﺎ ..

ﻣﻌﺘﺼﻢ ﻗﺎﻝ ﻟﻴﻬﺎ : ﻣﺤﺎﺳﻦ .. ﻣﺎﻟﻚ ﺳﻜﺘﻲ ﻣﺴﺘﻐﺮﺑﺔ ﻓﻲ ﻛﻼﻣﻲ؟؟ .. 

ﻗﺎﻟﺖ ﻟﻴﻬﻮ : ﻭﺍﻟﻠﻪ ﻛﻼﻣﻚ ﻣﺎﻏﺮﻳﺐ ﻋﻠﻴﻜﻢ ﺍﻧﺘﻮ ﻳﺎﺭﺟﺎﻝ ﺍﻟﺰﻣﻦ ..

ﻗﺎﻝ ﻟﻴﻬﺎ : ﺭﺟﺎﻝ ﺍﻟﺰﻣﻦ ﺍﻟﺒﺘﺘﻜﻠﻤﻲ ﻋﻨﻬﻢ ﺩﻳﻞ .. ﻣﻌﺘﺼﻢ ﻣﺎﺯﻳﻬﻢ .. ﻭﺍﻟﻤﺎﻋﺎﺭﻓﻮ ﻳﻘﻮﻝ ﻋﺪﺱ .. 

ﻗﺎﻟﺖ ﻟﻴﻬﻮ : ﺍﻫﺎ ﻭﺭﻳﻨﻲ ﺍﻟﻤﺎﻋﺎﺭﻓﺎﻫﻮ ..

 ﻗﺎﻝ ﻟﻴﻬﺎ :  ﺷﻴﻠﻲ ﺍﻟﺼﺒﺮ ..

ﺍﻫﺎ ﻭﺻﻠﻮ ﺍﻟﺪﻛﺘﻮﺭ .. ﻭﻟﻘﻮﻫﻮ ﻣﻮﺟﻮﺩ .. ﻭﺣﺠﺰﻭ ﺍﻟﻨﻤﺮﺓ ﻭﻗﻌﺪﻭ ﻓﻲ ﺍﻻﻧﺘﻈﺎﺭ .. ﻣﻌﺘﺼﻢ ﻗﻌﺪ ﺑﻌﻴﺪ ﻣﻨﻬﻦ .. ﻭﻃﻠﻊ ﺗﻠﻔﻮﻧﻮ .. ﻭﺷﻐﺎﻝ ﻓﻴﻬﻮ .. ﻗﺎﻣﺖ ﻣﺤﺎﺳﻦ ﺟﺎﺕ ﻗﻌﺪﺕ ﺟﻤﺒﻮ .. 

ﻗﺎﻟﺖ ﻟﻴﻬﻮ : ﺩﺍﺏ ﻣﺎﺟﺎ ﺩﻭﺭﻧﺎ .. ﺍﺣﻜﻲ ﻟﻲ ..

ﻗﺎﻝ ﻟﻴﻬﺎ : ﻭﺍﻟﻠﻪ ﺍﻟﺒﺖ ﺍﻟﻤﻌﺎﻙ ﺩﻱ ﻣﺎﺧﻠﺖ ﻓﻴﻨﻲ ﺑﺎﻝ ..

 ﻗﺎﻟﺖ ﻟﻴﻬﻮ : ﺍﻭﻝ ﺍﻧﺎ ﻣﻦ ﺯﻣﺎﻥ ﺑﻘﻮﻝ ﻟﻴﻚ ﻓﻲ ﺷﻨﻮ؟؟ ﺍﻫﺎ ﻭﺍﻟﻤﺸﻜﻠﺔ ﺍﻧﻚ ﻣﺮﺗﺒﻂ؟؟ .. 

ﻗﺎﻝ ﻟﻴﻬﺎ : ﻓﻲ ﻣﺴﺘﺠﺪﺍﺕ ﻓﻲ ﺍﻟﻤﻮﺿﻮﻉ ﻳﺎﻣﺤﺎﺳﻦ .. ﻭﻓﺎﺀ ﺭﺿﺨﺖ ﻟﻲ ﺿﻐﻮﻃﺎﺕ ﺍﻫﻠﻬﺎ .. ﻭﺍﺗﻐﻴﺮﺕ ﻣﻨﻲ ﺗﻐﻴﻴﺮ ﺷﺪﻳﺪ .. ﻭﺍﺧﺮ ﻛﻼﻡ ﻗﺎﻟﺘﻮ ﻟﻲ .. ﻗﺎﻟﺖ ﻟﻲ : ﺍﻧﺎ ﻣﺎﺑﻘﺪﺭ ﺍﻋﻴﺶ ﻟﻲ ﻣﻊ ﺭﺍﺟﻞ ﻭﺍﺧﺴﺮ ﺍﻫﻠﻲ ..

ﻭﺍﻟﻘﺸﺔ ﺍﻟﻘﺼﻤﺖ ﻇﻬﺮ ﺍﻟﺒﻌﻴﺮ ..

 ﻭﻓﺎﺀ ﻗﺎﻟﺖ ﻟﻲ :  ﺍﻫﻠﻲ ﻗﺎﻟﻮ  ﺍﻧﺖ ﺧﺎﺷﻲ ﻋﻠﻰ ﻃﻤﻊ .. ﻻﻧﻚ ﻣﻮﻇﻒ ﻭﻣﺮﺗﺒﻚ ﻣﺤﺪﻭﺩ .. ﻭﺍﻧﺎ ﻭﺍﺭﺛﺔ ﻋﻘﺎﺭﺍﺕ ..

ﻣﺤﺎﺳﻦ ﻗﺎﻟﺖ ﻟﻴﻬﻮ : ﻭﻓﻌﻼ" ﻫﻲ ﻭﺍﺭﺛﺔ ﻋﻘﺎﺭﺍﺕ؟ .. 

ﻗﺎﻝ ﻟﻴﻬﺎ : ﺍﻳﻮﺓ ﻧﻌﻢ ..

ﻗﺎﻟﺖ ﻟﻴﻬﻮ :  ﻳﺎ ﺍﺧﻮﻱ .. ﺍﻱ ﺯﻭﻝ ﺑﻘﻮﻝ ﺧﺎﺷﻲ ﻋﻠﻰ ﻃﻤﻊ .. ﺍﻟﻤﻮﺿﻮﻉ ﺩﻩ ﺍﺑﻌﺪ ﻣﻨﻮﻳﺎ ﻣﻌﺘﺼﻢ ..

ﻗﺎﻝ ﻟﻴﻬﺎ :  ﺍﺻﻼ" ﺑﻌﺪﺕ ﻣﻨﻮ .. ﻭﻭﻓﺎﺀ ﺫﺍﺗﻬﺎ ﺩﻩ ﺭﺍﻳﻬﺎ .. ﺑﺲ ﻛﻮﻧﻬﺎ ﺗﺘﻐﻴﺮ ﻣﻨﻲ ﻓﺠﺄﺓ ﻛﺪﺍ .. ﺍﻟﻤﻮﺿﻮﻉ ﺩﻩ ﺍﻧﺎ ﻣﺎ ﻣﺮﻳﺤﻨﻲ ﺍﺻﻼ" ..

ﻗﺎﻟﺖ ﻟﻴﻬﻮ : ﻭﺍﻟﻠﻪ ﻳﺎﻣﻌﺘﺼﻢ ﺍﻟﺤﻜﺎﻳﺔ ﺩﻱ ﺣﺼﻠﺖ ﻛﺪﺍ ﻟﻲ ﺧﻴﺮ ﻟﻴﻚ .. ﻭﺭﺑﻨﺎ ﺩﺍﻳﺮ ﻳﻘﺴﻢ ﻟﻴﻚ ﺍﻟﻤﻠﻜﺔ .. ﻭﺍﻟﻠﻪ ﻳﺎﻣﻌﺘﺼﻢ ﺍﻧﺖ ﻟﻮ ﻟﻘﻴﺖ ﺍﻟﻤﻠﻜﺔ ﺩﻱ ﻳﺎﺳﻼﺍﺍﺍﺍﻡ .. ﺃﺳﺎﻟﻨﻲ ﺍﻧﺎ .. ﺑﺖ ﻫﺎﺩﻳﺔ ﻭﻋﺎﻗﻠﺔ ﻭﺣﻨﻴﻨﺔ ﻭﻃﻴﺒﺔ ﻣﺘﻞ ﺍﻻﻳﺪ ﻟﻠﺨﺸﻢ .. ﻭﺍﻧﺖ ﻭﺍﻟﻠﻪ ﻣﺎﺗﺴﺘﺎﻫﻞ ﻣﺮﺍﺓ ﻏﻴﺮ ﻣﻠﻜﺔ ..

ﻗﺎﻝ ﻟﻴﻬﺎ : ﻳﺎﻣﺤﺎﺳﻦ ﻣﺎ ﺗﺨﻠﻴﻨﻲ ﺍﻋﺸﻢ ﺳﺎﻱ .. ﻭﺍﺑﻨﻲ آﻣﺎﻝ ﻣﺎﻳﺎﻫﺎ .. ﺍﻧﺘﻲ ﻣـﺘﺄﻛﺪﺓ ﺍﻧﻮ ﺑﺪﻭﻧﻲ ﻟﻴﻬﺎ ؟؟

ﻗﺎﻟﺖ ﻟﻴﻬﻮ : ﻋﻠﻰ ﻣﺴﺆﻟﻴﺘﻲ ﺍﻧﺎ .. ﺑﺲ ﺍﻧﺖ ﻓﻮﺿﻨﻲ ﻭﺧﻠﻴﻨﻲ ﺍﺟﻴﺐ ﻟﻴﻚ ﺍﻟﻜﻼﻡ ﺍﻟﻤﺆﺳﺲ ..

ﻗﺎﻝ ﻟﻴﻬﺎ : ﻃﻴﺐ .. ﺑﺲ ﺍﻧﺎ ﻟﺴﻪ ﻣﺎ ﻧﻬﻴﺖ ﻣﻮﺿﻮﻋﻲ ﻣﻊ ﻭﻓﺎﺀ ﻣﻴﺔ ﺍﻟﻤﻴﺔ .. ﻟﻜﻦ ﺷﻜﻠﻮ ﻛﺪﺍ ﻣﺎﺷﻲ ﻟﻠﻨﻬﺎﻳﺔ .. ﻭﺩﻩ ﺭﺍﻳﻬﺎ ﻫﻲ ﻃﺒﻌﺎ" ﻭﺍﻧﺎ ﻣﺎﺩﺍﻳﺮ ﺍﻳﺄﺱ ﻭﺍﺑﻴﻌﻬﺎ ﺑﻲ ﺳﺮﻋﺔ ..

ﻗﺎﻟﺖ ﻟﻴﻬﻮ : ﺍﺧﺪ ﺭﺍﺣﺘﻚ .. ﻭﺍﻧﺎ ﻓﻲ ﺭﺟﺎﻙ .. ﻳﻮﻣﻚ ﺍﻟﺘﻘﻮﻝ ﻟﻲ ﺍﺗﻜﻠﻤﻲ ﻣﻌﺎﻫﻢ .. ﺑﺘﻜﻠﻢ ﻣﻌﺎﻫﻢ ﺑﺠﻴﻚ ﺑﺎﻟﻨﺠﻴﻀﺔ ..

ﻗﺎﻝ ﻟﻴﻬﺎ :  ﺍﻫﻮ ﺍﻫﻮ .. ﺩﻩ ﺍﺗﺼﺎﻝ ﻣﻦ ﻭﻓﺎﺀ .. ﺍﻟﻨﺸﻮﻓﻬﺎ ﺩﺍﻳﺮﻩ ﺗﻘﻮﻝ ﺷﻨﻮ؟

             البارت الخامس عشر من هنا 

   لقراءة جميع حلقات القصه من هنا

تعديل المقال