رواية ولنا في الحلال لقاء
الفصل الخامس 5 الجزء الثاني
بقلم منى الهادي
_ سوزان كانت خايفه شديد من ردة فعل سديم بس لازم تقول لها قبل ما يصل لي ابوها كرت الدعوه وخصوصا ابوها بعرف حامد ابو سديم شديد وخاتيهو ضمن المعارف بتاعته في سوق العمل!
_ سديم كانت بتتكلم مع امها قالت لها من المفترض تكون مع بتك يا امي انت عارف انا بحب متوكل شديد
عزه:_ عارفه يا بتي بس انسيه الغلط ما حبابه م تبقي السبب في خراب بيت حلال انا امك وبقول ليك الكلام ده م كويس ولو م بتهمني مصلحتك م كان فتحت خشمي عارفه انك م ابتكوني مبسوطه مع متوكل
سديم:_ العرفك شنو بس يا امي اني ما اكون مبسوطه انا متاكده ما دام مع متوكل بكون مبسوطه وبعدين سمعت اضانك انه ابوي موافق
عزه:_ ابوك عايز يستغلك يا سديم ابوك داير يوسع شغله على حسابك انتي و على حساب سعادتك عشان كده قال موافق علي العايزه تعمليهو ابوك مافي حاجه بتهمه غير شغلو وبس واكبر دليك كلامه القالو السمعتي داك خليك فاهمه وواعيه متوكل بجيك احسن منه بالف مره اصبري عارفه صبرتي سنين كتيره عشانه لكن ربنا ما قاسم ليك تتزوجيه ونحنا م عندنا اعتراض في حكم ربنا
سديم:_ نحن اتكلمنا في الموضوع ده كتير يا امي انا لسه على موقفي متوكل ما بخلي وخلاص قفلي على الموضوع ده لانه انا تعبت منه و من المناقشه فيهو ولو تتكلمي من هنا لبكره لا بقتنع لا العايزه اعملوا بتتنازل عنه كل الفي راسي متوكل وبس وابوي موافق لو ما دايره تساعديني خليك على جنب وشوفي بس الحاجه النتايج
_ عزه صفقت يديها وقالت لها منك العوض وعليه العوض يابتي
_ سديم قالت لها عليك الله ريحيني من الموضوع ده الصداعه ساااي ح يفرطق راسي
*(في الحله)*
ابرار جات داخله بيت ناس سندس سلمت على فاطمه ام سندس و قالت لها سندس وين؟
قالت لها في القطيه جوه ادخلي ليها صحيها كفاها نوم كانت نايمه من قبيل
ابرار مشت علي القطيه فعلاً لقت ابرار نايمه بقت تضرب فيها علي خفيف و تصحى فيها يا سندس يا سندس
نفسي اعرف جايبه الراحه والسلام النفسي ده كلو من وين؟
قومي ياخ خلي اتونس معاك شويه
مافي اي موضوع او اي برنامج ما عندي اي زول غيرك انتي امشي ليهو بعد بنات الحلهه حاربوني امي قاعده هناك في البيت ما عندها اي حاجه غير اشتغلي ارفعي وجيبي عامليني خدامه بس
ومن بت الكلب قاعده في المدينه هناك تلقاها اي حاجه سمحه يجبوها ليها لحدي عندها
_ سندس صحت من النوم وشالت يديها ومسحت بيها وشها وبعدين قالت ليها معليش بس اي حاجه جبتهو انتي وامك بي يدينكم هسه عادي لو كان انتي وامك من البدايه عاملتو منى معامله سمحه م كان ساقت معها خالتي فرح كان ساقتكم معاها أنتو وهسه كان قاعدين معها هناك في المدينه واموركم كلها واضحه
_ يا زوله حصل الحصل م بنجي هسي و نبكي على الماضي بس انا دايره لي طريقه اطلع بيها من الحله دي بي اي طريقه انا عايز اطلع من الحله دي
_ سندس ضحكت قالت ليها اكيد انتي جنيتي كيف يعني تطلعي من البلد دي؟!
قولي لي على سبب واحد بخليك تطلعي من البلد انت لا بتقري و لا عندك زول في المدينه عشان من تمشي تمشي ليهو
شوفي ليك اي حكايه تانيه غير حكايه الطلعه دي لانه انا شايفها شبه مستحيله
حاولي افتحي ليك اي مشروع ان شاء الله اي مشروع في الحلهه دي و استرزق منه بملي ليك وقتك
_ ابرار قالت ليها هوي يا سندس انا احلامي اكبر من البلد دي انا البلد دي ما بتملي عيني فهمتي؟!
انا من زمن صغيره بتمنى اني اطلع من البلد دي وبعد ما منى طلعت خلاص كبرت في راسي اكتر واكتر وعايز اطلع من البلد وامشي المدينه وافتش علي منى وانتقم منهاا عشان شالت خطيبي منى
*(في القصر)*
منى نزلت من السلم وهي مبسوطه و بتغني و بتقول اخيرآ ح البس الزفاف!
مشت قعدت جمب فرح و قالت لها انا مبسوطه شديد يا خالتي فرح معقول افتكرت انه عم محمد خلاص يقول الحكايه انتهت على كدا
م تتخيلي انا مبسوطه كيف؟!
بس انا متوتر شديد بواجهه الناس ديل كلهم كيف؟!
اكيد الناس البكون عازمهم عم محمد من افضل واكبر الناس اللي في البلد دي انا لازم اطلع شكلي حلو قدامهم عشان يقول ومتوكل عزل مره سمحه
فرح قالت لها سماحتك يا اختي ما دايره اتنين يتكلمو وفيها ومتوكل م شايف غيرك بدليل وقف قدام اموه و اخته و حبوبته واثقه انك ح تبقي احلى عروسه فيك يادنيا!!!!
منى قالت ليها والله طمنتيني يا خاله بس برضو عايزه اكون اسمح وحده في الحفله 😍
_ منى كانت سرحانه ومبتسمه فجاه اتلفتت لقت عيون فرح مدمعه قالت لها خير يا خالتي فرح بلهفه مالك ؟🥺😳💔
معقول اكون انا زعلتك في حاجه والله اسفه ما كان قصدي ومن برضو عيونها رغرغت 🥺
فرح قالت لها حاشاك انتي ما بتزعلني والله بنت اصول ومن يوم امك جابتك وعرفتني م سمعتني حاجع كعبه 🥺
بس انتي عارفه يا منى بعتبرك بتي ال م جابتها بطني الله يديك يا بنتي على قدر نيتك الله ويسعدك ان شاء الله في حياتك وانا خالتك فرح دي دايما جنبك وباقيه ليك في راسك ولو زول فكر يتصدي ليك بلقاني انا درع بينك وبينو
انتي بتي يا منى
وعايزه اقوليك العرس م فستان و حفله العرس في داير صبر لحدي م حياتك تستقر
انا يمني ولا قاعده سااااي زيادة عدد انا قاعده فى البيت في اليومين الفاتو ديل عرفتا حاجات كتيره
عرفته انه زينب وسوزان وامل م بخلوك في في حالك لأنهم هم م دايرنك لي ولدهم ولا بي اي شكل من الأشكال
وشكلهم مخططين ليك علي حاجه عشان كدا دايرك تخلي بالك منهم
وتعملي حسابك منهم مليون في الميه
وانا من اتجاهي بشوف لو في حاجه دايره تحصل في حقك بوقفها انا ما داير اخوفك ولا اكرهك فيهم بس اعملي منهم حسابك
عارفه انه متوكل ما بخليك ليهم بس انتي كمان ما تتكلي اي حاجه على متوكل
ساعديه من جانبك
خلي حركات الهزل دي من جانبك و اتعاملي مع الموضوع بجديه و خلي حركات الهزل اللي بتعمل فيها دي خليك زوله ماليه مركزك 100% ما تخلي زول يلقي فيك فضي او ثغره عشان يدخل في علاقتكم انتي ومتوكل من خلالها
منى قالت ليها حاضر يا امي 😭😍💜
فرح بقت تبكي و قالت ليها انتي قلت لي يا امي؟! 😭
منى قالت ليها امي واحسن أم في الدنيا😍
اصلآ امي لو كانت عايشه ما كان بقت لي افضل منك لو تسمحي لي من اليوم بناديك بي امي 😭
امي ال بحبها امي الوقفت جنبي حتى في اصعب الظروف وحاحت عني الوجع
مفترض كل ام تتنادي فرح 😍🥺
فرحت حضنتها شديد قالت ليها انا مبسوطه شديد انك ناديتي لي امي بالعكس مفروض اي بت تكون مني 🥺😍
انتي عارفه يا منى عمري م اتمنيت اسمع الكلمه دي غير منك 🥺
منى مسحت دموعها وقالت ليها خلاص م بتسمعيني بقولها غير ليك تاني 🥺😍
*(في البلد)*
سندس بقت تضحك على ابرار هههههههه تمشي وين قلتي لي و تنتقم من منو؟!
انت قايله منى دي بس قاعده في الموقف ومن تمشي كده تمسكيها وتنتقمي منها؟!
وم تنسي ديك مدينه لا فيها بيت لا بيتين لا ميه ولا حتي ألف يعني م زي بلدنا 🙄
وبعدين تعالي هنا حكايات خطيبك دي شنو يختي متوكل م خطيبك ولا قال داير يخطبك وكلنا عارفين متوكل من البدايه شاف منى وعجبتو وعرسها
عشان كدا يا اختي خلي حركات الهنودي واقعد في مكانك وخلي البت تتهني في حياتها
البت من قاعده معكم هنا من صغيره ما شافت يوم حلو معاكم وكلمة الحق انا بقولها والقاعدين في البلد ديل كلهم عارفين كيف كنتو مكرهين البت عيشتها 😔
ما دام نصيبه ودها لي حاجه حلوه خليها تتهنى وبطلي حركات الحقد والغل الانتي فيهو ده خلي البت تاخد نصيبها من السعاده في الدنيا
ابرار قالت لا يعني تاخذ نصيبه من السعاده على حسابي ما انا الفي زول يقدر يعلم علي ويمشي بدون ما انتقم منه
وبعدين تعالي هنا اسره محمد دي اكبر واشهر اسره في الخرطوم يعني عايزه تقنعيني أنه هناك ما في زول بعرفهم
؟!
او مافي زول يقدر يوصلني ليهم
؟!
انا لو داير حاجه بعملها ودي م حركات هنود لكن الزول لو عايز ينتقم بعرف ينتقم كيف؟!
سندس قالت لها هو طلعيني انا من الحكايه دي بعيد انا زوله مسالمه وم بحب المشاكل ولا بسافر المداين
وانا المهم وريتك و نصحتك تاني دي حاجه بترجع ليك انتي
و كلامي ليك ونصيحه مني ليك برضو طلعي الحكايه دي من راسك و شوفي ليك اي مشروع في الحله دي افتحيهو وخلي امور الوهم الفي راسك دي ولو ربنا رايض ببعت ليك نصيبك البطلعك انتي ذاتك من الحله دي وبوديك المدينه وتسعدي وتتهني هناك
ابرار قامت وقفت وعدلت التوب وقالت ليها انا هسه ما عندي رد على كلامك ده ولا دايره مشاكل معاك عشان ما عندي نفس لي حاجه بس لو ما طلعت من الحله دي م يبقي اسمي ابرار عاجلا او اجلا بطلع منها دا كلام خليها فاكره
وطلعت خلتها
سندس بقت تنادي ليها
ابرار
يا ابرار
م ردت ليها قالت دي مجنونه وموهومه ساي شكلها مشيت منى المدينه دي جننتها احسن لي ارجع انوم من وجع الراس ده 🙂
سديم كانت قاعده جمب امها و اي واحده صاره من التانيه
سديم كانت ماسكه التلفون في يدها دخلت ليها سوزان بي مكالمه سديم فتحت الخط وقعدت تتكلم معها سوزان قالت ليها داير اقول ليك حاجه بس ما دايرك تزعل تمام واعرفي كل حاجه نحنا بنحلها مع بعض
سديم قالت ليها خير الحاصل شنو قولي لي انتي كده بتقلقيني اكتر
سوزان قالت لها صراحه ابوي قرر انه بعد بكره يعمل زفاف لي متوكل ومنى وعازم اكبر الشخصيات وكرت الدعوه هسي بكون وصل لي ابوك
سديم:_ شنو كيف يعني يعمل ليهم زفاف ابوك مش كمل ليهم العرس في الحلهه ديك؟!
شفتي انا عارف الحكايه من البدايه م ابتنفع بس انتي مسكتيني فيها
بس والله لو موضوعي انا ومتوكل م ظبط اي نعم انتي صاحبتي واي شيء لكن لو الحكايه دي ما نجحت و الله انتقم منكم كلكم و انت عارفه اني انا ما بحلف علي الفاضي
سوزان:_ بسم الله يا اختي الموضوع زي م وعدتك لكن هسه خليها تتزف وتفرح ليها يومين وتحس انها بقت ملكه البيت عشان بعدين وقعتها تكون احره انا في تار بيني وبين البت دي عشان كده م تشيلي هم !!!
بس دايراك بعد بكره تلبسي احلى فستان عندك و احلى مكياج عشان تطلعي احلى وحده في الصاله وبعدين بسوقك وبقيف بيك قدام متوكل ومنى واغيظ بيك متوكل واخلي يندم انو م سمع كلامنا
سديم:_ سمح خليني وراك انتي واخوك لما اشوف نهايتكم شنو؟!
_ منى كانت قاعده مع فرح كانوا يتونسو و يضحكو لحد ما جاء متوكل نازل من فوق وخاتي يدينه بورا لي ضهروو وبتبسم 🤭☺️
منى قالت لي بسم الله مالك عامل كده وتضحك زي الكضاب قال ليها تعالي فوق عندي ليك مفاجاه.......!
*رغبتي فيك حقيقية جداً ،*
*لم أكُن تحت تأثير أُغنية ،*
*نظرة أو ما شابه ،*
*أنا أُدرك وأَعيّ بأني أُريدك ،*
*بطريقة أعمَق ممّا أظنْ وتظنْ.*