رواية ولنا في الحلال لقاء
الفصل السادس 6 الجزء الثاني
بقلم منى الهادي
_منى بقت تبتسم مع متوكل قالت لي بسم الله مالك بتتبسم كده بتخليني اضحك معاك يااااخ 😂
قول لي فوق في شنو؟!
م تكون عايز تتخلص مني بس؟! 😂💔
متوكل:_بس يابت يا عبيطه في زول بتخلص من روحوو؟! 😍
منى بقت تتبسم وتاني طلعت معاه من سكات بس حابه شديد تشوف متوكل عايز منها فوق شنو؟! ☺️
_زينب كانت بتتكلم مع امل
قالت ليها والله م عندي نفس امشي اي صاله ولا عندي نفس لي العرس ده من الأساس!
امل:_بلعكس ياعمتي انتي لازم تمشي عشان ولدك م يلقي فيك فرصه وانتي عارفه محمد لو قام م بعرف دا كدا ولا دا كده
زينب:_هي والله دا حكم يا اهلنا الزول يعني م ليهو حتي القرار يختار المكانات الداير يمشي ليها او م يمشي؟!
امل:_لا عندو بس في الحكايه دي نحنا لازم نكون موجودين في المكانات الفيها البت دي ونتابعها وين م مشت لحدي م نلقي فيها ثغره وبعدين نضرب ضربتنا القاضيه
زينب:_سمح النشوف بحصل شنو في حكايتنا دي
*(في بيت ناس سديم)*
بعد الكلام السمعتيهو من سوزان ده كلو لسه مصره علي قرارك وكمان ح تسمعي كلامه وتمشي تشتري ليك فستان عشان تحضري بي العرس؟!
سديم:_اي مصره يا امي وكمان ح امشي اتمكيج في احسن كوفير في البلد رايك شنو بكره تجي معاي تعزلي ليك توب وتمشي معاي الكوفير بعد بكره تعملي ليك مكياج ونمشي علي الصاله من هناك
عزة:_هوي يابت طلعيني انا من الحكايه دي عندي توبي جديد بلبسو وم دايره ليك مكياج بمشي الصاله من هنا وانا ماشه بس عشان اشوف البت البتقال عليها منى دي الوقفتكم كلكم علي رجل وحده متوكل ومحمد بحبها وانتي وزينب وسديم وامل بالكره
_حامد جاء داخل ومد لي سديم ظرف قال ليها الظرف دا فيهو قروش اكتر من الطلبتيها يله ظبطي نفسك آخر حلاوه وامك المخرفه دي م تشتغلي بيها عشان عايزه تخرب علي وعليك اصلآ هي م بتحبنا نحنا الاتنين ولا بتتمنا لينا الخير وإلا كان وقفت معانا انتي اتزوجتي الولد الدايره وانا اقدر اضرب ضربه حلوه في شغلي واموري تظبط اكتر من كده ومالو البحر بحب الزياده
سديم نطتت وقامت حضنت ابوها وقالت لي شكراً يا ابوي انت احسن اب في الدنيا دي كلهاا
قال ليها وانتي احسن سديم فيك يادنيا امك دي عامله وشيشها الايامات دي م تقعدي معاها كتير لأنها بتحاول تغير ليك نظرك وتعمل ليك صداع بي المواعظ بتاعتها دي وهي م عارفه أنه الحياه بقت ماشي بي التخطيط والترتيب مش الطيبه بتاعتها دي
والله لو بقت علي طيبتها دي كان حالنا بنشحد او شغل اليوم بيوم وكان هسي انتي في جامعه حكوميه وحاجه م عندك لو لا انا استخدمت عقلي وعرفتا ابني نفسي من الصفر وكلووو من العقل دا
عزة:_مفتخر بي قروش النصهااا حرام دي يعني؟!
حامد:_حرام حلال انتي لاقياهم يعني وبعدين لو حرام وانتي ماشاء الله الشريف الرضي م تهبشيهم تاني عليك الله
عزة:_هي روق ساااااي
عندي سنين م بشيل منك حاجه وعايشه علي مرتبي والميراث الخلي لي ابوي برغم من انك لهفت نصه
حامد:_هوي احسن ليك تسكتي يا وليه م كل م اجي اتكلم مع بتي تحشري نفسك والله م يحصل ليك طيب انا مستحملك بس عشان البت دي
سديم:_يااااااااخ خلاص عليكم الله يااااخ م مممكن معاكم
نفسي نتلاقوا وم تتشاكلو المناقره دي الشفع خلوها يااخ خلونا نعيش بسلام ك اسره
عزة:_طيب لمن عايزانا نعيش بي سلام ليه عايزه تسلبي من منى سلامهه؟!
سديم شالت الظرف وطلعت وشوحت بي يدها عليكم الله اعملو العايزنو وم تعملو لي حساب انا زاتي زهجت من مشاكلكم ال م بتنتهي من زمن كنتا صغيره نحنا في الموال ده
عاجبك كده ياوليه يومي البت زعلانه بي سببك الله لا كسبك خير ياااااخ
عزة:_الله م كسب الخير لي الناس الماشه في البطال انا مالي ربنا بكون غضبان علي مدام بمشي بي البرضيهو بس الباقي عليك وعلي بتك بي البتدخلو ليها في راسه ده بس انا وراك والزمن طويل
حامد قال ليها انتي مره مجنونه سااااي ومشي وخلها!
_ وصلنا الغرفه انا بعاين لي متوكل و متوكل بعاين لي ويتبسم فتحنا الباب ودخلنا ما شايفه اي مفاجاه قلت ليهو متوكل انت هسي م قلتا لي في مفاجأة في الغرفه فوق بس انا هسي م شايفه اي شئ
متوكل قال لي تعالي تعالي بس 😂
_ دقيقه هوي يا متوكل اجي وين وريني انت جايبنيمن برا عشان شنو؟! ما تخلي مخي يمشي شمال بس 😂💔
_ متوكل قعد يضحك بي طول صوته قال لي انتي اقسم بالله زول لو عايز يصفي النيه م بتخليهو 😂 ياااااخ والله م داير منك حاجه بس تعالي اقعدي داير اعلمك الرقيص
_ قلت لي شنو؟
تعلمني الرقيص؟
هو القال ليك انا ما بعرف ارقص؟
بس والله كان شفتني في البلد في اغاني الجهاز دي بهج هجيج 😂😂😂
متوكل ههه طيب يا زوله م مشكله خلي العرس يخلص واجيب ليك مسجل وغني وارقصي على كيفك ووريني هناك في البلد كنتي بترقصي كيف؟!
بس هسي لازم اعلمك على اغنيه اجنبيه كيف نرقص لأنو دي الاغنيه ال ح ندخل بيها الصاله ☺️😍🌺
وانا عايزك اليوم داك م يكون ناقصك شئ تكوني كامله ومكمله من جميع النواحي مع انك كامله ماشاء الله م اسحرك ساااي يا مرتي السمحه 😂
_ قلت ليهو بحماس انا موافقه انك تعلمني عشان ابقي كامله ومكمله 😍
_طيب ياستي قومي اقيفي!
قمتا وقفتا؛
فتح تلفونه وجاب الأغنيه العايزين نرقص فيها شكلها اغنيه أجنبية ولا هي فعلآ كده
المهم كانت بي الانجليزي وم كنتا فاهمه منها حاجه بس الموسيقي حلوه شديد بتخليك تتمايل معاها 😂
(صراحه مفتكره بنكون متقابلين يعني قريبين من بعض كده بس م بنصل بعض لي النهايه بس اتفاجئت لمن متوكل قرب مني😍😂)
يااااخ اقسم بالله متوكل دا فيهو سمحه وفهم وذوق انا بحسد نفسي عليهو والله عديل 😂
المهم كل م يقرب خطوه بفقد دقه من دقات قلبي لحدي م وصلني بي المره
قلتا ليهو يا متوكل دا رقيص شنو؟!
الاغنيه دي برقصو فيها كده يعني 😂
واااااااااااي انا بخجل قدام الناس ديل كلهم والله
قال لي لا م عايزك تخجلي دا يوم فرحك عايزاك تخلينا نعز نفسنا شديد وبعدين عشان انا عارفك اولا بتخجلي وثانيا م بتعرفي ترقصي اخترت جزو بسيط بس وهسي ح تتعلميهو ونعيدو وخلاص الموضوع خلص وبطريقه دي حتي هناك م بنرقص قدام الناس كتير وكلو عشان خاطر عيونك اتفقنا؟!
قلتا لي طيب ياسيدي
قال لي ظريف وعشان عيونك ح تتغني كم اغنيه سيره تقدري تهجي فيهم زي م قلتي 😂😂😂
منى خجلت ووطت راسها
متوكل استغل الفرصه وقرب عليها ومسكها من خصرها وختي يديها في كتفو وبقي يتحرك مع الموسيقي وهم غرقانين في عيون بعض 🙈
*في عينيها بريق يخبرني أن لا خلاص منها لي الأبد 💜😘*
(اوعدنا يارب 😂)
_فعلآ الاغنيه م طويله زي م متوكل قال لي وعدنا الموضوع مرتين وتلاته وواحد فينا كان بتكلم مافي 🙈😂
لحدي م متوكل قال لي خلاص خلصنا بس شكلو وشي عجبك بدليل انك سرحانه من كم دقيقه😂😂😂😂
قلتا لي حيوان فكني ذاتك وبعدين انت الجيت تعلمني الرقيص يا سيدي
متوكل:_اتعلمنا وانتهينا وانتي لسه ماسكه فيني 😂
متوكل اقسم بالله انت الماسكني حتي شوف يديني هااا (ورفعتهم لي في وشووو 😂)
متوكل:_مالك متوتره كده هو انا حد غريب؟!
منى:_خلاص فكني سامعه امي بتنادي لي
متوكل:_امك؟!
منى:_اي فرح امي المره دي خاطرت عشاني كتير وهي م عندها زول زيي والزيي بعد شبه بعض وانا م بلقي أم احسن منها 🥺
متوكل باسها في خدها 😘
انتي عارفه اني فخور بيك جداًجداً جدآ ولو كان م مشيت البلد ديك وشفتك ح اكون ندمان طول عمري
منى دقات قلبها زادت م عارفه جابت القوه من وين اتفكت منو وجرت 😂
مشت غرفه امها وهي لمن بتنهك فتحت الباب ودخلت 😂
*_(في البلد)*
فاطمه كانت بتتكلم مع سندس بتهااا وقالت ليها شوفي يا بت انا من يوم الليله م دايره البت الاسمها ابرار دي تجيك هنا ولا تمشي ليها او معاها
و زي م بنات الحله كلهن قطعن علاقتهن معاها انتي ذاتك تقطعي علاقتك بيها من جميع النواحي؛
ما شفتيها مع بت خالتها اللهي بت خالتها عملت معاها شنو لو م كان لطف ربنا ومنى طلعت نبيها هسي كان مع امها وابوها تحت التراب وصيتي وكلامي ليكي دا احسن تسمعيهو
سندس قالت ليها زاتي بعد السمعتو منهها الليله دي تاني ما دايره معاها ايه علاقه اتخيلي قالت دايره تمشى المدينه وتفتش علي منى وتنتقم منها عشان شالت خطيبها هو اي يوم متوكل خطبها؟!
فاطمه قالت لها انا مش قلت ليكي؟!
هي البت لمن ربنا خلاص عايز يريحها هي برضو م رضيانه وعايزه تطير لي هناك تخرب ليها علاقتها؟!
المهم م علينا خلينا بعدين من الحكايه دي كلها وانتي خليك بعيده تمام؟؛
سندس ردت ليها بدون شك يا امي.
*(عند فرح)*
بدور اقول ليك يا منى اني مفكره ارجع البلد بعد زفافك خلاص
منى بقت تعاين ليها كده 😳😳😳😳😳
فرح:_م تعايني لي بي طريقتك دي انا عملتا العلي خلاص وطال الزمن او قصر لازم ارجع لي بيتي بعد اسلمك لي راجلك
منى عيونها رقرقت ده كلام شنو ده يا امي 🥺
قبيل كلامك م كان كده الزعلك منو وخلاك تغيري رايك انك تمشي مش قلتي لي إلا كان تموتي لكن م بتخليني براااااي؟!
وبعدين شوف عينك مافي وحده في البيت ده بتحبني وكلهم كارهني كره العمي تفتكري لمن يلقوني براي بعملوو فيني شنو؟!
انا بتقوي بيك يا امي 😭💔
وبعدين في امي بتخلي بيت بتها وبتقول م بيتها وتمشي انا مستحيل اخليك تمشي وتسيبيني مصيري بقي مربوط بيك ولو ماشه خلاص سوقيني معاك م بقعد براي مع العقارب ديل 🥺💔
فرح:_اسوق وين يابت زفافك بعد بكره انتي جنيتي خايف؟!
منى:_مش انتي م دايره تقعدي خلاص انا اخدت قراري بمشي معاك بمشي معاك
فرح:_هوي يا منى الحكايه م لعب عيال انتي خلاص بقيتي مره ومتزوجه لازم تبقي مسؤله
منى:_لا انا طفله لو عندت في حاجه ببقي زي الطفله وانتي عارفه يا تقعدي معاي يا تسوقيني معاك
فرح حضنتها وقالت ليها خلاص بقعد معاك يا مجنونه
وهي رافضه تمامآ تحكي لي منى الحصل معاها وخلها تغيير رايه وتقول ماشه شنو بس خافت تزيد الحكايه علي منى وتخليها تقلق زياده قالت انا وعدتها اقيف معاها يبقي مهما حصل ح اوفي بي وعدي وم مهم الحصل ساااي اتسرعت وخوفت البت 🥺
منى نامت في حضنها وقالت ليها اوعي تفكري تخليني تاني يا امي 😭💔
فرح:_م بخليك يحبيبتي م تخافي وبقت تتكلم معاها وتوصي فيها ومنى بتسمع كلامها خيال خيال لكن كانت متأكده في حاجه خلت امها تصل لي القرار دا وهي لازم تعرف الحصل!
_ابرار كانت ماشه في البلد ووشها بوحي قدر شنو هي قرفانه من البلد دي ومن كل ناسها لحدي م جات ماشه بي دكان يونس بس وقتها خطرت علي بالها فكره وقالت لازم تنفذها ويارب تنجح.....
*"أنظر إليك، فيُرعبنيّ حجم العاطفة التي أحملها،*
*يُرعبني التفكير فيما قد أفعله من أجلك".*
لقراءة جميع فصول الرواية من هنا